I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
257/2009 EBAZPENA, otsailaren 16koa, Arriskuen Prebentziorako eta Lanaren zuzendari nagusiak emana, "Ibilgailuak konpontzeko tailerrak" sektorerako lan hitzarmen kolektiboko 2009ko soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 13/2009).
Departamentu honetan 2009ko otsailaren 16an sartu da Nafarroako "Ibilgailuak konpontzeko tailerrak" sektorerako lan hitzarmen kolektiboko 2009ko soldaten berrikuspenari buruzko akordioa, negoziazio batzordeak hitzarmen hartan xedatutakoa betez izenpetu eta onetsia (hasierako espedientearen zenbakia: 79/2006).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoari jarraikiz, Berrikuntza, Enpresa eta Enplegu Departamentuak du lan hitzarmen kolektiboak erregistratu, gorde eta argitaratzeko eskumena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan hartu da Lan hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,
EBATZI DUT:
1. Nafarroako "Ibilgailuak konpontzeko tailerrak" sektorerako lan hitzarmen kolektiboko (kodea: 3107255) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau negoziazio batzordeari jakinaraztea, eta adieraztea ebazpenak ez diola administrazio bideari bukaera ematen eta haren aurka gora jotzeko errekurtsoa jartzen ahal dela, Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2009ko otsailaren 16an.-Arriskuen Prebentziorako eta Lanaren zuzendari nagusia. Imelda Lorea Echavarren"
NAFARROAKO FORU KOMUNITATEKO ''IBILGAILUAK KONPONTZEKO TAILERRAK'' SEKTORERAKO LAN HITZARMENEKO SOLDATAK BERRIKUSTEKO AKORDIOA,
2009. URTERAKO
Iruñean, 2009ko otsailaren bederatzian.
Ibilgailuak konpontzeko tailerren sektorerako hitzarmen kolektiboaren batzordea bildu da. Bertaraturikoak: CCOO sindikatuaren izenean, Ana Zapata Aguirre; UGT sindikatuaren izenean, Baltasar García Salaberri; eta ANTRV-ren izenean, Luis Ursua Ibero.
Bilkuran aztertu beharreko gaia 2009. urterako soldaten igoera gauzatzea da, hitzarmen kolektiboaren 30.2 artikuluan ezarritakoa betetzeko, 2008. urterako benetako KPIa ehuneko 1,4koa izan baita. Hori dela eta, honako erabaki hauek hartu dira aho batez:
Lehena.-Indarreko hitzarmen kolektiboaren 30. artikuluko 2. atalean adierazitakoarekin bat, 2008an esleitutako banakako batez besteko soldata gordinen gainean 2,65 puntuko igoera onartzea (2008ko KPI gehi %1,25), homogeneotasun baldintzetan eta enpresetan dagoen soldaten egitura aldatu gabe.
Bigarrena.-2009. urterako hitzarmenaren taulak 1. eranskinean azaltzen dira, %3,4ko igoera aplikatuta (2008ko KPI gehi %2).
Hirugarrena.-2009. urterako antzinatasuneko hirurtekoak berrikustea, %3,4ko igoera barne (2008ko KPI gehi %2). Beraz, hirurteko horien gutxieneko zenbatekoak hauek izanen dira:
-Lehenengo hirurtekoa: 148,02 euro.
-Bigarren hirurtekoa: 296,34 euro.
-Hirugarren hirurtekoa: 518,22 euro.
-Laugarren hirurtekoa: 665,53 euro.
-Bosgarren hirurtekoa: 739,94 euro.
-Seigarren hirurtekoa: 961,78 euro.
-Zazpigarren hirurtekoa: 1035,32 euro.
-Zortzigarren hirurtekoa: 1109,30 euro.
Hortik gorako hirurteko bakoitzeko 75,69 euro gehituko dira.
Laugarrena.-Hitzarmen kolektiboan bidaia sarietarako, dietetarako eta kilometrajerako finkatutako zenbatekoak berrikustea. 2009. urterako, %3,4ko igoera barne (2008ko KPI gehi %2), honenbestekoak izanen dira:
-Dieta osoa: 39,69 euro.
