Iragarkia

26. ALDIZKARIA - 2010eko otsailaren 26a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

176/2010 EBAZPENA, otsailaren 1ekoa, Osasunbidea-Nafarroako Osasun Zerbitzuko zuzendari kudeatzaileak emana, Osasunbidea-Nafarroako Osasun Zerbitzua erakunde autonomoan APTE (Anatomia patologikoko teknikari espezialista) izateko 9 lanpostu huts, LTE (Laborategiko teknikari espezialista) izateko 14 lanpostu huts, ETE (Erradiodiagnostikoko teknikari espezialista) izateko15 lanpostu huts, DTE (Dietetikako teknikari espezialista) izateko lanpostu huts bat, ETTE (Erradioterapiako teknikari espezialista) izateko 8 lanpostu huts eta ODTE (Osasun Dokumentazioko teknikari espezialista) izateko 3 lanpostu huts merezimendu lehiaketa bidezko lekualdatzeaz betetzeko deialdia onesten duena.

Osasunbidea-Nafarroako Osasun Zerbitzuko zuzendari kudeatzailearen ebazpenaren bidez onetsi da Osasunbidea-Nafarroako Osasun Zerbitzua erakunde autonomoan APTE (Anatomia patologikoko teknikari espezialista) izateko 9 lanpostu huts, LTE (Laborategiko teknikari espezialista) izateko 14 lanpostu huts, ETE (Erradiodiagnostikoko teknikari espezialista) izateko15 lanpostu huts, DTE (Dietetikako teknikari espezialista) izateko lanpostu huts bat, ETTE (Erradioterapiako teknikari espezialista) izateko 8 lanpostu huts eta ODTE (Osasun Dokumentazioko teknikari espezialista) izateko 3 lanpostu huts merezimendu lehiaketa bidezko lekualdatzeaz betetzeko deialdia, oinarri hauen arabera:

oinarriAK

1.-Oinarri orokorrak.

Deialdi honetako oinarriak eta ereduak web orri honetan kontsultatzen eta eskuratzen ahal dira: www.navarra.es, ''Zerbitzuak'' eta ''Enplegu publikoa'' epigrafeen barrenean.

Deialdi honen gaineko arauak hauek dira: Osasunbidea-Nafarroako Osasun Zerbitzuan sartu eta bertako lanpostuen betetzea arautzen duen azaroaren 22ko 347/1993 Foru Dekretua; Osasuneko kontseilariak urriaren 3an emandako 464/2001 Foru Agindua, Osasunbidea-Nafarroako Osasun Zerbitzuan sartzeko eta bertako lanpostuak betetzeko prozeduretan aplikatuko diren merezimenduen baremoak arautzen dituena, A mailako osasun arloko langileen kasuan izan ezik (A.1 eta A.2 estamentuak); euskaraz jakitearen trataera arautzen duen ekainaren 15eko 55/2009 Foru Dekretua; uztailaren 30eko 203/2001 Foru Dekretua, Nafarroako Foru Komunitateko Administrazioaren eta haren erakunde autonomoen plantillako zein lanpostutarako jakin behar den euskaraz agertzen duena; eta gainerako arau osagarriak.

1.1. APTE (Anatomia patologikoko teknikari espezialista) izateko 9 lanpostu huts, LTE (Laborategiko teknikari espezialista) izateko 14 lanpostu huts, ETE (Erradiodiagnostikoko teknikari espezialista) izateko15 lanpostu huts, DTE (Dietetikako teknikari espezialista) izateko lanpostu huts bat, ETTE (Erradioterapiako teknikari espezialista) izateko 8 lanpostu huts eta ODTE (Osasun Dokumentazioko teknikari espezialista) izateko 3 lanpostu huts merezimendu lehiaketa bidezko lekualdatzeaz betetzea du xede deialdi honek (lanpostuak I. eranskinean ageri dira). Espezialitate bakoitzak bere prozedura izanen du, deialdi honen bidez arautuko dena.

1.2. Merezimendu lehiaketa bidezko deialdi honetan Nafarroako Foru Komunitateko Administrazioaren eta haren erakunde autonomoen lekualdatze lehiaketa eta Estatu mailako lekualdatze lehiaketa sartzen dira. Estatu mailakoa bestea bukatutakoan eginen da.

Estatu mailako lekualdatze lehiaketan, Nafarroako Foru Komunitateko eremuan egiten den merezimendu lehiaketaren ondorioz sortu eta EPEn sartutako lanpostu hutsetatik %10 eskainiko da, zenbaki osoetan. Bestalde, Foru Administrazioaren eremuan egindako merezimendu lehiaketan sortzen den lanpostu kopurua hamarretik beherakoa bada, lanpostu huts horiek hurrengo deialdietarako kontuan hartuko dira, eta hamar lanpostu huts baino gehiago metatzen direnean baizik ez dira eskainiko nazio mailako lekualdatze lehiaketan (dagokion portzentajean). Metatze hori I. eranskinean azaltzen da, espezialitate bakoitzean.

1.3. Deialdiko lanpostuari hutsik dauden lanpostuak gehitzen ahalko zaizkio, epaimahaiak lehiakideen puntuazioaren araberako zerrenda organo dei-egileari igortzen dion egunean.

1.4. Lehiaketa honen barrenean lanpostu hauek sartuko dira: hasieran zeuden lanpostuak eta lehiaketan lanpostu berria eskuratzen duten langileek hutsik uzten dituztenak; betiere, langile horiek Osasunbidea-Nafarroako Osasun Zerbitzuko, Nafarroako Foru Komunitateko Administrazioaren beste departamentu batzuetako edo haren erakunde autonomoetako plantillakoak badira. Bidezkoa bada, aurreko atalean aipatzen diren lanpostuak ere betetzen ahalko dira, baina, kasu horretan, ezin izanen dituzte eskuratu Osasun Sistema Nazionalaren barreneko gainerako langile finkoek, non eta ez diren EPEn sartutako lanpostu hutsak.

Izangaiek lehiaketan beste lanpostu bat lortu ondoren uzten dituzten lanpostu hutsak bete beharrekoak ez badira, dela "iraungitzeko" lanpostuak direlako, dela titularrek nahiz ordezkoek betetzen ez dituztelako, ez dira eskainiko.

