1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
763/2010 EBAZPENA, maiatzaren 20koa, Nafarroako Unibertsitate Publikoko errektoreak emana, Héctor Ortiz Hurtado jauna unibertsitateko katedradun izendatzen duena "Kirurgia" jakintza-arloan.
Ikusirik martxoaren 10eko 388/2010 Ebazpena (martxoaren 19ko E.A.O.), unibertsitate irakaskidegoetako lanpostuak betetzeko lehiaketarako deia egin zuena.
Ikusirik lehiaketa epaitu duen Batzordeak 2010eko maiatzaren 17an egindako proposamena, "Kirurgia" jakintza-arloko unibertsitateko katedradun izateko lanpostua, 4070 kodeduna eta Osasun Zientzien Sailari atxikia, betetzeari buruz, eta interesdunak aurkeztu duenez deialdiaren hamargarren oinarrian aipatzen den dokumentazioa.
Aurrekoagatik guztiagatik, eta apirilaren 12ko 4/2007 Lege Organikoak aldatutako Unibertsitateei buruzko abenduaren 21eko 6/2001 Legearen 65. artikuluan, eta Estatutuen 40. artikuluan esleituta dauzkadan eskumenak betez,
EBATZI DUT:
Lehena.-Héctor Ortiz Hurtado jauna Nafarroako Unibertsitate Publikoko unibertsitateko katedradun izendatzea. Lanpostua "Kirurgia" jakintza-arlokoa da, 4070 kodea du, eta Osasun Zientzien Sailari atxikitzen zaio.
Bigarrena.-Gehienez ere 20 egun balioduneko epean, izendapena "Estatuko Aldizkari Ofizialean" argitaratzen den egunaren biharamunetik kontatzen hasita, hartu beharko du lanpostuaren jabetza proposaturiko izangaiak, eta orduan ere hartuko du dagokion unibertsitate-irakaskidegoko funtzionarioaren izaera, horrek dakartzan eskubide eta betebeharrekin.
Hirugarrena.-Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka, aukeran, berraztertzeko errekurtsoa aurkez daiteke errektoreari zuzenduta, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2010eko maiatzaren 20an.-Errektorea, Julio Lafuente López.
Iragarkiaren kodea: F1009539
