76. ALDIZKARIA - 2007ko ekainaren 20a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Publikoaren Eskaintza, oposizioak eta lehiaketak

DEIALDIA, Funtzio Publikoaren zuzendari nagusiak maiatzaren 28an emandako 1698/2007 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko mediku ikuskatzaile izateko 6 lanpostu oposizio bidez betetzekoa.

Funtzio Publikoaren zuzendari nagusiak maiatzaren 28an emandako 1698/2007 Ebazpenaren bidez Nafarroako Foru Komunitateko Administrazioaren eta haren erakunde autonomoen zerbitzuko mediku ikuskatzaile izateko 6 lanpostu oposizio bidez betetzeko deialdia onetsi da.

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako arauak.

ARAUAK

1._Deialdiaren xedea.

1.1. Deialdi honen xedea mediku ikuskatzaile izateko 6 lanpostu betetzea da, oposizio bidez. Lanpostuak funtzionarioen araubidekoak dira, A mailakoak, Nafarroako Lan Osasunaren Institutuari atxikiak. 5 Iruñean aritzekoak dira, eta plantilla zenbaki hauek dituzte: 7957, 7959, 7960, 7961 eta 7962. 1 Tuteran aritzekoa da, eta 7958 du plantilla zenbakia. Lanpostuak honela daude banatuak:

_3 lanpostu txanda irekian.

_3 lanpostu igoera txandan.

1.2. Igoera txandako lanpostuak hutsik geldituz gero, izangaiek hautapen probak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostu hutsak eskuratzeko aukera izanen dute, aurreko lerroaldean adierazitako moduan, deialdiko 7.2. oinarrian agiriak aurkezteko ezartzen den epea bukatzen denean 2.1.2. atalean ezarritako eskakizun berariazkoak betetzen ez dituzten igoera txandako izangaiek.

1.3. Lanpostuek A mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

1.4. Halaber, deialdi honen bidez hautaprobak gainditu bai baina lanposturik lortzen ez duten izangaiekin aldi baterako kontratatuak izateko izangaien zerrenda bat osatu nahi da, deialdi honetako 3., 10., 11. eta 12. arauetan xedaturikoarekin bat.

2._Betebeharrak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epea amaitzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiako herritarra izatea.

b) Adin nagusikoa izatea eta erretiroko adina ez izatea.

c) Medikuntza lizentziatura titulua edo baliokidea edukitzea, edo eskaerak aurkezteko azken egunerako titulu hori eskuratzeko moduan egotea.

Atzerrian lorturiko tituluak badira, homologazioaren egiaztagiria eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko desgaitu edo gabetua ez egotea eta administrazio publikoren baten zerbitzutik bereizia ez izatea.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko atalean adierazitako betebeharrez gain, hauek bete beharko dituzte:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio Publikoetan bost urteko antzinatasun onartua izatea.

Nafarroako Administrazio Publikoetan lan egiten duten langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

Orobat, martxoaren 23ko Nafarroako poliziei buruzko 8/2007 Foru Legeko 44.2 artikuluarekin bat, Nafarroako polizia kidegoetako kideek ere parte hartzen ahalko dute igoera txandan, betiere kidego horietan zortzi urtez eman badituzte zerbitzuak.

2.2. Deialdiko 3.4 arauaren bigarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 atalean ezarritako epean eta moduan frogatu beharko dituzte betebehar horiek.

3._Eskabideak.

3.1. Deialdian parte hartzeko eskabideak Lehendakaritza, Justizia eta Barne Departamentuko Erregistro Orokorrean (Karlos III.aren etorbidea, 2, 31002 Iruña) edo erregistro horretako beste edozein bulegotan (zerrenda 2007ko 14. Nafarroako ALDIZKARI OFIZIALean argitaratu zen, maiatzaren 31n) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskaera posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdiaren eranskineko ereduari lotuko zaizkio, eta hartan, eskatutako betebehar guztiak betetzen dituztela adierazi beharko dute izangaiek. Eredu hori Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Nafarroako ALDIZKARI OFIZIALetik abiatuta, bai "Zerbitzuak", "Enplegu Publikoa" atalean dagoen deialdiaren aiputik abiatuta.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Hautapen prozesuko ariketa guztiak gainditzen ez dituzten hautagaiekin zerrenda batzuk osatuko dira, ondoren aldi baterako kontratazioak egiteko. Horretarako, parte hartzaileek deialdiko eskabidean berean adierazi beharko dute kontratazio zerrendetatik zeinetan nahi duten sartu.

Xede horrekin, parte hartzaileek eskabidean agertzen diren kudeaketa esparruetako bakarra hautatu beharko dute, Nafarroako Osasun Zerbitzuko zerrendetan edo Nafarroako Foru Komunitateko Administrazioaren gainerako departamentu (Administrazio Erroa) eta erakunde autonomokoetan sartzeko. Kudeaketa esparru bat baino gehiago hautatuz gero, edo parte hartzeko eskabidean atal hori betetzen ez bada, Administrazio erroko zerrendetan besterik ez dutela parte hartu nahi ulertuko da.

3.4. Eskabideari, behar bezala bete ondoren, agiri hauek erantsiko zaizkio:

Bat._Espedientea formalizatzeko eta azterketa eskubideetarako 25 euro ordaindu izanaren ziurtagiria. Azterketa eskubideen tasa ordaintzen ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

_Behar bezala betetako ordainketa gutuna erabiliz; Foru Komunitateko Administrazioak Nafarroako finantza entitateetan dituen kontuetan sartuko da dirua. Arestian aipatutako webgunean, deialdiaren iragarkian, ordainketa gutunaren eredua dago.

_Sarrera eskudirutan edo bankuko transferentzia bidez eginez, Banestoko (Banco Español de Crédito) 00308124 87 0870002271 kontuan; horrelakoetan ordainagirian datu hauek jarri beharko dira nahitaez:

_Izangaiaren izen-deiturak.

_NANa/IFZ.

_Ordainketa zein kontutan egiten den, haren zenbakia.

_Kontzeptua: oposizioak.

_Deialdiaren xede den lanpostua.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den dirusarrerarik ez izatea hilabetero.

Lan-eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.

Hilabetero lanbide arteko gutxieneko soldatatik gorako dirusarrerarik ez duela interesdunaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Internet bidez, arestian emandako helbidean.

