I. NAFARROAKO FORU KOMUNITATEA
1.3. BESTELAKO XEDAPENAK
1.3.1. Lurraldearen antolamendua eta hirigintza
240/2007 FORU AGINDUA, maiatzaren 10ekoa, Ingurumen, Lurraldearen Antolamendu eta Etxebizitza kontseilariak emana, "Tuteran Unibertsitate Publikoa ezartzea" izeneko Udalez gaindiko Plan Sektorialaren 1. sektoreko UE 2B unitatearen urbanizazio proiektua behin betikoz onesten duena. Sustatzailea Nafarroako Unibertsitate Publikoa da.
1._Aurrekariak.
Ingurumen, Lurraldearen Antolamendu eta Etxebizitza kontseilariak abenduaren 26an emandako 2072/2006 Foru Aginduaren bidez, hasiera batez onetsi zen "Tuteran Unibertsitate Publikoa ezartzea" izeneko Udalez gaindiko Plan Sektorialaren 1. sektoreko UE 2B unitatearen urbanizazio proiektua, Nafarroako Unibertsitate Publikoak sustatua (2007ko urtarrilaren 10eko Nafarroako ALDIZKARI OFIZIALa, 5. zenbakia) Aldi berean, Ingurumen, Lurraldearen Antolamendu eta Etxebizitza kontseilariak abenduaren 29an emandako 472/2006 Foru Aginduaren bidez, "Tuteran Unibertsitate Publikoa ezartzea" izeneko Udalez gaindiko Plan Sektoriala onetsi zen hasiera batez, Nafarroako Unibertsitate Publikoak sustaturik (2007ko urtarrilaren 10eko Nafarroako ALDIZKARI OFIZIALa, 5. zenbakia).
2._Alegazioak.
Espedientea jendaurrean egoteko epean, Mar Victoria Castillo Floristán andreak, Tuterako Udala ordezkatuz, UE 2B unitatearen urbanizazio proiektuari eta plan bereziari buruzko alegazio idazkia aurkeztu du.
Alegazio hori Plan Bereziaren ebazpenean jorratu zen; beraz, edukia eta eman zaion erantzuna ikusteko, plan berezia onesten duen foru agindura jo behar da.
3._2072 Ebazpena, 2006ko abenduaren 26koa.
Lehen aipatutako abenduaren 26ko 2076/2006 Ebazpenak, besteak beste, determinazio hauek finkatu zituen:
_Sustatzaileak, espedientea ebatzi aurretik, Tuterako Udalaren Ur Batzordearen txostena aurkeztu beharko du.
_Urbanizazio proiektua zuzendu eginen da, "Tuteran Unibertsitate Publikoa ezartzea" izeneko Udalez gaindiko Plan Sektorialaren 1. sektoreko Plan Berezia onetsi ondorengo determinazioen arabera.
2007ko otsailaren 13an, Tuterako Udalaren bulego teknikoak hornidura eta saneamendu sareen gaineko txostena prestatu zuen. Txostenean aholku batzuk ematen dira eta adierazten da saneamendu sarea egiteko Udalaren Ur Batzordeak proposatzen dituen hautabideetako bat aukeratu beharko dela.
Horretarako, sustatzaileak aurkeztu duen txostenean adierazi du euri-uren saneamenduari buruz emandako aholkuak onartzen dituela, euri-urak planaren beste unitate batean eginen den aintziran isurtzea aurreikusi dela eta, bitartean, ur horiek inguruan dagoen ubide batera isuriko direla.
4._Udalaren txostena.
Bestalde, Tuterako Udalak txosten hauek bidali ditu: Udalaren hirigintza zerbitzu teknikoena, argiteria publikoaren kontratarena, parke eta lorategien kontratarena eta Udalaren bulego teknikoarena.