1.5. Nafarroako Foru Komunitateko Administrazioaren eta haren erakunde autonomoen lekualdatze lehiaketa honetan parte hartzen duten langileei ez zaie aldatuko lehiaketan parte hartu aurretik zuten araubide juridikoa. Aurreikuspen hori ez zaie aplikatuko Nafarroako Foru Administrazioan eta haren erakunde autonomoetan lanaldi partzialean diharduten kontratudun finkoei. Izan ere, langile horiek lanaldi osoko lanpostu bat eskuratzen badute, funtzionario izatera pasatuko dira. Funtzionarioen araubideko edo estatutupeko langileek aukera izanen dute lanaldi partzialeko lan araubideko lanpostu bat merezimendu lehiaketa bidezko lekualdatzearen bitartez eskuratzeko. Kasu horretan, funtzionario edo estatutupeko langile gisa, borondatezko eszedentzian egonen dira.

Lekualdatze lehiaketa honen bidez Osasun Sistema Nazionaletik Osasunbidea-Nafarroako Osasun Zerbitzura pasatzen diren langileek aukera izanen dute Nafarroako administrazio publikoetako funtzionario bihurtu eta bertako Langileen Estatutuan sartzeko, eta bi hilabete izanen dituzte, lanpostuaz jabetu eta biharamunetik hasita, aukera horretaz baliatzeko, abenduaren 29ko 717/2003 Foru Dekretuan xedatutakoarekin bat.

1.6. Deialdi honetan lanpostua eskuratzen duten langile funtzionario, estatutupeko edo lan-kontratudun finkoek indarra duten xedapenen araberako ordainsariak jasoko dituzte.

1.7. Lanaldiaren araubidea zerbitzuaren beharretara egokituko da, eta administrazio organo eskudunek noiznahi aldatzen ahalko dute.

2.-Betebeharrak.

2.1. Merezimendu lehiaketa honetan onartuak izateko, izangaiek baldintza hauek bete beharko dituzte eskaerak aurkezteko epea bukatzen den egunean:

2.1.1. Nafarroako Foru Komunitateko Administrazioaren eta haren erakunde autonomoen plantillako langileek, araubide juridikoa edota egoera administratiboa edozein dutela ere:

a) Nafarroako Foru Komunitateko Administrazioaren eta haren erakunde autonomoen langile funtzionario, estatutupeko edo lan-kontratudun finkoa izatea, C maila edo taldekoa.

b) "Osasun teknikari" estamentuko eta "I. eranskinean ageri diren guztiak" espezialitateko lanpostu batean aritzeko izendatuak izatea (urriaren 20ko 11/1992 Foru Legeak, Osasunbidea-Nafarroako Osasun Zerbitzuari atxikitako langileen berariazko araubidea arautzen duenak, eranskinean agertzen duen estamentu eta espezialitateetako izendapenen sailkapen indarduna).

2.1.2. Osasun Sistema Nazionaleko gainerako langileentzat:

a) Osasun Sistema Nazionaleko plantillako langile finkoa izatea (Insalud-Zuzeneko Kudeaketa eta Lurraldeetako Osasun Zerbitzuak).

b) "Osasun teknikari" estamentuko eta "I. eranskinean ageri diren guztiak" espezialitateko lanpostu batean aritzeko izendatuak izatea (urriaren 20ko 11/1992 Foru Legeak, Osasunbidea-Nafarroako Osasun Zerbitzuari atxikitako langileen berariazko araubidea arautzen duenak, eranskinean agertzen duen estamentu eta espezialitateetako izendapenen sailkapen indarduna).

c) Deialdiko lanpostuak bezalako batean jardunean egotea edo Osasun Sistema Nazionalean lanpostua erreserbatzeko eskubidea izatea.

d) Abiapuntuko destinoan urte bat aritu izana lanpostuaren jabe izanda, deialdi honetako eskaerak aurkezteko ezarritako epea bukatu baino lehen.

2.1.3. Parte hartzaile guztiek, jardunean ez beste egoera batean badaude, frogatu beharko dute deialdi honetako eskaerak aurkezteko epea bukatzen den egunean jardunean hasteko legezko eta erregelamenduzko baldintzak betetzen dituztela.

2.2. Uztailaren 30eko 203/2001 Foru Dekretuan aipatzen diren eremu euskalduneko lanpostuak eskuratzeko, behar den euskararen jakite-maila frogatzea.

2.3. Izangaiek betebehar guztiak agirien bidez frogatu beharko dituzte, eskabidea aurkezten den unean, eta horien jabe izan beharko dute prozedura osoan, lanpostua esleitzen den arte.

2.4. Nafarroako Foru Komunitateko Administrazioaren eta haren erakunde autonomoen plantillako langileak, lanpostu erreserbarik gabeko eszedentzian badaude, lekualdatze lehiaketa honetan parte hartuz itzul daitezke jardunera.

Halaber, beren estamentu eta espezialitateko lanpostu huts bati atxikirik behin-behinekoz itzuli direnek nahitaez aurkeztu beharko dute lekualdatze lehiaketa honetara, behin betiko esleipenaren ondorioetarako, eta ezin izanen diote destino horri uko egin.

3.-Eskabidea, aurkezteko epea eta tokia.

3.1. Lekualdatze lehiaketa honetan parte hartu nahi dutenek toki hauetan aurkezten ahalko dute eskabidea:

3.1.1. Osasunbidea-Nafarroako Osasun Zerbitzuko Erregistroan (Irunlarrea kalea, 39; 31008 Iruña), edo ekainaren 24ko 137/2002 Foru Dekretuan aipatzen diren Nafarroako Gobernuko Erregistro Orokorreko bulegoetako edozeinetan (95. Nafarroako Aldizkari Ofiziala, abuztuaren 7koa) edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan ezarritako erregistro eta bulegoetan.

Eskabidea posta-bulego batean aurkeztuz gero, gutun-azal irekian eginen da, posta zerbitzuko funtzionarioak, ziurtatu aurretik, data eta zigilua jar ditzan.

3.1.2. Eskabideak Nafarroako Foru Komunitateko Administrazioaren Erregistro Orokor Elektronikoan ere aurkezten ahal dira, Nafarroako Gobernuaren www.navarra.es web orriaren bidez. Eskatzailearen sinadura elektronikoa beharko da.

Hala ere, alegatutako merezimenduak paperean aurkeztu beharko dira. Horrela aurkeztu ezik, ez dira kontuan hartuko barematzeko.