Bi._Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2 arauan jasotzen diren eskakizunak betetzen dituztela frogatzen duen agiria gehitu beharko diote eskabideari.

3.5. Eskabideak aurkezteko epea ezin izanen da luzatu.

3.6. Eskabidean atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartuen eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahaia.

5.1. Epaimahaiak kide hauek izanen ditu:

_Epaimahaiburua: José Ramón Ayestarán Ruiz-Bazán, Nafarroako Lan Osasunaren Institutuko zuzendari kudeatzailea.

_Ordezkoa: Mª Soledad Aranguren Balerdi, Osasun Publikoaren Institutuko zuzendaria.

_Mahaikidea: Angel Parra Osés, Nafarroako Lan Osasunaren Institutuko Laneko Osasun eta Ikerketarako Zerbitzuko zuzendaria.

_Ordezkoa: María Jesús Condón Huerta, Bideko Ama Birjina Ospitaleko Errehabilitazio Zerbitzuko burua.

_Mahaikidea: Vega García López, Laneko Epidemiologia, Ikerketa eta Osasun Ebaluaziorako Ataleko burua.

_Ordezkoa: José Ignacio Moreno Suescun, Nafarroako Lan Osasunaren Institutuko Laneko Osasun eta Ikerketarako Zerbitzuko zuzendaria.

_Mahaikidea: Nafarroako Lan Osasunaren Institutuko Langileen Batzordeko ordezkari bat, batzordeak izendatua.

_Ordezkoa: Nafarroako Lan Osasunaren Institutuko Langileen Batzordeko ordezkari bat, batzordeak izendatua.

_Mahaikide idazkaria: Jesús Fernández Baráibar, Laneko Ezintasunen eta Osasun Ebaluazioaren Ataleko burua.

_Ordezkoa: Gregorio Tiberio López, Nafarroako Bideko Ama Birjina Ospitaleko Barne Medikuntzako Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoaren batean baldin badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6._Oposizioa nola eginen den.

6.1. Oposizioa 2007ko irailean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehena: deialdiko II. eranskineko gai zerrendako lehen, bigarren eta hirugarren zatietako gaiei buruz epaimahaiak azaltzen dituen kasuak ebatzi eta/edo galderak erantzun egin beharko dira, gehienez ere 3 orduan.

Bigarrena: zozketaz aterako diren 2 gai idatzi eta gero jende aurrean irakurriko dira; bata gai zerrendako II. zatikoen artetik aterako da eta bestea III. zatikoen artetik. Ariketa idazteko gehienez ere lau ordu izanen dira.

Hirugarrena: epaimahaiak deialdiko gai zerrendako I., II. eta III. zatietako gaiei buruz proposatzen dituen proba praktiko bat edo gehiago egin beharko dira. Ariketa hori egiteko epaimahaiak hasterakoan zehazten duen denbora izanen da.

Lehenbiziko eta hirugarren ariketak plika sistemaren bidez eginen dira.

6.3. Oposizioko ariketen balorazioan 60 puntu eman daitezke gehienez ere, honela banatuak:

Lehena: gehienez 20 puntu.

Bigarrena: gehienez 20 puntu. Gai bakoitzean gehienez 10 puntuko balorazioa ematen ahal da.

Hirugarrena: gehienez 20 puntu.

6.4. Oposizioko ariketak baztergarriak izanen dira. Bazterturik geldituko dira horietako ariketaren batean gutxienez gehieneko puntuazioaren erdia lortzen ez duten izangaiak. Halaber, bazterturik geldituko da bigarren edo hirugarren ariketetako gai edo kasuetako edozeinetan 0 puntuko kalifikazioa ematen zaiona.

6.5. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.

6.6. Ariketa bakoitzerako dei bakarra eginen da. Izangaiek nortasun agiri nazionala, pasaportea edo gidatzeko baimena eraman beharko dute. Azterketara agertzen ez direnak edo arestian aipatutako agirietako baten bidez beren nortasuna egiaztatzen ez dutenak oposiziotik baztertuko dira.

6.7. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak amaiturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Funtzio Publikoaren zuzendari nagusiari igorriko dio, deialdiko lanpostuen kopuruaren barruan sartzen diren eta probak puntuazio altuenekin gainditu dituzten izangaiak izendatzeko proposamenarekin eta espediente osoarekin batera. Proposamen hori Nafarroako ALDIZKARI OFIZIALean argitaratuko da.

Berdinketa izanez gero, lehen ariketan puntuazio altuagoa erdiesten duenaren alde jokatuko da. Eta iraunen balu, hirugarren ariketan lorturiko puntuazioa hartuko litzateke kontuan.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Funtzio Publikoaren Zuzendaritza Nagusian:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesdunak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

e) Zin egin edo hitz ematea, Nafarroako Foru Eraentza errespetatu, Konstituzioari eta legeei men egin eta karguari dagozkion eginkizunak zuzen beteko dituela.

f) Funtzio Publikoaren Zuzendaritza Nagusiak eskatzen dizkion gainerako agiriak.

Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

b) Funtzio Publikoaren Zuzendaritza Nagusiak eskatzen dizkion gainerako agiriak.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, euren eskabidearen faltsukeria dela-eta legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

8._Lanpostu hutsak hautatzea.

8.1. Aurreko arauan xedatu dena betetzen duten lehiatzaileek Funtzio Publikoaren Zuzendaritza Nagusiak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute txanda irekiko izangaien aurretik.

Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9._Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, mediku ikuskatzailea lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10._Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta arau honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

_Probak gainditu bai baina lanposturik lortu ez duten izangaien zerrenda, bat bera Foru Komunitateko Administrazioko departamentu eta erakunde autonomo guztientzat.

_Hautapen prozesuko ariketa guztiak gainditu ez dituzten izangaien zerrenda, parte hartzeko eskabidean aukeratutako esparruaren arabera.

10.2. Probak gainditu bai baina lanposturik lortu ez duten izangaien zerrendak.

Probak gainditu arren lanposturik lortu ez duten izangaiekin Funtzio Publikoaren Zuzendaritza Nagusiak zerrenda bat osatuko du, ondoren aldi baterako kontratazioak egiteko, deialdi honetako 11. arauan ezarritako prozedurari jarraikiz. Lehendakaritza, Justizia eta Barne kontseilariaren azaroaren 14ko 146/2005 Foru Aginduan xedatutako arauen arabera kudeatuko du.

