Iragarkia
77. ALDIZKARIA - 2007ko ekainaren 22a
I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
418/2007 EBAZPENA, maiaitzaren 21ekoa, Lan zuzendari nagusiak emana, Iruñeko "TRW Automotive España, S.L." enpresaren lan hitzarmen kolektiboaren testua erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 53/2007).
Departamentu honetan 2007ko maiatzaren 9an sartu da "TRW Automotive España, S.L." enpresaren lan hitzarmen kolektiboaren testua, 53 artikuluz, 4 xedapen iragankorrez eta 4 eranskinez (2007rako lansarien taula, lan-egutegia, antzinatasuna eta autobusen ibilbidea) osatua, enpresaren ordezkaritzak eta enpresa batzordeak (CCOO, ELA, UGT, ESK, LAB eta CC) 2007ko martxoaren 15ean izenpetu eta onetsia.
Industria eta Teknologia, Merkataritza eta Lan Departamentuak bere esku du martxoaren 24ko 1/1995 Legegintzako Errege Dekretuaren 90. artikuluan aipatzen diren lan hitzarmen kolektiboak erregistratu, gorde eta argitaratzea, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuaren arabera, eta kontuan izanik Hitzarmen kolektiboak erregistratu eta gordetzeari buruzko maiatzaren 22ko 1040/1981 Errege Dekretuan xedatutakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz.
EBATZI DUT:
1. Iruñeko"TRW Automotive España, S.L." enpresaren lan hitzarmen kolektiboa (kodea: 3103712) erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2007ko maiatzaren 21ean._Lan zuzendari nagusia, José María Roig Aldasoro.
TRW AUTOMOTIVE ESPAÑA, S.L. ENPRESAKO HITZARMEN KOLEKTIBOA
TRW Automotive España, S.L. enpresako zuzendaritzak eta enpresa batzordeko langileen ordezkariek sinaturiko hitzarmen kolektiboa, 2007an, 2008an eta 2009an elkarrekiko harremanak arautzeko.
I. KAPITULUA
Xedapen orokorrak
1. artikulua. Langileak.
Hitzarmen kolektibo hau enpresako langile guztiei aplikatuko zaie, ondoko hauei izan ezik:
a) Zuzendariak eta goi mailako buruak, ondorio guztietarako.
b) Egungo balorazio sistemaren 12, 13. eta 14. mailetan dauden langileak. Azken horiek ondoko arlo hauen gaineko klausuletan ezarritakotik bazter egonen dira: alderdi ekonomikoak, lanaldia eta lanpostuak betetzeko sistema (enpresak libreki izendatuko ditu betiere).
2. artikulua. Iraunaldia.
Hitzarmen kolektibo honek 3 urteko iraupena izanen du, 2007ko urtarrilaren 1etik 2009ko abenduaren 31ra arte, eta urte bat luzatzen ahalko da isilbidez, iraungi baino bi hilabete lehenago bi alderdietatik bakar batek ere ez badu amaiera iragartzen, hitzarmena berrikusi edo bertan behera uztea proposatzeko.
II. KAPITULUA
Lanaldia
3. artikulua. Lanaldia.
2007an, lanaldiak 1.704 ordu izanen ditu.
2008rako 8 ordu gutxitu dira. Beraz, 1.696 ordu izanen dira.
2009rako 8 ordu gutxitu dira. Beraz, 1.688 ordu izanen dira.
Urteko lan egutegian hautapen libreko 3 egun ezarriko dira, baldintza hauek betez gero:
a) Gainbegiraleari edo buruari aurretik jakinaraztea, ahalik eta lasterren.
b) Gainbegiralearen edo buruaren adostasuna izatea.
c) Egun horretaz baliatzea kasuan kasuko departamentuaren edo atalaren lana antolatzeko aukera izatearen baldintzapean egonen da, ekoizpen prozesua ez eteteko.
Urteko lanaldiaren banaketa hitzarmen honen 2. eranskinean (lan egutegia) ageri da.
Termikoen Atalari dagokionez, Lan Ordezkaritzak 1977ko irailaren 14ko Ebazpenean adierazitakoaren arabera jokatuko da.
4. artikulua. Lan egutegia.
2007rako lan egutegia 2. eranskinean ezarri da.
1994ko apirilaren 15etik aurrera (egun hori barne) besteak beste asteburuetan eta jaiegunetan lan egiteko kontrataturiko langileentzat, enpresak lan egutegi berariazkoa prestatuko du urtero, enpresako lan egutegi orokorra eta 1994ko apirilaren 15etik aurrera kontrataturiko langileen lan egutegi berariazko hori hartuta enpresa urtean 360 egun irekita eta ekoizten egoteko modukoa.
5. artikulua. Lan ordutegia.
Tailerreko langileria:
_Ohiko lanaldia
Astelehenetik ostiralera: 6:45etik 14:45era.
Larunbatak: 7:00etatik 11:00etara.
_Goizeko txanda
Astelehenetik ostiralera: 6:00etatik 14:00etara.
Larunbatak: 6:00etatik 10:00etara.
_Arratsaldeko txanda
Astelehenetik ostiralera: 14:00etatik 22:00etara.
Larunbatak: 10:00etatik 14:00etara.
_Gaueko txanda
Astelehenetik ostiralera: 22:00etatik 6:00etara.
Larunbatak: ez da lanik egiten.
Gaueko txanda, 57 urtetik gora, hori barne, ez da nahitaezkoa.
_Asteburuetako eta jaiegunetako lanaldia eta ordutegia. (1994ko apirilaren 15etik aurrera kontrataturiko langileak)
_Goizeko lanaldia, txandaka (6:00etatik 14.00etara).
_Arratsaldeko lanaldia, txandaka (14:00etatik 22.00etara).
_Gaueko lanaldia, txandaka (22:00etatik 06.00etara).
Larunbat, igande eta jaiegunetako lanaldia beste astegun batzuetako lanarekin osatu daiteke, kontratuan ezarritako asteko lan ordu kopurua egin arte.
_Bulegoetako langileria:
Langile tekniko eta administratiboen asteko lansariaren banaketa, ordutegi honen arabera:
_Astelehenetik ostegunera 8:30etik 17:00ak arte. 30 minutuko atsedenaldia izanen dute bazkaltzeko.
_Ostiraletan, 8:00etatik 14:00ak arte.
Ordutegi malgua ezartzen da. Posible izanen da astelehenetik ostiralera 9:00ak arte sartzea.
Bulegoetako langileriaren ordutegiari dagokionez, enplegatuen lanaldia aldatzeko TRW Automotive España, S.L. enpresaren zuzendaritzak Enpresa Batzordearekin lortutako akordioetan ezarritakoari jarraikiko zaio.
6. artikulua. Oporrak.
Oporrak 30 egun naturalekoak dira.
Urteko oporren egutegia aldatzen da, 1990. urtetik aurrera honelaxekoa izanen baita:
_Iruñeko festen egunetan (Sanferminak).
_Gainerako egunak abuztuan hartuko dira.
Oporren egutegia aldatzearen truke, enpresak 1990. urtean 65.000 pezeta ordaindu zizkion langile bakoitzari eta, geroztik, kopuru hori soldataren parte bat da.
Erabakitako oporraldi horretan lantegia irekita baldin badago, hau da, ohiko ekoizpen prozesua egiten baldin badu, oporraldia hasten den egunean aldi baterako ezintasun egoeran dauden langileek oporrak hartzeko eskubidea izanen dute, medikuaren alta-agiria jaso bezain pronto. Ez da ekoizpen prozesutzat hartuko Mantentze-lanetako Zerbitzuak edo Zaintza Zerbitzuak egiten duen lana, ez eta bi edo hiru eguneko ekoizpen prozesuak bukatzekoak ere.
Bost eguneko langile finko berriendako, ordutegi malgua duten bitartean, urte bakoitzeko ekainaren 15etik irailaren 30era bitarte izanen dira oporrak. Oporretarako egutegiak gehienez egun hauetan aurkeztuko dira:
2007. urtea: martxoan.
2008. urtea: otsailean.
2009. urtea: otsailean.
Data horien ondoren, egutegietan aldaketarik izanez gero, langileak onartu egin beharko du eta 68,81 euro pagatu beharko zaizkio egiazki lan egiten duen egun bakoitzeko.
7. artikulua. Lizentzia ordainduak.
Lizentzia eta baimen ordaindu hauek ezarri dira:
Lizentziak, ospitaleratu, jaio eta ezkontzegatik:
a) Langilearen ezkontza: 18 egun natural; lizentzia hori oporrei batzen ahal zaie, batera egokitzen badira.
b) Emaztearen erditzea: 4 egun natural; jaiotzatik aurrera 2 egun natural hartuko dira eta langileak aukeratuko du noiz hartu beste 2 egunak, jaiotzatik hasita 15 eguneko epearen barnean.
Haurren harrerarako lizentzia jaiotzearekin berdinduko da, baldin eta harrera horrek gutxienez ere 12 hilabete badirau.
c) Ezkontidearen eritasun ez larria: ospitaleratu beharra badakar, erditzea salbuetsita, 2 egun natural.
d) Gurasoak, aita-amaginarrebak, aitona-amonak, seme-alabak, bilobak edo anai-arrebak ospitaleratzeagatik. Ospitaleratzearen ziurtagiria aurkeztu beharko da. Ahaideak ospitalean egun bat egiten badu, langileak egun bateko baimena izanen du.
Ospitaleratze, jaiotza eta ezkontzako lizentziak lehen lanegunetik hartuko dira.
Ospitaleratzeko lizentzia sarrerak diraueino hartzen ahalko da. Betiere, kasuan kasuko buruak adostasuna adierazi beharko du.
Lizentziak, heriotzagatik:
a) Ezkontidearen heriotza: 7 egun natural.
b) Gurasoen, aita-amaginarreben, aitona-amonen, seme-alaben, biloben eta anai-arreben heriotza: 3 egun natural.
c) Koinatuen eta suhi-errainen heriotzagatik: 2 egun natural. Baimen eguna laneguna ez bada ere, egun hori dagokionean erabili beharko da nahitaez. Baimenaren barruko lanegun bat gutxienez aurrerago erabiltzen ahalko da, baimena emateko arrazoia zein den ikusita egokiagoa den beste egun batean, betiere arrazoizko epe baten barrenean.
d) Osaba-izeba, iloba eta lehengusu propioen heriotza: egun natural bat. Baimen eguna laneguna ez bada ere, egun hori dagokionean erabili beharko da nahitaez. Heriotza lanegun batean gertatzen bada, baimena emateko arrazoia zein den ikusita egokiagoa den beste egun batean hartzen ahalko da, betiere arrazoizko epe baten barrenean.
Lizentziak, gaixotasun larri, ospitaleratu beharrik gabeko ebakuntza, bisita mediko eta tratamendu onkologikoengatik:
a) Gurasoen, aitagin-amaginarreben, aiton-amonen, seme-alaben, biloben, anai-arreben eta ezkontidearen gaixotasun larri frogatuagatik, 2 egun natural.
b) Ospitaleratu beharrik gabeko ebakuntzek eta mediku publiko eta pribatuenganako bisitek behar duten ezinbesteko denbora, odolkidetasunezko guraso eta seme-alabenak eta ezkontide edo izatezko bikotekideenak langile bakoitzari mediku pribatuengana joateko esleituriko 16 orduen barruan daude, Metalgintzako Hitzarmenaren arabera.
c) Langile bakoitzari 16 ordu ematen zaizkio urtean, odolkidetasunezko guraso eta seme-alabei edo ezkontide edo izatezko bikotekideari laguntzeko, agresiboak izateagatik hirugarren pertsona baten sostengua behar duten tratamendu onkologikoetan, kasuan kasuko kanpoko medikuak frogaturik.
