1. NAFARROAKO FORU KOMUNITATEA
1.7. BESTELAKOAK
BERRIKUNTZA, ENPRESA ETA ENPLEGU DEPARTAMENTUA. Jendaurreko informazioa, gas naturaleko instalazioen proiektuaren eskaera honi buruzkoa: "Videcart, S.A. hornitzeko adarra", Eguesibarko (Nafarroa) udal mugapean.
Hidrokarburoen Sektoreari buruzko urriaren 7ko 34/1998 Legearen 73.4. artikuluan (uztailaren 2ko 12/2007 Legearen bidez aldatu zen lege hura), Nahitaezko Desjabetzeari buruzko Legearen 17. artikuluan eta horren Erregelamenduaren 56. artikuluan aurreikusitakoari jarraikiz, obrak egiteko administrazio baimena emateko eta onura publikoa deklaratzeko eskaera hau jarri da jendaurrean:
Eskatzailea: Gas Natural Distribución SDG, S.A. Helbidea: Estación, 4; 47004 Valladolid.
Eskaeraren xedea: proiektuko instalazioak egiteko administrazio baimena ematea eta onura publikoa deklaratzea.
Instalazioen deskribapena: egin beharreko adarrak altzairuzko eta DN 4"-ko hodian du abiapuntua: Onena Bolsas de Papel, S.A. industria hornitzeko adarra, G03.02 kokalekutik gertu, Ibirikun, Eguesibarko udal mugapean. DN 4x4"-ko karga-hartuneko Te baten bidez eginen da konexioa. Hortik aterako da altzairuzko eta DN 4"-ko adar berria, eta NA-150 errepideraino helduko da. Errepidea zulaketa horizontal bidez zeharkatuko du eta horrekiko eta NA-2377 errepidearekiko paralelo joanen da Videcart, S.A. industriaren sarbidera heldu arte. Puntu horretatik bide horrekiko paralelo joanen da, industriaren ezkerraldeko hartunera bitarte.
Adarrak, osotara, 587 metroko luzera izanen du, gutxi gorabehera. Erabiliko den materiala karbono-altzairua izanen da, muga elastiko handikoa, UNE-EN 10208-2 arauari jarraikiz fabrikatua (L 245 gr. kalitatea, 4''-ko diametroa).
Aurrekontua: 160.193 euro.
Lanak egiteko epea: instalazioa, obrak hasita, 2 hilabeteko epean eginen dela kalkulatu da.
Finken gaineko ukipenak: proiektuarekin batera trazadura planoak, lurzatien planoak eta ukitutako ondasun eta eskubideen banakako zerrenda zehaztua aurkeztu dira. Zerrenda bukaeran azaltzen da.
Aditzera ematen da, orok jakin dezan. Espedientea Energiaren, Meatzaritzaren, Telekomunikazioen eta Industria Segurtasunaren Zerbitzuan aztertzen ahalko da (Iruñeko Tomás Caballero Parkea, 1-5. solairua). Han berean interesdunek egokiak iruditzen zaizkien alegazioak aurkezten ahalko dituzte, hiru kopiatan, iragarki hau Nafarroako Aldizkari Ofizialean argitara eman eta biharamunetik hasita 20 eguneko epean.
Iruñean, 2010eko maiatzaren 4an.-Energiaren, Meatzaritzaren, Telekomunikazioen eta Industria Segurtasunaren Zerbitzuko zuzendaria, Iñaki Morcillo Irastorza.
Videcart, S.A. gas naturalarekin hornitzeko adarra, Eguesibarko (Nafarroa) udal mugapean Ukitutako ondasun eta eskubideen zerrenda |
FINKAREN KOD. | TITULARRAK | UKIPENAK | KATASTROKO DATUAK |
T. | ZORT. | ALDI BAT. OKUP. | BALBULAK | POL. | LURZ. | LUR MOTA |
m.l. | m² | m² | Un. | m² |
Eguesibarko udal mugapea (Ibiriku) |
IB-01 | Gregorio Jiménez Eslava San Juan, 5 31486 Ibiriku Eguesibar (Nafarroa) | GS | 150 | 450 | 1.585 | 1 | 4 | 6 | 166 | Lehorreko alorra |
IB-02 | Nafarroako Foru Komunitatea (errepideak) San Ignazio etorbidea, 3. 31002 Iruña (Nafarroa) | GS | 25 | 75 | 0 | 0 | 0 | - | - | Iruña-Agoitz-Irunberri errepidea |
IB-03 | Francisco Lecumberri Lecumberri Joaquín Lecumberri Lecumberri Juan Jesús Lecumberri Lecumberri Margarita Lecumberri Lecumberri Marino Lecumberri Lecumberri San Martín, 11 31486 Azpa (Nafarroa) | GS | 76 | 228 | 856 | 0 | 0 | 6 | 164 | Lehorreko alorra |
IB-04 | Juan Mendilazo Larrea San Juan, 4 31486 Ibiriku Eguesibar (Nafarroa) | GS | 328 | 984 | 3.295 | 0 | 0 | 6 | 165 | Lehorreko alorra |
IB-05 | Videcart, S.A. Agoizko errepidea zk.g. 31486 Ibiriku Eguesibar (Nafarroa) | GS | 6 | 18 | 60 | 0 | 0 | 6 | 57 | Errepide partikularra |
IB-06 | Francisco Javier Jiménez Mendioroz Erripetako ingurubidea, 31 31600 Burlata (Nafarroa) José Antonio Jiménez Mendioroz San Juan, 10 31486 Ibiriku Eguesibar (Nafarroa) M.ª Teresa Jiménez Mendioroz Antso VI. Jakituna Plaza 9, 1.D 31610 Atarrabia (Nafarroa) | GS | 2 | 6 | 100 | 1 | 4 | 6 | 161 | Lehorreko alorra |
-Laburdurak: T.: ukipen motak. GS: gasifikazioa. Zort.: bide zortasuna. Ald. Bat. Ok.: aldi baterako okupazioa. Pol.: poligonoa. Lurz.: lurzatia. |
F1008132 |
Iragarkiaren kodea: F1008132