Halaber, zerrenda hori Osasunbidea-Nafarroako Osasun Zerbitzuko organo eskudunei igorriko die, erakunde autonomo horretako arauei jarraikiz kudea dezaten.

10.3. Hautapen prozesuko ariketa guztiak gainditzen ez dituzten izangaiak.

Deialdiko hamaikagarren arauan ezarritako prozedurarekin bat, Funtzio Publikoaren Zuzendaritza Nagusiak aldi baterako kontratazioak egiteko izangaien zerrenda bat osatuko du, deialdiko azken-aurreko ariketa gainditu eta Administrazio Erroko zerrenda hautatu duten izangaiekin.

Era berean, Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuko organo eskudunei igorriko die hautapen prozesuko ariketa guztiak gainditu ez eta esparru horretako kontratazio zerrendak aukeratu dituztenen zerrenda, aldi baterako kontratazioetarako, deialdi honetako 12. arauan ezarritako prozedurari jarraikiz.

11._Administrazio Erroan aldi baterako kontratatzeko izangaien zerrendak osatzeko prozedura.

11.1. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautaprobak gaindituta ere lanposturik gabe gelditu diren izangaiei eta deialdian ezarritako azken-aurreko ariketa gainditu eta Administrazio Erroko kontratazio zerrenda aukeratu dutenei hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:

Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, sartzeko prozesuan parte hartzeko eskabideak aurkezteko epean titulua eskuratzeko moduan egoten dela frogatzen duen ziurtagiria.

B motako ibilgailuak gidatzeko baimenaren kopia konpultsatua (behar denean).

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, betiere, parte hartzeko eskabidea faltsutzeagatik legokiekeen erantzukizuna deusetan ukatu gabe.

11.2. Sarrera prozedurako eskabideak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratazioaldiak iraun bitarte bete beharko dira.

11.3. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragarki-oholean argitaratuko (Karlos III.aren etorbidea, 2, atalondoa, Iruña):

a) Probak gainditu bai baina lanposturik lortu ez duten izangaien zerrenda.

b) Deialdiaren azken-aurreko ariketa gainditu bai baina lanposturik gabeko gaindituen artean ez daudenen eta Administrazio Erroko kontratazio zerrendak hautatu dituztenen zerrenda.

11.4. Hauxe izanen da aldi baterako kontratazioen zerrendaren ordena: oposizioa gainditu bai baina lanposturik lortu ez dutenen kasuan, hautapen prozesuan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketarik dagoenean nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

12._Osasunbidea-Nafarroako Osasun Zerbitzuan aldi baterako kontratatzeko izangaien zerrendak osatzeko prozedura.

Funtzio Publikoaren Zuzendaritza Nagusiak probak gainditu bai baino lanposturik lortu ez dutenen zerrendak eta hautapen prozesuko ariketa guztiak gainditu ez eta esparru horretako kontratazio-zerrendak aukeratu dituztenenak igorri ondoren, Osasunbidea-Nafarroako Osasun Zerbitzuko organo eskudunek beren kudeaketa esparruko aldi baterako kontratazioetarako izangaien zerrendak onetsiko dituzte, 2001eko urtarrilaren 9ko Erabakian erakunde autonomo horretako osasun zentro eta establezimenduetan aldi baterako langileak hautatzeko ezarritakoarekin bat. Erabaki hori 2001eko 101. Nafarroako ALDIZKARI OFIZIALean argitaratu zen, abuztuaren 20an.

Horretarako, Nafarroako Osasun Zerbitzuak hamar egun balioduneko epea emanen die interesdunei, zentroa hautatu, iraunaldi laburreko zerrendetan egon nahi dutela adierazi eta aipatu erakunde autonomoak zehazten dituen gainerako inguruabarrak betetzeko.

Arau horren arabera osatzen diren zerrendak Osasunbidea-Nafarroako Osasun Zerbitzuak kudeatuko ditu, langileak hautatzeko 2001eko urtarrilaren 9ko Akordioan ezarritakoari jarraikiz.

13._Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzenduta, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen eta bere arauen kontra eta arauak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2007ko maiatzaren 28an._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

Izen-abizenak: ....................................., adinez nagusia, NAN zenbakia (edo baliokidea): ......................., jaioteguna: ........................, jaioterria: ...................... (...................), nazionalitatea: ........................., helbidea: ............... (.................), kalea: ............................., posta kodea: ............ telefonoa: ..................., lantokiko telefonoa: .........................,

Honako hau azaltzen dut:

Nafarroako Foru Komunitateko Administrazioaren eta bere erakunde autonomoen zerbitzuko ....................... izateko ............... lanpostu .................... bidez betetzeko deialdian parte hartzeko onar nazatela eskatzen dudala, behean aipatzen den txandan (deialdia ...... Nafarroako ALDIZKARI OFIZIALean argitaratu zen, ...............(e)an).

f Txanda irekia

f Igoera txanda.*

f Ezgaitasuna dutenentzako txanda.*

Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio Erroa.*

f Osasunbidea-Nafarroako Osasun Zerbitzua.*

f Nafarroako Gizarte Ongizatearen Institutua.*

(Esparruetako bakar bat aukeratu daiteke).

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskaerak aurkezteko epearen azken egunean beharkizun guztiak betetzen ditudala.

f Ezgaitua naizelakoz, orri bereizi batean adierazten ditudan denbora eta baliabide egokitzapenak eskatzen ditudala.

f Ezgaitasuna frogatzen duen agiria aurkezten dudala, erakunde eskudun batek emana.

f Euskara gaitasunaren agiria edo ofizialki baliokidea den beste titulu bat aurkezten dudala..*

f Euskara maila jakiteko proba egitea eskatzen dudala.*

f Frantseseko eta ingeleseko nahikotasun frogak egitea eskatzen dudala.*

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean, .....................(e)ko ..............aren .......(e)an.

(Sinadura)

(*) Bidezkoa bada.

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA. FUNTZIO PUBLIKOAREN ZUZENDARITZA NAGUSIA.