Bestelako lizentzia ordainduak:
a) Anai-arreben, biloben, gurasoen, lehengusu eta iloba propioen ezkontza: egun natural bat.
b) Ohiko bizilekua aldatzea: egun natural bat.
c) Publikoa den betebehar saihestezina betetzeko behar-beharrezkoa den denbora.
d) Bularra emateko orduak baimen gisa metatzen ahalko dira, interesdunak nahi badu eta burua aldez aurretik ados badago.
"Ezkontidea" aipatzen den guztietan, balio berekoa izanen da langilearekin bizikide egonkor gisa bizi den pertsona, gutxienez urtebete lehenagotik elkarrekin bizi badira, eta betiere bizilekua duen udalaren ziurtagiriaren bidez frogatzen badute.
Artikulu honetan aipatzen diren lizentziei egun natural bat edo enpresari bidezkoa iruditzen zaiona gehituko zaie lizentzia eskatzeko gertaerak, urruntasunagatik edo komunikazio zailtasunagatik, hala eskatzen duenean.
Baimen ofizialen kasuetan, oinarrizko soldata eta primen %100 ordainduko da.
Ofizialak ez izanik ere, egoera larrietan edo presakoetan ematen diren baimenei dagokienez, enpresak errekuperatu behar direla erabakiz gero, absentzia orduak bi hilabeteko epean errekuperatu beharko dira.
Absentzia orduak taxuzko mugatik gorakoak badira, kasuan kasuko langileak eskatuta, Enpresa Batzordeko kideek enpresarekin negoziatuko dute hauetako konponbideren bat lortzeko asmoz: langileak soldata jasotzea, baimenaren ezinbestekotasuna eta langileari sortzen ahal zaion kalte ekonomikoa ikusita; soldata ez ordaintzea edo, bestela, ordu guztiak errekuperatu beharra ezartzea.
8. artikulua. Bestelako baimenak.
Enpresak onartzen dituen bestelako baimenak, egun oso batekoak edo gehiagokoak, lehen-lehenik, bosturtekoei dagozkien baimen egunen kontura konpentsatuko dira, langileak horrelakorik jasotzeko eskubiderik baldin badu.
III. KAPITULUA
Baldintza ekonomikoak
9. artikulua. Ordainsariak.
Estatuko egiazko KPI + 0,75 puntu lineal hitzarmenaren hiru urteetariko bakoitzerako.
Hitzarmenak diraueino, urte bakoitzerako 0,75 puntu linealak 2006ko lansarien taulen arabera, TRW Landaben enpresako 2. mailako ofizial bati dagozkion lansarien balioak dauzkaten kategoriekiko alderantzizko proportzioan banatuko dira. Beste kategorietarako, lansarien balio handiagoak badituzte, 2. mailako ofizial batetik aurrera, hori barne, kasuan kasuko gehitze lineala aplikatuko da.
Hitzarmen hau sinatzen denean plantillan dauden enplegatuendako soldata 3. mailako ofizialentzat adierazitako berbera izanen da, 137 errendimendu tasan arituta. Dena dela, horrek ez du ekarriko egun dauden balorazio-mailetako lanbide kategorien lansari-mugimendurik egitea edo kategoria horiek kentzea.
1. eranskinean ezartzen dira 2007rako lansariak.
Gaueko lanaren plusa:
2007. urtea: 2,79 euro gordin/ordua, KPI gaurkotu gabe.
2008. urtea: KPI gaurkotua.
2009. urtea: KPI gaurkotua.
10. artikulua. Soldaten berrikuspena.
Soldatak berrikusteko klausula bat ezarri da, hasiera batean 2007. urterako aurreikusitako Espainiako egiazko KPIa bermatzeko (%2).
2008. eta 2009. urteetarako soldatak berrikusteko klausula ezarri da, urte horretako Espainiako egiazko KPIa bermatzeko.
11. artikulua. Soldatak ordaintzea.
Hilean ordainketa bakarra egitea adostu da. Hilabeteko azken egunean eginen da, edo aurrekoan, hura jaieguna baldin bada.
Beharginen lansarien lehenbiziko ordainketa egiteko, dagozkien lansari-kontzeptu guztiak kalkulatuko dira eta gero horien arabera kalkulatzen diren kenkariak aplikatuko dira (PFEZ, Gizarte Aseguruak etab.). Hurrengo hilabeteetan ere arau horrexeri segituko zaio. Hortaz, hilabete bakoitzerako kalkulatutako ordainketa egitean, aurreko hilabeteko likidazio zehatza adierazten duen errezibo ofiziala emanen da, non langile bakoitzari dagokion diferentzia, aldekoa edo kontrakoa, adieraziko den.
Abenduko aparteko saria abenduaren 20an ordainduko da, kategoria guztientzat.
Industria Siderometalurgikorako Lan Ordenantzaren 73. artikuluan adierazitako pizgarriaren ondorioetarako, hots, oinarrizko soldataren %25 ordaintzeko ondorioetarako, errendimendu zuzena 130 errendimendua da.
Errendimendu hori ezin izanen da inoiz ezinbestez eskatu. Horren ondorio bakarra aurreko lerrokadan ezarritakoa izanen da.
12. artikulua. Mozkinen saria.
Aurreko urteko ekitaldi ekonomikoari dagozkion mozkinen saria urteko apirilaren 1a baino lehen likidatuko da. Sari hori kasuan kasuko ekitaldiko 31 soldata-eguni eta antzinatasunari dagokiena adinakoa izanen da. Sari hau kasuan kasuko urtean lanean emandako denboraren arabera jasoko da, eritasunaren edo istripuaren ondoriozko bajan emandako denbora barne hartuta.
Etorkizunean enpresaren egiazko etekinetan oinarrituriko mozkinen parte-hartze sistemaren bat nahitaez ezarriko balitz langileentzat, ondorio horretarako ez litzateke halakotzat hartuko, ondorio horretarako bakar-bakarrik, TRW Automotive España, S.L.n ezarri zen mozkinen saria.
13. artikulua. Uztaileko, iraileko eta eguberrietako aparteko sarien gaineko arau komunak.
Aparteko sari horiek kasuan kasuko urtean lan egindako denboraren arabera ordainduko dira.
14. artikulua. Kontaketa, guztira.
Langileen Estatutuaren Testu Bateginaren 31. artikuluan edo bete beharreko beste arau edo hitzarmen batean ezartzen diren aparteko sarien eta mozkinen sariaren zenbatekoa konputatzeari begira, urtean sorrarazitako aparteko lau sariak konputatu eta horiekin konpentsatu behar direla ulertu behar da.
15. artikulua. Antzinatasun saria.
Osagarri hau bosturtekotan oinarritzen da, kopuru mugarik gabe.
Bosturteko bakoitzeko, langile guztiek baimen-egun bat izanen dute.
Bosturtekoei dagozkien baimen-egunak hartzeko aldez aurretik erdi mailako kargudunarekin edo buruarekin adostu beharko da, departamentuaren edo atalaren lana antolatzeko behar den denbora izan dezaten eta, horrenbestez, ekoizpen prozesua ez eteteko.
Bosturteetarako kopuruen gehitzea onartzen da, 2006ko lansarien tauletan ageri dena, kasuan kasuko KPIa barne, 2006ko lansarien taulen arabera, TRW Landaben enpresako 2. mailako ofizial bati dagozkion lansarien balioak dauzkaten kategoriekiko alderantzizko proportzioan. Beste kategorietan kasuan kasuko KPIaaplikatuko da.
2007rako bosturtekoen araberako lansari taulak 3. eranskinean azaltzen dira.
16. artikulua. Ohiz kanpoko edo gaueko lana edo lan, nekagarri edo arriskutsua egiteagatiko osagarriaren arauak.
Osagarri hau oporraldian ere ordainduko da.
17. artikulua. Joan-etorrietarako ordainsariaren arauak.
TRW Automotive España, S.L.ren konturako lanak egitera, enpresarenak ez diren beste lantoki batzuetara joaten diren langileek sari bat jasoko dute, langile horrexek aurreko hilabetean irabazitakoaren batez bestekoa hain zuzen.
18. artikulua. Lotura plusa.
Enpresak langileren bati deitu behar baldin badio igande edo jaiegunen batean, hur-hurreko ezbeharrei aurrea hartzeko edo istripuak, matxurak edo kalteak konpontzeko lanetan aritzeko, langile horri "lotura plus" bat ordainduko zaio, 23,03 eurokoa.
19. artikulua. Gaueko deien osagarria.
22:00etatik 06:00ak bitarte egiten diren irteera eta dei berezi bakoitzeko, 11,57 euroko osagarria ezartzen da kategoria guztietako enplegatuentzat.
Beharginentzat plus hori 9,15 eurokoa izanen da kategoria guztietan.
Osagarri hau aparteko orduen diru-zenbatekoarekin bateragarria izanen da.
20. artikulua. Lanaldia luzatzearen osagarriaren arauak.
Egindako lan ordu kopurua zehaztea zaila baita, aparteko orduak ordaindu beharrean, ondotik adierazten den lanpostuak osagarri bat jasoko du urtean, lanaldia luzatzearen osagarri gisara:
_Zuzendaritza Nagusiko idazkaria: 4.948,36 euro gordin.
21. artikulua. Lan falta edo gutxitzea.
Langileari leporatu ezin zaion arrazoi bat dela kausa, enpresan lan falta edo gutxitze bat baldin badago, langileek egiazko soldataren %100 kobratuko dute, eta ekoizpen sariaren %100, are lantegi osoa nahitaez geldiarazi behar baldin bada ere, Legean adierazitako ezinbesteko kasuetan izan ezik.
22. artikulua. Sarien sistema.
Zuzeneko sariaren araubidean lanean ari diren langileen ekoizpen saria ekoizpenaren kontrolpean lan egindako orduen arabera sorraraziko da, eta behar bezalako kalitateko produkzioaren arabera.
Gutxieneko errendimendua 100ekoa izanen da. Errendimendu horri 1. eranskinean agertzen diren lansariak dagozkio.
Hilabeteko gutxieneko errendimenduaren %100 eskatuko da. Batez besteko errendimendua ateratzeko, hilabeteko ekoizpenaren batuketa zati hilabeteko egun kopurua eginen da.
Denbora estandarra aintzat hartu gabe zeharkako lanak egiten dituzten langileek denbora estandarra duten lanpostuetako langileek lortzen dituzten sarien batez bestekoa jasoko dute.
23. artikulua. Mantentze-lanetako zerbitzuko langileak.
Zerbitzu horren ezaugarri bereziak ikusita, bertako langileek 1987ko ekainaren 19an sinaturiko akordioak izanen dituzte araubide. Hona hemen akordio horrek dioena:
"Mantentze-lanetako zerbitzuko langileen ezaugarri bereziak ikusita, beharrezkoa da jarduera hori arautzea, enpresaren zerbitzu-beharrak betetzeko".