3.2. Eskabideak deialdi honetako ereduari lotuko zaizkio (II. eranskina).

Eskabidearekin batera honako agiri hauek aurkeztuko dira:

a) Estatu mailako lekualdatze txandatik parte hartzen duten langileentzat bakarrik: deialdiaren 2.1.2 oinarrian eskatzen diren betebeharren frogagiriak, jatorrizko agiriak edo notario edo administrazio batek konpultsatuak, behar bezala egiaztatuak.

b) Destinoa azkeneko aldiz aldatzeko bidea eman zion deialdia dagokion aldizkari ofizialean noiz argitaratu zen frogatzen duen dokumentazioa, eta Administrazio Publikoaren zerbitzuko langile gisa hasi zenetik destinoa inoiz aldatu ez badu, izaera hori eskuratzea ekarri zion deialdia dagokion aldizkari ofizialean noiz argitaratu zen frogatzen duena.

c) Izangaiek azaltzen dituzten merezimenduen frogagiriak (jatorrizkoak edo notarioak zein Administrazioak konpultsatutako kopiak), deialdi honetan ezarritako baremoaren arabera.

3.3. Eskaera aurkezteko epea hamabost egun naturalekoa izanen da, deialdi hau Nafarroako Aldizkari Ofizialean argitaratu eta biharamunetik hasita.

Eskaerak aurkezteko epea luzaezina da.

4.-Izangai onartu eta baztertuen zerrendak.

Eskaerak aurkezteko epea amaiturik, Osasunbidea-Nafarroako Osasun Zerbitzuko Giza Baliabideen zuzendariak onartuen eta baztertuen behin-behineko zerrenda onetsiko du, eta Nafarroako Aldizkari Ofizialean argitara dadila aginduko, eta ohartaraziko du hurrengo bost egun naturaleko epean baztertuek erreklamazioak egiten ahalko dituztela eta, akatsik baldin badago, haiek zuzendu. Ezarritako epean eskaerarik aurkezten ez bada, organo eskudunak lehiaketaren xedeko lanpostuak bete gabe gelditu direla adierazteko ebazpena emanen du. Ebazpen hori Nafarroako Aldizkari Ofizialean argitaratu beharko da.

Erreklamazioak aurkezteko epea bukatu eta horien gainean ebazpena emanda dagoela, Osasunbidea-Nafarroako Osasun Zerbitzuko Giza Baliabideen zuzendariak onartuen eta baztertuen behin betiko zerrenda onesteko ebazpena emanen du, eta Nafarroako Aldizkari Ofizialean argitaratzeko aginduko.

Izangai bat ere baztertu ez bada, behin betiko zerrenda zuzenean onetsiko da, eta Nafarroako Aldizkari Ofizialean argitaratuko.

5.-Epaimahaia.

5.1. Kide hauek osatuko dute lehiaketako epaimahaia:

-A.P.T.E.

Mahaiburua: Esperanza Aranguren Erdozain, Osasunbidea-Nafarroako Osasun Zerbitzuko Anbulatorioetako eta Ospitalez kanpoko Laguntzako Erizaintza Zerbitzuko burua.

Ordezko mahaiburua: Montserrat Díaz Calvet, Osasunbidea-Nafarroako Osasun Zerbitzuko Bideko Ama Birjina Ospitaleko Erizaintza Arloko burua.

Mahaikidea: Natalia Díaz Ainzúa, Osasunbidea-Nafarroako Osasun Zerbitzuko langileen ordezkariek izendatua.

Ordezko mahaikidea: M.ª José Díaz de Cerio Domench, Osasunbidea-Nafarroako Osasun Zerbitzuko langileen ordezkariek izendatua.

Idazkaria: Juan José Olcoz Samitier, Osasunbidea-Nafarroako Osasun Zerbitzuko Deialdiak Tramitatzeko Ataleko gizarte-graduatua.

Ordezko idazkaria: M.ª José Díaz Zalduendo, Osasunbidea-Nafarroako Osasun Zerbitzuko Deialdiak Tramitatzeko Ataleko burua.

-L.T.E.

Mahaiburua: Esperanza Aranguren Erdozain, Osasunbidea-Nafarroako Osasun Zerbitzuko Anbulatorioetako eta Ospitalez kanpoko Laguntzako Erizaintza Zerbitzuko burua.

Ordezko mahaiburua: Montserrat Díaz Calvet, Osasunbidea-Nafarroako Osasun Zerbitzuko Bideko Ama Birjina Ospitaleko Erizaintza Arloko burua.

Mahaikidea: Iosu Martínez Mateo, Osasunbidea-Nafarroako Osasun Zerbitzuko langileen ordezkariek izendatua.

Ordezko mahaikidea: Alberto Aznarez Goiena, Osasunbidea-Nafarroako Osasun Zerbitzuko langileen ordezkariek izendatua.

Idazkaria: Juan José Olcoz Samitier, Osasunbidea-Nafarroako Osasun Zerbitzuko Deialdiak Tramitatzeko Ataleko gizarte-graduatua.

Ordezko idazkaria: M.ª José Díaz Zalduendo, Osasunbidea-Nafarroako Osasun Zerbitzuko Deialdiak Tramitatzeko Ataleko burua.

-E.T.E.

Mahaiburua: Esperanza Aranguren Erdozain, Osasunbidea-Nafarroako Osasun Zerbitzuko Anbulatorioetako eta Ospitalez kanpoko Laguntzako Erizaintza Zerbitzuko burua.

Ordezko mahaiburua: Montserrat Díaz Calvet, Osasunbidea-Nafarroako Osasun Zerbitzuko Bideko Ama Birjina Ospitaleko Erizaintza Arloko burua.

Mahaikidea: Ana Isabel De Miguel Muñoz, langileen ordezkariek izendatua.

Ordezkoa: M.ª Eugenia Andrés Fernández, langileen ordezkariek izendatua.

Idazkaria: Juan José Olcoz Samitier, Osasunbidea-Nafarroako Osasun Zerbitzuko Deialdiak Tramitatzeko Ataleko gizarte-graduatua.

Ordezko idazkaria: M.ª José Díaz Zalduendo, Osasunbidea-Nafarroako Osasun Zerbitzuko Deialdiak Tramitatzeko Ataleko burua.

-D.T.E.

Mahaiburua: Esperanza Aranguren Erdozain, Osasunbidea-Nafarroako Osasun Zerbitzuko Anbulatorioetako eta Ospitalez kanpoko Laguntzako Erizaintza Zerbitzuko burua.

