4. PROZEDURA JUDIZIALAK
IRUÑEKO LEHEN AUZIALDIKO 7. EPAITEGIA
Jakinarazpen ediktua. Hitzezko judizioa, 1117/2008
Aránzazu Chocarro Ucar andreak, Iruñeko Lehen Auzialdiko 7. Epaitegiko idazkariak,
Fede ematen dut: prozedura honetan ondoko epaia eman da, hitzez hitz:
116/2009 epaia. Iruñean, 2010eko otsailaren zortzian.
Beatriz García Noain andreak, Iruñeko Lehen Auzialdiko 7. Epaitegiko epaile magistratuak, epaitegi honetan bideratzen ari diren 1117/2008 hitzezko judizioaren autoak aztertu ditu. Auzia Jesús María Beitia López jaunak sustatu du, Carlos Arvizu Badarán de Osinalde prokuradore jaunak ordezkatuta, José María Muñoz Berrio jaunaren aurka (auzi-ihesean deklaratua) eta Groupamaren aurka (Yolanda Apezteguía Elso prokuradore andreak ordezkatua).
Epaitza
Osorik ezesten dut Carlos Arvizu Badarán de Osinalde epaitegietako prokuradore jaunak, Jesús María Beitia López jauna ordezkatuz, José María Muñoz Berrio jaunaren aurka (auzi-ihesean deklaratua) eta Groupamaren aurka (Yolanda Apesteguía Elso prokuradore andreak ordezkatua) jarri duen demanda, eta horrenbestez demandatuak absolbitzen ditut demanda-idazkian egindako eskakizun guztietatik, eta berariaz prozesuko kostuak alderdi demandatzaileari ezartzen dizkiot.
Jakinaraz bekie ebazpen hau alderdiei, eta ohartaraz bekie honen aurka apelazio-errekurtsoa jartzen ahal dutela epaitegi honetan, jakinarazi eta ondoko bost eguneko epean.
Lekukotza egin eta erants bedi eta jatorrizkoa Epaitegi honetako Epaien Liburuan gorde bedi.
Beraz, epai honen bidez, hori aldarrikatu, agindu eta sinatzen dut.
Eta José María Muñoz Berrio jauna non den jakiterik ez dagoenez, honako hau egiten da jakinarazpen zedula gisa erabil dadin.
Iruñean, 2010eko otsailaren 8an.-Idazkari judiziala, Aránzazu Chocarro Ucar.
Iragarkiaren kodea: J1002329