Hori ikusita, Enpresa Batzordeak, atal horretako langileek eta enpresako zuzendaritzak ondoko akordio hauek hartu dituzte:
1) 22:00etatik 06:00ak bitarte ustekabeko matxura larriak konpontzeko egiten diren irteeren edo dei berezien osagarria ezartzen da, 29,19 euro gordinekoa, atal honetako lanbide kategoria guztietako langileek jasoko dutena.
a) Kontzeptu horren barrenean lan egindako ordu bakoitzeko ordu bateko atsedenaldia emanen da, gehi 10,21 euro gordin lan ordu bakoitzeko. Atseden-ordu horiek pilatzen ahalko dira gero batera hartzeko, arduradunarekin adostu bezala.
b) Kontzeptu honen kontura hartu beharreko gutxieneko denbora bi ordukoa izanen da, aurreko lerroaldean ezarritako baldintzetan, nahiz eta egindako lanean bi ordu baino gutxiago eman.
2) Ustekabekoa eta oso presakoa den makinen matxura larri bat dela kausa, langileak bere lanaldia luzatu behar baldin badu, bi ordu gehienez, ordu horiek pilatzen ahalko dira gero batera hartzeko, arduradunarekin adostu bezala. Lan egindako ordu bakoitzeko ordu bateko atsedenaldia emanen da, gehi 10,21 euro gordin ordu bakoitzeko.
3) Lan baldintzak aldatzeko Nafarroako Gobernuko Lan Departamentuak emandako baimena erabiliz, larunbatetan, igandeetan eta jaiegunetan lan egitea beharrezkoa den kasuetarako, 73,01 euro gordineko plusa ezarri da lan egun bakoitzeko, gehi atseden-egun bat, epaimahai eskudunek kontrakoa erabakitzen ez duten bitartean.
Atseden-eguna urte natural horrexetan hartu beharko da, arduradunarekin adostu bezala.
4) 96,36 euro gordineko plusa gehi atseden-egun bat ezarri da larunbatetan, igandeetan eta jaiegunetan lan egiten den egun bakoitzeko, egun hori aurreko atalean ezarritakoaren arabera ohiko lan eguna ez bada.
Atseden-eguna urte natural horrexetan hartu beharko da, arduradunarekin adostu bezala.
5) Mantentze-lanetako zerbitzuko langileek aitortzen dute beharrezkoa dela atal horretako langile batzuek gainerako langile guztientzat ezarritako egutegitik aparte hartzea opor-egunak eta aldi horretan dagozkien eginkizunak betetzeko konpromisoa hartzen dute.
Oporraldi horretako lanak betetzeko, ondoko hauek hartu beharko dira kontuan:
a) Aldi horretako langile-beharrak bi hilabete lehenagotik jakinaraziko dira eta langile boluntarioekin beteko dira, behar guztiak betetzeko adina langile baldin badaude. Bestela, langile egokiak hautatuko dira eta derrigorrez agertu beharko dute.
b) Atalaren antolaketa-egiturak horretarako aukera ematen duenean, ataleko langileentzako txandakako sistema bat ezarriko da, ekoizpenaren beharren ondorioak pairatu behar dituztenak beti langile berberak izan ez daitezen.
c) Oporraldi horretan lanera nahitaez joan behar duten langileek egun bat eta erdiko atsedenaldia izanen dute lan egindako egun bakoitzeko, edo atseden-egun bat gehi 68,89 euro gordin.
Atseden-egunak ekainean, abuztuan edo irailean hartuko dira, nork bere arduradunarekin adostuta, non eta beste egun batzuetan hartzeko banakako akordiorik ez dagoen.
Nolanahi ere, konpentsazio-egunak hartzeari dagokionez, irizpide nagusia izanen da arduradunarekin adostea, zerbitzu beharren arabera hartzeko.
6) Atalaren lan-aurreikuspenei dagokienez, urteko lan-egutegia prestatuko da.
7) Enpresa zerbitzu honetako langileen lan arropak garbitzeaz arduratuko da, ataleko arduradunak ikuskatu ondoren.
8) Akordio honetan ezartzen diren diru-kopuru, plus edo osagarri guztiak soldataren zatitzat edo soldataren kontzeptutzat hartuko dira. Hortaz, hitzarmen kolektiboen negoziazioen ondorioz TRW Automotive España, S.L.n urtean-urtean aplikatzen diren igoerak aplikatuko zaizkie.
9) Akordio honetan ezartzen diren diru-kopuru, plus edo osagarri guztiak aplikatuko dira langilea Mantentze-lanetako Zerbitzuan ari den bitartean. Beraz, lantegiko beste atal bateko beste lanpostu batera lekualdatzen badute, ez du horrelakorik kobratzeko eskubiderik izanen.
10) Akordio hau sinatu ondoren hemen adostua aldatzen duen maila altuagoko beste xedapen bat onartuz gero, langileentzat onuragarriena dena aplikatuko da.
11) Klausula hauek guztiak akordio bakar bat osatzen dute eta, beraz, ezinezkoa da batzuk onartzea eta beste batzuk ez, izan ere, batzuek besteak konpentsatzen dituzte eta.
_Prestasun plusa:
Mantentze-lanetako Zerbitzuko langileen ezaugarri berariazkoak kontuan harturik (mekanika eta elektrizitate-elektronika arloetako lanak), ohiko lan ordutegitik kanpo, jaiegunetan eta oporretan lan egiteko prestasuna baitakarte, besteak beste honako lan hauetan aritzeko: matxurak, makinen aldaketak, prebentzio lanak, istripuak, gorabeherak etab., prestasun plus bat ezartzea erabaki da, 1.296,97 euro gordinekoa urtean. 12 hilabetetan ordainduko da, bakoitzean 108,08 euro gordin. Plus hori ez da aintzat hartuko aparteko sarien, oporren edo beste kontzeptu batzuen kalkulua egiteko orduan.
Plus honen ordainketa eta horren aldera eskatzen den prestasuna egoki bideratzeko, bi alderdien fede ona behar da. Hortaz, ahal den neurrian, lana banatu behar da, langileen prestasun behar hori arrazoi justifikaturik gabe ez handitzeko.
Plusak hitzarmenak indarra izan bitartean izanen du balioa, eta funtzionamenduarekin ados ez egonez gero, alderdietatik edozeinek indarrik gabe uzten ahalko du, osotara edo banaka.
Era berean, plusari hitzarmen kolektiboen negoziazioen ondorioz TRW Automotive España, S.L.n urtean-urtean aplikatzen diren igoerak aplikatuko zaizkio.
Akordio horrek 1991ko uztailaren 1etik aurrera du indarra, 1991ko uztailaren 22an hartutako akordioaren arabera.
IV. KAPITULUA
Gizarte Segurantzako Araubide Orokorraren babesa hobetzeko borondatezko erabakiak
24. artikulua. Enpresaren ekarpen osagarriak, laneko istripu edo eritasun kasuetan.
Beharginen kasuan, enpresak bajaren lehenbiziko egunetik beretik osatuko ditu Lan istripuen Ugazaben Mutuak ematen dituen prestazioak, langileak ezustea gertatu zenean jasotzen zituen guztirako lansarien %100 egin arte. Ekarpen hori 18 hilabetez eginen da gehienez.
Enplegatuek, berriz, Gizarte Segurantzako prestazioen eta bakoitzaren egiazko diru-sarreren arteko aldea jasoko dute kontzeptu honengatik.
25. artikulua. Enpresaren diru-ekarpen osagarriak, eritasun arrunta edo lanetik kanpoko istripua dagoenean.
A) Bajarik gabeko eritasuna:
Baja-agiri ofizialik gabeko eritasun kasuetan, enpresak hitzarmen honen aplikazio eremuan dauden langile guztiei ordainsarien %100 ordainduko die, urte natural bakoitzean bi egunez gehienez (16 ordu). Dena dela, diru-kopuru hori kobratzeko, langileak/enplegatuak enpresako zerbitzu medikoaren kontrolaren eta zaintzaren pean jarri beharko dira.
Hitzarmen honek indarra duen bitarteko urte naturaletan gorago aipatzen den aukera baliatzen ez duten langile/enplegatuek hurrengo urte naturalean hautapen libreko egun osagarri bat izanen dute, hitzarmen kolektibo honetako 3. artikuluan ezarritako baldintzetan.
B) Lanetik kanpoko eritasun edo istripua, baja-agiria aurkeztuta:
1) Beharginen kasuan, enpresak bajaren lehenbiziko egunetik osatuko ditu Gizarte Segurantzak aldi baterako ezintasun kasuetan ematen dituen prestazioak, langilearen guztirako lansarien %100 egin arte. Ordainketa hori bi urte eta erdiz eginen da gehienez ere.
Hitzarmen honetan ezarri den diru-osagarri hori jasotzeko, baldintza hauek bete beharko dira:
a) Eritasuna egiaztatzea, baja medikoaren agiri ofiziala aurkeztuz.
b) Kasuan kasuko hilabetean beharginen taldean izandako eritasunaren ondoriozko absentziak lanpostuan egon beharreko orduen %5etik gorakoak ez izatea. Absentismoa %5 eta 6ren artekoa bada, oinarrizko soldataren %80 gehi ekoizpenaren saria kobratuko da.
Absentismoa %6 eta 7,5en artekoa bada, oinarrizko soldataren %60 gehi ekoizpenaren saria kobratuko da.
Absentismoa %7,5etik gorakoa bada, oinarrizko soldata kobratuko da.
Absentismoa neurtzeko lehentxeago adierazitako ehuneko horietan ez dira konputatuko hilabetetik gorako iraupena duten eritasunen ondoriozko baja ofizialak, ez eta izurrite, eritasun kroniko eta antzeko beste kasu batzuen ondoriozkoak ere.
2) Enplegaturen batek lana uzten badu ezongi dagoelako edo Gizarte Segurantzako mediku espezialista batera joan behar duelako, enpresak egun horretako lansari osoa ordainduko dio, betiere Zerbitzu Medikoak ateratzeko baimena emanez gero.
Lanerako ezintasun kasuetan, enplegatuek Gizarte Segurantzaren prestazio ofiziala jasotzen duten bitartean, enpresak diru-osagarri bat ordainduko die lansari guztien %100 egin arte, betiere eriak lehenbailehen osatzeko ezartzen diren neurriak betetzen baditu.
Behin-behineko baliaezintasun kasuetan, prestazio ofizialen gaineko ekarpen osagarria enplegatuak aldi baterako baja hartu zuenean jasotzen zuen lansari likidoaren %100 egin artekoa izanen da. Diru-ekarpen hori bi urte eta erdiz eginen da, baliaezintasunaren aitorpena egiten den egunetik hasita.
26. artikulua. Erretiroa hartzean edo ohiko lanbiderako ezintasun iraunkor osoa, erabateko ezintasun iraunkorra edo baliaezintasun handia dagoenean eginen den diru-ekarpena.
60 urte betetakoan erabateko erretiroa edo erretiro partziala hartzen duten langile guztiek 2.487,51 euroko saria jasoko dute.
Aurrean aipatutako baldintzak betetzen dituzten langileei 2.487,51 euroko saria mantentzen zaie "ad personam" berme gisa, hau da, erretiroa 60 urtetan hartzen dutenei edo, adin horretara iritsita, klausula honen tituluan adierazitako ezintasun egoeraren batean deklaratzen direnei.
Ezintasun egoera horietako batean 60 urte bete aurretik deklaratzen diren langileei 62,18 euro ordainduko zaie TRW Automotive España, S.L.n lan egindako urte bakoitzeko, baina 2.487,51 euroko muga gainditu gabe.