Ordezko mahaiburua: Montserrat Díaz Calvet, Osasunbidea-Nafarroako Osasun Zerbitzuko Bideko Ama Birjina Ospitaleko Erizaintza Arloko burua.

Mahaikidea: Yolanda Núñez Rosón, Osasunbidea-Nafarroako Osasun Zerbitzuko langileen ordezkariek izendatua.

Ordezko mahaikidea: Trinidad Remírez Irisarri, Osasunbidea-Nafarroako Osasun Zerbitzuko langileen ordezkariek izendatua.

Idazkaria: Juan José Olcoz Samitier, Osasunbidea-Nafarroako Osasun Zerbitzuko Deialdiak Tramitatzeko Ataleko gizarte-graduatua.

Ordezko idazkaria: M.ª José Díaz Zalduendo, Osasunbidea-Nafarroako Osasun Zerbitzuko Deialdiak Tramitatzeko Ataleko burua.

-ET.T.E.

Mahaiburua: Esperanza Aranguren Erdozain, Osasunbidea-Nafarroako Osasun Zerbitzuko Anbulatorioetako eta Ospitalez kanpoko Laguntzako Erizaintza Zerbitzuko burua.

Ordezko mahaiburua: Montserrat Díaz Calvet, Osasunbidea-Nafarroako Osasun Zerbitzuko Bideko Ama Birjina Ospitaleko Erizaintza Arloko burua.

Mahaikidea: M.ª Elena Laceras Lázaro, Osasunbidea-Nafarroako Osasun Zerbitzuko langileen ordezkariek izendatua.

Ordezko mahaikidea: Cristina Puyol Pérez, Osasunbidea-Nafarroako Osasun Zerbitzuko langileen ordezkariek izendatua.

Idazkaria: Juan José Olcoz Samitier, Osasunbidea-Nafarroako Osasun Zerbitzuko Deialdiak Tramitatzeko Ataleko gizarte-graduatua.

Ordezko idazkaria: M.ª José Díaz Zalduendo, Osasunbidea-Nafarroako Osasun Zerbitzuko Deialdiak Tramitatzeko Ataleko burua.

-O.D.T.E.

Mahaiburua: Esperanza Aranguren Erdozain, Osasunbidea-Nafarroako Osasun Zerbitzuko Anbulatorioetako eta Ospitalez kanpoko Laguntzako Erizaintza Zerbitzuko burua.

Ordezko mahaiburua: Montserrat Díaz Calvet, Osasunbidea-Nafarroako Osasun Zerbitzuko Bideko Ama Birjina Ospitaleko Erizaintza Arloko burua.

Mahaikidea: Blanca Chocarro Asenjo, Osasunbidea-Nafarroako Osasun Zerbitzuko langileen ordezkariek izendatua.

Ordezko mahaikidea: Reyes Medrano Gurrea, Osasunbidea-Nafarroako Osasun Zerbitzuko langileen ordezkariek izendatua.

Idazkaria: Juan José Olcoz Samitier, Osasunbidea-Nafarroako Osasun Zerbitzuko Deialdiak Tramitatzeko Ataleko gizarte-graduatua.

Ordezko idazkaria: M.ª José Díaz Zalduendo, Osasunbidea-Nafarroako Osasun Zerbitzuko Deialdiak Tramitatzeko Ataleko burua.

5.2. Epaimahaia ezin izanen da eratu, ezta jardun ere, kideen gehiengo osoa gutxienez bildu gabe.

5.3. Epaimahaiak gehiengoz ebatziko ditu deialdi honen oinarrien interpretazio eta aplikazioaren gaineko arazoak.

5.4. Onartu eta baztertuen behin betiko zerrendan izangai bakarra baldin badago, deialdia egin duen organoak deialdi honen 8. oinarria aplikatuko du zuzenean. Beraz, ez da beharrezkoa izanen, ez epaimahaia eratzea, ezta jardutea ere.

6.-Merezimenduen kalifikazioa.

6.1. Epaimahaiak izangaiek aurkeztu eta justifikatutako merezimenduak III. eranskineko baremoaren arabera baloratuko ditu. Deialdi hau Nafarroako Aldizkari Ofizialean argitaratzen den egunera arteko merezimenduak bakarrik hartuko dira kontuan merezimenduen balorazioa egiteko, eta ez geroago lortutakoak.

6.2. Izangaiek merezimendu guztiak agiri bitartez alegatu eta frogatu beharko dituzte, lekualdatze lehiaketa honetan parte hartzeko eskabidea aurkeztearekin batera. Merezimendu horiek deialdiari erantsi zaion autobaremaziorako agirian adieraziko dira (IV. eranskina).

Merezimenduak baremoen atalen arabera ordenaturik aurkeztu beharko dira.

2007ko EPEko teknikarien deialdietan aurkeztutako merezimenduak, O-NOZren esku badaude, besterik gabe erantsiko zaizkio izangai bakoitzaren espedienteari barematzeko. Beraz, Osasunbidea-Nafarroako Osasun Zerbitzuak deitutako azken lekualdatze lehiaketan parte hartu zuten izangaiek, merezimenduak atzera eraman ez badituzte, ondoko data hauetatik aurrera lortutako merezimenduak baino ez dituzte aurkeztu beharko:

A.P.T.E.; 2008ko urtarrilaren 26tik aurrera. (O-NOZko zuzendari kudeatzailearen azaroaren 27ko 1887/2007 Ebazpena, 2008ko 11. Nafarroako Aldizkari Ofizialean argitaratua, urtarrilaren 25ean).

L.T.E.; 2008ko urtarrilaren 26tik aurrera. (O-NOZko zuzendari kudeatzailearen azaroaren 27ko 1887/2007 Ebazpena, 2008ko 11. Nafarroako Aldizkari Ofizialean argitaratua, urtarrilaren 25ean).

E.T.E.; 2008ko martxoaren 4tik aurrera. (O-NOZko zuzendari kudeatzailearen otsailaren 13ko 229/2008 Ebazpena, 2008ko 29. Nafarroako Aldizkari Ofizialean argitaratua, martxoaren 3an).

D.T.E., ET.T.E. eta O.D.T.E.; merezimendu guztiak aurkeztu beharko dituzte, ez baitzen 2007ko EPEri dagokion deialdirik argitaratu.