Oharra._Datu Pertsonalak Babesteari buruzko abenduaren 13ko 15/1999 Lege Orgainkoan xedatutakoa betez, jakinarazten da agiri honetan ageri diren datuak eta administrazioarekin etorkizunean izan daitekeen zerbitzu harremena kudeatzeko beharrezkoak diren gainerako guztiak datuen fitxategi automatizatu batean sartuko direla. Nafarroako Gobernuko Funtzio Publikoaren Zuzendaritza Nagusia da fitxategi horren erantzulea, eta datuen konfidentzialtasuna bermatzen du. Datuen titularrari jakinarazten zaio datu pertsonalen tratamendua eskuratu, zuzendu, ezabatu eta haren aurka jotzeko eskubidea erabiltzen ahal duela, datuak babesteko indarra duen araudiarekin bat.

II. ERANSKINA

Gai zerrenda

Lehen zatia

1. gaia._Espainiako 1978ko Konstituzioa: Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2. gaia._Zuzenbide Publikoaren iturburuak: legeak eta lege motak. Lege dekretuak. Legegintzako foru dekretuak. Nazioarteko itunak.

3. gaia._Administrazio Zuzenbidearen iturburuak: erregelamendua eta erregelamendu-ahalmena. Erregelamendu motak. Erregelamendu-ahalmenaren mugak eta haren kontrola.

4. gaia._Administrazio egintza (I): kontzeptua, motak eta osagaiak.

5. gaia._Administrazio egintza (II): Administrazio egintzen baldintzak, eraginkortasuna, deuseztasuna eta deuseztagarritasuna.

6. gaia._Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.

7 gaia._Administrazio prozedura erkidea (II): Administrazioarekiko errekurtsoak: printzipio orokorrak eta motak.

8. gaia._Nafarroako Foru Eraentza Berrezarri eta Hobetzeari buruzko Lege Organikoa. Egitura eta edukia. Nafarroaren ahalmen eta eskumenak. Osasun arloari aipamen berezia.

9. gaia._Nafarroako Parlamentua edo Gorteak: osaera, antolakuntza eta eginkizunak.

10. gaia._Nafarroako Gobernuari eta lehendakariari buruzko Foru Legea.

11. gaia._Nafarroako Foru Komunitateko Administrazioari buruzko Foru Legea.

12. gaia._Nafarroako Foru Komunitateko arartekoa. Comptos Ganbera. Nafarroako Kontseilua.

13. gaia._Nafarroako Administrazio Publikoen zerbitzuko Langileen Estatutua (I): langile motak. Funtzionario publikoen hautapena. Funtzionario izaera eskuratzea eta galtzea.

14. gaia._Nafarroako Administrazio Publikoen zerbitzuko Langileen Estatutua (II): Karrera administratiboa. Administrazio egoerak. Lanpostuak betetzea. Ordainsariak.

15. gaia._Nafarroako Ogasun Publikoa: Nafarroako Ogasun Publikoaren eskubide eta betebeharrak. Nafarroako aurrekontu orokorrak: edukia eta onespena; gastuen sailkapen ekonomikoa; betearaztea eta likidazioa.

16. gaia._Kontratu Publikoei buruzko Foru Legea. Aplikazio eremua. Nafarroako Administrazio Publikoen kontratuei buruzko arau orokor eta komunak. Kontratazio organoak. Kontratuak esleitu, betearazi eta berrikusteko arau orokorrak. Kontratu motak eta haien definizioak.

17. gaia._Datu pertsonalak babesteko Lege Organikoa; datuak babesteko printzipioak; pertsonen eskubideak. Titulartasun publikoko fitxategiak. Informazio eta dokumentazio klinikoaren, adostasunaren eta aurretiazko borondateen gainean gaixoak dituen eskubide eta betebeharrak eta haren autonomia arautzen dituzten oinarrizko legeak, Foru Komunitatekoak eta Estatukoak. Aurretiazko Borondateen Nafarroako Erregistroa.

18. gaia._Gizarte Segurantza. Gizarte Segurantzari buruzko Lege Orokorraren testu bategina eta haren erregelamenduak. Gizarte Segurantzaren entitate kudeatzaile eta laguntzaileak. Gizarte Segurantzako Laneko Istripu eta Gaixotasunen Mutualitateak. Haien jarduketak Gizarte Segurantzaren entitate laguntzaile diren aldetik.

19. gaia._Gizarte Segurantza sistemaren osaera eta aplikazio esparrua. Araubide orokorra eta araubide bereziak. Afiliatzeko eta alta eta bajetarako arauak. Altari parekatutako egoerak.

20. gaia._Estatuko Administrazioko funtzionario zibilen Gizarte Segurantza. MUFACE. MUGEJU. Nafarroako Administrazio Publikoen montepioen peko funtzionarioen babes soziala. Aspektu orokorrak. Aplikatzekoak diren arauak.

21. gaia._Osasun Departamentua eta haren erakunde autonomoak. Osasun Zuzendaritza Nagusia. Osasunbidea-Nafarroako Osasun Zerbitzua. Egitura organikoa, eginkizunak eta eskumenak.

22. gaia._Nafarroako Lan Osasunaren Institutua. Egitura organikoa, eginkizunak eta eskumenak.

23. gaia._Osasunari buruzko Lege Orokorra. Osasun Sistema Nazionalaren kohesio eta kalitateari buruzko Legea. Osasun publikoaren arloko neurri bereziei buruzko Lege Organikoa. Egitura eta edukiaren azterketa.

24. gaia._Osasunari buruzko Foru Legea. Nafarroako Osasun Eskualdeei buruzko Foru Legea. Egitura eta edukiak.

25. gaia._Langileen Estatutua. Lan Prozedurari buruzko Legea. Lan arloko arau-hauste eta zehapenei buruzko Legea. Alderdi orokorrak. Garatzeko araudia.

26. gaia._Laneko Arriskuen Prebentzioari buruzko Legea: Helburua, aplikazio esparrua. Egitura eta edukiaren azterketa orokorra.

27. gaia._Prebentzio zerbitzuen erregelamendua: prebentziorako baliabideen antolaketa. Eginkizunak eta gaitasun mailak. Prebentzio zerbitzuen eta Osasun Sistema Nazionalaren arteko elkarlana.

28. gaia._Langileek laneko eta familiako eginbeharrak batera eramateari buruzko legea. Laneko alderdiei dagokienez: eszedentziak eta baimenak. Arriskuak haurdunaldian. Amatasunaren babesa.

Bigarren zatia

29. gaia._Aldi baterako ezintasunaren kudeaketa. Alderdi orokorrak. Osasun arrazoiengatiko lan birkokapenak Foru Komunitateko Administrazioan eta haren erakunde autonomoetan.

