76. ALDIZKARIA - 2007ko ekainaren 20a

I. NAFARROAKO FORU KOMUNITATEA

1.3. BESTELAKO XEDAPENAK

1.3.6. Beste batzuk

466/2007 EBAZPENA, maiatzaren 21ekoa, Eskola eta Lanbide Irakaskuntzaren zuzendari nagusiak emana, Oltza Zendeako eta Orkoiengo Udal Musika Eskolaren baimena aldatzen duena, ikasketa gehiago eskaintzeko. Ororbian (Oltza) du helbide ofiziala.

Ikusirik Félix Otamendi Echauri jaunak, Oltza Zendeako eta Orkoiengo Musika Eskolako Patronatuko lehendakariak egindako, aipatu eskolak saxofoi eta txistu espezialitateak irakasteko baimena izateko.

Ikusirik Zerbitzuak Ikuskatzeko eta Ikuskapen Teknikorako Zerbitzuak emandako adostasun txostena.

Nafarroako Foru Komunitateko Musika eta Dantza Eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuko 29. artikuluak ezarritakoa kontuan hartuz (1993ko urtarrilaren 22ko Nafarroako ALDIZKARI OFIZIALa).

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluko d) idatz-zatiak ematen dizkidan ahalmenak erabiliz, eta Ikastetxeen eta Ikasketetarako Laguntzen Zerbitzuak proposaturik,

EBATZI DUT:

1. Baimena ematen zaio Oltza Zendeako eta Orkoiengo Udal Musika Eskolari, helbide ofiziala Ororbian (Oltza, zentroko kodea: 31009030) duena, saxofoi eta txistu musika-tresnen espezialitateko ikasketak emateko, 2007-2008 ikasturtetik aitzina.

2. Eskolak une horretatik aurrera baimenduta izanen dituen ikasketak hauek dira:

a) Oinarrizko eskaintzan ezarririk daudenak, abenduaren 21eko 421/1992 Foru Dekretuaren 9. artikuluko 1. ataleko a), b) eta c) letretan ezarritako antolamenduari jarraikiz; hain zuzen ere, "musika-tresnak jotzea" arloko hurrengo espezialitateak: Akordeoia, bateria, kantua, zeharkako flauta, gitarra, pianoa, saxofoia, trikitixa, txistua, eta biolina.

b) Lau urtetik aurrerako ikasleentzat musikaren hastapeneko ikasketak.

3. Departamentu honen baimena beharko da eskolaren osaera aldatzeko, baldin eta 421/1992 Foru Dekretuko 29. artikuluak aipatua ukitzen badu aldaketak.

4. Foru dekretu horretako 31. artikuluan aipatutako kasuetan, Eskolaren baimena baliorik gabe uzten ahalko da.

5. Ohartarazten da ezen, 421/1992 Foru Dekretuko 20. artikuluarekin bat, Eskolaren titularra den entitateak ordainduko dituela ebazpen honen bidez baimendutako ikasketen gastuak.

6. Administrazioaren ebazpen honen kontra administrazio publiko interesatuak administrazioarekiko auzi-errekurtsoa jartzen ahalko du, Nafarroako Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan aurreikusitako moduan eta epeetan.

7. Ebazpen hau Nafarroako ALDIZKARI OFIZIALean argitaratuko da.

8. Ebazpen hau igortzea Oltza Zendeako eta Orkoiengo Musika Eskolako Patronatuko lehendakariari, Zerbitzuak Ikuskatzeko eta Ikuskapen Teknikorako Zerbitzuari, Ikastetxeen eta Ikasketetarako Laguntzen Zerbitzuari, Araubide Bereziko Irakaskuntzaren Atalari, Ikastetxeen eta haien Finantzaketaren Atalari, Informazioa Kudeatzeko Bulegoari, Ikastetxe Publikoak Finantzatzeko Bulegoari eta Ikastetxeak Baimendu eta Erregistratzeko Bulegoari.

Iruñean, 2007ko maiatzaren 21ean._Eskola eta Lanbide Irakaskuntzaren zuzendari nagusia, Fermín Villanueva Ferreras.

Iragarkiaren kodea: F0708719