1. NAFARROAKO FORU KOMUNITATEA
1.7. BESTELAKOAK
2833/2009 EBAZPENA, azaroaren 25ekoa, Enpresako zuzendari nagusiak emana, Vianako udal mugapean "Viana mendebaldeko BTA" eta "Viana hiriko BTA" lotzeko 13,2 kV-eko linea elektrikorako administrazio baimena eman, proiektua onetsi eta haren onura publikoa deklaratzen duena.
2005eko martxoaren 8an, Iberdrola D.E.S.A.U.k goi tentsioko instalaziorako administrazio baimena, proiektuaren onespena eta onura publikoaren deklarazioa eskatu zituen. Hona instalazio horren ezaugarri nagusiak:
a) Eskatzailea: Iberdrola DESAU.
b) Instalazioa jartzeko tokia: Viana.
c) Instalazioaren xedea: alde horretako hornidura hobetzea, "Viana-mendebaldeko BTA" eta "Viana hiriko BTA" lineak elkarri lotuta.
d) Instalazioaren ezaugarriak: "Viana-mendebaldeko BTA" aireko linearen bariantea, 68 m-koa, "Salcedo" TZrako deribaziorako 38. euskarritik 107. euskarri metaliko berrira (LA-78); hortik lotura, 17 m luze, 39. euskarriarekin eta lur azpiko tartea, 416 m-koa, euskarri horretatik, HEPR-Z1/ 150, "El Arenal" TZan bukatzeko. Hortxe lotzen da "Viana hiriko BTA"rekin, Vianako udal mugapean.
e) Aurrekontua: 16.413,51 euro.
Iberdrola D.E.S.A.U.ren eskaria jendaurrean jarri zen. Horretarako, 2009ko urriaren 7ko Diario de Navarra egunkarian eta 2009ko 125. Nafarroako Aldizkari Ofizialean, urriaren 9an, argitaratu zen, eta iragarkia argitaratu eta hurrengo egunetik aurrera hogei eguneko epea ezarri zen egokitzat jotako erreklamazioak egiteko; era berean, txostena egiteko eskatu zitzaion ukitutako erakundeari, Herri Lan, Garraio eta Komunikazio Departamentuari alegia, baita ukitutako Udalbatzari ere, Vianako Udalari alegia.
Eskatutako txostenek ez dute alegaziorik jaso.
Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22 artikuluak ematen dizkidan eskudantziak erabiliz,
EBATZI DUT:
1.-Baimena ematea "Viana mendebaldeko BTA" eta "Viana hiriko BTA" lotzeko 13,2 kV-eko linea elektrikoa ezartzeko Vianako udal mugapean.
2.-Zehazki, instalazio horren onura publikoa deklaratzea, Sektore Elektrikoari buruzko azaroaren 27ko 54/1997 Legearen 52., 53. eta 54. artikuluetan, eta lege hori garatzen duen abenduaren 1eko 1955/2000 Errege Dekretuaren 148. eta 149. artikuluetan aurreikusitako ondorioetarako.
3.-Instalazio hori egiteko aurkeztutako proiektua onestea, Aitor Valdizán Uliarte industria ingeniari teknikoak sinatua. 12 hilabete eman zaizkio obrak burutzeko.
4.-lberdrola D.E.S.A.U.ri onuradun izaera aitortzea desjabetze espedientean.
5.-Ebazpen hau Iberdrola D.E.S.A.U.ri (helbidea: Landabengo industrialdea, C kalea, E ataria, 31012 Iruña) eta ukitutako ondasun eta eskubideen titularrei jakinaraztea, eta ohartaraztea, administrazio bidea amaitzen ez duenez, haren kontra gora jotzeko errekurtsoa jartzen ahal dutela, Berrikuntza, Enpresa eta Enplegu Departamentuko kontseilariari zuzendua, hilabeteko epean, jakinarazpena egin eta biharamunetik aurrera.
6.-Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2009ko azaroaren 25ean.-Enpresako zuzendari nagusia, Begoña Urien Angulo.
Iragarkiaren kodea: F0927627
