I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
JENDAURREKO INFORMAZIOA, Enagasen Faltzes-Irurtzun gasbidearen G07.03 kokalekua Iruña-Altsasu gasbidearekin lotzea Itzako udal mugapean" izeneko gas naturaleko instalazioen proiektuarena.
Hidrokarburoen Sektoreari buruzko urriaren 7ko 34/1998 Legearen 73. eta 104. artikuluetan, Nahitaezko Desjabetzeari buruzko 1954ko abenduaren 16ko Legearen 17.ean eta haren Erregelamenduaren 56.ean aurreikusitakoari jarraikiz, ondoko ezaugarriak dituen instalazio proiektua jendaurrean jarri da:
Eskatzailea: Gas Natural Distribucion SDG, S.A., helbidea, jakinarazpenerako, Iruñeko Antso Azkarra etorbideko 26, behea (PK 31008).
_Eskariaren helburua:
1. Administrazio baimena, "Enagasen Faltzes-Irurtzun gasbidearen G07.03 kokalekua Iruña-Altsasu gasbidearekin lotzea Itzako udal mugapean" izeneko gas naturaleko instalazioak eraikitzeko".
2. Onura publikoa onartzea.
_Instalazioen ezaugarriak:
Proiektuaren xede den lotunea Enagasen G07.03 kokalekutik abiatuko da, Itzako udal mugapean, Galbarioko bidearen inguruetan, eta Faltzes-Irurtzun gasbidearen parez pare joanene da. Energia Politika eta Meatzetarako Zuzendaritza Nagusiaren 2006ko apirilaren 6ko Ebazpenaren bidez eman zitzaion Enagasi gasbide hori eraikitzeko baimena.
Adarraren hasiera Enagasen G07.03 kokalekuarekin lotzeko, horretarako bertan utzitako DN 14"-ko altzairuzko hodiarekin soldatuko da.
Iruña-Altsasu gasbidearekin lotzea, berriz, karga-hartune baten bidez eginen da bertan dagoen DN 8"-ko hoditik. Horretarako, hartuneak DN 8"-ko wytee bat izanen du, DN 8"-ko indargarri biribil osoarekin, 14"x8"-ko murrizketarekin DN 14"-ko hodiarekin lotzean. Amaieran DN 14"-ko balbula bat paratuko da. 73 metroko luzerako hodi bat erabiliko da, altzairuzkoa eta DN 14"-koa, API 5l zehaztapenaren arabera, GrB kalitatean edo balio bereko beste batean.
Aurrekontua: aurrekontua hamahiru mila seiehun eta berrogeita bi euro eta hogeita hiru zentimo da (13.642,23 euro).
Lanak egiteko epea: proiektatutako instalazioa, obrak hasita, hilabeteko epean eginen dela kalkulatu da.
_Finken gaineko eragina.
Finken ukipena, gasbidea eta instalazioak eraikitzearen ondoriozkoa, honako hau da:
1. Lur gaineko instalazio finkoak eraikitzeko behar diren lurren nahitaezko desjabetzea, jabari osoan.
2. Kanalizazioetarako:
a) Hodien trazadura osoan, hau da, gasa eramateko behar diren hodia, komunikazio kablea eta telemandoa lur azpitik doazen tokian, gasaren bide-zortasun iraunkorra izanen da, hiru metroko zabaleran, 1,5 metro ardatzaren alde bakoitzean. Zortasun horrek muga hauek izanen ditu jabariari dagokionez.
_Goldatu, zulatu edo antzeko lanak egiteko debekua, berrogeita hamar zentimetro (50 cm) baino sakonago, baita zuhaitzak edo zurtoin garaiko zuhaixkak sartzekoa ere.
_Edozein motatako lanak, eraikitzea, jasotzea, lur mugimenduak egiteko debekua, baita lurraren kota jaitsi edo instalazioen funtzionamenduari kalte edo traba ekar diezaiokeen beste ezein egintza egitekoa ere.
_Sarrera irekia, instalazioak zaindu eta mantentze-lanak egin, konpondu edo berritzeko beharrezkoak diren langile eta ekipoendako. Kalterik egiten bada, ordaindu egin beharko da.
