2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MÉLIDA
2010eko karga-tasak. Onespena
Melidako Udalak, 2009ko azaroaren 4an egin bilkuran, honako erabaki hau hartu zuen aho batez:
Ikusirik udalen ordenantza eta zergetan aldaketak egiteari dagokionez zer dagoen ezarria Nafarroako Toki Administrazioari buruzko 6/1990 Foru Legean eta Nafarroako Toki Ogasunei buruzko 2/1995 Foru Legean, erabaki hauek hartu dira:
I.-Udal ordenantzak:
Aho batez erabaki da udal ordenantzetan aldaketarik ez egitea, ez fiskalak ez herrilurretako aprobetxamenduei dagokiena, eta beraz 2010ean beren horretan uztea 2009an indarra izan zuten tasak.
II.-Udal kontribuzioak.
Hirilurreko ondasunen gaineko kontribuzioaren tasa baizik ez da aldatuko, %0,200 aplikatuko baita.
Gainerako zergetan, 2009an indarra zuten tasa berak izanen dira 2010ean.
III.-Indar hartzea.
Erabaki hauek 2010eko urtarrilaren 1ean hartuko dute indarra.
IV.-Errekurtsoak.
Erabaki honen aurka, errekurtso hauetariko bat aurkez daiteke, hautara:
a.-Berraztertzeko errekurtsoa, egintza egin duen organoari zuzendua, hilabeteko epean, hau jakinarazi edo behin betikoz onetsi eta biharamunetik aitzina.
b.-Gora jotzeko errekurtsoa, Nafarroako Administrazio Auzitegiari zuzendua, hilabeteko epean, hau argitaratu edo behin betikoz onesten denetik aitzina.
c.-Administrazioarekiko auzi-errekurtsoa, Nafarroako Justizia Auzitegi Nagusiko Administrazioarekiko Auzien Epaitegiari edo Salari zuzendua, bi hilabeteko epean, hau argitaratu eta biharamunetik aitzina.
Melidan, 2009ko azaroaren 7an.-Alkatea, Francisco Jaso Martínez.
Iragarkiaren kodea: L0926352
