I. NAFARROAKO FORU KOMUNITATEA
1.1. XEDAPEN OROKORRAK
1.1.4. Ebazpenak
53/2009 EBAZPENA, otsailaren 20koa, Antolamenduaren, Kalitatearen eta Berrikuntzaren zuzendari nagusiak emana, Haur Hezkuntzako lehen zikloa ematen duten ikastetxeek egutegia eta ordutegia prestatzeko jarraibideak onesten dituena, 2009-2010 ikasturterako.
Antolamendu eta Berrikuntza Zerbitzuko zuzendariak adostasun txostena aurkeztu du ebazpen hau onesteko; ebazpen honen xedea egutegia eta ordutegia egiteko jarraibide batzuk onestea da, horren gainean 28/2007 Foru Dekretuan ezarritakoa garatzeko balioko dutenak, 2009-2010 ikasturtean.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluak ematen dizkidan ahalmenak erabiliz,
EBATZI DUT:
1. Ebazpen honen eranskinean egutegia eta ordutegia prestatzeko ageri diren jarraibideak onestea. Jarraibide horiek Nafarroako Foru Komunitateko Haur Hezkuntzako lehen zikloko ikastetxeak arautuko dituzte 2009-2010 ikasturtean.
2. Ebazpen hau eta eranskina Nafarroako Aldizkari Ofizialean argitaratzea.
3. Ebazpen honen eta eranskinaren aurka gora jotzeko errekurtsoa jartzen ahal da, Hezkuntzako kontseilariari zuzendua, argitaratu eta biharamunetik hilabeteko epean.
4. Ebazpen hau igortzea Antolamendu eta Berrikuntza Zerbitzura, Zerbitzuak Ikuskatzeko eta Ikuskapen Teknikorako Zerbitzura, Ikastetxeen eta Ikasketetarako Laguntzen Zerbitzura, Aniztasunaren, Orientazioaren eta Kultura-aniztasunaren Zerbitzura, Familia, Gazteria, Kirol eta Gizarte Gaietako Departamentuko Familiaren Sustapenerako Zerbitzura eta Haur Hezkuntzako Lehen Zikloaren Atalera, behar diren ondorioak izan ditzan.
Iruñean, 2009ko otsailaren 20an.-Antolamenduaren, Kalitatearen eta Berrikuntzaren zuzendari nagusia, Teresa Aranaz Jiménez.
ERANSKINA
1.-Ikastetxe publikoak.
1.1. Oinarrizko egutegia, 3. atalean (Tramitazioa) ezarritako epean proposatzen ez duten ikastetxeei ofizioz esleituko zaiena, honako hau izanen da:
-Ikasturtea irailaren 1ean hasi eta uztailaren 31n bukatuko da.
-Ikastetxea 216 egunez irekiko da. Lehen biak eta azken biak zereginak antolatzen emanen dituzte hezkuntzako langileek; aldiz, garbiketa orokorreko lanetan, zerbitzuetako langileek. Gainerako 212 egunak haurrak zaintzeko izanen dira.
-Nafarroako Foru Komunitateko egutegi ofizialean ezarritakoak jaiegunak izanen dira: urriaren 12a; abenduaren 3a, 8a eta 25a; urtarrilaren 1a eta 6a; martxoaren 19a; apirilaren 1a, 2a eta 5a; maiatzaren 1a; uztailaren 25a; eta Udalak herriko zaindaria dela-eta ezartzen duen jaieguna.
-Lanegun ez diren egunak: abenduaren 4a eta 7a eta otsailaren 22a eta 23a.
-Eguberrietako oporrak abenduaren 25etik urtarrilaren 6ra arte izanen dira, biak barne.
-Aste Santuko oporrak apirilaren 1etik 7ra arte izanen dira, biak barne.
1.2. Ikastetxeko egutegirako proposamen berezi bat egin nahi duten entitate titularrek baldintza hauek bete beharko dituzte:
-Ikastetxea 216 edo 208 egunez irekiko da. Lau egunetan plangintza lana eginen dute hezitzaileek, eta garbiketa orokorra zerbitzuetako langileek. Gainerako 212 edo 204 egunak haurrak zaintzeko izanen dira.
Ikastetxea irekitzeko egunen aukera hori toki entitateak Hezkuntza Departamentuarekin egindako lankidetza hitzarmenean jaso da, finantzatu dadin.
-Nafarroako Foru Komunitateko egutegi ofizialean ezarritakoak jaiegunak izanen dira: urriaren 12a; abenduaren 3a, 8a eta 25a; urtarrilaren 1a eta 6a; martxoaren 19a; apirilaren 1a, 2a eta 5a; maiatzaren 1a; uztailaren 25a; eta Udalak herriko zaindaria dela-eta ezartzen duen jaieguna.
1.3. 2010erako lan egutegi arruntean martxoaren 19a laneguna bada, ikastetxeek berregokitu eginen dute beren egutegia, eta Hezkuntzako Ikuskapen Zerbitzura igorriko eguna ordezteko proposamena.
1.4 Ikastetxeko ordutegiak honako baldintzak bete beharko ditu:
-Ikastexea zabalik egonen da astelehenetik ostiralera bitarte.
