I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
319/2009 EBAZPENA, otsailaren 3koa, Nafarroako Enplegu Zerbitzuko zuzendari kudeatzaileak emana, Ignacio San Miguel Montoya jauna Nafarroako Enplegu Zerbitzuko Lan-munduan Sartzeko Laguntzen Bulegoko buru izendatzen duena, bitarte baterako.
Nafarroako Foru Komunitateko Administrazioari buruzko abenduaren 3ko 15/2004 Foru Legeak 27.3 artikuluan ezartzen duenez, atalburuak, bulegoburuak eta ataletik beherako unitateetako buruak Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko dira.
Nafarroako Foru Komunitateko Administrazioaren eta haren erakunde autonomoen organoek langileen arloan dituzten eskudantziak zehazten dituen otsailaren 21eko 30/2005 Foru Dekretuaren 8. artikuluan eta Nafarroako Enplegu Zerbitzuaren estatutuak onesten dituen maiatzaren 21eko 47/2007 Foru Dekretuaren 13. artikuluan xedatutakoari jarraikiz.
EBATZI DUT:
1. Ignacio San Miguel Montoya jauna, Nafarroako Foru Komunitateko Administrazioko funtzionarioa, Nafarroako Enplegu Zerbitzuko Lan-munduan Sartzeko Laguntzen Bulegoko buru izendatzea, bitarte baterako.
2. Ebazpen hau igortzea Funtzio Publikoaren Zuzendaritza Nagusiari, Nominen eta Gizarte Segurantzaren Atalari eta Nafarroako Enplegu Zerbitzuko Enplegua Sustatzeko eta Aukera Berdintasunerako Zerbitzuari eta Prestakuntza eta Bitartekaritza Zerbitzuari.
3. Ebazpen hau interesdunari jakinaraztea. Aditzera ematen zaio hamar egun naturaleko epean jabetu beharko duela lanpostuaz, jakinarazi eta biharamunetik hasita, Nafarroako Enplegu Zerbitzuko Laguntza Tekniko eta Administratiboaren Zerbitzuan.
4. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2009ko otsailaren 3an.-Nafarroako Enplegu Zerbitzuko zuzendari kudeatzailea, José Luis Ruiz Ciruelos.
Iragarkiaren kodea: F0910705
