1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
88/2010 FORU AGINDUA, maiatzaren 10ekoa, Lurraldearen Antolamenduko eta Etxebizitzako kontseilariak emana, "Tuteran Unibertsitate Publikoa ezartzea" izeneko Udalez gaindiko Plan Sektorialeko 1. sektorearen Plan Bereziaren aldaketa espedientea hasiera batez onesten duena, Nafarroako Unibertsitate Publikoak sustaturik.
Aldaketaren helburua da Udalak eraikin berri bat eraikitzeko beharrari erantzutea, Fisioterapiako Sailak orain duen eraikinaren handitze gisa, Fisioterapiako titulazioan matrikulatzeko eskaera asko daudelako eta praktikak egiteko toki aski ez dagoelako. Horrenbestez, indarreko PBko 2B exekuzio unitatean zehaztutako hego-ekialdieko lerrokadura aldatu nahi da. Lerrokadura Fisioterapiako Saileko eraikinaren mugarekin bat dator 13 metroan.
AGINDU DUT:
1. Hasiera batez onestea "Tuteran Unibertsitate Publikoa ezartzea" izeneko Udalez gaindiko Plan Sektorialeko 1. sektorearen Plan Bereziaren aldaketa espedientea, Nafarroako Unibertsitate Publikoak sustaturik.
2. UPSaren indarreko araudiaren arabera, 1. sektorean "sektore osoaren %10 gutxienez berdegune handietarako aurreikusi beharko da, eta horien kokapenak antolatzen den eremu osoarekin koherentea izan beharko du, bazterreko eta hondarreko tokietan pila ez daitezen."
3. Espedientea hilabetez jartzea jendaurrean. Epe horretan edozeinek bidezkoak iruditzen zaizkion ohar eta alegazioak egiten ahalko ditu idatziz. Horretarako, interesdunek proiektua eskura izanen dute Ingurumen, Lurraldearen Antolamendu eta Etxebizitza Departamentuko bulegoetan (Iruñeko Armada etorbidea, 2, 2. solairua).
4. Foru agindu hau Tuterako Udalari eta Nafarroako Unibertsitate Publikoari jakinaraztea, eta Nafarroako Aldizkari Ofizialean eta tokiko prentsan argitaratzea, behar diren ondorioak izan ditzan.
Iruñean, 2010eko maiatzaren 10ean.-Lurraldearen Antolamenduko eta Etxebizitzako kontseilaria, Amelia Salanueva Murguialday.
Iragarkiaren kodea: F1008905
