II. NAFARROAKO TOKI ADMINISTRAZIOA
2.1. ORDENANTZAK ETA BESTELAKO XEDAPEN OROKORRAK
NAFARROAKO ERRIBERAGOIENEKO H.H.S.EN MANKOMUNITATEA
Ordenantza fiskalaren behin betiko onespena
Nafarroako Erriberagoieneko Hiri Hondakin Solidoen Mankomunitatearen batzarrak, 2007ko martxoaren 14an egin bilkuran, aho batez erabaki zuen ordenantza fiskalean 2007rako aldaketa hasiera batean onestea. Jendaurrean egoteko hogeita hamar egun iraganik eta epe horretan alegazio, kexa edo oharrik aurkeztu ez denez, behin betikoz onetsirik gelditu da uztailaren 2ko 6/90 Foru Legeak xedatzen duenari jarraikiz.
ORDENANTZA FISKALA, HIRI HONDAKIN SOLIDOAK BILDU, TRATATU ETA APROBETXATU EDO DESEGITEKO ETA ZERBITZU HORRI LOTURIK DAUDEN GAINERAKO JARDUERAK EGITEKO TASAK ARAUTZEN DITUENA.
I. KAPITULUA
Oinarria
1. artikulua. Ordenantza fiskal hau ezarri da Nafarroako toki entitateei aplikatzen zaien zerga araudiak ematen dizkien ahalmenen babespean eta haiekin bat, esan nahi baita, Nafarroako Toki Administrazioari buruzko uztailaren 2ko 6/90 Foru Legearen 180. artikulua eta ondokoak eta Nafarroako Toki Ogasunei buruzko 2/95 Foru Legearen 100. artikulua eta ondokoak.
II. KAPITULUA
Ordainarazpenaren izaera
2. artikulua. Ordenantza honen xedea tasak ezartzea da, hiri-hondakin solidoak bildu, tratatu, aprobetxatu edo desegiteko zerbitzua emateagatik eta horrekin zerikusia duten gainerako jarduerengatik.
Ezarri diren ordainarazpenen izaera fiskala, hortaz, Nafarroako Toki Ogasunei buruzko 2/95 Foru Legearen 100. artikuluak eta ondokoek aipatzen dituzten zerbitzuak edo jarduerak egiteko tasena da.
III. KAPITULUA
Aplikazio esparrua
3. artikulua. Ordenantza hau aldi bakoitzean Mankomunitate hau osatzen duten udalerrietako mugape guztietan aplikatuko da.
Aldiz, Mankomunitatekoak ez izan arren, halako entitate edo pertsona batzuek tasa hauen bidez finantzatzen diren zerbitzuak hartzen badituzte haiei ere aplikatuko zaizkie zerbitzuak.
Mankomunitateari berari dagokio tasak kobratzeko ahalmena, zerbitzua berak egiten baitu.
IV. KAPITULUA
Zergapeko egintza
4. artikulua. Ordenantza honen xedeko zerbitzu edo jarduerak eskura izan edo/eta erabiltzeak dakar zergapeko egintza. Zerbitzu eta jarduera horiek ondotik aipatzen dira eta beren tasak sortzen dituzte:
A) Hiri-hondakin solidoak bildu, garraiatu eta gero aprobetxatu edo desegiteko nahitaezko zerbitzua eskura izan edo/eta erabiltzea, Hiri zabor eta hondakin solidoen bilketari eta tratamenduari buruzko Legeari jarraituz, kasu hauetan:
1._Etxebizitzetakoak.
2._Zerbitzuetakoak, kirol eta aisia guneetakoak barne.
3._Merkataritzakoak eta industriakoak (hirikotzat har daitezkeenak).
4._Jendearentzako bulegoak.
5._Ikastetxeak.
6._Osasun zentroak: ospitaleak, klinikak eta anbulatorioak.
7._Osasun zentroak:
Aurreko egoera horietako bakoitzean aipatzen diren jardueren zerrendak ez du guzti-guztiak aipatzeko nahikeriarik; beraz, espresuki hor txertatu gabeko jarduerak ere sartzen ahal dira, antzekoak baldin badira.
B) Borondatezko zerbitzu hauek ematea:
1._Hirikotzat har daitezkeen industriako hondakin solidoak bildu, garraiatu eta tratatzea, haien sortzaileak bakarrik erabiltzeko, ordenantza honetan ezarritakoarekin bat.
