1. NAFARROAKO FORU KOMUNITATEA
1.7. BESTELAKOAK
2834/2009 EBAZPENA, azaroaren 25ekoa, Enpresako zuzendari nagusiak emana, Los Arcosko industrialde berria hornitzeko 13,2 kV-eko linea elektrikorako administrazio baimena eman, proiektua onetsi eta haren onura publikoa deklaratzen duena.
2005eko irailaren 13an, Berrueza, S.A.k goi tentsioko instalaziorako administrazio baimena, proiektuaren onespena eta onura publikoaren deklarazioa eskatu zituen. Hona instalazio horren ezaugarri nagusiak:
a) Eskatzailea: Berrueza, S.A.
b) Instalazioa jartzeko tokia: Los Arcos.
c) Instalazioaren xedea: Los Arcosko industrialde berria hornitzea.
d) Instalazioaren ezaugarriak: 13,2 kV-eko aireko deribazioa, "Los Arcosko BTA-Invernaderos TZ" lineako 1.10 euskarri metaliko berritik, 567 m luze, 100A-1/S1A eroalea, hormigoi eta metalezkoa, 4. euskarri berrian bukatzeko, Los Arcosko industrialde berria hornitzeko, Los Arcosko udalerriko Las Roturas izeneko alderdian.
e) Aurrekontua: 33.144,76 euro.
Berrueza S.A.ren eskaria jendaurrean jarri zen. Horretarako, 2006ko abuztuaren 8ko Diario de Navarra egunkarian eta 2006ko 102. Nafarroako Aldizkari Ofizialean, abuztuaren 25ean, argitaratu zen, eta iragarkia argitaratu eta hurrengo egunetik aurrera hogei eguneko epea ezarri zen egokitzat jotako erreklamazioak egiteko; era berean, txostena egiteko eskatu zitzaion ukitutako erakundeari, Herri Lan, Garraio eta Komunikazio Departamentuari alegia, baita ukitutako Udalbatzari ere, Los Arcosko Udalari alegia.
Enpresa eskatzaileak onetsi egin zituen txostenetako baldintzak eta ez zen alegaziorik aurkeztu.
Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22 artikuluak ematen dizkidan eskudantziak erabiliz,
EBATZI DUT:
1.-Baimena ematea 13,2 kV-eko linea elektrikoa ezartzeko, Los Arcosko industrialde berria hornitzeko.
2.-Zehazki, instalazio horren onura publikoa deklaratzea, Sektore Elektrikoari buruzko azaroaren 27ko 54/1997 Legearen 52., 53. eta 54. artikuluetan, eta lege hori garatzen duen abenduaren 1eko 1955/2000 Errege Dekretuaren 148. eta 149. artikuluetan aurreikusitako ondorioetarako.
3.-Instalazio hori egiteko aurkeztutako proiektua onestea, Laureano Sánchez Casafranca eta Héctor Sánchez Segura industria ingeniari teknikoek sinatua. 12 hilabete eman zaizkio obrak burutzeko.
4.-Berrueza, S.A. enpresari onuradun izaera aitortzea desjabetze espedientean.
5.-Ebazpen hau Berrueza, S.A.ri (Sancho el Sabio etorb., 25-behea; 31210 Los Arcos) eta ukitutako ondasun eta eskubideen titularrei jakinaraztea, eta ohartaraztea, bide administratiboa agortzen ez baitu, haren kontra gora jotzeko errekurtsoa jartzen ahal dutela, Berrikuntza, Enpresa eta Enplegu Departamentuko kontseilariari zuzendua, hilabeteko epean, jakinarazpena egin eta biharamunetik aurrera.
6.-Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2009ko azaroaren 25ean.-Enpresako zuzendari nagusia, Begoña Urien Angulo.
Iragarkiaren kodea: F0927628