Lan urte bakoitzeko 62,18 euro jaso ondoren, ohiko lanbiderako ezintasun iraunkor osoan dagoen langileren bat enpresan sartzen baldin bada ezgaitasunak dituztenentzat gordetako lanposturen batean, TRW Automotive España, S.L.k enpresan baja hartu zuenean zegokion antzinatasuna gordeko dio langileari, eta horren arabera dagokion diru-zenbatekoa lanbide kategoria berriko soldataren arabera kalkulatuko da. Zerbitzu-urte bakoitzeko langileari emandako dirua (62,18 euro urte bakoitzeko) aurrerakin gisa konputatuko da, langilearen erretiro saria edo, lanerako erabateko ezintasun iraunkorra deklaratuz gero, ezintasun saria kalkulatzen denerako.
Kalkulu hori TRW Automotive España, S.L.n egiaztatua duen antzinatasun osoa aintzat hartuta eginen da.
6 hilabetetik gorako lana egiazki egindako urtetzat hartuko da.
Hemendik aurrera erretiroa hartzen dutenei ere 62,18 euro ordainduko zaie lan urte bakoitzeko, baina 60 urte bete artekoak baino ez dira konputatuko. Bestalde, 2.487,51 euroko muga ere mantentzen da "ad personam" berme gisa.
27. artikulua. Dagokion ezintasunerako proposamenak iraun bitartean, eginen den diru-ekarpen osagarria.
Enplegaturen bat "aldi baterako ezintasun" egoeratik "dagokion ezintasun iraunkorrerako proposamena" izatera zuzenean igarotzen denean, hots, "behin-behineko baliaezintasuna" izeneko egoera agortu gabe, enpresak langilearen hileko soldata garbiaren %100era iritsi arte osatuko ditu Gizarte Segurantzaren prestazio ofizialak, gehienez ere sei hilabetez.
28. artikulua. Ohiko lanbiderako ezintasun iraunkor partzialeko kasuetan eginen den diru-ekarpena.
Enplegaturen bat, dela laneko istripuagatik, dela eritasunagatik, ohiko lanbiderako ezintasun iraunkor partzialaren egoeran deklaratzen badute ofizialki, enpresak beste lanpostu bat esleituko dio _ezgaitasuna duen langileak ohiko eraginkortasuna lortzeko moduko lanpostu bat, ahal baldin bada_ eta Gizarte Segurantzaren prestazioak ez zaizkio murriztuko.
29. artikulua. Aseguru kolektiboa.
Langileek enpresak aseguru-etxe batekin sinatua duen taldekako bizi aseguruaz baliatzeko eskubidea dute.
Horrez gain, enpresak istripuetarako asegurua sinatua du, honako arrisku hauek estaltzeko:
_Istripuaren ondoriozko heriotzagatik: 15.025,30 euro
_Istripuaren ondoriozko erabateko baliaezintasunagatik: 24.040,48 euro
V. KAPITULUA
Malgutasuna
30. artikulua. Prestasun plusa.
94. urtea baino lehen kontratatu ziren bost eguneko kontratudunek (langile finko zaharrak), bai, halaber, egun horren ondotik kontrataturiko bost eguneko kontratudunek ere, hots, langile finko zaharrekin asimilatu eta astelehenetik ostiralera bitarte lan egitera igaro direnek (bost eguneko langile finko berriak), TRWko egutegiko larunbatetan, igandeetan eta jaiegunetan lan egiteko izena ematen ahalko dute, norberak eskatuta, arduradunak edo buruak atalaren beharrak ikusita eskatzen duenean. Horrelakoetan, prestasun plus gisara 68,61 euroko osagarria jasoko dute lan egindako egun bakoitzeko (larunbata, igandea edo jaieguna), egun horri dagokion ohiko konpentsazioaz gainera.
31. artikulua. Langile finko berriak.
31.1. Bost eguneko langile finko berriak.
a) Astelehenetik ostiralera:
Hitzarmen kolektiboak diraueino, bost eguneko langile finkoek, gaur egun ordutegi malguan ari direnek, astelehenetik ostiralera bitarte eginen dute lan, tailerreko langileen plantillan ondoren aipatzen diren bajekin bat:
2007. urtea: Guztira: 14.
2008. urtea: Guztira: 23.
2009. urtea: Guztira: 13.
Hortik aparte, gehienez ere, malgutasunik gabeko ordutegia izanen dute eta astelehenetik ostiralera bitarte eginen dute lan:
2007. urtea: 10 pertsona hitzarmena sinatzean, eta beste 10, 2007ko abenduan.
2008. urtea: 25 pertsona 2008ko abenduan.
2009. urtea: 28 pertsona gehienez 2009ko abenduan.
Astelehenetik ostiralera pasa diren 123ei, honako hauek gehitu behar zaizkie:
1) Bi eguneko 9 langile finko berri: langile horiei, hitzarmen kolektibo honetako 1. xedapen gehigarriarekin bat, 2 eguneko kontratu finkoa 5 eguneko kontratu finko bihurtuko zaie, malgutasunik gabeko ordutegira pasako dira, astelehenetik ostiralera, antzinatasun datagatik hala dagokienean.
2) 8 langile finko berri, 5 egunekoak, eta 2 eguneko langile finko berriak, 2007ko urtarrilaren 1ean eszedentzian zeudenak. Langile horiei, eszedentzia bukatu ondoren, plantillara itzultzen badira, araubide hau aplikatuko zaie:
5 eguneko finko berriak: malgutasunik gabeko ordutegira pasako dira, astelehenetik ostiralera, antzinatasun datagatik hala dagokienean.
2 eguneko finko berriak: aurreko atalarekin bat.
b) Malgutasun plusa:
5 eguneko langile finkoak, gaur egun malgutasunez ari badira, larunbat, igande, Nafarroako ALDIZKARI OFIZIALeko jaiegun eta TRWko jaiegunetan lan egiteagatik, 68,61 euroko ordaina kobratuko dute hitzarmen kolektiboak dirauen urte bakoitzean, egiazki lan egiten duten egun bakoitzagatik.
31.2. Bi eguneko langile finko berriak.
a) Malgutasun plusa:
Bi eguneko kontratua duten langile finko berriek 46,06 euro kobratuko dituzte lan egiten duten igande bakoitzeko edo Nafarroako ALDIZKARI OFIZIALeko jaiegun bakoitzeko, hilabeteko lansaria edozein delarik ere.
Malgutasun plusa egiazki lan egiten deneko lehen egunetik kobratuko da. 9 egun edo gehiago lan egiteko baldintza kenduko da.
b) Bi egunetik bost egunera:
Hitzarmen hau sinatzean bi eguneko kontratua duten langileek bost eguneko finko bihurtzen ahalko dute beren kontratua, hitzarmen hau sinatu ondorengo hamabi hilabeteetan.
31.3. Malgutasuna
Laugarren txanda egiten duten langileek bi asteburu libre izanen dituzte hilabetero.
VI. KAPITULUA
Aparteko orduak
32. artikulua. Aparteko orduak.
Aparteko orduak ekiditeko asmoz, enpresako zuzendaritzak beharrezkoa den kasuetan aldi baterako langileak kontratatzeko konpromisoa hartzen du, legeek baimenduriko aparteko orduak ere baliatzeari uko egin gabe. Egiturazko aparteko orduak arautu eta horien segimendua egiteko, Zuzendaritzak eta Enpresa Batzordeak 1989ko maiatzean lorturiko akordioari men eginen zaio.
Bi alderdiek garbi azaltzen dute behar-beharrezkoa dela bezeroei azkar eta egoki erantzutea, enpresa eta enplegua sendotuko bada. Hori eta lehenbailehen erantzun beharreko beste egoera batzuk kontuan harturik, beharrezkoa da batzuetan aparteko orduak erabiltzea.
Bi alderdiek aparteko orduen kopurua gutxitzeko borondatea azaltzen dute.
VII. KAPITULUA
Langileen sailkapena, maila igoera eta prestakuntza
33. artikulua. Mailaz igotzeko araubidea.
a) Beharginentzat.
Lanpostu bat gora egiteko sistemaren bidez betetzeko irizpide orokorra horretan aritzeko eskatzen diren gaitasunak erakustea izanen da. Gora egiteko azterketetan gaitasun probak eta ezaupideen probak eginen dira.
Gora egiteko azterketetan lanpostu hutsari dagokion mailatik beheragoko langile guztiek parte hartzen ahalko dute.
Lanpostu hutsak probak gainditu eta kalifikaziorik altuena lortzen duten langileek beteko dituzte. Berdinketarik izanez gero, lanbide historial hobea edo antzinatasunik handiena duenak izanen du lehentasuna.
Gaitasun probak baztertzaileak izanen dira, hau da, ezaupideen gaineko probak ezin dituzte egin aurreko horiek gainditzen ez dituztenek.
Ezaupidetzat hartuko da lanpostuaren jarduerari dagozkion eginkizunen ezagutza teoriko-praktikoa, halakoa non izangaiak lanpostuari dagokion gutxieneko errendimendua hasiera-hasieratik lortzen ahal duen.
Hautatzen diren langileek lanpostuari egokitzeko aldi bat izanen dute, hilabetekoa gehienez.
Egokitzapen aldia gaindituz gero, izangaia mailaz igoko da.
Lanpostuari egokitzeko aldian, langileak lehengo lansariak jasoko ditu. Mailaz igotakoan, lanpostu berriari dagokion soldata jasoko du eta atzerako eragina izanen du egokitzapen aldia hasi zen arte, dagokion aldea ordainduko baitzaio.
Gora egiteko sistemaren bidez hautagai bakar batek ere gainditzen ez badu, enpresak bi bide izanen ditu: langile berrien hautapena egitea edo mailaz igotzeko azterketetan puntuazioarik altuena lortu duen langilea hautatzea.
Hautatzen den pertsonak prestakuntza aldi bat egin beharko du. Horren iraupena eskuratzen duen gaitasunaren erritmoaren araberakoa izanen da.
Nolanahi ere, prestakuntza egin behar hori langileak aurretik onartu beharko du.
Enpresak prestakuntza ikastaroaren segimendua eginen du eta, horren arabera, erabakiko du noiz egin behar duen ezaupideei buruzko proba.
Proba gaindituz gero, lanpostua behin betikoz hartuko du.
Prestakuntza aldian dagoen langileak uste badu gaitasun aski duela azterketa egin diezaiotela eska dezake, baina gainditzen ez badu enpresak prestakuntza aldi bukatzea erabaki dezake. Horixe bera erabaki dezake azterketa egitea enpresak berak agindu duenean ere.
Prestakuntza aldia bukatzea erabakiz gero, langileak ordura arteko soldata jasoko du, eta prima lanpostu aldaketa egin aurreko hiru hilabeteetan lorturikoaren batez bestekoa izanen da.
b) Enplegatuentzat.
Enpresak, 10 egun lehenagotik gutxienez, bete nahi diren lanpostu hutsak zein diren jakinaraziko du eta, horrekin batera, ariketak egiteko eguna, programa eta lanpostuak betetzeko eskatzen diren gaitasunak adieraziko.
Horrez gainera, ariketak egiteko modua eta bidezko diren merezimenduak, tituluak eta bestelako eskakizunak azalduko ditu.