30. gaia._Amatasun prestazioa Gizarte Segurantzan eta Foru Komunitateko administrazioko eta haren erakunde autonomoetako langile publikoen bestelako prestazio sistemetan.

31. gaia._Aldi baterako ezintasunaren balorazioa: kontzeptua, beharkizunak, onuradunak, iraupena eta prestazioen zenbatekoa. Prestazio ekonomikoa ukatzea, etetea edo galtzea. Gertakizun bakoitzaren berezitasunak.

32. gaia._Ezintasun iraunkorra: kontzeptua, motak eta mailak. Prestazio ekonomikoak eta bizkortzeko eta birgaitzeko prestazioak. Onuradunak eta eskubidearen sorrera, iraupena eta iraungipena. Lanerako ezintasunaren erregulazioa Gizarte Segurantzaren sisteman, Nafarroako Administrazio Publikoen montepioen peko funtzionarioen arloan eta babes sozialeko bestelako sistemetan. Gizarte Segurantzako Institutu Nazionaleko ezintasunak baloratzeko ekipoak. Nafarroako Ezintasunak Baloratzeko Epaimahai Medikoa.

33. gaia._Lan istripuak, lanarekin zerikusia duten eritasunak eta laneko eritasunak. Kontzeptu orokorrak, sailkapena eta arau esparrua. Gizarte Segurantzan eta Foru Komunitateko Administrazioko eta haren erakunde autonomoetako langileengan eragina izan dezaketen babes sozialaren bestelako sistemetan babestutako gorabeherak eta prestazioak.

34. gaia._Lanak eragindako kalteak. Haien arrazoiei, prebentzioari, diagnostikoari, tratamenduari, pronostikoari, jarraipenari eta jakinarazpenari buruzko azterlana. Langileen eritasun ohikoenak. Zergatiak. Haiei lotutako aldagai soziolaboral nagusiak eta prebentzio neurriak. Prebentzio zerbitzuen lankidetza osasun arloko administrazioekin eta osasun sistema publikoarekin.

35. gaia._Lan-istripuak. Lege alderdiak. Mota nagusiak. Epidemiologia. Laneko istripuen jakinarazpena, erregistroa eta sailkapena. Delt@ sistema. Heriotza-istripuak. Istripu txikiak.

36. gaia._Lan-istripuak jarduera ekonomikoen sektoreetan. Lan-istripuen ikuspegi prebentiboaren garrantzia. Laneko trafiko-istripuen berariazko azterketa. In itinere eta misio moduak.

37. gaia._Lanbide-eritasunak. Kontzeptu orokorrak. Epidemiologia. Lanbide patologiaren ezaugarriak. Haien legezko aitorpena eta horren eraginak. Indarrean den lanbide-eritasunen zerrenda. Edukiaren azterketa. Jakinarazpena eta erregistroa. Lanbide-eritasunei buruz etorkizunerako dauden aurreikuspenak.

38. gaia._Lanarekin zerikusia duten eritasunak. Kontzeptu orokorrak. Lanak sortuak izan daitezkeen eritasunak detektatzeko adierazleak. Lan-istripuaren legezko kalifikazioa duten eritasunak.

39. gaia._Estatistika. Funtsezko kontzeptuak. Estatistika deskriptiboa. Estatistika inferentziala. Populazioa eta lagina: zer diren. Laginketa motak eta metodoak. Laginketa teknikak eta modalitateak.

40. gaia._Estatistika deskriptiboa. Kontzeptu orokorrak. Aldagai motak. Maiztasunen banaketak. Grafikoki nola irudikatu. Zentralizazio eta barreiatze estatistikak.

41. gaia._Probabilitatea. Gertakariaren eta probabilitatearen kontzeptua. Probabilitate baldintzatua. Bayes-en teorema. Probabilitatearen banaketak. Banaketa normala. Independentzia estokastikoa.

42. gaia._Estatistika analitikoa. Kontzeptu orokorrak. Inferentzia estatistikoa. Inferentzia metodoak. Zenbatespena. Zenbatespen metodoak. Konfiantza tartea. Hipotesien kontrastea. Hipotesi nuloa eta alternatiboa. Hipotesiak kontrastatzeko proba motak. Huts motak. P-ren balioa.

43. gaia._Adostasun probak. Homogeneotasun probak. Erlazio edo independentzia probak. Koerlazioa eta erregresioa.

44. gaia._Osasun demografia. Aldagai demografikoak. Informazio iturriak. Espainiako eta Nafarroako populazioaren egitura, gizarteko eta laneko alderdiei arreta berezia eskainiz. Arrazoi, tasa eta indize nagusiak.

45. gaia._Epidemiologia. Definizioa eta kontzeptu orokorrak. Metodo epidemiologikoa. Epidemiologiaren erabilerak. Arriskuak identifikatzea. Eraginpeko denboraren neurketa. Dosi-erantzun erlazioa.

46. gaia._Informazio iturriak epidemiologian. Datuak biltzea. Aldagai epidemiologikoak. Neurtzeko eskalak. Neurketaren akatsak.

47. gaia._Maiztasun neurriak epidemiologian. Arrazoiak, proportzioak eta tasak. Intzidentzia, prebalentzia eta heriotza-tasa. Intzidentzia metatua. Uneko eta epealdiko prebalentziak. Intzidentziaren eta prebalentziaren arteko loturak. Tasak. Tasen estandarizazioa. Estandarizazio zuzenekoa versus zeharkakoa.

48. gaia._Ikerketa epidemiologikoa. Ikerketa epidemiologiko baten diseinua. Diseinu epidemiologikoaren ezaugarriak. Baliozkotasuna eta errepikagarritasuna. Baliozkotasun barnekoa eta kanpokoa. Screening motako test baten baliozkotasuna. Sentiberatasuna, berariazkotasuna, aurresateko balioa eta errepikagarritasuna.

49. gaia._Hutsak ikerketa epidemiologikoetan. Huts zorizkoak eta huts sistematikoak. Desbiderapen motak eta iturriak. Kontrol metodoak.

50. gaia._Kausalitatearen teoria epidemiologian. Eredu kausalak. Inferentzia kausala. Lotura eta elkarrekiko menpekotasun kausala. Kausalitate irizpideak.