2._Sortzaileak aldez aurretik bereizitako hiri hondakin solidoak bildu, garraiatu eta gordetzea, gero berreskuratzeko asmoz.
V. KAPITULUA
Subjektu pasiboa
5. artikulua.
1._Ordenantza hauetan ezartzen diren tasak ordaintzera beharturik dauden subjektu pasibotzat hartuko dira, zordunak diren aldetik, pertsona fisiko zein juridikoak, heredentzia banatugabeak, ondasun komunitateak eta, lege nortasunik ez izanik ere, unitate ekonomikoa edo ondare berezia osatzen duten eta zerga ezar dakiekeen bertzelako erakundeak, baldin eta edozein titulu dela bide, etxebizitzak, egoitzak, saltokiak eta dendak okupatzen, erabiltzen edo ustiatzen badituzte edo bertan bizi badira, haien alde nahitaezko zerbitzu orokorra ezarriz gero.
Nafarroako Toki Ogasunei buruzko Legearen 104.2 artikuluaren arabera, zorduna ordezten duten subjektu pasiboak dira Udal bakoitzeko Katastroko Erregistroan edo eraikin horien Hirilur Aberastasunaren Katastroko Erregistroan jabe gisa agertzen direnak. Haiek, kasuan kasuko onuradunei pasatzen ahalko dizkiete kuotak.
2._Borondatezko prestazioa denez, pertsona edo erakunde eskatzaileak dira zergak ordaintzera beharturik dauden subjektu pasiboak.
VI. KAPITULUA
Zerga-oinarria
6. artikulua. Zerga-oinarria zehaztuko da kontuan hartuz zein den emandako zerbitzua, ordenantza honetako tarifetan agertzen diren kopuruen arabera.
4. artikuluko A eta B ataletan ezarritako zergapeko egintzetarako, honako hau da tarifa aplikatzeko zerga-oinarria:
A-1 zergapeko egintzarako: bizitegia den edo izan litekeen katastro unitatea.
Etxebizitza bat jarduera ekonomikoen gaineko zergari lotutako jardueraren baten kokalekua bada, tasarik handiena aplikatuko da.
A-2, A-3, A-4, A-5, A-6 eta A-7 zergapeko egintzetarako: establezimendu-unitatea edo jarduera, jarduera ekonomikoen gaineko zergan (J.E.Z.) inskribaturik dagoen ala ez kontuan hartu gabe, edo funtzionatzen ari dena. Katastro-unitate batean jarduera bat garatzen bada edo hartan inor aritzen bada, hura establezimendu-unitatetzat hartzen da, J.E.Z.en inskribaturik dagoen ala ez kontuan hartu gabe.
Establezimendu bera J.E.Z.aren bi epigrafe edo gehiagotan inskribaturik badago, zenbatekorik handiena duen tarifa aplikatuko da, salbu eta jarduera bereiziak izan, halakoetan modu bereizian ordainduko baita haien zerga.
Industriarako, merkataritzarako edo jostetarako erabiltzen diren katastro-unitateen kasuan, inolako jardueratan inskribaturik ez badaude, A-5 tasa aplikatuko zaie, eta zergapeko egintza xede hori duen katastro-unitatea izanen da.
B 1 eta 2 zergapeko egintzarako, edukiontzien kopurua, haien edukiera eta bilketaren maiztasuna.
Elkarren ondoko zenbait katastro-unitatek etxebizitza edo lokal bakar bat osatzen badute, Mankomunitateak horretarako ematen duen inprimakian egiten den zinpeko aitorpenaren bidez frogatu beharko da, kuota bakarra igortzeko, eta Mankomunitateak hori guztia egiaztatuko du eta burujabe direla egiaztatzen duen katastro-unitateei dagozkien kuotak igorriko ditu.
VII. KAPITULUA
Tarifak
7. artikulua. Tributu-kuota kalkulatzeko, ekitaldi bakoitzean organo eskudunak ezarriko ditu tasa bakoitzaren zerga-oinarriari aplika dakizkiokeen tasa eta tarifak, eta ordenantza honen eranskinean agertuko dira, haren parte direlarik.
VIII. KAPITULUA
Tributu-kuota
8. artikulua. Tributu-kuota zehazteko, karga-tasaren oinarriari indarra duten tarifak aplikatuko zaizkio.