Mailaz igotzeko azterketetan lehiaketaren xede den lanpostuaren kategoriatik beheragoko enplegatu guztiek parte hartzen ahalko dute.
Enplegatuak mailaz igotzeko hautapen probak lanpostu horretan egoki aritzeko behar diren ezaupide eta gaitasunak neurtzeko izanen dira, bakar-bakarrik. Hortaz, berariaz adierazten da ezin dela adimen edo nortasun testik egin.
Lanpostu hutsa zein taldetakoa den, hango Enpresa Batzordeko kideak epaimahaian arituko dira, kontu-hartzaile gisa.
Probak gainditzen dituzten langileak goragoko lanpostu horietan hasiko dira lanean, baina gehienez ere hiru hilabete iraungo duen probaldia gainditu beharko dute. Probaldia gaindituz gero, enpresak goragoko lanpostuari dagozkion lansari guztiak lanpostu hori hartu zuen lehenengo egunetik beretik ordaindu beharko dizkio langileari.
34. artikulua. Enpresan sartzea.
Plantillako langileek enpresan sortzen diren lanpostu hutsak betetzeko lehentasuna izanen dute.
Lanpostu horiek betetzeko hautagai egokirik izan ez eta behin betiko edo bitarteko kontratazioa egin behar baldin bada, enpresako zuzendaritzak Enpresa Batzordeko kideei horren berri emanen die, jakin dezaten, eta lanpostua zein taldetakoa den, Batzordean talde horrexen ordezkari diren kideek hautapen mahaian parte hartuko dute, kontu-hartzaile gisa.
Ondoko lanpostuetan ez da jarduneko langileen lehentasun arau hori aplikatuko eta Batzordeko kideek ez dute hautapen mahaian parte hartu beharrik izanen: enpresako zuzendarien idazkaria, posta eta artxibo lanen arduraduna, Zuzendaritza Nagusiari atxikia, eta telefonista.
35. artikulua. Langileen sailkapena.
Hitzarmen honek indarra izan bitartean, lanpostuen egungo sailkapenak indarrean segituko du.
1., 2., 3. eta 4. mailetan dauden enplegatuek laguntzaileen lanbide kategoria izanen dute edo indarra duen Lan Ordenantzan horren baliokidea dena.
5., 6. eta 7. mailetan dauden enplegatuek 2. mailako ofizialaren lanbide kategoria izanen dute, edo horren baliokidea.
8. eta 9. mailetan dauden enplegatuek 1. mailako ofizialaren lanbide kategoria izanen dute, edo horren baliokidea.
10. eta 11. mailetan dauden enplegatuek 3. mailako buruen lanbide kategoria izanen dute.
12. eta 13. mailetan daudenek 2. mailako buruen lanbide kategoria izanen dute, edo horren baliokidea.
14. mailan daudenek 1. mailako buruen lanbide kategoria izanen dute, edo horren baliokidea.
Mailak Baloraziorako Esku-liburuan adierazitakoari jarraikiz ezarriko dira, bakar-bakarrik, beste inolako prozedurarik erabili gabe.
Gizarte Segurantzako kotizazioen ondorioetarako, 10. eta 11. mailak delineatzaile proiektugilearen lanbide kategoriari asimilatuko zaizkio.
36. artikulua. Ingeniari teknikoaren titulua lortzeko ikasketak egiteko bekak.
Enpresak enpresako langile guztiei ikasketa bekak emanen dizkie, ingeniari teknikoaren titulua atera dezaten.
Beka 2.072,89 eurokoa izanen da urtean. Hiru zatitan ordainduko da, hiruhileko akademiko bakoitzaren hasieran.
Beka ikasketak bukatu arte luzatuko da, betiere ikasleak ikasmaila bakoitza oso-osorik gainditzen badu.
Bekadunak bekaren aprobetxamendua egiaztatu beharko du, eskola liburua edo beste egiaztagiri bat erakutsiz, eta bai, halaber, jokabide egokia izan duela, ikastetxeko idazkaritzaren ziurtagiriaren bidez.
Honelako kasuetan, bekaren onurak berehalakoan etengo dira:
1) Aprobetxamendua egiaztatzeko agiriak faltsutzea.
2) Kurtsoa oso-osorik ez gainditzea.
3) Ikastetxeak edo eskolak zehapena jartzea.
Horrelakoetan, bekaduna enpresako plantillatik aterako da, baina eskubide hauek gordeko ditu:
a) Udako hilabeteetan TRW Automotive España, S.L.n lan egiteko eskubidea.
b) Ikasketak bekadunari leporatu ezin zaizkion arrazoiengatik uzten baditu, berehala lanean onartzeko eskubidea.
VIII. KAPITULUA
Gizarte laguntzak
37. artikulua. Seme-alaba minusbaliatu edo ezinduendako laguntza.
Ofizialki minusbaliatu edo ezindua deklaratzen den seme-alaba bakoitzeko, enpresak 134,01 euro gordineko dirulaguntza emanen dio langileari.
38. artikulua. Ahaideendako laguntza.
Jardunean delarik hiltzen den langilearen alargunak edo seme-alabek, edo langilea ezkongabea izanez gero, haren guraso, aiton-amonek edo anai-arrebek 62,19 euro jasoko dituzte langileak enpresan zuen antzinatasun urte bakoitzeko, baina 2.487,52 euroko muga gainditu gabe. Anai-arreben kasuan, hildakoaren kontura bizi zirela egiaztatu beharko dute.
Langilea lan istripu batean hiltzen bada, gehieneko diru-muga ordainduko da, hots, 2.487,52 euro.
39. artikulua. Ezkontza.
Langile guztiei ezkontzeagatik osagarri bat ordainduko zaie:
Lehenengo urtea: 8,29 euro, gehi 30 eguneko soldata.
Bigarren urtea: 16,58 euro, gehi 30 eguneko soldata.
Hirugarren urtea 24,85 euro, gehi 30 eguneko soldata.
Laugarren urtea: 24,85 euro, gehi 30 eguneko soldata.
Bosgarren urtea: 24,85 euro, gehi 60 eguneko soldata.
Dirulaguntza hori ezkondu ondoren enpresan baja hartzen ez duten langile guztiei ordainduko zaie.
Ezkonduz gero, enplegatuek bi hilabeteko lansari osoak adinako laguntza izanen dute, gehi 24,85 euro bosgarren urtean.
40. artikulua. Seme-alaben jaiotzagatiko laguntza.
Seme edo alaba bakoitza izateagatik 22,18 euroko dirulaguntza ezartzen da.
41. artikulua. Garraioa.
Langileendako garraioa enpresaren bizkar izanen da, 4. eranskinean agertzen den ibilbidearen arabera.
Inoiz edo behin, langileari eskatzen bazaio lantokira joatea edo lanaldia luzatzea eta ordu horretan enpresak antolatutako garraio-zerbitzurik ez badago, 2,70 euro ordainduko zaizkio.
42. artikulua. Erregeen festa.
Langileen 2 eta 8 urte bitarteko seme-alabei ematen zitzaizkien opariak erosteko erabiltzen zen dirua plantillako langile guztien artean banatzea erabaki da, denontzat berdin. Oparien ordezko dirulaguntza hori jasotzeko eskubidea izateko, beharrezkoa izanen da oparia jasotzeko eskubidea mugatzen zuen adineko seme-alabak izatea.
43. artikulua. Interesik gabeko maileguak.
Enpresak diru puska bat gordeko du langileei interesik gabeko maileguak emateko, hain zuzen ere, zentsuan dagoen langile kopurua bider 4,11 euro egitetik ateratzen dena.
Maileguak gehienez 194,73 eurokoak izanen dira eta mailegua eman eta ondoko hamabi hilabeteetan itzuli beharko da, gehienez.
44. artikulua. Etxebizitza erosteko kreditua.
Enpresak 40 banku-abal eginen ditu gehienez, bakoitza 411,09 euro artekoa, langileek etxebitza eros dezaten.
45. artikulua. Egitezko bikoteak-bikote egonkorrak.
Bi alderdiek adostu dute ezkontzak eta egitezko bikoteak ondorio guztietarako parekatzea.
IX. KAPITULUA
Berme sindikalak
46. artikulua. Berme sindikalak.
Enpresa Batzordeko kideek eta ordezkari sindikalek lan sindikaletarako erabiltzen dituzten orduak hilabetero konputatuko dira, sindikatu bakoitzeko kide eta ordezkari guztiek hartutakoak batuta.
X. KAPITULUA
Lanerako ekipamendua
47. artikulua. Laneko jantziak.
.Tailerreko langileria:
Enpresak bina galtza pare, bina atorra edo bata zuri, kasuan-kasuan, eta xukadera bana emanen dizkie tailerreko langileei urtero. Egoera berezietan, zuzendaritzak erabaki beharrekoak, atorra, galtza edo bata gehiago ematen ahalko dira.
Enpresak honako jantzi hauek emanen dizkie langileei:
.Tailerreko buruak:
_2 zamar.
_2 galtza pare
_Atorra urdinak.
.Tailerreko langileekin edo kanpokoekin harremanetan dauden teknikariak:
_Bata zuria edo urdina, departamentuaren arabera, horren beharra baldin badute.
.Biltegiko langile administratiboak.
_2 bata urdin.
.Laborategia
_Bata antiazidoak, horien beharra dutenean.
.Osasun zerbitzua
_Bata zuria, horien beharra dutenean.
Betiere, jantzi berriak erabilien truke emanen dira.
XI. KAPITULUA
Lan Osasuna eta mutuak
48. artikulua. Lan osasuna.
Ezintasun iraunkor osoa aitortzen zaien pertsonei aukera emanen zaie Gizarte Segurantzako sistema publikoko pentsioa osatzeko behar dituzten orduetan lan egiteko. Soldata gordinaren %100 bermatuko zaie eta haien lanaldia modu proportzionalean gutxituko zaie.
Osasun arazoak dituzten langileak, zerbitzu irizpidearen arabera eta prebentzioko delegatuen adostasunarekin, beren gaitasunarekin moldatzen diren postuetan kokatuko dira.
Osasun laguntza presentzial bat izanen da, planta lanean aritzen denean.
Bilerak eginen dira Segurtasun eta Osasun Batzordearekin, hilabetean behin, erabilgarriak baldin badira.
49. artikulua. Mutuak.
Zuzendaritzak eta prebentzioko delegatuek batera hautatuko dute mutua.
Zuzendaritzak uko egiten dio, hitzarmena indarrean izan bitartean, aldi baterako ezintasunen egoeretako kontingentzia arruntak Mutuaren bidez kotizatzeari.
XII. KAPITULUA
Ikaskuntza
50. artikulua. Ikaskuntza
Ikaskuntzari buruz 2003ko ekainaren 16an hartutako akordioa aplikatzea.
BESTE XEDAPEN BATZUK
51. artikulua. Ordezko arauak.
Enpresaren Hitzarmen Kolektibo honetan arautua ez dagoen orotan, Nafarroako Foru Komunitateko Industria Siderometalurgikorako indarra duen Hitzarmen Kolektiboan ezarritakoa aplikatuko da, eta horretan arautua ez dagoenean, Langileen Estatutua eta lan arloan aplikatzekoak diren gainerako arau orokorrak.
52. artikulua. Batzorde mistoa.
Lan arloko Agintaritzari aitortzen zaizkion ahalmenak ukatu gabe, Hitzarmena interpretatzeko Batzorde Misto bat eratu da, sindikatuen bi ordezkarik eta enpresaren bi ordezkarik osatua.
