4. PROZEDURA JUDIZIALAK
IRUÑEKO LAN ARLOKO 2. EPAITEGIA
Ediktua. 0000720/2008 demanda
Aránzazu Ballesteros Pérez de Albéniz andreak, Iruñeko Lan arloko 2. Epaitegiko idazkariak,
Aditzera ematen dut: Nafarroako Lan eta Gizarte Segurantzako Probintzia Ikuskatzailetzak eskaturik, Transporte Internacional de Navarra (Tridena) enpresaren, Jeffrey Allon Crooken, Robert Batturen, Pascal Norbert Dit Rigalen, Jean Pierre Pocchettiren, Stephane Guey Yuon Montiren, Fabrice Salernoren, Alix Hadibiren, Jean Pierre Papillonen, María Pilar Caravantes Rodríguezen, Enrique Elias Chavarriren, Jean Rene Noelen eta Jean Paul Rene Giberten aurka, ofiziozko prozedura batzuk direla-eta, lan arloko epaitegi honetan bideratzen ari den 0000720/2008 prozeduraren barnean, xedapen zatian hauxe dioen ebazpena eman da gaurko egunean:
Aldez aurretik, Alix Hadibi jaunari dagokion deklarazio-uzia dela-eta, gauza epaituaren salbuespena baietsita, baiesten dut Nafarroako Lan eta Gizarte Segurantzako Probintzia Ikuskatzailetzako Gizarte Segurantzako Unitate Espezializatuko buruak, ofiziozko prozedura baten ondorioz, Transporte Internacional de Navarra (Tridena) enpresaren aurka jarritako demanda, eta, gainerako ukituak Jeffrey Allon Crook jauna, Robert Battu jauna, Pascal Christian Nobert Dit Rigal jauna, Jean Pierre Pocchetti jauna, Stephane Guy Monti jauna, Fabrice Salerno jauna, Jean Pierre Papillon jauna, María Pilar Carabantes Rodríguez andrea, Enrique Elías Chavarri jauna, Jean Rene Noel jauna eta Jean Paul Rene Gubert jauna izanik, deklaratzen dut 312008000055785 arau-hausteko aktan eta 312008008006048 kuoten likidazio aktan aipatzen diren bi alderdien arteko harreman juridikoa lan harremana dela.
Beraz, epai honen bidez, behin betiko epaituz, hori aldarrikatu, agindu eta sinatzen dut.
Eginbidea.-Jakinaraz bekie epaia alderdi guztiei, adieraziz haren aurka erregu-errekurtsoa jar daitekeela Nafarroako Justizia Auzitegi Nagusiko Lan arloko Salari zuzendua, jakinarazi eta ondoko bost egun balioduneko epean. Horretarako aski izanen da epaia jakinaraztean alderdiak, haren abokatuak edo ordezkariak asmo horren berri ematea. Zilegi izanen da, orobat, adierazitako epean pertsona horiek bertan agertzea edo idazkia aurkeztea. Errekurtsoaren berri ematean, alderdi errekurtsogileak errekurtsoa zuzenduko duen legelari bat izendatu beharko du.
Enpresari ohartarazten zaio, errekurtsoa jarriz gero, horren iragarkiarekin batera, Lan arloko epaitegi honek Banesto taldean (Banco Español de Crédito, S.A., Banco de Vitoria, S.A.) irekita duen Gordailu eta Kontsignazioen kontuan 150,25 euro sartu izanaren egiaztagiria aurkeztu beharko duela. Kontua Iruñeko Nafarroako Gorteak kaleko 5ean dagoen sukurtsalekoa da (3159 kontua, 3159 0000 65 0720 08 prozedura). Jakinarazi izanaren frogagarri, sinatu dute eta horren fede ematen dut.
Eta Jeffrey Allon Crooki legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio ez dela beste jakinarazpenik eginen, autoenak, epaienak edo epatzeenak izan ezik.
Iruñean, 2010eko otsailaren 9an.-Idazkari judiziala, Aránzazu Ballesteros Pérez de Albéniz.
Iragarkiaren kodea: J1002428
