1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
2125/2009 EBAZPENA, abuztuaren 3koa, Funtzio Publikoaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko albaitari izateko bi lanpostu huts lekualdatze lehiaketa bidez betetzeko deialdian onartu eta baztertu diren izangaien behin betiko zerrenda onetsi eta Langileen Batzordeak epaimahaian izanen dituen ordezkariak izendatzen dituena.
Funtzio Publikoaren zuzendari nagusiak, maiatzaren 4an emandako 1290/2009 Ebazpenaren bitartez, deialdia onetsi zuen Nafarroako Foru Komunitateko Administrazioaren eta haren erakunde autonomoen zerbitzuko albaitari izateko bi lanpostu huts lekualdatze lehiaketa bidez betetzeko. Ebazpena 2009ko 66. Nafarroako Aldizkari Ofizialean argitaratu zen, maiatzaren 29an.
Eskaerak aurkezteko epea bukatuta eta izangai bat ere baztertu ez denez, Lanpostuak betetzeko Erregelamenduaren 36. artikuluko 4. idatz-zatian xedatutakoari jarraikiz, bidezkoa da izangai onartuen behin betiko zerrenda zuzenean onestea.
Bidezkoa da, halaber, Administrazio Erroko Langileen Batzordeak epaimahaia osatzeko proposaturiko kideak izendatzea.
Horrenbestez, otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBATZI DUT:
1. Nafarroako Foru Komunitateko Administrazioaren eta haren erakunde autonomoen zerbitzuko albaitari izateko bi lanpostu huts lekualdatze lehiaketa bidez betetzeko deialdian onartu eta baztertu diren izangaien behin betiko zerrenda onestea. Zerrenda ebazpen honen eranskinean ageri da.
2. Administrazio Erroko Langileen Batzordeak epaimahaian aritzeko proposatu dituen ordezkariak izendatzea: Laura Jiménez Díaz andrea, mahaikide titular gisa, eta Maite Aizpún Redondo andrea, ordezko mahaikide gisa. Azken hori Nafarroako Foru Komunitateko Administrazioak izendatu du, langileen batzordeak mahaikide titularra besterik ez baitu izendatu.
3. Ebazpen hau mahaikideei igortzea eta Nafarroako Aldizkari Ofizialean argitara dadila agintzea, eta interesdunei ohartaraztea ebazpenaren aurka gora jotzeko errekurtsoa aurkezten ahal dela, Lehendakaritza, Justizia eta Barneko kontseilariari zuzendua, hilabeteko epean, argitaratu eta biharamunetik hasita, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.
Iruñean, 2009ko abuztuaren 3an.-Funtzio Publikoaren zuzendari nagusia ez egoteagatik (urriaren 4ko 444/2007 Foru Agindua), Lan Harremanen eta Antolamenduaren Zerbitzuko zuzendaria, Jesús Miguel Fortún Pérez de Ciriza.
ERANSKINA
Onartu eta baztertuen behin betiko zerrenda
Onartuak:
ARRAIZA ZORZANO, M.ª RONCESVALLES
AZABAL CASTILLO, MARIA CARMEN
BAUTISTA SANZ, ISAIAS
BUSTO BARBARIN, JUAN SOTERO
DE ANDRES HUALDE, JESUS M.ª
ECHEVERRIA ELCARTE, CARLOS
GREGORIO LOPEZ, M.ª YOLANDA
GUILLEN ARDANAZ, M.ª BELEN
LORANCA JIMENEZ, ROSA
LOSARCOS ESCALERA, EDUARDO
MARINA YUS, RAQUEL
MAYORAL COSCOLIN, VICTORIANO
MELER APESTEGUIA, JOSE JAVIER
MIGUEL GARCIA, JULIAN
MUTILVA GONZALEZ, FERNANDO
NAVARRO CORTES, PILAR
OTEIZA ORRADRE, PEDRO M.ª
PEIRO LOPEZ, RAFAEL
RAZQUIN GOICOA, JESUS MARI
ROMANO BASARTE, M.ª CRISTINA
SAN MARTIN CASI, CONCEPCION
SARA BENEDE, EDUARDO
SERRANO GUTIERREZ, ANA
ZALBA AGORRETA, INES
ZARIQUIEGUI ASIAIN, M.ª GUADALUPE
Baztertuak: inor ez.
Iragarkiaren kodea: F0921467
