55. ALDIZKARIA - 2008ko maiatzaren 2a

II. NAFARROAKO TOKI ADMINISTRAZIOA

2.2. AGINTARIAK ETA LANGILEAK

2.2.1. Kargu-uzteak, izendapenak eta bestelako egoerak

TUTERA

Deialdia, hiru udaltzain lanpostu betetzeko. Izendapen proposamena

Alkatetzaren 336/2008 ebazpena, apirilaren 14koa.

"Ikusirik izendapen proposamena, 2008ko apirilaren 14koa, Tuterako Udaltzaingoko hamar lanpostu oposizio bidez betetzeko deialdiko epaimahai kalifikatzaileak eginikoa.

Kontuan izanik: Alkatetzak 2007ko abenduaren 26an emaniko 2280/2007 ebazpenaren bitartez onetsi zela Tuterako Udaltzaingoko 10 lanpostu oposizio bidez betetzeko deialdia.

Kontuan izanik: Aipatu deialdiko probak eginda eta haien puntuazioa eman ondoren, epaimahai kalifikatzaileak egin du izendapen proposamena, alegia, Alkatetzak emandako ebazpen honetako idazpuruan aipatutakoa.

Kontuan harturik: deialdiko epaimahai kalifikatzaileak igorri diola Alkatetza honi Tuterako Udaltzaingoko deialdiko 10 lanpostuetatik hiru betetzeko izendapen proposamena, azterketa gainditu ondotik eta prestakuntza ikastaroa egin duten izangaien alde. Hona hemen izenak:

Txanda: irekia. Izen-deiturak: Noel Martínez Aguado. Hautapenaldiko puntuak: 89.24. Prestakuntza ikastaroko puntuak: 623.80. Puntuazioa, osotara: 712.52 puntu.

Txanda: murriztua. Izen-deiturak: Angel Ignacio Garbayo López. Hautapenaldiko puntuak: 72.33. Prestakuntza ikastaroko puntuak: 587.79. Puntuazioa, osotara: 660.12 puntu.

Txanda: irekia. Izen-deiturak: Miguel Pérez Arnaiz. Hautapenaldiko puntuak: 95.58. Prestakuntza ikastaroko puntuak: 546.44. Puntuazioa, osotara: 642.02 puntu.

Kontuan harturik: Deialdiko 9. oinarriak izendapenari eta lanpostuaren jabetzari buruz xedatzen duena, alegia:

"9.1. Tuterako Udaleko alkate udalburuak Tuterako udaltzain funtzionario izendatuko ditu aurreko atalean aipatu proposamenean sartutako izangaiak, eta izendapena Nafarroako ALDIZKARI OFIZIALean argitaratzeko aginduko du.

9.2. Izendapena jakinarazi ondoren, izendatzen diren izangaiek zin egin edo hitz emanen dute Nafarroako Foru Araubidea errespetatu, Konstituzioari eta legeei men egin eta karguari dagozkion betebeharrak zintzo betetzeko dituztela, eta deialdia egin duen organoak finkatzen duen egunean hartuko dute karguaren jabetza.

9.3. Epe horretan zin egin edo hitz ematen ez dutenek, edo lanpostua hartzen ez dutenek, funtzionario izateko eskubide guztiak galduko dituzte, deialdia egin duen organoak aintzat hartzen dituen ezinbesteko kasuetan izan ezik."

Kontuan harturik: abuztuaren 30eko 251/1993 Legegintzako Foru Dekretuak onetsi zuen Nafarroako Administrazio Publikoen zerbitzuko Langileen Estatutuaren Testu Bategineko 9. artikuluko d) hizkiak zehazten duela funtzionario izaera lortzeko, besteak beste, honako hau bete behar dela: "Lanpostuaren jabetza hartu beharko da hilabeteko epean, izendapenaren jakinarazpena jasotzen denetik, behar bezala arrazoituriko kasuak izan ezik."

Horiek horrela, ebatzi dut:

Lehena.-Tuterako Udaltzaingoko 10 lanpostu oposizio bidez betetzeko deialdiko epaimahai kalifikatzaileak eginiko proposamena ikusirik, Noel Martínez Aguado, Angel-Ignacio Garbayo López eta Miguel Pérez Arnaiz jaunak Tuterako Udaltzaingoko udaltzain funtzionario izendatzea.

Bigarrena.-Interesdunei jakinaraztea eta, halaber, eskatzea lanpostuaren jabetza har dezaten eta oroitaraztea ezen izangai bakoitzak zin egin beharko duela, edo hitz eman, Nafarroako Foru Araubidea begiratu eta defendatuko duela, Konstituzioari eta Legeei men eginen diela eta karguko eginkizunak zintzo beteko dituela, nola eta Alkatetzak emaniko ebazpen honetako bigarren kontuan-harturikoan azaldutako hitzetan.

Hirugarrena.-Alkatetzaren ebazpen hau jakinaraztea, halaber, Tuterako Udaltzaingoari, Alkatetzari eta Langileriari.

Laugarrena.-Nafarroako ALDIZKARI OFIZIALera igortzea, argitara dadin."

Tuteran, 2008ko apirilaren 21ean.-Alkatea, Luis Casado Oliver.

Iragarkiaren kodea: L0806194