53. artikulua. Azken ohartarazpena.
Hitzarmen hau sinatu aurretik langileren batek edo langile-talderen batek hemengoak baino hobeak diren baldintzak baldin baditu, lehengokoak errespetatuko zaizkio.
XEDAPEN GEHIGARRIAK
Lehena._Produktua.
Gaur egungo plantillan enplegatu finkoak direnen eta, akordioko 7. puntuarekin bat, hitzarmenak diraueino erreleboko kontratua izanen duten 35 pertsonen enplegu finkoa bermatzeko inbertsio berriak.
Lan karga eta inbertsio berriak sartzeko aurreikusiriko egutegia hauxe da:
2007ko 2. hiruhilekoa: lan karga berriak gutxi gorabehera 400.000 direkzio mekaniko (MRP) fabrikatzeko Renault bezeroaren B-85 modelurako. Kremailerak ere fabrikatuko dira.
2007ko 2. seihilekoa: hasiko da sentsoreak fabrikatzen Renault eta Fiat bezeroendako, gaurkoari gehituko zaion muntatze linea batean.
TRWk autoaren eta kamioaren arloetan lorturiko produktu berrien diseinu eta prozesua garatzen parte hartzeko aukerak.
Bigarrena._Mandelli eta tratamendu termikoak.
Aurrerapen profesional bera aplikatuko zaie atal horietan urtebete baino gehiago egin duten langileei, atal horiei aplikatu izan zaizkien baldintzetan.
Hirugarrena._Baldintzen homogeneizazioa.
TRW Frenos-etik etorri eta TRW Direcciones-en diharduten langile guztien soldata eta lan guztien erabateko konbergentzia, hitzarmen hau sinatzean.
TRW Frenos-eko langileek, sinaduraren egunean espresuki adierazten badute, gaur egungo soldata eta lana mantendu nahi dutela, gaur egun eta geroan araubide horri eutsiko diote, baldintza pertsonal gisa.
Laugarrena._Errelebo kontratua.
Hitzarmenaren indarraldia bukatu baino lehen, hitzarmenaren akordioa sinatzen den egunean enpresan dauden 35 errelebo-kontratuak mugagabekoak eginen dira. Gaur egun dituzten malgutasun baldintzei eutsiko diete (lan malguari eta plusei).
I. ERANSKINA
2007ko lansariak (aurreikusiriko KPI %2 + 0,75 lineal, alderantzizko proportzioan kalkulatua)
Tailerreko langileria
(%2,0ko gehitzea + 246,04 euro lineal)
_KATEGORIA: ESPEZIALISTA
Oinarrizko soldata: 54,94 20.053,10
Aparteko pagak. Martxoa: 1.703,14
Uztaila: 1.703,14
Iraila 1.703,14
Abendua: 1.703,14
Urteko soldata finkoa, guztira 26.865,66
100 695,58 27.561,24
110 1.023,00 27.888,66
120 1.419,61 28.285,27
130 1.741,50 28.607,16
137 1.976,72 28.842,38
140 2.075,97 28.941,63
(%2,0ko gehitzea + 244,21 euro lineal)
_KATEGORIA: 3. M. OFIZIALA
Oinarrizko soldata: 55,28 20.177,20
Aparteko pagak. Martxoa: 1.713,68
Uztaila: 1.713,68
Iraila 1.713,68
Abendua: 1.713,68
Urteko soldata finkoa, guztira 27.031,92
100 703,85 27.735,77
110 1.123,16 28.155,08
120 1.454,88 28.486,80
130 1.787,63 28.819,55
137 2.021,11 29.053,03
140 2.119,22 29.151,14
(%2,0ko gehitzea + 236,93 euro lineal)
_KATEGORIA: 2. M. OFIZIALA
Oinarrizko soldata: 56,71 20.699,15
Aparteko pagak. Martxoa: 1.758,01
Uztaila: 1.758,01
Iraila 1.758,01
Abendua: 1.758,01
Urteko soldata finkoa, guztira 27.731,19
100 709,00 28.440,19
110 1.218,14 28.949,33
120 1.584,54 29.315,73
130 1.950,87 29.682,06
137 2.203,39 29.934,58
140 2.318,28 30.049,47
(%2,0ko gehitzea + 236,93 euro lineal)
_KATEGORIA: 1. M. OFIZIALA
Oinarrizko soldata: 58,64 21.403,60
Aparteko pagak. Martxoa: 1.817,84
Uztaila: 1.817,84
Iraila 1.817,84
Abendua: 1.817,84
Urteko soldata finkoa, guztira 28.674,96
100 712,10 29.387,06
110 1.276,61 29.951,57
120 1.666,81 30.341,77
130 2.055,95 30.730,91
137 2.328,96 31.003,92
140 2.445,13 31.120,09
(%2,0ko gehitzea + 236,93 euro lineal)
_KATEGORIA: 1. C MAILAKO OFIZIALA
Oinarrizko soldata: 60,03 21.910,95
Aparteko pagak. Martxoa: 1.860,93
Uztaila: 1.860,93
Iraila 1.860,93
Abendua: 1.860,93
Urteko soldata finkoa, guztira 29.354,67
100 925,05 30.279,72
110 1.345,37 30.700,04
120 1.765,55 31.120,22
130 2.210,70 31.565,37
137 2.519,23 31.873,90
140 2.649,68 32.004,35
(%2,0ko gehitzea + 236,93 euro lineal)
_KATEGORIA: 1. B MAILAKO OFIZIALA
Oinarrizko soldata: 60,70 22.155,50
Aparteko pagak. Martxoa: 1.881,70
Uztaila: 1.881,70
Iraila 1.881,70
Abendua: 1.881,70
Urteko soldata finkoa, guztira 29.682,30
100 954,70 30.637,00
110 1.389,01 31.071,31
120 1.823,22 31.505,52
130 2.270,17 31.952,47
137 2.611,06 32.293,36
140 2.736,29 32.418,59
(%2,0ko gehitzea + 236,93 euro lineal)
_KATEGORIA: 1. A MAILAKO OFIZIALA
Oinarrizko soldata: 61,26 22.359,90
Aparteko pagak. Martxoa: 1.899,06
Uztaila: 1.899,06
Iraila 1.899,06
Abendua: 1.899,06
Buruen plusa 2.710,84
Urteko soldata finkoa, guztira 32.666,98
(%2,0ko gehitzea + 236,93 euro lineal)
_KATEGORIA: GAINBEGIRALEA
Oinarrizko soldata: 76,14 27.791,11
Aparteko pagak. Uztaila: 2.315,46
Iraila 727,60
Abendua: 2.315,46
1.129,91
Urteko soldata finkoa, guztira 34.279,54
ENPLEGATUEN SOLDATAK 2007
1 1.813,25 1.813,25 1.813,25 1.813,25 1.813,2529.012,06
2 1.813,25 1.813,25 1.813,25 1.813,25 1.813,2529.012,06
3 1.813,25 1.813,25 1.813,25 1.813,25 1.813,2529.012,06
4 1.813,25 1.813,25 1.813,25 1.813,25 1.813,2529.012,06
5 1.813,25 1.813,25 1.813,25 1.813,25 1.813,2529.012,06
6 1.813,25 1.813,25 1.813,25 1.813,25 1.813,2529.012,06
7 1.857,98 1.857,98 1.857,98 1.857,98 1.857,9829.727,62
8 1.912,55 1.912,55 1.912,55 1.912,55 1.912,5530.600,78
9 1.975,48 1.975,48 1.975,48 1.975,48 1.975,4831.607,72
10 2.099,32 2.099,32 2.099,32 2.099,32 2.099,3233.589,13
11 2.248,08 2.248,08 2.248,08 2.248,08 2.248,0835.969,24
2. ERANSKINA
2007ko lan egutegia
1994ko apirilaren 15a baino lehen kontrataturiko langileen egutegia
_Urtarrila: 21 egun astelehenetik ostiralera x 8 ordu = 168 ordu.
_Otsaila: 20 egun astelehenetik ostiralera x 8 ordu = 160 ordu.
_Martxoa: 22 egun astelehenetik ostiralera x 8 ordu = 176 ordu.
_Apirila: 16 egun astelehenetik ostiralera x 8 ordu = 128 ordu.
_Maiatza: 22 egun astelehenetik ostiralera x 8 ordu = 176 ordu.
_Ekaina: 21 egun astelehenetik ostiralera x 8 ordu = 168 ordu.
_Uztaila: 9 egun astelehenetik ostiralera x 8 ordu = 72 ordu.
_Abuztua: 10 egun astelehenetik ostiralera x 8 ordu = 80 ordu.
_Iraila: 20 egun astelehenetik ostiralera x 8 ordu = 160 ordu.
_Urria: 22 egun astelehenetik ostiralera x 8 ordu = 176 ordu.
_Azaroa: 21 egun astelehenetik ostiralera x 8 ordu = 168 ordu.
_Abendua: 12 egun astelehenetik ostiralera x 8 ordu = 96 ordu.
Urteko orduak, guztira = 1.728 ordu
1994ko apirilaren 15aren ondoren kontrataturiko langileek beren lan esparruari dagokion banakako lan egutegia izanen dute.
2007rako 1.704 orduko egiazko lana izanen da.
Urteko lan egutegian hautapen libreko 3 egun ezarriko dira, baldintza hauek betez gero:
a) Gainbegiraleari edo buruari aurretik jakinaraztea, ahalik eta lasterren.
b) Gainbegiralearen edo buruaren adostasuna izatea.
c) Egun horretaz baliatzea kasuan kasuko departamentuaren edo atalaren lana antolatzeko aukera izatearen baldintzapean egonen da, ekoizpen prozesua ez eteteko.
Lan ordutegiari eta lanaldiari dagokienez, enpresako hitzarmen kolektiboan ezarririkoari men eginen zaio (II. kapitulua).
_Oporrak:
Uztailaren 6tik 14ra eta uztailaren 30etik abuztuaren 19ra, biak barne.
1995ko apirilaren 15aren ondoren sarturiko langileen oporrak banan-banan ezarriko dira.
Langile tekniko eta administraboendako egutegia
_Urtarrila: 21 egun astelehenetik ostiralera = 168 ordu.
_Otsaila: 20 egun astelehenetik ostiralera = 160 ordu.
_Martxoa: 22 egun astelehenetik ostiralera = 174 ordu.
_Apirila: 16 egun astelehenetik ostiralera = 126,5 ordu.
_Maiatza: 22 egun astelehenetik ostiralera = 177 ordu.
_Ekaina: 21 egun astelehenetik ostiralera = 166 ordu.
_Uztaila: 9 egun astelehenetik ostiralera = 74 ordu.
_Abuztua: 10 egun astelehenetik ostiralera = 80 ordu.
_Iraila: 20 egun astelehenetik ostiralera = 160 ordu.
_Urria: 22 egun astelehenetik ostiralera = 179,5 ordu.
_Azaroa: 21 egun astelehenetik ostiralera = 166 ordu.
_Abendua: 12 egun astelehenetik ostiralera = 97 ordu.
Urteko orduak, guztira = 1.728 ordu
2007rako 1.704 orduko egiazko lana izanen da.