6.3. Euskaraz dakitela proben bidez frogatu nahi duten izangaiei proba horiek egiteko tokia, eguna eta ordua adieraziko zaizkie bana-banako gutunen bidez, behar den denborarekin. Izangaiek nortasun agiri nazionala edo epaimahaiak askiesten duen beste nortasun agiri bat aldean dutela agertu beharko dute probetara.

6.4. Merezimenduen baremoaren 1. ataleko balorazioan kontuan hartuko da deialdiko lanpostuak "Osasun teknikariak" estamentuan eta "I. eranskinean ageri diren guztiak" espezialitatean sailkaturik daudela (urriaren 20ko 11/1992 Foru Legeak, Osasunbidea-Nafarroako Osasun Zerbitzuari atxikitako langileen berariazko araubidea arautzen duenak, eranskinean agertzen duen estamentu eta espezialitateetako izendapenen sailkapen indarduna). Balorazioa egitean, lanpostuen izenak ez badatoz bat aipatutako eranskinean dauden izenekin, pareko direnei tratamendu bera emanen zaie, kontuan hartuta deialdian eskatutako titulazioa, lanpostua eskuratzeko egindako azterketak eta eginkizunak.

Egindako zerbitzuak frogatzeko, zentroko zuzendariak edo langileen zuzendari edo buruak emandako ziurtagiriak aurkeztu beharko dira, eta bertan nahitaez datu hauek jarri:

-Lantokia.

-Estamentua eta/edo espezialitatea.

-Zerbitzuen iraupena, behar bezala adierazita hasiera eta bukaera egunak eta guztira zenbat egun diren.

-Zerbitzuak lanaldi partzialean eman baldin badira, honako hau erantsi:

a) Egunean, astean, hilabetean edo urtean egindako ordu kopurua eta emandako zerbitzuei dagokien urteko lanaldia,

b) edo, bestela, ohiko lanaldiaren aldean zein portzentaje osatzen duten.

6.5. Merezimenduen baremoko 2. atalari dagokionez, destinoa azkeneko aldiz aldatzeko bidea eman zion deialdia dagokion aldizkari ofizialean argitaratu zen egunetik hasita lortutako merezimenduak soilik baloratuko zaizkio izangaiari, edo Administrazio Publikoaren zerbitzuko langile gisa hasi zenetik destinoa inoiz aldatu ez badu, izaera hori eskuratzea ekarri zion deialdia dagokion aldizkari ofizialean argitaratu zen egunetik aurrerakoak.

6.6. Epaimahaiak ez du behin ere onartuko alegatu ez den merezimendurik edo jatorrizko agiri baten edo fotokopia konpultsatu baten bidez frogatu ez denik.

6.7. Izangaiek aurkeztutako jatorrizko agiriak berreskuratzen ahalko dituzte, espresuki eskatuz gero, izendapena Nafarroako Aldizkari Ofizialean argitaratu eta bi hilabete igaro ondoko hiru hilabeteko epean, salbu eta izangairen batek erreklamazioa jartzen badu; izan ere, halakoetan, agiriak luzaroago gordetzen ahalko dira egiaztapenak eta frogak egiteko. Arestian aipatutako epean izangaiak agiriak berreskuratzen ez baditu, berreskuratzeari uko egin diola ulertuko da eta haien gaineko eskubidea galduko du.

7.-Izangaien zerrenda, erdietsitako puntuazioaren araberakoa.

Epaimahaiak lehiatzaile guztien kalifikazioa eginen du. Ondoren, lehiatzaileen zerrenda prestatu eta Osasunbidea-Nafarroako Osasun Zerbitzuko iragarki oholean (Irunlarrea, 39) argitaratuko du, bakoitzak guztira lortutako puntuazioa adierazita. Bi zerrenda argitaratuko dira; merezimenduen lehiaketa honetan ezarri den eremu bakoitzerako bat (barrenekoa eta Estatukoa).

Lehiaketa bukatuta, epaimahaiak lehiakideen zerrenda, lortutako puntuazioaren arabera ordenatua, igorriko dio Osasunbidea-Nafarroako Osasun Zerbitzuko zuzendari kudeatzaileari, eta hark deialdiaren hasieran zen lanpostu kopurua handitzeko ebazpena ematen ahalko du, hala badagokio.

Puntuazioetan berdinketarik badago, administrazio publikoetan antzinatasun handiena frogatzen duen izangaiak izanen du lehentasuna. Hala ere berdinketak irauten badu, izangai zaharrena lehenetsiko da.

8.-Lanpostu hutsak hautatzea.

Borondatezko mugikortasun prozedura gisa merezimendu lehiaketa bidezko lekualdatzea erabiliko da kasu hauetan:

a) Langileen atxikipen zentro batetik bestera igarotzeko, azaroaren 22ko 347/1993 Foru Dekretuaren 1.2 artikuluan xedatutakoarekin bat.

b) Lanaldi arrunt edo osoa duen lanpostu batetik lanaldi partziala duen lanpostu batera joateko edo alderantziz.

Ekitaldi horretan, lehenbizi Nafarroako Foru Komunitateko Administrazioaren barreneko lekualdatze lehiaketan parte hartzen dutenek aukeratuko dute, eta lehiaketa hori bukatutakoan, Estatu mailako lehiaketan parte hartzen dutenek.

8.1. Nafarroako Foru Komunitatearen Administrazioaren esparrua (barneko lekualdatzea).

Hauxe da kasu horietan jarraitu beharreko prozedura:

1. Lanpostuak aukeratu aitzin, aukeratzen ahal diren zentroen zerrenda (edo, bidezko bada, lanpostuena) partaideen esku utziko da, bai hasierakoena bai ondoriozko lanpostuena.

Informazio hori Osasunbidea-Nafarroako Osasun Zerbitzuko Zerbitzu Zentraletako iragarki oholean eta Nafarroako Gobernuaren web orrian agertuko da.

2. Parte harzaileek bertara agertuz aurkeztuko dute eskaera eta, horretarako, eskabidea beteko dute, non eskaintzen diren destinoak (hasierakoak eta ondoriozkoak) lehentasun hurrenkeraren arabera adierazi beharko baitira. Eskabidea Osasunbidea-Nafarroako Osasun Zerbitzuko Zerbitzu Zentralen Erregistroan (Irunlarrea, 39) hartu edo Nafarroako Gobernuaren web orritik jaisten ahalko da.

3. Eskabidea 15 egun naturaleko epean aurkeztu beharko da, baremoaren behin betiko emaitza argitaratu eta biharamunetik hasita, deialdi honen 3. oinarrian aipatzen den edozein erregistrotan.