51. gaia._Azterlan epidemiologikoak: motak. Eredu bakoitzaren arazoak, ekarpenak eta mugak. Esperimentazio ikerketak. Behaketa ikerketak. Zeharkako ikerketak. Luzerako ikerketak. Aplikazioak lan osasunean.

52. gaia._Zaintza epidemiologikoa. Kontzeptu orokorrak. Zaintza metodo nagusiak. Zaintza epidemiologikoaren antolamendua. Iturriak. Erregistroen mantenimendua. Baliagarritasuna.

53. gaia._Laneko eritasunak detektatzeko adierazle zelatariak. SENSOR programa. Helburuak eta egitura. Zaindu behar liratekeen gertaeren ezaugarriak.

54. gaia._Osasun arloan sailkatu eta kodetzeko sistemak. OMEren eritasunen nazioarteko sailkapena: egitura eta berrikuspenak. Jarduera ekonomikoen sailkapen nazionala. Laneko segurtasunari eta osasunari loturiko beste sailkapen batzuk.

55. gaia._Plangintza. Kontzeptu orokorrak. Plangintza prozesuaren motak eta aldiak. Programazioa. Oinarrizko kontzeptuak. Teknikak eta prozedurak. Programen elaborazioa. Horiek burutzea. Ebaluazioa.

56. gaia._Osasun mailaren neurketa. Osasun adierazleak eta indizeak. Laneko Osasunaren diagnostikoa Nafarroan. Osasun Planak. Nafarroako Lan Osasunaren Plana.

57. gaia._Osasunaren Munduko Erakundea. Nazioarteko Osasun Erregelamendua.

58. gaia._Osasun sistema ereduak. Herrialdeen arteko analisi konparatiboa. Osasun sistema publikoa Espainian.

59. gaia._Osasun Sistema Nazionalaren kohesio eta kalitateari buruzko Legea. Egitura eta edukiak.

60. gaia._Osasun lanbideen antolamenduari buruzko Legea. Edukien azterketa. Osasun lanbideetan jardutea. Osasun zientzietan espezializatutako graduatu aurreko prestakuntza.

61. gaia._Osasun Sistema Nazionalaren zerbitzu komunen zerrenda. Indarra duen araudiaren azterketa. Osasun teknologien ebaluazioa eta zerbitzuen zerrenda eguneratzea.

62. gaia._Osasun zentro, zerbitzu eta establezimenduak baimentzea. Foru Komunitateko oinarrizko araudia eta legeak. Baldintza tekniko-sanitarioak. Lan osasunarekin zerikusia duten zentroen aipamen berezia. Laneko arriskuen prebentzioari buruzko araudia Nafarroako Foru Komunitatera eta haren erakunde autonomoetara egokitzea.

63. gaia._Osasun arloko informazio sistemak. Osasun arloko informazio sistema Nafarroan. Datuen Oinarrizko Multzo Gutxienekoa. Nafarroako Atenditutako Gaixotasunen Tasen Erregistroa.

64. gaia._Bioetikaren oinarrizko printzipioak. Biologia eta medikuntzari dagokienez giza eskubideen eta gizakiaren duintasunaren babeserako Europako Kontseiluaren Hitzarmena. Osasun laguntzaren etika batzordeak.

65. gaia._Informazio eta dokumentazio klinikoaren, adostasunaren eta aurretiazko borondateen gainean gaixoak dituen eskubide eta betebeharrak eta haren autonomia arautzen dituzten oinarrizko legeak, Foru Komunitatekoak eta Estatukoak. Aurretiazko Borondateen Nafarroako Erregistroa,

66. gaia._Historia klinikoa. Kontzeptua eta xedea. Legezko erregulazioa. Historia kliniko elektronikoa. Alta txostena.

67. gaia._Laguntzaren kalitatearen kontzeptua. Osasun zerbitzuen laguntzaren kalitatea ebaluatu, kontrolatu eta hobetzeko teknikak. Kanpoko kontu-ikuskaritza. Zentro eta zerbitzuak kreditatzeko sistemak.

68. gaia._Kontsumitzaile eta erabiltzaileen defentsari buruzko Foru Legea. Egitura eta edukiak. Osasunari dagozkion alderdien aipamen berezia.

Hirugarren zatia

69. gaia._Gorputzeko kaltearen azterketa. Kontzeptu orokorrak, garrantzia eta alderdi juridikoak. Atal anatomikoetako kaltea baloratzeko bide berariazkoak. Baremo eta gidak. Baloratzen diren faktoreen azterketa. Peritajeak.

70. gaia._Simulazioa eta disimulazioa. Gorputzeko kalteari buruzko txosten teknikoaren egitura: Kontuan hartu beharreko puntu nagusiak. Peritajearen etika. Langilearen gaitasuna eta trebetasuna baloratzeko txostenak.

71. gaia._Min fisikoa. Ikerketa minaren medikuntzan. Minaren azterketa, tratamendua eta balorazioa. Kalte estetikoa. Kontzeptua. Estetikaren garrantzia. Kalte estetikoaren balorazioa. Koadro kliniko ohikoenak.

72. gaia._Lepoko ornoetako eritasun eta lesioak. Lepoko ornoen sindrome nagusiak. Diagnostikorako eta balorazio funtzionalerako metodo eta irizpideei buruzko alderdi orokorrak. Aldi baterako ezintasunaren eta ezintasun iraunkorraren balorazioa.

73. gaia._Bizkarraldeko eta gerrialdeko eritasun eta lesioak. Hiperostosi zurruntzailea. Scheuermann-en eritasuna. Eskoliosiak. Espondilosiak eta espondilolistesiak. Diagnostikorako eta balorazio funtzionalerako metodo eta irizpideei buruzko alderdi orokorrak. Aldi baterako ezintasunaren eta ezintasun iraunkorraren balorazioa.

74. gaia._Gerrialdeko ornoen eta errain-hezurraren eritasun eta lesioak. Lunbalgia eta ornoarteko diskoaren patologia. Bizkarrezur-muineko eta muin-kanaleko arazoen ondoriozko lesio neurologikoak. Diagnostikorako eta balorazio funtzionalerako metodo eta irizpideei buruzko alderdi orokorrak. Aldi baterako ezintasunaren eta ezintasun iraunkorraren balorazioa.