Urteko lan egutegian hautapen libreko 3 egun ezarriko dira, baldintza hauek betez gero:
a) Gainbegiraleari edo buruari aurretik jakinaraztea, ahalik eta lasterren.
b) Gainbegiralearen edo buruaren adostasuna izatea.
c) Egun horretaz baliatzea kasuan kasuko departamentuaren edo atalaren lana antolatzeko aukera izatearen baldintzapean egonen da, ekoizpen prozesua ez eteteko.
Lan ordutegiari eta lanaldiari dagokienez, enpresako hitzarmen kolektiboan ezarririkoari men eginen zaio (II. kapitulua).
_Oporrak:
Uztailaren 6tik 14ra eta uztailaren 30etik abuztuaren 19ra, biak barne.
3. ERANSKINA
Antzinatasuna
_TAILERREKO LANGILEAK
Espezialista 485,79
3. mailako ofiziala 504,45
2. mailako ofiziala 532,53
1. mailako ofiziala 581,23
1. C mailako ofiziala 597,71
1.B mailako ofiziala 615,60
1.A mailako ofiziala 615,60
Gainbegiralea 662,49
_LANGILEAK
1 485,44
2 485,44
3 485,44
4 485,44
5 514,56
6 532,68
7 581,64
8 597,96
9 615,75
10 621,79
11 628,48
_Gaueko lanaren plusa:
Kategoria guztiak, 2007an: 2,79 euro ordu bakoitzeko.
4. ERANSKINA
Autobusen ibilbidea
_TAILERREKO BEHARGINAK
.1. linea
_Sarrera: 05:20 - 13:20. Geralekuak:
-Burlata (bus geralekua) Bogart kafetegia
-Merindadeen plaza (bus geralekua)
-Oliveto kondea (bus geralekua)
-Armada etorbidea-Tabako denda
-Baiona etorbidea (bus geralekua-Unzu)
-Baiona etorbidea (bus geralekua-Koldo argazki denda)
-Baiona etorbidea-Telefónica.
-Ermitagañeko merkatua, edukiontziak
-Mendebaldea (bus geralekua-Euskadiko Kutxa)
-Barañain, Erdiko hiribidea, Castro bitxi denda
-Barañain, Erdiko hiribidea, bus geralekua-7 Mares
-Barañain, Iruñeko hiribidea (bus geralekua-lore denda)
-Barañain, Mugako plaza (bus geralekua)
-Lantegia
_Irteera: 14:00 - 22:00. Geralekuak:
-Lantegia
-Barañain, Erdiko hiribidea, Castro bitxi denda
-Barañain, Erdiko hiribidea, bus geralekua-7 Mares
-Barañain, Iruñeko hiribidea (bus geralekua-lore denda)
-Barañain, Mugako plaza (bus geralekua)
-Baiona etorbidea (bus geralekua-Vaivén dantzalekua)
-Baiona etorbidea, Eroski.
-Baiona etorbidea, Rouzaut optika.
-Armada etorbidea, "Singular" eraikinaren aurrean
-Oliveto kondea (bus geralekua-Condiveto kafetegia)
-Nafarroa Behereko etorbidea (bus geralekua-BBVA)
-Burlata (Kale Nagusiaren hasiera, bus geralekua)
-Burlata (bus geralekua) Unzu ostatua
.2. linea
_Sarrera: 05:25:00 - 13:25:00. Geralekuak:
-Irubide institutua (bus geralekua)
-San Cristóbal etorbidea (Anbulatorio zaharreko busa)
-San Jorge etorbidea, Sorgiñe ostatuaren aurrean
-Atarrabiako etorbidea, Larequi zikloak
-Atarrabiako etorbidea, Unzu ostatua
-Capuchinosko biribilgunea
-Marcelo Celayeta etorbidea (Ogipan kafetegia, bus geralekua)
-Barkazioko Gurutzea (5:25ean bakarrik)
-Marcelo Celayeta etorbidea (Matesako biribilgunea)
-Marcelo Celayeta etorbidea (bus geralekua-Porrón ostatua).
-Marcelo Celayeta etorbidea (bus geralekua-Ave María).
-San Jorge etorbidea, Rural kutxa
-San Jorge etorbidea (bus geralekua, Capraboren aurrean)
-San Jorge etorbidea, Farmazia
-Lantegia
_Irteera: 14:00 - 22:00. Geralekuak:
-Lantegia
-San Jorge etorbidea, Farmaziaren aurrean
-San Jorge etorbidea (bus geralekua, Caprabo)
-San Jorge etorbidea, Rural kutxaren aurrean
-Marcelo Celayeta etorbidea (bus geralekua-Ave Maríaren aurrean).
-Marcelo Celayeta etorbidea (bus geralekua-Porrón ostatuaren aurrean).
-Marcelo Celayeta etorbidea (bus geralekua-Matesaren aurrean).
-Marcelo Celayeta etorbidea (bus geralekua-Karpy ostatuaren aurrean).
-Marcelo Celayeta etorbidea (bus geralekua-Ogipan).
-Capuchinosko biribilgunea
-Atarrabiako etorbidea (bus geralekua-Martínez burdindegia)
-Atarrabiako etorbidea, Larequi zikloen aurrean
-San Cristobal etorbidea (bus geralekua-Sorgiñe ostatua).
-San Cristóbal etorbidea, 9 (bus geralekua)
-San Cristóbal etorbidea, Aita Adoain kalea
.3. linea
_Sarrera: 05:20 - 13:13:00. Geralekuak:
-Antso Azkarra etorbidea Basoko dorrea
-Serafín Olave kalea, 37 (Osasun etxearen aurrean)
-Serafín Olave kalea, Multicentros Iturrama
-Serafin Olave, 5 (Iris ostatua)
-Buenaventura Iñiguez kalea, Arga ibaia kaleko gurutzebidea
-Buenaventura Iñiguez,1 (Aragón ostatuaren aurrean)
-Taxoare kalea (bus geralekua-José Vilá ikastetxea)
-Aranguren ibarra kalea, 2
-Zizur Nagusia, herria (bus geralekua-Kontzejuko plaza)
-Zizurko auzoberria (taxi geralekua)
-Zizurko auzoberria (biribilgunea, Talluntxe kalea)
-Lantegia
_Irteera: 14:00 - 22:00. Geralekuak:
-Lantegia
-Mendebaldea, Ermitagaña kalea (bus geralekua, optika)
-Ermitagaña kalea (bus geralekua, Teresianas)
-Antso Azkarra etorbidea Basoko dorrea
-Serafín Olave kalea, 37 (Osasun etxearen aurrean)
-Serafín Olave kalea, Multicentros Iturrama
-Serafin Olave, 5 (Iris ostatua)
-Buenaventura Iñiguez kalea, Arga ibaia kaleko gurutzebidea
-Buenaventura Iñiguez,1 (Aragón ostatua)
-Taxoare kalea (bus geralekua-José Vilá ikastetxea)
-Aranguren ibarra kalea, 2
-Zizur Nagusia, herria (Kontzejuko plaza)
-Zizurko auzoberria (taxi geralekua)
-Zizurko auzoberria (biribilgunea, Talluntxe kalea)
.4. linea
_Sarrera: 05:18:00 - 13:18:00. Geralekuak:
-Atarrabia, Itziar kafetegiaren aurrean
-Atarrabia, bus geralekua-San Andres
-Uharte (bus geralekua, elizaren aurrean)
-Sarriguren. Nafarroako Erresuma etorbidea. Bus geralekua
-Amokaingo jaurerria kalea (Iruña okindegiaren aurrean)
-Egulbati jaurerria (animalien klinika)
-Jauregiko kalea, taxi geralekua
-Mendillorri, Lakuko kalea, 11 (ikastetxe publikoaren aurrean)
-Mendillorri, Sarriguren (bus geralekua-Maiona ostatua)
-Lantegia
_Irteera: 14:00 - 22:00. Geralekuak:
-Lantegia
-Mendillorri, Jauregiko kalea, taxi geralekua
-Mendillorri, Lakuko kalea, 11 (ikastetxe publikoa)
-Uztarrozko kontzejua (D. Alberto jatetxea).
-Mendillorri, Egulbatiko jaurerria (animalien klinika)
-Mendillorri, Amokaingo jaurerria kalea (okindegia)
-Sarriguren. Nafarroako Erresuma etorbidea. Bus geralekua
-Uharte (eliza)
-Atarrabia, bus geralekua-San Andres
-Atarrabia-Itziar kafetegia
.5. linea
_Sarrera: 05:40:00 - 13:40:00. Geralekuak:
-Kaleberri zeharkalea/ Gipuzkoako etorbidea (Aranda harategia)
-Zortziko (bus geralekua)
-Gipuzkoako etorbidea (bus geralekua-Boschen aurrean).
-Buztintxuri, Santa Luzia pasealekua (1. bus geralekua)
-Buztintxuri, Santa Luzia pasealekua (2. bus geralekua)
-Lantegia
_Irteera: 14:00 - 22:00. Geralekuak:
-Lantegia
-Buztintxuri, Santa Luzia pasealekua (1. bus geralekua)
-Buztintxuri, Santa Luzia pasealekua (2. bus geralekua)
-Gipuzkoako etorbidea (bus geralekua-Bosch).
-Gipuzkoako etorbidea (bus geralekua-Zortziko).
-Kaleberri zeharkalea/ Gipuzkoako etorbidea (Aranda harategia)
_GAUEKO TXANDA
.1. linea
_Sarrera: 05:15 - 13:15 - 21:15. Geralekuak:
-Zizur Nagusia, herria (bus geralekua-Kontzejuko plaza)
-Mendillorri (erdiko biribilgunea)
-Zaragozako etorbidea-Pamplonica
-Zaragozako etorbidea (bus geralekua-Las Palmeras ostatua)
-Ezkirotz kalea (bus geralekua, La Vinoteca)
-Iturrama kalea, Pio XII.a etorbideko bidegurutzea (Farmazia).
-Ermitagañeko merkatua
-Mendebaldea (bus geralekua-Euskadiko Kutxako biribilgunea)
-Barañain, Erdiko hiribidea, Castro bitxi denda
-Barañain, Erdiko hiribidea, bus geralekua-7 Mares
-Barañain, Iruñeko hiribidea (bus geralekua-lore denda)
-Barañain, Mugako plaza (bus geralekua)
-Lantegia
_Irteera: 16:00- 14:00 - 22:00. Geralekuak:
-Lantegia
-Barañain, Erdiko hiribidea, Castro bitxi denda
-Barañain, Erdiko hiribidea, bus geralekua-7 Mares
-Barañain, Iruñeko hiribidea (bus geralekua-lore denda)
-Barañain, Mugako plaza (bus geralekua)
-Mendebaldea (bus geralekua-Euskadiko Kutxako biribilgunea)
-Ermitagañeko merkatua
-Errioxa etorbidea, Pio XII.a etorbideko bidegurutzea
-Iturrama kalea, Ezkirotz kaleko bidegurutzea
-Ega ibaia kalea, biribilgunea
-Buenaventura Iñiguez,1 (Aragón ostatua)
-Zaragozako etorbidea-Pamplonica
-Mendillorri (erdiko biribilgunea)
-Zizurko auzoberria (taxi geralekua)
.2. linea
_Sarrera: 21:12. Geralekuak:
-Berriozar (gasolina-zerbitzugunea)
-Berriozar (bus geralekua-Zortziko)
-Gipuzkoako etorbidea (bus geralekua-Cuatro Vientos).
-Marcelo Celayeta etorbidea (bus geralekua-Porrón ostatuaren aurrean).
