Iragarkia

68. ALDIZKARIA - 2009ko ekainaren 3a

I. NAFARROAKO FORU KOMUNITATEA

1.3. BESTELAKO XEDAPENAK

1.3.5. Estatutuak eta lan hitzarmen kolektiboak

579/2009 EBAZPENA, apirilaren 16koa, Arriskuen Prebentziorako eta Lanaren zuzendari nagusiak emana, "Zuraren industriak" sektorearen lan hitzarmen kolektiboaren berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 31/2009).

Departamentu honetan 2009ko apirilaren 8an sartu da 2009ko "Zuraren industriak" sektorearen hitzarmenaren berrikuspenari buruzko akordioa, negoziazio batzordeak hitzarmen hartan xedaturikoa betez izenpetu eta onetsia (hasierako espedientearen zenbakia: 63/2008).

Berrikuntza, Enpresa eta Enplegu Departamentua da Lan Hitzarmen Kolektiboaren testua erregistratu, gorde eta argitaratzeko eskumena duena, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera. Eginkizun haiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, eta kontuan hartuta Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.

Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,

EBATZI DUT:

1. Nafarroako "Zuraren industriak" sektorearen (hitzarmenaren kodea: 3104805) berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.

2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Berrikuntza, Enpresa eta Enpleguko kontseilariari zuzendua, jakinarazi eta biharamunetik hilabeteko epean.

3. Ebazpen hau Nafarroako Aldizkari Ofizialean argitaratzea, orok jakin dezan".

Iruñean, 2009ko apirilaren 16an.-Arriskuen Prebentziorako eta Lanaren zuzendari nagusia, Imelda Lorea Echavarren.

NAFARROAKO "ZURAREN INDUSTRIAK" SEKTOREAREN HITZARMEN KOLEKTIBOAN BIGARREN URTERAKO (2009) XEDATUTAKOA APLIKATZEKO AKORDIOA

Akta

Iruñean, ADEMANen egoitza sozialean (helbidea: Pedro I.aren kalea, tarteko solairua) hain zuzen, 2009ko otsailaren 26ko 11:00etan, Nafarroako "Zuraren Industriak" sektorearen hitzarmen kolektiboaren negoziazio batzordea bildu da, eta honako ordezkari hauek bertaratu dira:

-Asociación Empresarial de Carpinteros y Ebanistas de Navarra (ACEN) elkartearen izenean: Julián Goñi Corbatón.

-Asociación de Empresarios de la Madera de Navarra (ADEMAN) elkartearen izenean: Álvaro Valgañón.

-Unión General de Trabajadores (UGT) sindikatuaren izenean: José Mejías Sarmiento.

-LAB sindikatuaren izenean: José Ignacio Etxamendi Lázaro.

-Langile Komisioak (CCOO) sindikatuaren izenean: José Ramón Ibáñez Amillo.

Bilerari hasiera emanik, Nafarroako Zuraren Industria sektorearen hitzarmen kolektiboaren laugarren xedapen iragankorrean xedatutakoari jarraikiz,

ERABAKI DUTE:

Lehenengoa.-2009ko lan egutegia onestea, Nafarroako Zuraren Industria sektorearen hitzarmen kolektiboaren laugarren xedapen iragankorrean xedatutakoaren arabera hori zehaztu ez duten enpresei aplikatuko zaiena.

Bigarrena.-Lanaldia: hitzarmenaren 17. artikuluaren hirugarren paragrafoan xedatutakoa aplikatuz, urteko lanaldi baliozko eta benetakoa 1.732 ordukoa izanen da 2009an.

Hirugarrena.-Hitzarmenaren edukiak aldatu gabe jarraituko du, aurreko egokitzapenek aldarazten ez duten guztian.

Laugarrena.-Akordio hau Nafarroako Gobernuko Berrikuntza, Enpresa eta Enplegu Departamentura igorriko da, erregistratu eta Nafarroako Aldizkari Ofizialean argitara dadin, orok jakin dezan eta eraginkorra izan dadin.

Beste gairik aztertu beharrik ez dagoenez, bilera 2009ko otsailaren hogeita seiko 12:00etan bukatu da.

Sinatu dute:

Eta horrela ager dadin, akta hau egin da, bildu direnek sinatua, goian aipatu tokian eta egunean.

Enpresaburuen ordezkariak:

ACEN elkartearen izenean: Julián Goñi Corbatón.

ADEMAN elkartearen izenean: Alvaro Valgañón Villanueva.

Langileen ordezkariak:

UGT sindikatuaren izenean: José Mejías Sarmiento eta Ignacio Rey Recalde.

LAB sindikatuaren izenean: José Ignacio Etxamendi Lázaro.

CCOO sindikatuaren izenean: José Ramón Ibáñez Amillo.

1. ERANSKINA

P: Zubiak.

-Astelehenetik ostiralera 8 orduko lanaldiak dituen egutegia.

-30 egun naturaleko oporraldiak 22 lanegun, larunbatak eta igandeak barne hartuko ditu.

-Abenduaren 24an lanaldia 4 ordukoa izanen da.

-Urtarrilaren 2an edota 5ean zubia egin bada lanaldi luzeagatik, ordu horiek lanaldietan sartuko dira, enpresak nahi duenean.

Jaiegunak:

Urtarrilaren 1a: Urteberri eguna.

Urtarrilaren 6a: Errege eguna.

Martxoaren 19a: San Jose.

Apirilaren 9a: Ostegun Santua.

Apirilaren 10a: Ostiral Santua.

Apirilaren 13a: Pazko astelehena.

Maiatzaren 1a: Langileen eguna.

Uztailaren 25a: Santiago eguna.

Abuztuaren 15a: abuztuko Ama Birjina.

Urriaren 12a: Espainiako jai nazionala.

Abenduaren 3a: San Frantzisko Xabierkoa.

Abenduaren 8a: Andre Maria Birjinaren Sortze Garbiaren eguna.

Abenduaren 25a: Eguberri eguna.

Tokiko jaieguna Arriskuen Prebentziorako eta Lanaren zuzendari nagusiaren 1027/2008 Ebazpenean (Nafarroako 156. Aldizkari Ofiziala, 2008ko abenduaren 24koa) ezarritakoa izanen da.

Iragarkiaren kodea: F0914190