-Ikastetxe bakoitzaren entitate titularrak ezarriko du egunero ikastetxea ireki eta ixteko ordutegia, kontuan hartuz honakoak: familien beharrak, hezitzaileen ordutegien antolamendu eta malgutasun aukerak eta ratioak betetzea.
-Ikastetxea ireki eta ixteko ordutegian, haurrek sartu eta ateratzeko ordu malguak izanen dituzte. Denbora tarte horietatik at ezin izanen da ikastetxean sartu, arrazoi justifikatuengatik salbu.
Haurrak zein modalitatetan dauden matrikulatuta ikasturte guztian, haren araberako ordutegia beteko du ikastetxeak.
-Haurrek jateko, garbitzeko eta lo egiteko duten erritmoaren inguruan antolatuko da eguneko lanaldia.
1.5. Ikastetxeetako hezitzaileek urteko lanorduen %6,4 prestakuntzarako, koordinazio bileretarako eta familiekin egin beharreko bileretarako erabiliko dituzte.
1.6. Ikasturte hasieran haurren egokitzapenerako plangintza egin beharko da eta honakoak hartuko dira kontuan: egokitzapena errazteko jarduera zehatzak diseinatzea, banakako beharrak kontuan hartzea, familiakoen parte-hartzea eta laguntza, ordutegien malgutasuna eta ikastetxearen antolamendua.
1.7. Egutegia eta ordutegia irizpide pedagogikoei jarraikiz zehaztuko dira. Profesionalen lehentasunek nahiz interesek inolaz ere ez dute oztopatuko azaldutako irizpideen aplikazioa.
2.-Ikastetxe pribatuak.
2.1. Ikastetxeko egutegiak honako baldintzak bete beharko ditu:
-Ikasturtea gutxienez hamar hilabetekoa izanen da eta hamaikakoa gehienez.
-Ikastetxea haurrentzako irekita izanen da gutxienez 175 egunez eta gehienez 213 egunez.
-Nafarroako Foru Komunitateko egutegi ofizialean ezarritakoak jaiegunak izanen dira: urriaren 12a; abenduaren 3a, 8a eta 25a; urtarrilaren 1a eta 6a; martxoaren 19a; apirilaren 1a, 2a eta 5a; maiatzaren 1a; uztailaren 25a; eta Udalak herriko zaindaria dela-eta ezartzen duen jaieguna.
-2009rako lan egutegi arruntean martxoaren 19a laneguna bada, ikastetxeek berregokitu eginen dute beren egutegia, eta Zerbitzuak Ikuskatzeko eta Ikuskapen Teknikorako Zerbitzura igorriko eguna ordezteko proposamena.
2.2. Ikastetxeko ordutegiak honako baldintzak bete beharko ditu:
-Ikastexea zabalik egonen da astelehenetik ostiralera bitarte.
-Ikastetxe bakoitzaren entitate titularrak ezarriko du egunero ikastetxea ireki eta ixteko ordutegia; betiere, ezarritako ratioak betetzen direla bermatuta.
-Haurrak sartu eta ateratzeko ordu malguak ezarriko dira ikastetxearen ordutegian. Denbora tarte horietatik at ezin izanen da ikastetxean sartu, arrazoi justifikatuengatik salbu.
-Eguneko lanaldiaren antolamenduaren ardatza izanen da haurrek jateko, garbitzeko eta lo egiteko erritmoa.
2.3. Egutegia eta ordutegia irizpide pedagogikoei jarraikiz zehaztuko dira.
2.4. Ikasturte hasieran haurren egokitzapenerako plangintza egin beharko da eta honakoak hartuko dira kontuan: egokitzapena errazteko jarduera zehatzak diseinatzea, banakako beharrak kontuan hartzea, familiakoen parte-hartzea eta laguntza, ordutegien malgutasuna eta ikastetxearen antolamendua.
3.-Tramitazioa.
Tramitazioa egiteko honela jokatuko da:
3.1. Ikastetxeko entitate titularrak egutegia eta ordutegia igorriko ditu Hezkuntzako Ikuskapen Zerbitzura 2009ko ekainaren 1a baino lehen, unitateek zer-nolako lanaldia duten zehaztuta.
3.2. Hezkuntzako Ikuskapen Zerbitzuak egutegiak eta ordutegiak onetsiko ditu, aztertu ondoren. Ikastetxeren batek bere egutegiaren proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskineko 1.1. atalean ezarritako egutegia.
3.3. Egutegia eta ordutegia onetsirik, nahitaez bete beharko dira. Ikastetxeko Zuzendaritzaren erantzukizuna izanen da haiek betearaztea, eta Hezkuntzako Ikuskapen Zerbitzuarena egutegien ezarpena gainbegiratu eta kontrolatzea.
3.4. Egutegia eta ordutegi orokorra ikastetxeko iragarki oholean jarriko dira ikusgai, eta ez dira inoiz aldatuko Hezkuntzako Ikuskapen Zerbitzuaren baimenik gabe, entitate titularrak hala eskatuta.
Iragarkiaren kodea: F0911055