4. Izangaiek lehiaketan lortzen duten puntuazioaren arabera hautatuko dute lanpostua, organo dei-egileak gidatuko duen ekitaldi batean, eta horren emaitza Osasunbidea-Nafarroako Osasun Zerbitzuko Zerbitzu Zentraletako iragarki oholean eta Nafarroako Gobernuaren web orrian argitaratuko da.

8.2. Esparru Nazionala.

Hauxe da kasu horietan jarraitu beharreko prozedura:

1. Interesdunek organo dei-egilearen aurrean agertuz aurkeztuko dute eskaera, organoak kasuan kasuko zitazioan finkatzen duen tokian, egunean eta orduan.

2. Lehiaketan lortutako puntuen hurrenkerari jarraituz hautatuko da.

3. Lehiaketa nazionalean parte hartzen dutenek honako agiri hauek eraman beharko dituzte lanpostuak aukeratzeko ekitaldira:

a) Nortasun agiri nazionalaren fotokopia konpultsatua, edo izangaiaren nazionalitatea eta nortasuna frogatzen dituen beste agiri baliokideren batena.

b) Jatorrizko administrazioak emandako ziurtagiria, dagokion administrazio egoera azaltzeko.

c) Zinpeko aitorpena, erakusten duena ez dagoela eginkizun publikoetan aritzeko desgaitua edo gabetua eta ez dutela baztertu inongo administrazio publikoren zerbitzutik.

d) Zin egin edo hitzematea Nafarroako Foru Eraentza errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

8.3. Aski justifikatutako ezinbesteko kasuetan izan ezik, aipatutako epean eskaera egiten ez duten lehiatzaileek lehiaketaren xede diren lanpostuetan aritzeko eskubide guztiak galduko dituzte.

9.-Lanpostuen esleipena eta jabetza hartzea.

Organo eskudunak, behar den ebazpenaren bitartez, lehiaketan eskuratu dituzten lanpostuak esleituko dizkie lehiatzaileei, baita Nafarroako Aldizkari Ofizialean argitara eman dadila aginduko ere.

Lehiatzaileek, lanpostuak esleitzen dituen ebazpenaren jakinarazpena jaso edo argitaratu eta hurrengo hamar egun naturaleko epean, euren lanpostuaz jabetu beharko dute, deialdi honen xedeko kategorian. Hala ere, izendatutako lehiatzaileak asko badira, edo administrazioaren eraginkortasun arrazoirik badago tartean, deialdia egin duen organoak lanpostuaz jabetzeko egun zehatz bat jartzen ahalko du.

Esleipenaren gainean eragina izan dezakeen errekurtsoren bat aurkezten bada, eta horren ondorioz deialdia edo merezimendu lehiaketaren garapena edo ebazpena aurkaratzen bada, jabetza hartzea ez da irmo bilakatuko, eta errekurtso horiek administrazio bidean edo administrazioarekiko auzien jurisdikzioan izaten duten ebazpenaren baldintzapean geldituko dira.

10.-Errekurtsoak.

Deialdiaren eta bere oinarri eta egintzen kontra gora, jotzeko errekurtsoa aurkezten ahalko da, Lehendakaritza, Justizia eta Barneko kontseilariari zuzendua, errekurtsoaren xedeko egintza argitaratu edo jakinarazi eta biharamunetik hasita hilabeteko epean, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. 1 eta 2.c) artikuluan xedatutakoarekin bat.

Epaimahaiaren behin betiko egintzen kontra, gora jotzeko errekurtsoa jartzen ahalko da, Osasunbidea-Nafarroako Osasun Zerbitzuko zuzendari kudeatzaileari zuzendua, jakinarazi edo argitaratu eta biharamunetik hasita hilabeteko epean, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluko 1 eta 3. idatz-zatiekin bat.

Iruñean, 2010eko otsailaren 1ean.-Osasunbidea-Nafarroako Osasun Zerbitzuko zuzendari kudeatzailea, José Carlos Garde Celigueta.

I. ERANSKINA

Deialdiko teknikari espezialisten lanpostu hutsak

A.P.T.E. (Anatomia Patologikoko teknikari espezialista)

Lanpostu kopurua: 9

Destinoa:

-1 Nafarroako Ospitalean; plantillako zenbakia: 61973.

-8 Bideko Ama Birjina Ospitalean; plantillako zenbakiak: 64432, 69794, 69795, 69796, 69797, 69798, 69799 eta 69800.

Espezialitatea: Anatomia Patologikoa

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 5 izanen da.

L.T.E. (Laborategiko teknikari espezialista)

Lanpostu kopurua: 14

Destinoa:

-1 Bideko Ama Birjina Ospitalean; plantillako zenbakia: 69802.

-2 Nafarroako Ospitalean; plantillako zenbakiak: 61355 eta 69975.

-1 Laguntza Espezializatuan; lanpostuaren zenbakia: 69082.

-3 Lizarrako Osasun Barrutian; plantillako zenbakiak: 67965, 69883 eta 69884.

-2 Tuterako Osasun Barrutian; plantillako zenbakiak: 68450 eta 68451.

-5 Nafarroako Osasun Publikoaren Institutuan; plantillako zenbakiak: 66949, 66961, 66967, 70008 eta 70009.

Espezialitatea: Laborategia

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 3 izanen da.

E.T.E. (Erradiodiagnostikoko teknikari espezialista)

Lanpostu kopurua: 15

Destinoa:

-3 Nafarroako Ospitalean; plantillako zenbakiak: 69651, 69652 eta 69653.

-5 Bideko Ama Birjina Ospitalean; plantillako zenbakiak: 67430, 67431, 67689, 69803 eta 69807.

-2 Laguntza Espezializatuan; plantillako zenbakiak: 62502 eta 69503.

-2 Lizarrako Osasun Barrutian; plantillako zenbakiak: 69885 eta 69886.

-3 Tuterako Osasun Barrutian; plantillako zenbakiak: 69976, 69977 eta 69978.

Espezialitatea: Erradiodiagnostikoa

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 2 izanen da.

D.T.E. (Dietetikako teknikari espezialista)

Lanpostu kopurua: 1

Destinoa:

-1 Nafarroako Ospitalean; plantillako zenbakia: 69650.

Espezialitatea: Dietetika eta Nutrizioa

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 1 izanen da.

