I. NAFARROAKO FORU KOMUNITATEA
1.3. BESTELAKO XEDAPENAK
1.3.1. Lurraldearen antolamendua eta hirigintza
49/2008 FORU AGINDUA, martxoaren 5ekoa, Ingurumen, Lurraldearen Antolamendu eta Etxebizitza kontseilariak emana, Obanosko Udal Plana 2. poligonoko 545-B eta 546-B lurzatietan aldatzeko espedientea, Diego eta Luis Santesteban Aranak sustatua, behin betikoz onesten duena.
Obanosko Udalak idazpuruan azaltzen den espedientea aurkeztu du Ingurumen, Lurraldearen Antolamendu eta Etxebizitza Departamentuan, behin betikoz onets dadin.
Ikusirik aurkezturiko agiriak eta Lurraldearen Antolamendu eta Hirigintza Zerbitzuaren txostena, bidezko da behin betikoz onestea.
Lurraldearen Antolamendu eta Etxebizitza Departamentuaren egitura organikoa ezartzen duen irailaren 3ko 127/2007 Foru Dekretuaren bidez eskuratu ditudan ahalmenak erabiliz,
AGINDU DUT:
1. Behin betikoz onestea Obanosko Udal Plana 2. poligonoko 545-B eta 546-B lurzatietan aldatzeko espedientea, Diego eta Luis Santesteban Arana jaunek sustatua.
-Proposatutako jarduketan lurzatiaren hegoaldean eremu libre publikoak 30 m² handitzea proposatzen da (Txostenaren 3. atalean adierazten den bezala, nahiz eta planoetan horren adierazpen grafikorik ez azaldu). Eremu horrek zehaztuta agertu behar du birzatiketa dokumentuan, doan eta behar bezala urbanizaturik emanen zaio Udalari eta jabetza eta erabilera publikoko lurzati bihurtuko da.
-Proposatutako aldaketarekiko koherentziagatik, O-02 planoa baliogabetzat eman beharra dago eta tramitatzen ari den aldaketaren O-04 planoa hartuko da baliozkotzat.
2. Adieraztea foru agindu honek ez duela administrazio bidea agortzen. Administrazio publikoak ez diren interesdunek gora jotzeko errekurtsoa jar dezakete legezkotasuna kontrolatzea helburu duen egintza honen kontra, Nafarroako Gobernuari zuzendua, Nafarroako ALDIZKARI OFIZIALean argitaratu eta biharamunetik hilabeteko epean. Eta onetsitako hirigintzako arauen kontra administrazioarekiko auzi-errekurtsoa jar daiteke, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean, Nafarroako ALDIZKARI OFIZIALean arauak argitaratzen direnetik hasita.
Administrazio publikoek Administrazioarekiko auzi-errekurtsoa jarri ahal izanen dute bi hilabeteko epean, Nafarroako Auzitegi Nagusiko Administrazioarekiko Auzien Sailari zuzendua. Aldez aurretik Nafarroako Gobernuari errekerimendua egin ahal izanen diote, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Epe horiek foru agindu honen jakinarazpena egin edo, bestela, Nafarroako ALDIZKARI OFIZIALean argitaratu eta biharamunetik aurrera hasiko dira kontatzen.
3. Foru agindu honen berri ematea Obanoskko Udalari eta Diego Santesteban Arana jaunari eta Luis Santesteban Arana jaunari, eta Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, 2008ko martxoaren 10ean.-Lurraldearen Antolamendu eta Etxebizitza kontseilaria, José Carlos Esparza Sáez.
Iragarkiaren kodea: F0804220