Udalaren hirigintza zerbitzu teknikoen txostenaren bukaeran gomendio batzuk jasotzen dira, udalaren gainerako txostenetan agertzen direnak ere biltzen dituztenak. Gainera, espediente honen behin betiko onespenarekin batera, baldintza tekniko batzuk finkatzea gomendatzen du. Gomendio eta baldintza horiek ikusirik, bidezkoa da horiek betearazteko determinazio bat ezartzea, salbu eta ondotik transkribatu eta baloratzen diren bi gomendio hauei dagokienez:
a) "Atalaya zentroak duen sarbidearekiko lotura bat aurreikusi beharko litzateke (sarbide hori gidarien pistarekin ere lotuta dago)".
b) "Bi espaloietan zuhaitz zerrenda bat jarri beharko litzateke".
a) puntuari dagokionez, adierazi beharra dago adierazitako gomendioa urbanizazio proiektuaren xedetik kanpora egon arren, Udalaren esku dagoela egunen batean zentroko egungo sarrera aldatzea komeni ote den baloratzea. Sarrera berria zentroaren eta NUParen artean proiektatu den bidetik egin liteke. Dena dela, gomendagarria litzateke erabaki hori eremu hartako behin betiko antolaketa finkatu ondoren egitea (biribulguneak, bide-bikoizketak, etab.).
Bigarren puntuari dagokionez, proposamena arrazoizkoa dela adierazi beharra dago, baina bidezkoa da, orobat, zuhaitzak espaloiekin muga egiten duten berdeguneetan jartzea. Nolanahi ere, zuhaitzak bi toki horietako batean landatu beharko dira, sustatzaileak eta udal teknikariek adostu bezala, eta berdeguneak eta zuhaitzak ureztatzeko sistema ere adostu beharko da.
Horrenbestez, Lurraldearen Antolamendu eta Hirigintza Zerbitzuak egindako txostena ikusirik, eta Lurraldearen Antolamendu eta Hirigintzari buruzko abenduaren 20ko 35/2002 Foru Legearen 43. artikuluan agindutakoarekin bat,
AGINDU DUT:
1. Alegazioak txosten honetan adierazi bezala ebaztea.
2. Behin betikoz onestea "Tuteran Unibertsitate Publikoa ezartzea" izeneko Udalez gaindiko Plan Sektorialaren 1. sektoreko UE 2B unitatearen urbanizazio proiektua, Nafarroako Unibertsitate Publikoak sustatua, determinazio hau ezarrita: Obra proiektuan eta obraren exekuzioan, Tuterako Udalaren zerbitzu teknikoek egindako txostenetan proposatutako gomendio eta baldintzak bete beharko dira, txosten honetan ezarrita dagoen bezala.
3. Ibilgu publikoak ukitzen dituzten jarduketak Ebroko Ur Konfederazioak administrazio-baimena ematearen menpean geldituko dira.
4. Obretan eragina izan edo horiek baldintzatu ditzaketen azpiegitura eta zortasunei dagokienez, kasuan kasuko organo eskudunek eskatzen dituzten baimen guztiak eskuratu beharko dituzte sustatzaileek.
5. Adieraztea foru agindu honek ez duela administrazio bidea agortzen eta espedientean interesa dutenek, administrazio publikoak izan ezik, haren kontra gora jotzeko errekurtsoa jartzen ahal dutela, Nafarroako Gobernuari zuzendua, hilabeteko epean. Espedientearen kontra administrazioarekiko auzi-errekurtsoa jartzen ahalko da, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.
Epe horiek foru agindu honen jakinarazpena egin edo, bestela, Nafarroako ALDIZKARI OFIZIALean argitaratu eta biharamunetik aurrera hasiko dira kontatzen.
6. Ebazpen hau Ekonomia eta Ogasun Departamentuko Ondare Zerbitzuari, Tuterako Udalari, Tuterako Udalaren Ur Batzordeari eta Nafarroako Unibertsitate Publikoari jakinaraztea eta Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, 2007ko maiatzaren 10ean._Ingurumen, Lurraldearen Antolamendu eta Etxebizitza kontseilaria, José Andrés Burguete Torres.
Iragarkiaren kodea: F0708109
