147. ALDIZKARIA - 2009ko azaroaren 30a

1. NAFARROAKO FORU KOMUNITATEA

1.7. BESTELAKOAK

8/2009 EBAZPENA, azaroaren 27koa, Nafarroako Zerga Ogasuneko Lurralde Aberastasunaren Zerbitzuko zuzendariak emana, Lurralde Aberastasunaren Erregistroan 2009ko azaroaren 30ean inskribatuta dauden ondasun higiezinen balioak onesten dituena.

Irailaren 3ko 119/2007 Foru Dekretuaren bitartez onetsitako Nafarroako Zerga Ogasuneko estatutuen 43. artikuluan adierazten da Lurralde Aberastasunaren Zerbitzuari dagokiola, besteak beste, ondasun higiezinak karakterizatu eta baloratzeko jarduketak egitea.

Bestalde, Nafarroako Lurralde Aberastasunaren Erregistroari eta Katastroei buruzko azaroaren 21eko 12/2006 Foru Legearen 21.4 artikuluan xedatzen da Nafarroako Zerga Ogasuneko Zerbitzuko ondasun higiezinak baloratzeko eginkizunak dituen zuzendariak ebazpena emanen duela urtero, Lurralde Aberastasunaren Erregistroan azaroaren 30ean inskribatuta dauden ondasun guztien balioak onesteko.

Aipatu foru legearen 21.5. artikuluak agintzen du Nafarroako Zerga Ogasunak ebazpen horri buruzko iragarkia jarriko duela Nafarroako Aldizkari Ofizialean, horrela foru lege honen 5.1 artikuluan ezarritako eskubideen titularrak udal bakoitzeko administrazio bulegoetan agertu ahal daitezen abenduko lehen hogei egun naturaleko epean, beren ondasun higiezinei emandako balioa zein den jakiteko.

Azkenik, aipatu lege horren 21.7. artikuluak gaitasuna ematen du gora jotzeko errekurtsoa jartzeko ondasun higiezinari esleitutako balioaren kontra, Ekonomia eta Ogasuneko kontseilariari zuzendua, hilabeteko epean, titularrek beren ondasunei esleitutako balioa egiaz jakiten duten egunetik hasita eta, edozein kasutan, 2009ko abenduaren 21etik aurrera, baldin eta balio hori aldatuta badago aurreko zergaldian hartu zen katastroko balioaren aldean.

Horrenbestez, aipatu aginduetan xedatutakoaren arabera.

EBATZI DUT:

Lehena.-Lurralde Aberastasunaren Erregistroan 2009ko azaroaren 30ean inskribatuta dauden ondasun higiezinen balioak onestea.

Bigarrena.-Ebazpen hau Nafarroako Aldizkari Ofizialean argitara dadila agintzea eta onetsitako balioak Nafarroako Udaletara igortzea, horrela, Nafarroako Lurralde Aberastasunaren Erregistroari eta Katastroei buruzko azaroaren 21eko 12/2006 Foru Legearen 5.1 artikuluan ezarritako eskubideen titularrak udal bakoitzeko administrazio bulegoetan agertu ahal daitezen abenduko lehen hogei egun naturaleko epean, beren ondasun higiezinei emandako balioa zein den jakiteko.

Hirugarrena.-Nafarroako Ataria gaitzea onetsitako balioak kontsultatzeko.

Iruñean, 2009ko azaroaren 27an.-Lurralde Aberastasunaren Zerbitzuko zuzendaria, Fermín Muñoz Muñoz.

Iragarkiaren kodea: F0926653