46. ALDIZKARIA - 2008ko apirilaren 11

II. NAFARROAKO TOKI ADMINISTRAZIOA

2.1. ORDENANTZAK ETA BESTELAKO XEDAPEN OROKORRAK

CINTRUENIGO

Cintruenigoko Udaleko langileen 2008ko lan egutegia

Ikusita Nafarroako Administrazio Publikoen zerbitzuko Langileen Estatutuaren 59.1 artikulua eta ondorengoak.

Nafarroako Foru Komunitateko 2008ko tokian tokiko jaiegunak zehaztuta, bidezko da Cintruenigoko Udalaren eta bere erakunde autonomoen zerbitzuko langileen 2008ko lan egutegia onestea, abenduaren 5eko 540/2007 Foru Aginduan ezarritako urteko kontuan eta lanaldi banaketan oinarrituta.

Horrenbestez, ebatzi dut:

1. Honako egunok jaiegun izatea:

Urtarrilaren 1a: Urteberri

Martxoaren 19a: San Jose

Martxoaren 20a: Ostegun Santua

Martxoaren 21a: Ostiral Santua

Martxoaren 24a: Pazko biharamuna

Maiatzaren 1a: Langileen eguna

Ekainaren 24a: San Juan

Uztailaren 25a: Santiago eguna

Abuztuaren 15a: Abuztuko Andre Maria

Irailaren 8, 9, 10 eta 11: herriko festak

Azaroaren 1a: Santu guztien eguna

Abenduaren 3a: San Frantzisko Xabierkoa (Nafarroaren eguna)

Abenduaren 6a: Konstituzioaren eguna

Abenduaren 8a: Sortzez Garbiaren eguna

Abenduaren 25a: Eguberria

2. Udal honetako eta bere erakunde autonomoen menpeko funtzionario eta langileek, txandaka lan egiten dutenak kenduta, 1.592 lan ordu, egiazkoak, izanen dituzte urtean.

3. Udalaren eta bere erakunde autonomoen menpeko bulegoetako langileek lan egutegi hau izanen dute:

-Astelehenetik ostiralera 7:40tik 15:00etara.

4. Aipatutako jaiegunak izanen dituzte gainerako langileek, eta zerbitzu bakoitzak urteko ordu kopurua bete beharko du.

5. Organo administratibo eskudunek arauz ezarritako oporrak honelaxe emanen dituzte: oporraldi luze bat edo bi eta, urtean zehar hartzeko, zazpi egun solte bakarrik, zerbitzuaren beharrek hala uzten dutenean.

Langileek ekitaldi hasieran adieraziko dute zein egun hautatzen dituzten oporretarako, zerbitzuak behar bezala antolatu ahal izateko.

Arau orokor gisa eta zerbitzuaren arrazoiengatik, ahalik eta gehiena murriztuko dira baimenak eta oporraldiak abenduan.

6. Norberaren kontuengatik baimen ordainduko hiru egun hartzeko, garaiz eskatu beharko dira eta zerbitzuaren beharren arabera emanen dira.

7. Puntualtasun faltak funtzionarioak jasotzen duen lansaritik kenduko dira, diziplinaren araudian xedatutakoa deusetan ukatu gabe.

Cintruenigon, 2008ko martxoaren 11n.-Alkatea, Adolfo Navascués Navascués.

Iragarkiaren kodea: L0804248