I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
258/2009 EBAZPENA, apirilaren 24koa, Ingurumen Kalitatearen Zerbitzuko zuzendariak emana, Oibarko Udal Plan Orokorra, Oibarko Udalak sustatua, eta Ingurumen ondorioen azterlana (2009ko urtarrileko planoekin batera) jendaurrean jartzen dituena.
Plan hori Ingurumena babesteko esku-hartzeari buruzko martxoaren 22ko 4/2005 Foru Legearen 3 A eranskineko B) 1. atalean dago sartuta eta, beraz, Ingurumen ebaluazio estrategikoaren prozedura bete behar du.
Ingurumen Kalitatearen Zerbitzuak adierazi du Ingurumen ondorioen azterlana aski dela, eta, beraz, plana onetsi aurretik jendaurrean jartzeko beste tramiterik aurreikusi ez denez, behin-behinekoz onetsita baitago, martxoaren 22ko 4/2005 Foru Legearen 33.2 artikuluan eta Zenbait planek eta programak ingurumenean dituzten ondorioak ebaluatzeari buruzko apirilaren 28ko 9/2006 Legearen 10. artikuluan ezarritakoarekin bat, espedientea jendaurrean jarri behar da berrogeita bost egunez, ingurumen arloko ondorioetarako.
Espedientean dauden txostenak ikusirik eta Ingurumena babesteko esku-hartzeari buruzko martxoaren 22ko 4/2005 Foru Legearen 33.2 artikuluan eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 35.3 artikuluan xedatutakoarekin bat,
EBATZI DUT:
1. Oibarko Udal Plan Orokorra, Oibarko Udalak sustatua, eta Ingurumen ondorioen azterlana jendaurrean jartzea berrogeita bost egunez, ingurumen arloko ondorioetarako, martxoaren 22ko 4/2005 Foru Legearen 33.2 artikuluan ezarritakoari jarraikiz.
Horretarako, espedientea interesdunen eskura egonen da Landa Garapeneko eta Ingurumeneko Departamentuan (Armada etorbidea, 2, Iruña) eta Oibarko Udaletxean, bulegoko ordu baliodunetan, eta epe horretan zilegi izanen da idatziz nahi adina alegazio aurkeztea.
2. Ebazpen hau Nafarroako Aldizkari Ofizialean argitaratzea, orok jakin dezan.
3. Ebazpen hau jakinaraztea Ingurumen Kalitatearen Zerbitzuari, Lurraldearen Antolamendu eta Hirigintza Zerbitzuari eta Oibarko Udalari, behar diren ondorioak izan ditzan.
Iruñean, 2009ko apirilaren 24an.-lngurumen Kalitatearen Zerbitzuko zuzendaria, Pedro Zuazo Onagoitia.
Iragarkiaren kodea: F0915003
