I. NAFARROAKO FORU KOMUNITATEA
1.3. BESTELAKO XEDAPENAK
1.3.1. Lurraldearen antolamendua eta hirigintza
48/2008 FORU AGINDUA, martxoaren 10ekoa, Ingurumen, Lurraldearen Antolamendu eta Etxebizitza kontseilariak emana, Orbaitzetako Udal Plana aldatzeko espedientea behin betikoz onesten duena. Bertako Udalak sustatu du, Eskola zaharreko eraikinaren kalifikazioa aldatzeko eta erabat bizitegietarako izan dadin, eta ostatuaren kalifikazioa, berriz, bizitegietarako izan beharrean erabilera anitzeko ekipamenduetarako izan dadin.
Orbaitzetako Udalak idazpuruan azaltzen den espedientea aurkeztu du Lurraldearen Antolamendu eta Etxebizitza Departamentuan, behin betikoz onets dadin.
Ikusirik aurkezturiko agiriak eta Lurraldearen Antolamendu eta Hirigintza Zerbitzuaren txostena, bidezko da behin betikoz onestea.
Lurraldearen Antolamendu eta Etxebizitza Departamentuaren egitura organikoa ezartzen duen irailaren 3ko 127/2007 Foru Dekretuaren bidez eskuratu ditudan ahalmenak erabiliz,
AGINDU DUT:
1. Orbaitzetako Udal Plana aldatzeko espedientea behin betikoz onestea. Bertako Udalak sustatu du, Eskola zaharreko eraikinaren kalifikazioa aldatzeko eta erabat bizitegietarako izan dadin, eta ostatuaren kalifikazioa, berriz, bizitegietarako izan beharrean erabilera anitzeko ekipamenduetarako izan dadin.
2. Adieraztea foru agindu honek ez duela administrazio bidea agortzen. Administrazio publikoak ez diren interesdunek gora jotzeko errekurtsoa jar dezakete legezkotasuna kontrolatzea helburu duen egintza honen kontra, Nafarroako Gobernuari zuzendua, Nafarroako ALDIZKARI OFIZIALean argitaratu eta biharamunetik hilabeteko epean. Eta onetsitako hirigintzako arauen kontra administrazioarekiko auzi-errekurtsoa jar daiteke, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean, Nafarroako ALDIZKARI OFIZIALean arauak argitaratzen direnetik hasita.
Administrazio publikoek Administrazioarekiko auzi-errekurtsoa jar dezakete bi hilabeteko epean, Nafarroako Auzitegi Nagusiko Administrazioarekiko Auzien Salari zuzendua. Aldez aurretik Nafarroako Gobernuari errekerimendua egin diezaiokete, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Epe horiek foru agindu honen jakinarazpena egin edo, bestela, Nafarroako ALDIZKARI OFIZIALean argitaratu eta biharamunetik aurrera hasiko dira kontatzen.
3. Foru agindu hau Orbaitzetako Udalari jakinaraztea eta Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, 2008ko martxoaren 10ean.-Lurraldearen Antolamendu eta Etxebizitza kontseilaria, José Carlos Esparza Sáez.
Iragarkiaren kodea: F0804218