9. artikulua. Ateratzen den tributu-kuotaren gainean aplikatuko dira legeek aldi bakoitzean finkatzen dituzten zeharkako zergak, legeetan ezartzen diren maneran eta halabereko baldintzetan.
IX. KAPITULUA
Salbuespenak
10. artikulua. Nafarroako Parlamentuak onetsitako Foru Legeetan espresuki aipatzen direnak, bertze salbuespenik ez da onartuko.
X. KAPITULUA
Hobariak
11. artikulua.
1._Etxeko tarifak sortutako tributu-kuotan %70eko hobaria izateko eskubidea izanen da, ordaintzera beharturik dagoena Gizarte Segurantzaren edo Nafarroako Gizarte Ongizatearen Institutuaren prestazio baten onuraduna denean, haren zenbatekoa OAEAP baino handiagoa bada, edo lansari hori halako 1,2 ezkontidea edo bizikidea izanez gero, bien dirusarrerak batuta.
Ezkontidearenak ez diren famili kargak baldin badaude (seme-alaba adingabeak, 23 urte arteko seme-alabak, 23koak ere barne, baldin eta legezko langabezia egoeran badaude edota ikasketak egiten, nahiz dirusarrerarik gabeko seme-alaba ezinduak), aipatu mugei OAEAP bider 0,2 gehituko zaie menpeko pertsona bakoitzeko.
Ez dira tarifa honen onuradun izanen aurreko baldintza beteta ere dirusarrera osagarriak dituztenak, alegia, urtean OAEAP gainditzen dutenak, kontuan hartu gabe eskatzailearenak diren edo etxe berean bizi direnenak.
Halaber, eskatzailearen edo bizikideen ondare higigarria nahiz higiezina ezin da izan 18.000 euro baino handiagoa, ohiko bizilekuarena kontatu gabe.
Aipatu baldintzak betetzen dituztela erakusteko, eskatzaileek honako hauek aurkeztu beharko dituzte:
a) Jasotako prestazioaren ziurtagiria.
b) Errenta/Ondarearen aitorpenaren kopia. Ogasunaren ziurtagiria, egin beharrik ez duela dioena, eta eskatzailearen eta haren bizikideen dirusarrerak frogatzen dituzten gainerako agiri guztiak.
c) Udal Erroldako Bizikidetzako Ziurtagiria.
d) Eskabidea, Mankomunitatearen ereduan, eta hartan zinpeko aitorpena aurkeztutako datuak benetakoak direla eta ordenantzan aurreikusitako baldintzak betetzen direla.
Mankomunitateak noiznahi egiaztatzen ahalko du baldintzak betetzen direla hobarirako eskubiderik izan dadin.
2._%70eko hobaria hartzeko eskubidea dute hutsik dauden etxebizitzetako titularrek, urtero frogatzen badiote Mankomunitateari etxebizitza horietan ur eta argi zerbitzurik ez dutela. Argindarra eta ura banatzen duten enpresen ziurtagiriarekin kreditatzen ahalko da.
3._Bidezkoa izanen da ondoriozko tarifaren %100eko hobaria, tasaren xedea den etxebizitza edo lokala zaborrontzitik 200 metro baino gehiagotara dagoenean. Hobari honetarako eskubidea sortzeko, ezinbertzeko baldintza izanen da subjektu pasiboak aurretik hala eskatzea.
4._Hobariak urte bakoitzeko lehen hiru hilabeteetan eskatuko zaizkio Mankomunitateari, eta epea luzaezina izanen da, eskubidea bertze data batean sortu ezik, orduan sortzen den hilaren epean izanen baita eta kobrantzarako tokatzen den seihilekoan izanen ditu ondorioak.
Hobariak urte natural bateko indarraldia izanen du.
XI. KAPITULUA
Sorrarazpena
12. artikulua.
1._4. artikuluko a) letrako 1. puntutik 7.era bitartean ezarritako tasak seihileko natural bakoitzeko lehenbiziko egunean sortuko dira, eta kuotak ezin izanen dira ez murriztu ezta hainbanatu ere; beraz, alta nahiz baja emanez gero, ez da horren eraginik izanen halako zerbait gertatu ondoko sortzapen aldia arte.
2._4.B9 artikuluan ezarritako tasak hiruhileko naturaleko lehenbiziko egunean sortuko dira, eta kuotak ezin izanen dira ez murriztu ezta hainbanatu ere.