75. gaia._Goiko gorputz-adarreko eritasun eta lesioak. Diagnostikorako eta balorazio funtzionalerako metodo eta irizpideei buruzko aspektu orokorrak. Aldi baterako ezintasunaren eta ezintasun iraunkorraren balorazioa.

76. gaia._Beheko gorputz-adarreko eritasun eta lesioak. Diagnostikorako eta balorazio funtzionalerako metodo eta irizpideei buruzko aspektu orokorrak. Aldakako eta belauneko protesien azterketa berezia. Aldi baterako ezintasunaren eta ezintasun iraunkorraren balorazioa.

77. gaia._Aldi baterako ezintasunaren eta ezintasun iraunkorraren balorazioa beso-zangoetako mutilazioetan. Motzondoaren patologia. Protesiak eta ortesiak. Inplanteak eta egokitzapenak. Ibileraren balorazioa. Okerreko ibilera. Mota nagusiak. Posturaren balorazioa. Posturaren alterazio nagusiak.

78. gaia._Matrailezurreko eta aurpegiko eritasun eta lesioak. Diagnostikorako eta balorazio funtzionalerako metodo eta irizpideei buruzko aspektu orokorrak. Aldi baterako ezintasunaren eta ezintasun iraunkorraren balorazioa.

79. gaia._Eritasun erreumatiko inflamatorioen azterketa orokorra. Diagnostikorako eta balorazio funtzionalerako metodo eta irizpideei buruzko aspektu orokorrak. Patologia nagusiak eta haietan izaten diren ezintasunen maila. Aldi baterako ezintasunaren eta ezintasun iraunkorraren balorazioa.

80. gaia._Aldi baterako ezintasunaren eta ezintasun iraunkorraren balorazioa eritasun erreumatiko degeneratiboetan. Diagnostikorako eta balorazio funtzionalerako metodo eta irizpideak.

81. gaia._Aldi baterako ezintasunaren eta ezintasun iraunkorraren balorazioa nerbio sistema zentraleko eritasun degeneratiboetan. Dementziak. Alzheimer-en eritasunaren azterketa berezia. Diagnostikorako eta balorazio funtzionalerako irizpideak. Aldi baterako ezintasunaren eta ezintasun iraunkorraren balorazioa garun-hodietako istripuetan. Diagnostikorako eta balorazio funtzionalerako metodo eta irizpideak.

82. gaia._Aldi baterako ezintasunaren eta ezintasun iraunkorraren balorazioa epilepsian eta patologia estrapiramidalean. Diagnostikorako eta balorazio funtzionalerako metodo eta irizpideak. Aldi baterako ezintasunaren eta ezintasun iraunkorraren balorazioa eritasun mielinagabetzaileetan. Diagnostikorako eta balorazio funtzionalerako metodo eta irizpideak.

83. gaia._Parkinsonen eritasunaren eta beste parkinsonimosprimario edo eragindakoen azterketa berezia. Ataxiak. Diagnostikorako eta balorazio funtzionalerako irizpideak. Aldi baterako ezintasunaren eta ezintasun iraunkorraren balorazioa traumatismo kranioentzefalikoetan. Prozesu akutua eta beranduko ondorioak. Diagnostikorako eta balorazio funtzionalerako metodo eta irizpideak.

84. gaia._Aldi baterako ezintasunaren eta ezintasun iraunkorraren balorazioa garuneko tumoreetan. Diagnostikorako, pronostikorako eta balorazio funtzionalerako metodo eta irizpideak.

85. gaia._Aldi baterako ezintasunaren eta ezintasun iraunkorraren balorazioa bizkarrezur-muineko eta nerbio sistema periferikoko eritasun eta lesioetan. Miastenia gravisaren azterketa berezia. Diagnostikorako eta balorazio funtzionalerako metodo eta irizpideak.

86. gaia._Aldi baterako ezintasunaren eta ezintasun iraunkorraren balorazioa trastorno neurotikoetan, bereziki antsietate trastornoetan, trastorno obsesibo-konpultsiboetan eta egokitzapen-trastornoetan. Diagnostikorako eta balorazio funtzionalerako irizpideak.

87. gaia._Aldi baterako ezintasunaren eta ezintasun iraunkorraren balorazioa trastorno psikotikoetan. Eskizofrenia, paranoiak eta trastorno afektiboak. Diagnostikorako eta balorazio funtzionalerako irizpideak.

88. gaia._Aldi baterako ezintasunaren eta ezintasun iraunkorraren balorazioa disoziazio eta somatizazio trastornoetan. Tikak. Adimeneko atzerapenaren azterlan berezia. Diagnostikorako eta balorazio funtzionalerako irizpideak.

89. gaia._Aldi baterako ezintasunaren eta ezintasun iraunkorraren balorazioa entzumen aparatuko eritasun eta lesioetan. Hipoakusien eta orekaren trastornoen azterlan berezia. Diagnostikorako eta balorazio funtzionalerako irizpideak.

90. gaia._Aldi baterako ezintasunaren eta ezintasun iraunkorraren balorazioa laringeko eta sudur-barrunbeetako eritasunetan. Gaixo laringektomizatua eta hizkeraren trastornoak ezintasun iturri diren aldetik. Diagnostikorako eta balorazio funtzionalerako irizpideak.

91. gaia._Aldi baterako ezintasunaren eta ezintasun iraunkorraren balorazioa ikusmen aparatuko eritasun eta lesioetan. Diagnostikorako eta balorazio funtzionalerako irizpideak.

92. gaia._Aldi baterako ezintasunaren eta ezintasun iraunkorraren balorazioa larruazalaren eritasun eta lesioetan. Orbain patologikoen azterketa berezia. Lanaren ondoriozko larruazaleko minbizia. Diagnostikorako eta balorazio funtzionalerako irizpideak.

93. gaia._Aldi baterako ezintasunaren eta ezintasun iraunkorraren balorazioa lanarekin ikusterik ez duten arnas aparatuko eritasunetan (I). Laneko historia kliniko neumologikoa. Biriketako eritasun kroniko butxatzailearen, enfisemaren eta asmaren azterketa berezia. Diagnostikorako eta balorazio funtzionalerako irizpideak.

94. gaia._Aldi baterako ezintasunaren eta ezintasun iraunkorraren balorazioa lanarekin ikusterik ez duten arnas aparatuko eritasunetan (II). Lotako apnea butxatzailearen eta biriketako neoplasien azterketa berezia. Diagnostikorako eta balorazio funtzionalerako irizpideak.