ET.T.E. (Erradioterapiako teknikari espezialista)

Lanpostu kopurua: 8

Destinoa:

-8 Nafarroako Ospitalean; plantillako zenbakiak: 69654, 69655, 69656, 69657, 69658, 69659, 69660 eta 69661.

Espezialitatea: Erradioterapia

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 6 izanen da.

O.D.T.E. (Osasun Dokumentazioko teknikari espezialista)

Lanpostu kopurua: 3

Destinoa:

-1 Bideko Ama Birjina Ospitalean; plantillako zenbakia: 69801.

-1 Lizarrako Osasun Barrutian; plantillako zenbakia: 69882.

-1 Tuterako Osasun Barrutian; plantillako zenbakia: 69979.

Espezialitatea: Osasun Dokumentazioa

Azaroaren 22ko 347/1993 Foru Dekretuaren 21.4 artikuluan xedatutakoa aplikaturik, aurreko metaketa 2 izanen da.

II. ERANSKINA

Eskabidea

Eskabidea, Osasunbidea-Nafarroako Osasun Zerbitzuan ..................... izateko ...... lanpostu lekualdatze lehiaketa bidez betetzeko deialdian parte hartzeko. Deialdia .... Nafarroako Aldizkari Ofizialean argitaratu zen, .(e)ko ...aren ...(e)an.

Datu pertsonalak:

Izen-deiturak

NANa:

Helbidea

Posta kodea:

Herria:

Probintzia

Harremanetarako telefonoak:

Datu administratiboak:

• Nafarroako Foru Komunitateko Administrazioko eta haren erakunde autonomoetako plantillako langile finkoa.
• Osasun Sistema Nazionaleko plantillako langile finkoa (Insalud-Zuzeneko Kudeaketa eta Lurraldeetako Osasun Zerbitzuak).

Administrazio egoera:

• Jardunean
• Zerbitzu berezietan
• Eszedentzian q nahitaezkoa q berezia q borondatezkoa
• Beste bat (adierazi)

Lehiaketan abiapuntu duen jabetzapeko lanpostuaren destinoa:

Lanpostua

Noiz sartua

Gaur egungo destinoa sortu zuen deialdia argitaratu zeneko aldizkari ofiziala ........

Lantokia eta herria:

Euskara: (bidezko denean bakarrik)

• Euskaraz badakiela frogatzen du (HEOko 4. maila edo 9. urratsa), jatorrizko agiri baten edo kopia konpultsatuaren bidez.
• Euskararen jakite-maila neurtzeko probetara aurkeztea eskatzen du.

Sinatzen duenak adierazten du eskatutako baldintza guztiak betetzen dituela eskaerak aurkezteko epea bukatzen den egunean, eta eskatzen diren baldintzen frogagiriak aurkezten ditu, eskabide honekin batera.

Eskabide honi erantsitako orrialde kopurua (......) (jarri zenbakiak erantsi diren agiriei)

Iruñean, ............................(e)ko ......................... (a)ren .... (e)an.

Sinadura

III. ERANSKINA

1. atala. Egindako zerbitzuak.

Honako hauek baloratuko dira:

1. Lortu nahi den lanpostuaren estamentuan eta espezialitatean edozein administrazio publikotako edo horien mendeko erakunde autonomoetako zentroetan egindako zerbitzuak: 1,8 puntu, urte bakoitzeko.

2. Beste estamentu eta espezialitate batzuetan edozein administrazio publikotako edo horien mendeko erakunde autonomoetako zentroetan egindako zerbitzuak: 0,50 puntu, urte bakoitzeko.

Azpiatal hauetako bakoitzaren puntuazioa proportzionalki kalkulatuko da urtebetetik beherako kasuetan.

Atal honen puntuazioa gehienez ere 75 puntukoa izanen da.

Bateraezinak dira aurreko azpiatalengatik emandako puntuazioak, aldi berekoak direnean; halakoetan, handiena bakarrik hartuko da kontuan. Deialdia argitaratu ondoren egindako zerbitzuengatik ere ez da punturik jasoko.

Lanpostu baten izena aldatu bada maila edo talde berean, baina eginkizunak bere hartan utzita, egindako zerbitzuak zenbatuko dira lehiatzaileak abiapuntuko lanpostuan lan horiek egiten dituela frogatzen denetik.

Baremo honetan aipatutako zerbitzuak urriaren 3ko 464/2001 Foru Aginduaren 2. artikuluan ezarritako arauei jarraikiz zenbatuko dira.

2. atala. Prestakuntza, irakaskuntza, ikerkuntza eta hizkuntzak:

Atal honetan aipatutako merezimenduak lehian dagoen lanpostuarekin zerikusia baldin badute baloratuko dira, eta betiere titulazioa edo prestakuntza ekintzak, lanak edo argitalpenak deialdia argitaratu baino lehenago lortu edo egin baldin badira.

1. Erakunde edo zentro publikoek eta unibertsitateek antolatutako edo ziurtatutako prestakuntza jardueretan ikasle gisa parte hartzea: 0,1 puntu, kreditu akademiko bakoitzeko edo haren baliokide den ordu kopuruko (10 irakastordu); kopurua txikiagoa bada, proportzioa kalkulatuko da. Aurkezten den ziurtagirian eskola orduen kopurua adierazten ez bada, kreditu batekoak balira bezala puntuatuko dira, eta ikasturte osokoak izan direla adierazten bada, 12 kreditukoak balira bezala. Gehienez ere 15 puntu emanen dira.

Orobat, nahiz eta erakunde antolatzaileari dagokion baldintza ez bete, prestakuntza ekintzak baloratu eginen dira baldin eta Administrazioak aginduta egin badira edo hark homologatu baditu. Horien artean sartzen dira sindikatuek "Administrazio Publikoetako Etengabeko Prestakuntzarako Akordioen" barrenean antolatuak.

Deialdiko lanpostuan aritzeko gaitasunik ematen ez duten titulu ofizialak ez dira prestakuntzako merezimendutzat hartuko.

2. Biltzar edo jardunaldietan txostenak edo komunikazioak aurkeztea: nazioartekoak badira, 0,4 puntu; nazionalak badira, 0,2 puntu; eta eskualde edo tokikoak, 0,1 puntu. Gehienez ere 2 puntu emanen dira.

3. Administrazio edo erakunde publiko baten saria edo beka jaso duten ikerlan zientifikoak: 0,75 puntu, nazioartekoak badira; 0,5 puntu, nazionalak badira; eta 0,2 puntu, autonomia erkidegokoak badira. Gehienez ere 2 puntu.

