I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
7/2009 FORU DEKRETUA, maiatzaren 29koa, Nafarroako Gobernuko lehendakariak emana, José Iruretagoyena Aldaz jauna Nafarroako Kontseiluko kide izendatzen duena.
Nafarroako Kontseiluari buruzko martxoaren 16ko 8/1999 Foru Legeak, 4. artikuluan, xedatzen du Kontseilua honako hauek osatuko dutela: zazpi kide, Nafarroako Gobernuko lehendakariak izendatuak; bost kide, Nafarroako Parlamentuak proposatuak; eta gainerako biak, Nafarroako Gobernuak izendatuak.
2009ko maiatzaren 29an Nafarroako Parlamentuko lehendakariaren komunikazioa jaso da, non adierazten baitu Nafarroako Parlamentuak 2009ko maiatzaren 21ean egindako osoko bilkuran erabaki zuela José Iruretagoyena Aldaz jauna Nafarroako Kontseiluko kide izendatzea, Parlamentuak proposaturik. Hortaz, bidezkoa da hura izendatzea.
Horrenbestez, Nafarroako Kontseiluari buruzko martxoaren 16ko 8/1999 Foru Legeak ematen dizkidan ahalmenak erabiliz,
DEKRETATU DUT:
1. José Iruretagoyena Aldaz jauna Nafarroako Kontseiluko kide izendatzea, Nafarroako Parlamentuak proposaturik.
2. Nafarroako Gobernuko lehendakariaren foru dekretu hau Nafarroako Parlamentuari, Nafarroako Kontseiluari eta interesdunari jakinarazi behar zaie eta Nafarroako Aldizkari Ofizialean argitaratu behar da, behar diren ondorioak izan ditzan.
Iruñean, 2009ko maiatzaren 29an.-Nafarroako Gobernuko lehendakaria, Miguel Sanz Sesma.
Iragarkiaren kodea: F0916793