95. gaia._Aldi baterako ezintasunaren eta ezintasun iraunkorraren balorazioa lanarekin ikustea duten arnas aparatuko eritasunetan (I). Neumokoniosiak. Silikosiaren eta asbestosiaren azterketa berezia. Diagnostikorako eta balorazio funtzionalerako irizpideak.

96. gaia._Aldi baterako ezintasunaren eta ezintasun iraunkorraren balorazioa lanarekin ikustea duten arnas aparatuko eritasunetan (II). Lanaren ondoriozko asmaren azterketa berezia. Neumokonosiaz besteko neumopatiak, biriketako fibrosiaren sortzaile edo arnasbideen narriatzaile diren aldetik. Diagnostikorako eta balorazio funtzionalerako irizpideak.

97. gaia._Aldi baterako ezintasunaren eta ezintasun iraunkorraren balorazioa bihotzeko eritasunetan (I). Laneko historia kliniko kardiologikoa. Kardiopatia iskemikoaren eta miokardiopatien azterketa berezia. Diagnostikorako eta balorazio funtzionalerako irizpideak.

98. gaia._Aldi baterako ezintasunaren eta ezintasun iraunkorraren balorazioa bihotzeko eritasunetan (II). Balbulopatien eta balbulen protesien azterketa berezia. Diagnostikorako eta balorazio funtzionalerako irizpideak.

99. gaia._Aldi baterako ezintasunaren eta ezintasun iraunkorraren balorazioa bihotzeko eritasunetan (III): Arritmien azterketa berezia. Odol-hodien eritasunak eta hipertentsio arteriala, ezintasun iturri den aldetik. Diagnostikorako eta balorazio funtzionalerako irizpideak.

100. gaia._Aldi baterako ezintasunaren eta ezintasun iraunkorraren balorazioa odol-hodietako eritasun eta lesioetan (I). Patologia arterial periferikoaren azterketa berezia. Diagnostikorako eta balorazio funtzionalerako irizpideak.

101. gaia._Aldi baterako ezintasunaren eta ezintasun iraunkorraren balorazioa odol-hodietako eritasun eta lesioetan (II). Zain periferikoen patologiaren eta sistema linfatikoaren eritasunen azterketa berezia, ezintasun iturri diren aldetik. Diagnostikorako eta balorazio funtzionalerako irizpideak.

102. gaia._Aldi baterako ezintasunaren eta ezintasun iraunkorraren balorazioa eritasun endokrinologikoetan (I). Laneko historia kliniko endokrinologikoa. Tiroideko, paratiroideko, hipofisiko eta giltzurrun-gaineko guruinetako alterazioen azterketa berezia, ezintasun iturri diren aldetik. Diagnostikorako eta balorazio funtzionalerako irizpideak.

103. gaia._Aldi baterako ezintasunaren eta ezintasun iraunkorraren balorazioa eritasun endokrinologikoetan (II). Diabetesaren azterketa berezia, ezintasun iturri den aldetik. Diagnostikorako eta balorazio funtzionalerako irizpideak.

104. gaia._Aldi baterako ezintasunaren eta ezintasun iraunkorraren balorazioa eritasun hematologikoetan. Leuzemien eta linfomen azterketa berezia. Diagnostikorako eta balorazio funtzionalerako irizpideak.

105. gaia._Aldi baterako ezintasunaren eta ezintasun iraunkorraren balorazioa digestio aparatuko eritasunetan. Hesteetako eritasun inflamatorioaren azterketa berezia. Gaixo kolostomizatua, ezintasun iturri den aldetik. Diagnostikorako eta balorazio funtzionalerako irizpideak.

106. gaia._Aldi baterako ezintasunaren eta ezintasun iraunkorraren balorazioa gibeleko eta behazun-bideetako eritasunetan. Hepatitisaren eta zirrosiaren azterketa berezia. Pankreatitisa. Diagnostikorako eta balorazio funtzionalerako irizpideak.

107. gaia._Aldi baterako ezintasunaren eta ezintasun iraunkorraren balorazioa gernu eta ernaltze aparatuetako eritasunetan. Pixari eutsi ezinaren azterketa berezia. Maskuriko eta prostatako minbizia. Diagnostikorako eta balorazio funtzionalerako irizpideak.

108. gaia._Aldi baterako ezintasunaren eta ezintasun iraunkorraren balorazioa giltzurruneko eritasunetan. Giltzurruneko gutxiegitasunaren eta hemodialisiaren azterketa berezia, ezintasun diren aldetik. Diagnostikorako eta balorazio funtzionalerako irizpideak.

109. gaia._Giza Immunoeskasiaren birusaren infekzioaren azterketa berezia. Infekzioak laneko eritasunen kausa gisa. Diagnostikorako eta balorazio funtzionalerako irizpideak. Aldi baterako ezintasunaren eta ezintasun iraunkorraren balorazioa.

110. gaia._Aldi baterako ezintasunaren eta ezintasun iraunkorraren balorazioa eritasun onkologikoetan. Laneko historia kliniko onkologikoa. Pronostikorako eta balorazio funtzionalerako irizpideak.

111. gaia._Aldi baterako ezintasunaren eta ezintasun iraunkorraren balorazioa transplanteak izandako gaixoen kasuan. Giltzurrunaren transplantea. Gibelaren trasplantea, bihotzarena, hezurmuinarena eta birikena. Balorazio funtzionalerako irizpideak.

112. gaia._Aldi baterako ezintasunaren eta ezintasun iraunkorraren balorazioa bularraldearen eta sabelaldeko paretaren alterazioetan. Saihetsezurretako, pleurako eta diafragmako lesioak. Etenen azterketa berezia. Diagnostikorako eta balorazio funtzionalerako irizpideak.

113. gaia._Haurdunaldiko arrisku faktoreen azterketa, lan jarduera eteteko arrazoi gisa. Balorazio irizpideak.

114. gaia._Ugalketa funtzioa, haurdunaldia eta edoskitzearen babesa laneko arriskuen aurrean. Langile bereziki sentiberak eta minusbaliatuak. Langile gazteak eta adinduak.

Oharra._Gai guztiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina egun horren ondoren onetsitako arau aldaketen ekarpenak baloratzen ahalko ditu epaimahaiak.

Iragarkiaren kodea: F0709065