I. NAFARROAKO FORU KOMUNITATEA
1.3. BESTELAKO XEDAPENAK
1.3.1. Lurraldearen antolamendua eta hirigintza
7/2008 FORU AGINDUA, urtarrilaren 21ekoa, Etxebizitza eta Lurraldearen Antolamendu kontseilariak emana, Etxebizitza eta Lurraldearen Antolamendu kontseilariak uztailaren 27an emandako 398/2007 Foru Agindua Nafarroako ALDIZKARI OFIZIALean argitara dadila xedatzen duena. Uztailaren 27ko foru agindu horren bidez behin betikoz onetsi zen "Obanosko eta Garesko baterako plana, industria sektorea eta zerbitzuak garatzekoa", Promociones Orayen, S.L. enpresak eta Javier Angel López Iribarren jaunak sustatua.
Aipatutako 398/2007 Foru Aginduaren bitartez behin betikoz onetsi zen "Obanosko eta Garesko baterako plana, industria sektorea eta zerbitzuak garatzekoa", Promociones Orayen, S.L. enpresak eta Javier Angel López Iribarren jaunak sustatua. Onespena Nafarroako ALDIZKARI OFIZIALean argitaratzeko beharrezkoa izanen da foru agindu horretan aipatzen diren determinazioak jasotzen dituen testu bategina aurkeztea.
Eskatutako testu bategina aurkeztu denez, eta kontuan hartuz Lurraldearen Antolamendu eta Hirigintza Zerbitzuaren adostasun txostena, bidezko da behin betiko onespenari buruzko foru agindu hori argitaratzea.
Horrenbestez, Lurraldearen Antolamenduari eta Hirigintzari buruzko abenduaren 20ko 35/2002 Foru Legean xedatutakoarekin bat,
AGINDU DUT:
1. Etxebizitza eta Lurraldearen Antolamendu kontseilariak uztailaren 27an emandako 398/2007 Foru Agindua Nafarroako ALDIZKARI OFIZIALean argitaratzea. Foru agindu horren bidez behin betikoz onetsi zen "Obanosko eta Garesko baterako plana, industria sektorea eta zerbitzuak garatzekoa", Promociones Orayen, S.L. enpresak eta Javier Angel López Iribarren jaunak sustatua.
2. Izarbeibarko Mankomunitateak, Iberdrola enpresak, Herri Lan, Garraio eta Komunikazio Departamentuak eta Ebroko Ur Konfederazioak adostasun txostena eman beharko diote hirigintza proiektuari, behin betikoz onetsia izan baino lehen.
3. Foru agindu honen kontra gora jotzeko errekurtsoa jar daitekeela adieraztea, Nafarroako Gobernuari zuzendua, jakinarazi edo, bestela, Nafarroako ALDIZKARI OFIZIALean argitaratu eta biharamunetik hilabeteko epean, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114 eta 115. artikuluei jarraituz. Aldaketa horren kontra, bestalde, administrazioarekiko auzi-errekurtsoa jartzen ahalko da Nafarroako Auzitegi Nagusiko arlo bereko Salari zuzendua, foru agindu hau jakinarazi edo Nafarroako ALDIZKARI OFIZIALean argitaratu eta biharamunetik hasita bi hilabeteko epean, Administrazioarekiko Auzien Jurisdikzioa arautzen duen uztailaren 13ko 29/1998 Legearen 10. artikuluan xedatutakoari jarraituz.
4. Foru agindu hau jakinaraztea sustatzaileei, Obanosko eta Garesko Udalei, Izarbeibarko Mankomunitateari, Iberdrola enpresari, Herri Lan, Garraio eta Komunikazio Departamentuari, Ebroko Ur Konfederazioari eta espedientearen esparruko lurzatien jabeei, behar diren ondorioak izan ditzan.
Iruñean, 2008ko urtarrilaren 21ean.-Lurraldearen Antolamendu eta Etxebizitza kontseilaria, José Carlos Esparza Sáez.
398/2007 FORU AGINDUA, uztailaren 27koa, Ingurumen, Lurraldearen Antolamendu eta Etxebizitza kontseilariak emana, "Obanosko eta Garesko baterako plana, industria sektorea eta zerbitzuak garatzekoa", Promociones Orayen, S.L. enpresak eta Javier Angel López Iribarren jaunak sustatua, behin betikoz onesten duena.
