1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
407/2012 EBAZPENA, ekainaren 25ekoa, Hezkuntzaren, Lanbide Heziketaren eta Unibertsitateen zuzendari nagusiak emana, Hezkuntza Bereziko beka eta laguntzen 2011-2012 ikasturterako deialdia behin-behinekoz ebazten duena.
Aukera Berdintasunaren, Hezkuntzako Parte-hartzearen eta Irakasleentzako Arretaren Zerbitzuak aurkeztu duen txostenean proposatu du behin-behinekoz ebatz dadila Hezkuntza Bereziko beka eta laguntzen 2011-2012 ikasturterako deialdia, Hezkuntzaren, Lanbide Heziketaren eta Unibertsitateen zuzendari nagusiak otsailaren 8an emandako 29/2012 Ebazpenaren bidez onetsi eta otsailaren 23ko Nafarroako Aldizkari Ofizialean argitaratu zena. Emandako eta ukatutako beken proposamena erantsi du.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,
EBATZI DUT:
1. Hezkuntzaren, Lanbide Heziketaren eta Unibertsitateen zuzendari nagusiak otsailaren 8an emandako 29/2012 Ebazpenaren bidez onetsitako deialdiaren babesean eman eta ukatutako beka eta laguntzen behin-behineko zerrenda onestea. Ebazpen honen eranskinean dago.
2. Eman eta ukatutako beka eta laguntzen zerrenda interesdunen eskura egonen da Hezkuntza Departamentuko Aukera Berdintasunaren, Hezkuntzako Parte-hartzearen eta Irakasleentzako Arretaren Zerbitzuan eta Hezkuntza Departamentuko web orrian, zerbitzuen katalogoaren bidez. Eskatzaileak eskolaturik dauden ikastetxeei ere jakinaraziko zaie. Orobat, emandako eta ukatutako laguntzen behin-behineko zerrenda posta arruntaren bidez jakinaraziko zaie eskatzaile guztiei.
3. Interesdunek behin-behineko ebazpenaren aurkako alegazioak aurkezten ahalko dituzte, ebazpen hau Nafarroako Aldizkari Ofizialean argitaratu eta biharamunetik hogei egun naturaleko epean.
4. 183.861 euroko gastua xedatzea, 2012ko gastuen aurrekontuko "Hezkuntza Berezirako bekak eta laguntzak" izeneko 423001 42210 4809 322400 kontu-sailaren kargura. (40000320 kontabilitate espedientea).
5. Ebazpen hau eta eranskina igortzea Ekonomia eta Ogasun Departamentuak Hezkuntza Departamentuan duen kontu-hartzaile delegatuari, Aukera Berdintasunaren, Hezkuntzako Parte-hartzearen eta Irakasleentzako Arretaren Zerbitzuari, Hezkuntza Laguntzako Premia Berezien Arretarako Atalari, Kudeaketa Ekonomikoaren Bulegoari, Berariazko Programen Bulegoari, Eskola Orientabiderako Bulegoari, Argibide eta Agiri Bulegoari eta Nafarroako Hezkuntza Bereziko Baliabide Zentroko zuzendariari, behar diren ondorioak izan ditzaten.
Iruñean, 2012ko ekainaren 25ean.–Hezkuntzaren, Lanbide Heziketaren eta Unibertsitateen zuzendari nagusia, David Herreros Sota.
Iragarkiaren kodea: F1209816
