I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
310/2007 EBAZPENA, apirilaren 16koa, Lan zuzendari nagusiak emana, Nafarroako "Osasun garraioa" sektorearen lan hitzarmen kolektiboaren 2007ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 47/2007).
Departamentu honetan 2007ko apirilaren 7an sartu da Nafarroako "Osasun garraioa" sektorearen lan hitzarmen kolektiboaren 2007ko soldaten berrikuspenari buruzko akordioa, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 70/2006).
Industria eta Teknologia, Merkataritza eta Lan Departamentuak bere esku du martxoaren 24ko 1/1995 Legegintzako Errege Dekretuaren 90. artikuluan aipatzen diren lan hitzarmen kolektiboak erregistratu, gorde eta argitaratzea, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuaren arabera, eta kontuan izanik Hitzarmen kolektiboak erregistratu eta gordetzeari buruzko maiatzaren 22ko 1040/1981 Errege Dekretuan xedatutakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
Ebatzi dut:
1. Nafarroako "Osasun garraioa" sektorearen lan hitzarmen kolektiboaren soldaten berrikuspenari buruzko akordioa erregistratzea (kodea: 3107385) Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau negoziazio batzordeari jakinaraztea eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2007ko apirilaren 16an._Lan zuzendari nagusia, José María Roig Aldasoro.
NAFARROAKO "OSASUN GARRAIOA" SEKTOREAREN LAN HITZARMEN KOLEKTIBOAREN 2007KO SOLDATEN BERRIKUSPENA
NAFARROAKO "OSASUN GARRAIOA" SEKTOREAREN LAN HITZARMEN KOLEKTIBOKO BATZORDE PARITARIOAREN AKTA
Iruñean, 2007ko martxoaren 23an.
Bertaratuak: Juan A. Pacheco - Baztan-Bidasoa
José A. Cesar - Baztan-Bidasoa
Gerardo Aspiazu - G.G.S.S.
Manuel G. Gómez - U.G.T.
Gustavo Pérez - U.G.T.
Iruñeko "Ambulancias Baztan-Bidasoa SL" enpresaren egoitzan, goian aipatu diren batzorde paritarioko kideak bildu dira, sektoreko hitzarmenari dagozkion 2007. urteko soldaten taulak, aseguru kolektiboa eta kontratua bukatzeagatiko konpentsazioa finkatzeko.
1._Soldaten taulak:
Gidaria: 1230,25 euro.
Laguntzailea: 1108,28 euro.
Taldeko burua: 1212,44 euro.
Trafikoko burua: 1298,71 euro.
1. mailako adm.-ofiziala: 1275,19 euro.
Administrari laguntz.: 1126,14 euro.
Mekanikaria: 1192,07 euro.
Mekanikari laguntz.: 1086,89 euro.
Telefonista: 1133,96 euro.
Medikua: 1934,21 euro.
OLT: 1526,24 euro.
Zuzendaria: 1949,90 euro.
2._Aseguru kolektiboa:
Lanerako ezintasun iraunkorra, ezintasun osoa eta baliaezintasun handia: 49.861,28 euro.
Heriotza: 30.757,75 euro.
3._Konpentsazioa, kontratua amaitzeagatik.
60 urte betetzean: 4.633,63 euro.
61 urte betetzean: 3.700,06 euro.
62 urte betetzean: 2.774,06 euro.
63 urte betetzean: 1.851,85 euro.
64 urte betetzean: 922,64 euro.
Eta jorratzeko gai gehiago ez dagoenez, eta adierazitakoarekin adostasuna erakusteko, akta honetako edukia onesten duten batzorde paritarioko kideek sinatzen dute, hots, batzordeko kideen %80k.
Iragarkiaren kodea: F0706573