4. Aldizkari espezializatuetan argitaratutako lanak: 0,4na puntu lehen hiru sinatzaileei, gainerakoei 0,10na puntu; 2 puntu gehienez.

5. Sektore publikoan prestakuntza ekintzak antolatzea eta/edo halakoetan irakasle gisa parte hartzea: 0,2 puntu, kreditu akademiko bakoitzeko edo haren baliokide den ordu kopuru bakoitzeko (10 ordu), edo kasuan kasuko zati proportzionala, ordu kopurua txikiagoa bada; puntu bat gehienez. Iraupenik adierazten ez duten ziurtagiriak bi ordukotzat hartuko dira.

6. Frantsesez, ingelesez edo alemanez jakitea, ofizialki frogaturik, Europar Batasunean erabilera ofizialeko hizkuntzak diren aldetik: 4,85 puntu, hizkuntza bakoitzeko. Hizkuntza eskola ofizial batek emandako gaitasun agiririk edo ofizialki baliokidetzat jotako titulurik ez izatera, hizkuntza eskola ofizial batean gainditutako maila bakoitzari ezarri den gehieneko puntuazioaren bostetik bat emanen zaio.

3. atala. Euskara jakitearen balorazioa.

1. Eremu euskalduneko herrietan aritzeko diren lanpostuetan sartzeko, euskaraz jakitea merezimendu kualifikatu gisa baloratzen denean, gainerako merezimenduen baremazioari esleitutako puntuazio osoaren %6ko balorazioa emanen zaio euskaraz jakiteari, betiere plantilla organikoan nahitaezkotzat jo ez bada.

Lanpostu jakin batzuetan herritarrekin izaten den harremanaren arabera, Nafarroako Foru Komunitateko Administrazioko eta haren erakunde autonomoetako plantilla organikoan ezartzen ahalko da, eremu euskalduneko lanpostu batzuk betetzeko deialdietan, gainerako merezimenduen baremazioari esleitutako puntuazio osoaren %10eko balorazioa ematea euskaraz jakiteari.

2. Eremu mistoko herrietan aritzeko diren lanpostuetan sartzeko, euskaraz jakitea merezimendu kualifikatu gisa baloratzen denean, gainerako merezimenduen baremazioari esleitutako puntuazio osoaren %3ko balorazioa emanen zaio euskaraz jakiteari, betiere plantilla organikoan nahitaezkotzat jo ez bada.

Lanpostu jakin batzuetan herritarrekin izaten den harremanaren arabera, Nafarroako Foru Komunitateko Administrazioko eta haren erakunde autonomoetako plantilla organikoan ezartzen ahalko da, eremu mistoko lanpostu batzuk betetzeko deialdietan, gainerako merezimenduen baremazioari esleitutako puntuazio osoaren %6ko balorazioa ematea euskaraz jakiteari.

3. Bi kasuetarako, EGA titulua izanez gero, edo beste titulu ofizial bat, Hizkuntzen Europako Erreferentzia Esparru Bateratuaren C1 mailaren baliokidea, gehieneko balorazioa jasoko da, aurreko ataletan aipatutakoaren arabera.

Titulu hori izan ezean, Hizkuntzen Europako Erreferentzia Esparru Bateratuaren A1 maila izanez gero, gehienez eman daitekeen puntuazioaren 1/5 jasoko da, A2 maila izanez gero 2/5, B1 izanez gero 3/5 eta B2 izanez gero 4/5. Titulu baliokideek balorazio bera izanen dute. Bestela, Nafarroako Gobernuak antolatutako ikastaroetan gainditutako urrats bakoitzak gehienez eman daitekeen puntuazioaren 1/12 jasoko du.

Euskara maila frogatzeko, Nafarroako Administrazio Publikoaren Institutuak espresuki antolatutako azterketa egiten ahalko da; bost zailtasun maila izanen dira, eta hizkuntzari ematen ahal zaion gehieneko puntuazioaren 1/5 emanen zaio maila bakoitzari.

IV. ERANSKINA

Lanpostu honetarako deialdia:

LETRA LARRIA ERABILI ETA GARBI IDATZI DAGOKION LAUKIAN

Deialdiaren xedeko lanpostuarekin zerikusia baldin badute bakarrik baloratuko dira baremoaren 2. ataleko merezimenduak.

Aurrera egin baino lehen, irakurri behean ageri diren jarraibideak inprimaki hau egoki betetzeko.

1.-Egindako zerbitzuak:

Osasunbidea-Nafarroako Osasun Zerbitzuko zentroetan aritu da: (X jarri egokia den laukian).

Nafarroako Gobernuaren mendeko bestelako zentroetan aritu da (adierazi non):

Bestelako zentroetan aritu da (adierazi non):

Hurrengo atalean, merezimenduak baremoen atalen arabera ordenaturik aurkeztu beharko dira. Hurrenkera berean aurkeztu beharko dira.

2.-Beste merezimendu batzuk:

Hurrengo atalean, merezimenduak baremoen atalen arabera ordenaturik aurkeztu beharko dira. Hurrenkera berean aurkeztu beharko dira.

Iruñean,........(e)ko .........................aren ............(e)an.
Interesduna,

EPAIMAHAIBURUA.

OSASUNBIDEA-NAFARROAKO OSASUN ZERBITZUA. Irunlarrea, 39 - 31008 IRUÑA.

JARRAIBIDEAK:

1. Agiri guztietan (ziurtagiriak, diplomak etab.) orriaren eskuinaldeko goialdean zenbakia jarri behar da, 1. agiritik abiatuta. Aurkeztutako agirien zerrendan adierazi beharko da erreferentzia hori, agiriaren izenarekin eta autobaremazioko puntuazioarekin batera. Autobaremazioa ez da lotzailea izanen epaimahaiarentzat.

2. Agiri horri eransten zaizkion orri guztiak eskuinaldeko behealdean zenbakitu beharko dira.

3. Merezimenduak baloratzean, deialdia Nafarroako Aldizkari Ofizialean argitaratzen den egunera arte egindakoak baizik ez dira kontuan hartuko. Geroago egindako merezimenduak ez dira aintzat hartuko.

4. Merezimenduen baremoa deialdi honen eranskinean argitaratu da.

5. Agiri guztiek jatorrizkoak edo notario edo administrazio bidez konpultsatutako kopiak beharko dute izan.

Iragarkiaren kodea: F1001978