I. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
9/2007 FORU AGINDUA, urtarrilaren 9koa, Nekazaritza, Abeltzaintza eta Elikadura kontseilariak emana, "Nafarroa" Jatorrizko Deituraren Kontseilu Arauemailea berritzeko hauteskundeetarako dei egin duen urriaren 25eko 333/2006 Foru Agindua aldatzen duena.
Nekazaritza, Abeltzaintza eta Elikadura kontseilariak urriaren 25ean emandako 333/2006 Foru Aginduaren bidez, "Nafarroa" Jatorrizko Deituraren Kontseilu Arauemailea berritzeko hauteskundeetarako dei egin zen.
Kontseilu Arauemaileak berandu aurkeztu ditu hautesle erroldak Deituraren Hauteskunde Batzordean, eta, bestalde, Deituraren Hauteskunde Batzordeko idazkariari ordezkoa jartzea komeni da batzordea egoki eratu eta aritu dadin; horregatik, beharrezkoa da hauteskundeen egutegia eta Deituraren Hauteskunde Batzordearen osaera aldatzea.
Horrenbestez, Nafarroako Gobernuari eta lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz,
AGINDU DUT:
1. artikulua. Nekazaritza, Abeltzaintza eta Elikadura kontseilariak urriaren 25ean emandako 333/2006 Foru Aginduaren 3.1 artikulua aldatzea. Agindu horren bidez "Nafarroa" Jatorrizko Deituraren Kontseilu Arauemailea berritzeko hauteskundeetarako dei egin zen. Hona hemen testu aldatua:
"Idazkaria: "Nafarroa" Jatorrizko Deituraren Kontseilu Arauemaileko idazkaria edo, hori izan ezean, APT bat (arlo juridikoa), Nekazaritza, Abeltzaintza eta Elikadura Departamentuak izendatua."
2. artikulua. "Nafarroa" Jatorrizko Deituraren Kontseilu Arauemailea berritzeko hauteskundeetarako dei egin zuen urriaren 25eko 333/2006 Foru Aginduaren I. eranskina aldatzea. Hona hemen testu aldatua:
I. ERANSKINA
"Nafarroa" Jatorrizko Deituraren Kontseilu Arauemailea berritzeko hauteskundeen egutegia
I Z A P I D E A MUGAEGUNA
Hauteskunde Batzordeetarako ordezkariak jakinaraztea (HBN eta DHB) Azaroaren 21a
Hauteskunde Batzorde Nagusiko kideak izendatzea Azaroaren 22a
Nekazaritza, Abeltzaintza eta Elikadura kontseilariaren aurrean
errekurtsoak aurkeztea, kideen izendapenaren aurka Azaroaren 24a
Errekurtsoen gainean ebaztea Azaroaren 28a
Hauteskunde Batzordeak osatzea Abenduaren 11
Kontseilu Arauemaileak erroldak aurkeztea Abenduaren 11
Erroldak jendaurrean jarri eta DHBaren aurrean erreklam. aurkeztea Urtar. 15etik 24ra
Erreklamazioen gainean ebaztea Urtarrilaren 29a
Erreklam. gaineko ebazp. aurkako errekur. HBNaren aurrean Otsailaren 5a
HBNak errekurtsoen gainean ebaztea Otsailaren 8a
Behin betiko erroldak aurkeztea Otsailaren 9a
Hautagai zerrendak aurkeztea Otsailaren 16a
Hautagaiak aldarrikatzea Otsailaren 19a
Hautagaien aldarrikapenaren aurkako erreklamazioak Otsailaren 26a
DHBak erreklamazioen gainean ebaztea Otsailaren 28a
Erreklamazioen gaineko ebazpenaren aurkako errekurtsoak Martxoaren 5a
HBNak errekurtsoen gainean ebaztea Martxoaren 7a
Hauteskunde Mahaietako kideak izendatzea Martxoaren 10a
Mahaikideen aitzakiak Martxoaren 14a
DHBak aitzakien gainean ebaztea Martxoaren 16a
Mahaiak osatzea eta bozkatzea Martxoaren 21a
Kideak aldarrikatzea Martxoaren 22a
Kideen aldarrikapenaren aurkako errekurtsoak Martxoaren 26a
HBNak errekurtsoen gainean ebaztea Martxoaren 29a
Kredentzialak igortzea Martxoaren 30a
Kide berriak karguaz jabetzea Apirilaren 3a
3. artikulua. Foru agindu hau Nafarroako ALDIZKARI OFIZIALean argitaratzea, behar diren ondorioak izan ditzan.
Azken xedapena._Foru agindu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, 2007ko urtarrilaren 9an._Nekazaritza, Abeltzaintza eta Elikadura kontseilaria, José Javier Echarte Echarte.
Iragarkiaren kodea: F0700398