XII. KAPITULUA
Ordainarazpena
13. artikulua. Ordenantza honetan araututako tasak hurrengo arauei jarraikiz ordainaraziko dira:
1._4. artikuluan ezarritako tasak hiruhilekoan edo seihilekoan behin.
XIII. KAPITULUA
Diru-bilketa
14. artikulua.
1._Nafarroako Toki Ogasunei buruzko 2/95 Foru Legearen 86. artikuluan ezarritakoari jarraituz, 4. artikuluko 1. puntutik 7.era bitartean ezarritako tasak aplikatzetik sortzen diren tributu-zorrak jakinarazpen gabekotzat hartuko dira.
2._4. artikuluko 1. puntutik 7.era bitartean ezarritako tasengatik sortutako tributu zorrak, 13. artikuluan adierazi bezala ordainarazi eta gero, ordaindu behar diren seihileko naturaleko lehenbiziko egunean isilbidez jakinarazitzat hartuko dira. Egun horretatik aurrera, 30 egun baliodun izanen dira borondatezko aldian ordaintzeko.
Aurreko paragrafoan aipatzen diren egunetan ordainarazpenen zerrendak prest ez badaude, Mankomunitatearen iragarki oholean argitaratzen diren egunetik aitzina hasiko da kontatzen borondatezko aldia.
15. artikulua. 14. artikuluan aurreikusitakoari jarraituz borondatezko epean ordaintzen ez diren tributu-zorrak, Nafarroako Toki Ogasunei buruzko martxoaren 10eko 2195/95 Foru Legearen 84. artikuluan ezarri bezala ordaindu beharko dira.
Epe hori iragaten bada zorrak ordaindu gabe, premiamendu bidez ordainaraziko dira, non ez duen Mankomunitateak erregelamenduzko gerorapena ematen, martxoaren 10eko 2/95 Foru Legeko 90. artikuluan eta hurrengoetan xedatutakoari jarraituz.
16. artikulua. Tributu zorren ordainketa honela egiten ahal da:
a) Ordainketak helbideratu dituzten subjektu pasiboentzat, horretarako adierazitako banku edo aurrezki kutxako kontuan kargatuz. Zorra ordaintzen ez bada zergadunari egozten ahal zaizkion arrazoiengatik (ordainagiria nahita itzultzea), Mankomunitatearen diruzaintzan edo Mankomunitateak berak kobratzeko ahalmena ematen dien banku edo aurrezki kutxetan. Ordainagiri hauetako bakoitzean 3,61 euro gehituko dira, kudeaketa gastuak estaltzeko.
b) Helbideratuak egonagatik, zergadunari egotzi ezin zaion arrazoiren batengatik ordaindu ez diren ordainagiriak, Mankomunitatearen diruzaintzan, edota Mankomunitateak berak kobratzeko ahalmena ematen dien banku edo aurrezki kutxetan.
c) Ordainketak helbideratu ez dituzten subjektu pasiboentzat, Mankomunitatearen diruzaintzan edo Mankomunitateak berak kobratzeko ahalmena ematen dien banku edo aurrezki kutxetan. Ordainagiri hauetako bakoitzean 3,01 euro gehituko dira, kudeaketa gastuak estaltzeko.
XIV. KAPITULUA
Arau-hausteak eta zehapenak
17. artikulua. Nafarroako Toki Ogasunei buruzko martxoaren 10eko 2/95 Foru Legean arau-hauste eta zehapenen gainean ezarritako xedapenak aplikatuko dira.
XEDAPEN INDARGABETZAILEA
Bakarra._Indarrik gabe uzten dira bai ordenantza hauetan arautzen diren gaiei buruz orain arte izan den ordenantza, baita ordenantza honi aurka egiten dioten maila bereko edo apalagoko arauak ere.
AZKEN XEDAPENA
Bakarra.-Ordenantza honek 2007ko urtarrilaren 1ean hartuko du indarra eta Mankomunitatearen Batzar Orokorrak indargabetzen edo aldatzen ez duen bitartean indarrean jarraituko du.
Azkoienen, 2007ko maiatzaren 24an._Mankomunitateko burua, Araceli Rincón Romero.
I. ERANSKINA
A._Hiriko hondakin solidoak bildu, garraiatu eta aprobetxatu edo ezabatzeko zerbitzua, nahitaez jaso beharrekoa. Prezioak eurotan eta urteko eman dira.