-Dieta osoa, 3 egunetik beherako bidaietan: 46,29 euro.
-Dieta erdia: 22,32 euro.
-Kilometrajea: 0,35 euro.
Bosgarrena.-Hitzarmen kolektiboan diagnosiko teknikariaren pluserako ezarri diren zenbatekoak berrikustea. 2009. urterako, %2,65eko igoera barne (2008ko KPI gehi %1,25), honenbestekoak izanen dira:
-Urtekoa: 547,26 euro.
-Hilekoa: 39,09 euro.
Seigarrena.-Ahalmena ematen zaio, berariaz, Luis Ursúa Ibero jaunari, akta hau Nafarroako Gobernuko Lan Departamentuko Hitzarmen Kolektiboen Erregistro Orokorrean aurkezteko eta bertan inskribatzeko, gero Nafarroako Aldizkari Ofizialean argitara eman dadin.
Eta jorratu beharreko beste gairik ez izanik, bilerari bukaera eman zitzaion idazpuruan adierazitako tokian eta egunean.
ANTRVren izenean: Luis Ursúa Ibero.
CCOOren izenean: Ana Zapata Aguirre.
UGTren izenean: Baltasar García Salaberri.
I. ERANSKINA 2009ko soldaten taulak |
KATEGORIAK | OINARRIZKO SOLDATA (euroak) | HITZARMENEKO PLUSA (euroak) | PIZGARRIAK (euroak) | GSB PLUSA (euroak) | GUZTIRA HILEAN (euroak) | GUZTIRA URTEAN (euroak) |
1. mailako ofiziala | 1.004,32 | 251,22 | 91,44 | 231,16 | 1.578,14 | 22.093,96 |
2. mailako ofiziala | 1.002,78 | 237,29 | 91,36 | 170,23 | 1.501,66 | 21.023,24 |
3. mailako ofiziala | 978,42 | 218,77 | 90,03 | 175,07 | 1.462,29 | 20.472,06 |
Espezialista | 966,46 | 218,77 | 89,68 | 164,00 | 1.438,91 | 20.144,74 |
Laguntzailea | - | - | - | - | 1.225,45 | 17.156,30 |
Administrazioko burua | 1.004,32 | 251,22 | 91,44 | 231,16 | 1.578,14 | 22.093,96 |
1. mailako administrari-ofiziala | 1.002,78 | 237,29 | 91,36 | 170,23 | 1.501,66 | 21.023,24 |
2. mailako administrari-ofiziala | 978,42 | 218,77 | 90,03 | 175,07 | 1.462,29 | 20.472,06 |
3. mailako administrari-ofiziala (adm. laguntzailea) | 966,46 | 218,77 | 89,68 | 164,00 | 1.438,91 | 20.144,74 |
Saltzailea | 978,42 | 218,77 | 90,03 | 175,07 | 1.462,29 | 20.472,06 |
Prestakuntza kontratua, 1. urtekoa | 775,49 | - | - | - | 775,49 | 10.856,86 |
Prestakuntza kontratua, 2. urtekoa | 902,07 | - | - | - | 902,07 | 12.628,98 |
Diagnosiko teknikaria | | | | | 39,09 | 547,26 |
I. ERANSKINA (Jarraipena)
2009. urterako hirurtekoak
-Lehenengo hirurtekoa: 148,02 euro.
-Bigarren hirurtekoa: 296,34 euro.
-Hirugarren hirurtekoa: 518,22 euro.
-Laugarren hirurtekoa: 665,53 euro.
-Bosgarren hirurtekoa: 739,94 euro.
-Seigarren hirurtekoa: 961,78 euro.
-Zazpigarren hirurtekoa: 1035,32 euro.
-Zortzigarren hirurtekoa: 1109,30 euro.
Hortik gorako hirurteko bakoitzeko 75,69 euro gehituko dira.
Bidaiak, dietak eta kilometrajea, 2009. urterako honako hauek:
-Dieta osoa: 39,69 euro.
-Dieta osoa, 3 egunetik beherako bidaietan: 46,29 euro.
-Dieta erdia: 22,32 euro.
-Kilometrajea: 0,35 euro.
Iragarkiaren kodea: F0910833
