77. ALDIZKARIA - 2007ko ekainaren 22a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

1742/2007 EBAZPENA, ekainaren 4koa, Nafarroako Enplegu Zerbitzuko zuzendari kudeatzaileak emana, Paz Fernández Mendaza andrea Nafarroako Enplegu Zerbitzuko Zentro Berekiko Bulegoko buru izendatzen duena, bitarte baterako.

Nafarroako Foru Komunitateko Administrazioari buruzko abenduaren 3ko 15/2004 Foru Legeak 27.3 artikuluan ezartzen du Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko direla atalburuak, bulegoburuak eta ataletik beherako unitateetako buruak.

Nafarroako Foru Komunitateko Administrazioaren eta haren erakunde autonomoen organoetako langileen arloko eskurantzak zehazten dituen otsailaren 21eko 30/2005 Foru Dekretuaren 8. artikuluaren bidez esleitutako eskurantzez baliatuz, Nafarroako Enplegu Zerbitzuko zuzendari kudeatzaileak,

EBATZI DU:

1. Paz Fernández Mendaza andrea Nafarroako Enplegu Zerbitzuko Zentro Berekiko Bulegoko buru izendatzea, bitarte baterako.

2. Ebazpen hau Funtzio Publikoaren Zuzendaritza Nagusira eta Enplegurako Prestakuntzako Zerbitzura igortzea.

3. Ebazpen hau interesdunari jakinaraztea. Aditzera ematen zaio 10 egun naturaleko epean jabetu beharko duela lanpostuaz, jakinarazi eta biharamunetik zenbatzen hasita, Nafarroako Enplegu Zerbitzuko Laguntza Juridiko eta Administratiboaren Zerbitzuan.

4. Ebazpen hau Nafarroako ALDIZKARI OFIZIALean argitaratzea, behar diren ondorioak izan ditzan.

Iruñean, 2007ko ekainaren 4an._Nafarroako Enplegu Zerbitzuko zuzendari kudeatzailea, Susana Labiano Bastero.

Iragarkiaren kodea: F0709441