A-1) tarifa, Etxekoak - etxebizitza: 60 euro.
A-2) tarifa, Saltoki txikiak, janari-dendak eta dendak oro har, A-5, A-6, A-7 eta A-8 tarifetan sartuak izan ezik. Enpresa txikiak, lantegiak eta garajeak. Elizak, komentuak, zentro publikoak, haurtzaindegiak eta 500 bazkide arteko elkarteak. Apark.: 139 euro.
A-3) tarifa, Banaketa eta handizkako salmentako biltegiak. Enpresa eta fabrika ertainak. Ikastetxeak, institutuak, akademiak, haurtzaindegiak. Zinemak. Klinikak eta ospitaleak, 100 ohe bitartekoak. Egoitzak. 500 bazkide baino gehiagoko sozietateak: 356 euro.
A-4) tarifa, 50 langiletik gorako fabrikak. 100 ohetik gorako klinikak eta ospitaleak: 1.202 euro.
A-5) tarifa, Profesionalen bulegoak (gestoriak, agentziak, kabineteak, notariotzak, erregistroak, etab.), bitxidendak-erlojudendak, ehungintzako dendak, zapata-dendak, estankoak, jendearentzat irekitako establezimendurik ez duten instalatzaile profesionalak. Alderdi politikoen egoitzak: 108 euro.
A-6) tarifa, Arraindegiak, fruta-dendak eta hondakin organiko ugari sortzen duten dendak: 197 euro.
A-7) tarifa, Ostatuak, kafetegiak, disko-ostatuak, hostalak eta pentsioak: 432 euro.
A-8) tarifa, Jatetxeak, diskotekak, dantzalekuak eta hotelak: 580 euro.
(Ezin zaie aplikatu erabilera esklusiboko edukiontzia duten kasuetan).
A-CE) tarifa, Ordenantza arautzailean ezarri bezala, kokaera, ezaugarriak edo hondakin kopurua dela eta, eurek bakarrik erabiltzen dituzten edukiontziak dituzten industria, merkataritza edo zerbitzuen arloko establezimenduak:
a) Ohiko bilketarako 360 litroko edukiontzi berdeak, urteko 630 euroko tasa finkoa gehi astean bi eguneko bilketagatikoa; hori guztia alta emandako edukiontzi bakoitzeko eta gehienez ere lau edukiontzi zergadun bakoitzeko.
b) Ohiko bilketarako 800 litroko edukiontzi berdeak, urteko 830 euroko tasa finkoa gehi astean bi eguneko bilketagatikoa; hori guztia alta emandako edukiontzi bakoitzeko eta gehienez ere lau edukiontzi zergadun bakoitzeko.
c) Ohiko bilketarako 1.000 litroko edukiontzi berdeak, urteko 1.030 euroko tasa finkoa gehi astean bi eguneko bilketagatikoa; hori guztia alta emandako edukiontzi bakoitzeko eta gehienez ere lau edukiontzi zergadun bakoitzeko.
d) Bilketa sailkaturako 1.000 litroko edukiontzi horien kasuan, urteko 918 euroko tasa finkoa astean bi ldutako egun bakoitzeko; hori guztia alta emandako edukiontzi bakoitzeko eta gehienez ere lau edukiontzi zergadun bakoitzeko.
e) Paper eta beiraren bilketa sailkaturako 3.000 litroko edukiontzi iglu urdin edo berdeen kasuan, urteko 918 euroko tasa finkoa hilabetean bildutako egun bakoitzeko; hori guztia alta emandako edukiontzi bakoitzeko eta gehienez ere lau edukiontzi zergadun bakoitzeko.
f) Birziklatzeko materialen bilketa sailkaturako 10.000tik 30.000 litroko edukiontzien kasuan, urteko 800 euroko tasa finkoa gehi 50 euroko tasa aldakorra kentzen den aldi bakoitzeko.
g) Erabilera esklusiboko edukiontzia duten supermerkatuak eta jatetxeak:
_Egunero edukiontzi bat biltzeagatik: 1.500 euro/urtea
_Egunero 2 edukiontzi biltzeagatik: 2.200 euro/urtea
Subjektu pasibo bat arestiko zein tarifatan sailkatu zalantzarik bada, Mankomunitateak erabakiko du zer tarifa aplikatuko den.
Iragarkiaren kodea: L0708734