_Seinaleak eta aireztatzeko hodiak jartzeko aukera izanen da eta, halaber, instalazioak egin edo abian jartzeko beharrezko liratekeen beste obra batzuk egin ahalko dira, lur gainean zein azpian.
b) Lehen zehaztutako zortasun iraunkorreko eremuaren ondoan segurtasun eremu bat egonen da, UNE 60-305-83n zehaztua, hodiaren ardatzaren alde bakoitzean bost metrokoa gehienez; eremu horretan zulatzeak edo lanak egiteak kanalizazioaren segurtasun baldintzak aldatzea ekar dezake, eta ez daude ezarririk aurreko mugak ez eta debekaturik ere zortasun eremuan debekaturik dauden lanak, betiere instalazioaren titularrari ohartarazten bazaio, kanalizaziorako izan daitezkeen arriskuak saihesteko egin beharrekoa egin dezan.
c) Aldi baterako okupazioa: proiektuan zehaztutako obrak egin beharraren eraginez, zehazki finka bakoitzarentzat desjabetzeko lurzatien planoetan ageri den bezala. Eremu horretan oztopo guztiak kenduko dira aldi baterako eta kanalizazioa eta erantsirik dauzkan elemantuak paratu eta instalatzeko behar diren lanak gauzatuko dira.
3. Konexio kableak eta babes katodikoko elementu hedatzaileak pasarazteko:
a) Bide zortasun iraunkorra ezartzea metro bateko zabalerako lur zerrenda batean; lotura kableak lurpean egonen dira bertan. Babes katodikoko elementu hedatzaileentzat, bide zortasun iraunkorreko lur zerrendaren zabalera izanen da instalazioak duena gehi alde bakoitzean metro bat. Zerrenda horiek muga hauek izanen dituzte:
_Debekaturik dago berrogeita hamar zentimetro baino sakonago goldatzea edo antzeko lanak egitea, eta zuhaitzak edo zuhaixkak landatzea eta edozein eratako obra edo eraikuntzak egitea, lotura kabletik edo elementu hedatzaileen instalazio lurperatuaren ertzetik hasi eta gutxienez 1,5 metroko tartea utzi gabe, alde batean zein bestean. Aipatu tarte horren barrenean dauden zuhaitz edo zuhaixkak moztu edo ateratzeko eskubidea izanen da.
_Langileak eta behar diren elementuak sartzen ahal dira instalazioak zaindu, mantendu, konpondu edo berritzeko, baina kalterik eginez gero, ordaindu beharko da.
b) Aldi bateko okupazioa, desjabetzapeneko lurzatien planoetan finka bakoitzerako ageri den eremuarena, obrak egiteko. Bertan traba guztiak kentzen ahalko dira. Halaber, kanalizazioaren instalazioak eta haiei erantsitako elementuak ezarri eta muntatzeko behar diren obrak eginen dira.
Aditzera ematen da orok jakin dezan, batez ere lur horien jabeek eta aipatu proiektuak ukitutako beste titularrek (horien zerrenda iragarki honen ondotik paratu da). Espedientea Industri Segurtasunerako Zerbitzuan aztertu ahalko da (Iruñeko Tomás Caballero Parkea, 15. solairua). Han berean interesatuek egoki iruditzen zaizkien alegazioak aurkeztu ahalko dituzte, hiru kopiatan, iragarki hau Nafarroako ALDIZKARI OFIZIALean argitara eman eta biharamunetik hasita 20 eguneko epean.
Iruñean, 2006ko azaroaren 22an._Industri Segurtasunerako Zerbitzuko zuzendaria, José Antonio Ayesa Usabiaga.
G07.03 KOKALEKUA IRUÑA-ALTSASU GASBIDEAREKIN LOTZEA
Ukitutako ondasun eta eskubideen zerrenda
IZ-01 Fco. Javier Ilundain Aldaba 73 219 669 1 4 10 45 Lehorreko lurra.
San Salvador kalea, 26
31172 Arteta (Nafarroa)
Iragarkiaren kodea: F0618822