Ingurumen, Lurraldearen Antolamendu eta Etxebizitza kontseilariak, uztailaren 4ko 221/2006 Foru Aginduaren bidez, espedientea hasiera batez onetsi eta bi hilabetez jendaurrean egoteko aldia ireki zuen, Ingurumen, Lurraldearen Antolamendu eta Etxebizitza Departamentuak eta Obanosko eta Garesko Udalek 2006ko apirilaren 11n izenpeturiko lankidetza hitzarmenaren arabera. Foru agindu hori 2006ko abuztuaren 9ko Nafarroako ALDIZKARI OFIZIALean argitaratu zen.
Epe hori bukatuta, sustatzaileak espedientea igorri du behin betikoz onetsia izan dadin. Memoriak, informazio eta antolaketa planoek, hirigintzari buruzko orotariko arautegiak, azterlan ekonomiko eta finantzarioak, epekako planak eta eranskinek osatzen dute espedientea. Beste agiri batzuen artean, teknikari prestatzaileen txostena biltzen du, alegazioen gainean, eta orotariko plana tramitatzean hartutako txostenak ere bai.
Obanosko eta Garesko Udalek adostasun txostena eman diote espedienteari, behin betikoz onetsia izan dadin. Zehaztapen batzuk eman dituzte sektorearen hirigintzaren diseinuan udalek bere dituzten gaiei buruz.
Ingurumen zuzendari nagusiak, ekainaren 19ko 1248/2007 Ebazpenaren bidez, Ingurumen ondorioen adierazpena aurkeztu zuen, zehaztapenak zehaztapen.
Ikusita aurkeztutako dokumentazioa eta Lurraldearen Antolamendu eta Hirigintza Zerbitzuak 2007ko ekainaren 19an emandako txostena, bidezkoa da espediente hori behin betikoz onestea, foru agindu honen azalpen zatian azaltzen diren zehaztapenekin.
Horrenbestez, Lurraldearen Antolamenduari eta Hirigintzari buruzko abenduaren 20ko 35/2002 Foru Legean xedatutakoarekin bat,
AGINDU DUT:
1. Aurkeztutako alegazioen gainean Lurraldearen Antolamendu eta Hirigintza Zerbitzuak 2007ko ekainaren 19an eman txostenean adierazi bezala ebaztea.
2. Industria sektorea eta zerbitzuak garatzeko Obanos-Garesko orotariko plana, Promociones Orayen, S.L. enpresak eta Javier Angel López Iribarren jaunak sustatua, behin betikoz onestea.
3. Foru agindu hau Nafarroako ALDIZKARI OFIZIALean argitaratu ahal izateko, testu bategin bat igorri beharko da, honako kontuak bilduko dituena: orotariko planaren hasierako onespenaren ondoren aurkezturiko zuzenketa eta agiriak, eta Ingurumen ondorioen adierazpenaren, alegazioen erantzunaren eta Lurraldearen Antolamendu eta Hirigintza Zerbitzuak 2007ko ekainaren 19an eman txosteneko "Gogoetak" izeneko 5. atalaren eta "Sektoretik kanpoko azpiegiturak" izeneko 6. atalaren ondoriozko aldaketak.
4. Izarbeibarko Mankomunitateak, Iberdrola enpresak, Herri Lan Departamentuak eta Ebroko Ur Konfederazioak adostasun txostena eman beharko diote hirigintza proiektuari, behin betikoz onetsia izan baino lehen.
5. Foru agindu honen kontra gora jotzeko errekurtsoa jar daitekeela adieraztea, Nafarroako Gobernuari zuzendua, jakinarazi edo, bestela, Nafarroako ALDIZKARI OFIZIALean argitaratu eta biharamunetik hilabeteko epean, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 114. eta 115. artikuluei jarraituz. Aldaketa horren kontra, bestalde, administrazioarekiko auzi-errekurtsoa jartzen ahalko da Nafarroako Auzitegi Nagusiko arlo bereko Salari zuzendua, foru agindu hau jakinarazi edo Nafarroako ALDIZKARI OFIZIALean argitaratu eta biharamunetik hasita bi hilabeteko epean, Administrazioarekiko Auzien Jurisdikzioa arautzen duen uztailaren 13ko 29/1998 Legearen 10. artikuluan xedatutakoari jarraituz.
6. Foru agindu hau jakinaraztea sustatzaileei, Obanosko eta Garesko Udalei, Izarbeibarko Mankomunitateari, Iberdrola enpresari, Herri Lan, Garraio eta Komunikazio Departamentuari eta espedientearen esparruko lurzatien jabeei, behar diren ondorioak izan ditzan.
Iruñean, 2007ko uztailaren 27an.-Ingurumen, Lurraldearen Antolamendu eta Etxebizitza kontseilaria, José Javier Echarte Echarte.
Iragarkiaren kodea: F0801055