-Marcelo Celayeta etorbidea (bus geralekua-Matesaren aurrean).
-Marcelo Celayeta etorbidea (bus geralekua-Karpy ostatuaren aurrean).
-Capuchinosko biribilgunea
-Atarrabiako etorbidea (bus geralekua-Martínez burdindegia)
-Atarrabiako etorbidea, Larequi zikloen aurrean
-Txantrea. Etxarri Aranatz kalea (Eroskiren aparkalekua)
-Ezkaba kalea. Atarrabia etorbideko bidegurutzea.
-Atarrabia-Itziar kafetegia
-Burlata (bus geralekua) Bogart kafetegia
-Nafarroa Behereko etorbidea (bus geralekua-Apaizgaitegiaren aurrean)
-Merindadeen plaza (bus geralekua-Unzu)
-Oliveto kondea (bus geralekua)
-Armada etorbidea-Tabako denda
-La Olivako monasterioa (bus geralekua-Toki Ona ostatua)
-San Jorge etorbidea, Farmazia
-Lantegia
_Irteera: 06:00. Geralekuak:
-Lantegia
-San Jorge etorbidea, Farmaziaren aurrean
-Berriozar (bus geralekua-Zortziko)
-Berriozar (gasolina-zerbitzugunea)
-Gipuzkoako etorbidea (bus geralekua-Villegas ostatua).
-Marcelo Celayeta etorbidea (bus geralekua-Porrón ostatuaren aurrean).
-Marcelo Celayeta etorbidea (bus geralekua-Matesaren aurrean).
-Marcelo Celayeta etorbidea (bus geralekua-Karpy ostatuaren aurrean).
-Capuchinosko biribilgunea
-Atarrabiako etorbidea (bus geralekua-Martínez burdindegia)
-Atarrabiako etorbidea, Larequi zikloen aurrean
-Txantrea. Etxarri Aranatz kalea (Eroskiren aparkalekua)
-Ezkaba kalea. Atarrabia etorbideko bidegurutzea.
-Atarrabia-Itziar kafetegia
-Burlata (bus geralekua) Bogart kafetegia
-Nafarroa Behereko etorbidea (bus geralekua-Apaizgaitegiaren aurrean)
-Merindadeen plaza (bus geralekua-Unzu)
-Oliveto kondea (bus geralekua)
-Armada etorbidea-Tabako denda
-La Olivako monasterioa (bus geralekua-Toki Ona ostatua)
_ASTEBURUA
_Sarrera: 05:15 - 13:15 - 21:15. Geralekuak:
-Zaragozako etorbidea-Pamplonica
-Zaragozako etorbidea (Las Palmeras ostatua)
-Vianako Printzea plaza (bus geralekua-Master)
-Burlata (Unzu ostatua)
-Atarrabia (Caixako biribilgunea)
-Atarrabiako etorbidea (Larequi zikloak)
-Capuchinosko biribilgunea.
-Marcelo Celayeta etorbidea (Porrón ostatua)
-San Jorge etorbidea (bus geralekua-Farmazia)
-La Olivako monasterioa (bus geralekua-Euskadiko Kutxa)
-Barañaingo etorbidea (Golem zinema)
-Errioxa kalea - Pio XII.a etorbidea
-Barañain (biribilgune handia-Iruñeko etorbidea)
-Barañain (Mugako plaza)
_Irteera: 06:00:00- 14:00 - 22:00. Geralekuak:
-Barañain (Mugako plaza)
-Barañain (biribilgune handia-Iruñeko etorbidea)
-Pio XII.a etorbidea-Errioxa kalea
-Barañaingo etorbidea (Golem zinemaren aurrean)
-La Olivako monasterioa (bus geralekua-Toki Ona ostatua)
-San Jorge etorbidea (bus geralekua, Caprabo)
-Marcelo Celayeta etorbidea (Porrón ostatuaren aurrean).
-Capuchinosko biribilgunea.
-Atarrabiako etorbidea, Larequi zikloen aurrean
-Atarrabia (Caixako biribilgunea-bus geralekua)
-Burlata (Bogart ostatua)
-Vianako Printzea plaza (bus geralekua-UPN)
-Zaragozako etorbidea (Las Matas ostatua)
-Zaragozako etorbidea (Rover kontzesionarioa)
_ENPLEGATUAK
.1. linea
_Sarrera: Astelehenetik ostegunera: 07:55:00. Geralekuak:
-Zizurko auzoberria (taxi geralekua)
-Zaragozako etorbidea (bus geralekua-Roverren aurrean)
-Zaragozako etorbidea (Fillat)
-Zaragozako etorbidea (Las Matas ostatuaren aurrean)
-San Juan Bosco kalea, Serafín Olave kaleko bidegurutzea
-Serafín Olave kalea (Osasun etxea)
-Antso Azkarra etorbidea (bus geralekua-Basoko dorrea)
-Antso Azkarra etorbidea (bus geralekua-Barañaingo etorbideko bidegurutzea)
-Ermitagaineko merkatua
-Mendebaldea (bus geralekua-Euskadiko Kutxako biribilgunea)
-Barañain, Erdiko hiribidea, Castro bitxi denda
-Barañain, Iruñeko hiribidea (bus geralekua-lore denda)
-Barañain, Mugako plaza (bus geralekua)
-Lantegia
_Irteera: astelehenetik ostegunera: 17:00:00. Geralekuak:
-Lantegia
-Barañain, Erdiko hiribidea, Castro bitxi denda
-Barañain, Iruñeko hiribidea (bus geralekua-lore denda)
-Barañain, Mugako plaza (bus geralekua)
-Mendebaldea (bus geralekua-Euskadiko Kutxako biribilgunea)
-Ermitagaineko merkatua
-Antso Azkarra etorbidea (Telepizza)
-Antso Azkarra etorbidea (bus geralekua-Basoko dorrea)
-Serafín Olave kalea, 37 (Osasun etxearen aurrean)
-Serafin Olave, 5 (Iris ostatua)
-Buenaventura Iñiguez,1 (Aragón ostatua)
-Zaragozako etorbidea (bus geralekua-Rover)
-Zizurko auzoberria (taxi geralekua)
.1. linea
_Sarrera: ostiraletan: 07:25 Geralekuak:
-Zizurko auzoberria (taxi geralekua)
-Zaragozako etorbidea (bus geralekua-Roverren aurrean)
-Zaragozako etorbidea (Fillat)
-Zaragozako etorbidea (Las Matas ostatuaren aurrean)
-San Juan Bosco kalea, Serafín Olave kaleko bidegurutzea
-Serafín Olave kalea (Osasun etxea)
-Antso Azkarra etorbidea (bus geralekua-Basoko dorrea)
-Antso Azkarra etorbidea (bus geralekua-Barañaingo etorbideko bidegurutzea)
-Ermitagaineko merkatua
-Mendebaldea (bus geralekua-Euskadiko Kutxako biribilgunea)
-Barañain, Erdiko hiribidea, Castro bitxi denda
-Barañain, Iruñeko hiribidea (bus geralekua-lore denda)
-Barañain, Mugako plaza (bus geralekua)
-Lantegia
_Irteera: ostiraletan 14:00 (lineako busak-Tailerra) Geralekuak:
-Lantegia
-Barañain, Erdiko hiribidea, Castro bitxi denda-Tailerreko 1. busa
-Barañain, Iruñeko hiribidea (bus geralekua-lore denda)-Tailerreko 1. busa
-Barañain, Mugako plaza (bus geralekua)-Tailerreko 1. busa
-Mendebaldea (bus geralekua-Euskadiko Kutxako biribilgunea)-Tailerreko 3. busa
-Ermitagaiñeko merkatua Tailerreko 3. busa
-Antso Azkarra etorbidea (Telepizza) Tailerreko 3. busa
-Antso Azkarra etorbidea (bus geralekua-Basoko dorrea)-Tailerreko 3. busa
-Serafín Olave kalea, 37 (Osasun etxearen aurrean)-Tailerreko 3. busa
-Serafin Olave, 5 (Iris ostatua) Tailerreko 3. busa
-Buenaventura Iñiguez,1 (Aragón ostatua)-Tailerreko 3. busa
-Zaragozako etorbidea (bus geralekua-Rover)-Tailerreko 3. busa
-Zizurko auzoberria (taxi geralekua)-Tailerreko 3. busa
.2. linea
_Sarrera: Astelehenetik ostegunera: 08:00:00. Geralekuak:
-Etxarri Aranatz kalea (Eroskiren aparkalekua)
-Atarrabiako etorbidea (Opel Argauto)
-Atarrabia, Bidaburua kalea (bus geralekua)
-Burlata, Kale Nagusia (bus geralekua-Ezkaba plaza)
-Nafarroa Behereko etorbidea (bus geralekua-Apaizgaitegiaren aurrean)
-Oliveto kondea (bus geralekua)
-Baiona etorbidea (Molino ostatuaren aurrean)
-La Olivako monasterioa (Sandra kafetegia)
-San Jorge etorbidea, Farmazia
-Lantegia
_Irteera: Astelehenetik ostegunera: 17:00:00. Geralekuak:
-Lantegia
-San Jorge etorbidea, Farmaziaren aurrean
-La Olivako monasterioa (taxi geralekua)
-Baiona etorbidea (Molino ostatua)
-Oliveto kondea (bus geralekua)
-Nafarroa Behereko etorbidea (bus geralekua-Apaizgaitegia)
-Burlata (bus geralekua) Unzu ostatua
-Atarrabia, Bidaburua kalea (bus geralekua)
-Atarrabiako etorbidea (Opel Argautoren aurrean)
-Txantrea, Etxalar kalea (semaforoa)
.2. linea
_Sarrera: ostiraletan: 07:30:00 Geralekuak:
-Etxarri Aranatz kalea (Eroskiren aparkalekua)
-Atarrabiako etorbidea (Opel Argauto)
-Atarrabia, Bidaburua kalea (bus geralekua)
-Burlata, Kale Nagusia (bus geralekua-Ezkaba plaza)
-Nafarroa Behereko etorbidea (bus geralekua-Apaizgaitegiaren aurrean)
-Oliveto kondea (bus geralekua)
-Baiona etorbidea (Molino ostatuaren aurrean)
-La Olivako monasterioa (Sandra kafetegia)
-San Jorge etorbidea, Farmazia
-Lantegia
_Irteera: ostiraletan 14:00 (Tailerreko lineak). Geralekuak:
-Lantegia
-San Jorge etorbidea, Farmaziaren aurrean-Tailerreko 2. busa
-La Olivako monasterioa (taxi geralekua)-Tailerreko 1. busa
-Baiona etorbidea (Molino ostatua)-Tailerreko 1. busa
-Oliveto kondea (bus geralekua)-Tailerreko 1. busa
-Nafarroa Behereko etorbidea (bus geralekua-Apaizgaitegia)-Tailerreko 1. busa
-Burlata (bus geralekua) Unzu ostatua-Tailerreko 1. busa
-Atarrabia. Bidaburua kalea (bus geralekua)-Tailerreko 4. busa
-Atarrabiako etorbidea (Opel Argautoren aurrean)-Tailerreko 4. busa.
-Txantrea, Etxalar kalea (semaforoa)-2. busa. Tailerra
Oharra: Enpresako zuzendaritzak eskubidea izanen du ibilbide horiek aldatzeko, beharrezko baderitzo.
Iragarkiaren kodea: F0708743
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50