I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
31/2007 FORU AGINDUA, otsailaren 12koa, Nekazaritza, Abeltzaintza eta Elikadura kontseilariak emana, 2007rako Nekazaritzako Aseguru Konbinatuen Planeko nekazaritzako aseguru zenbait hitzartzeko dirulaguntzak emateko deialdia onesten duena.
Nekazaritzako finantzaketari buruzko lege-xedapenen Testu Bategina onesten duen otsailaren 16ko 54/1998 Legegintzako Foru Dekretuaren 1. eta 2. artikuluen arabera, Nafarroako Gobernuak laguntzak emanen ditu halakoak jasotzen ahal diren nekazaritzako ekoizpenak eta arriskuak aseguratzeko, eta nekazaritzako ondasunen gaineko aseguruen kontratazioaren kostuan parte hartuko du. Legegintzako foru dekretu horrek, VI. tituluan, Nekazaritza eta Abeltzaintzako aseguru-primetarako laguntzak arautzen ditu, eta bertan ezartzen du Nekazaritza, Abeltzaintza eta Elikadura kontseilariak urtero onetsi eta argitaratuko dituela laguntzak jasotzen ahal dituzten aseguru-lerroak, Nekazaritzako Aseguru Konbinatuen Urteko Planean sarturik dagoen aseguru bakoitzaren ezaugarrien berri duen une berean.
Ministroen Konseiluak, 2006ko abenduaren 7an, 2007rako Nekazaritzako Aseguru Konbinatuen Plana onetsi zuen. Urtarrilaren 16ko PRE/39/2007 Aginduaren bidez, Estatuko Administrazio Nagusiak Nekazaritzako Aseguru Konbinatuen Planeko nekazaritzako aseguru zenbait hitzartzeko emanen dituen dirulaguntzak arautu ziren.
Beste urte batzuetan bezala, Nekazaritza, Abeltzaintza eta Elikadura Departamentuak, 54/1998 Legegintzako Foru Dekretuan xedaturikoa betez, Estatuko Administrazio Nagusiak harturiko neurriak osatzen dituzten bestelako dirulaguntzak eman nahi ditu, Nekazaritza Sektoreari buruzko Europar Batasuneko Jarraibideetan ezarririko mugen barruan, ekoizpenak edo nekazaritzako baliabideek sufrituriko kalteak ordaintzeko.
Foru agindu honi Nekazaritzaren Finantzaketari buruzko otsailaren 16ko 54/1998 Legegintzako Foru Dekretua eta Dirulaguntzei buruzko azaroaren 9ko 11/2005 Foru Legea aplikatuko zaizkio.
Horrenbestez, Nafarroako Gobernuari eta lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz,
AGINDU DUT:
1. 2007rako Nekazaritzako Aseguru Konbinatuen Planeko nekazaritzako aseguru zenbait hitzartzeko dirulaguntzak emateko deialdia onestea.
2. Deialdiaren arauak onestea. Arau horiek foru agindu honen eranskinean daude.
3. Foru agindu honen ondoriozko konpromisoei aurre egiteko 4.272.000,00 euroko gastua onestea, 2007ko gastuen aurrekontuetako "Aseguru primen konpentsazioa" izeneko 700000 71000 4700 411100 kontusailaren kargura.
4. Foru agindu hau eta eranskina Nafarroako ALDIZKARI OFIZIALean argitaratzea.
5. Foru agindu honek Nafarroako ALDIZKARI OFIZIALean argitaratu eta biharamunetik aurrera izanen ditu ondorioak.
Iruñean, 2007ko otsailaren 12an._Nekazaritza, Abeltzaintza eta Elikadura kontseilaria, José Javier Echarte Echarte.
ERANSKINA
2007rako Nekazaritzako Aseguru Konbinatuen Planeko nekazaritzako aseguru zenbait hitzartzeko dirulaguntzak emateko deialdiko arauak
Lehenbizikoa._Xedea.
1. Deialdi honen xedea 2007rako Nekazaritzako Aseguru Konbinatuen Planeko nekazaritzako aseguru zenbait hitzartzen dituzten nekazari eta abeltzainei laguntzea da, Nafarroako Foru Komunitatean dauden nekazaritzako ondasunetarako, Estatuko Administrazio Nagusiak helburu bererako ematen dituen dirulaguntzen osagarri.
Nafarroan aplikatzekoak diren Nekazaritzako Aseguru Konbinatuen Plan indardunaren barruan hitzarturiko aseguruen kostua pagatuko da, azkeneko helburu gisa, sarpen indizea aseguruaren ehuneko ehunekoa izan dadin pizgarri horren beharra badaukate eta nekazariak edo abeltzainak bere gain hartzen ahal duen oihartzun batekin.
2. Nekazaritzako Finantzaketari buruzko lege mailako xedapenen Testu Bategina onetsi zuen otsailaren 16ko 54/1998 Legegintzako Foru Dekretuak ezartzen dituen baldintzetan eta betebehar orokorren arabera, aseguruko lerro hauek kontratatzeko kosturako dirulaguntzak emanen dira:
a) Nekazaritzako Aseguru Konbinatuen 2007ko Planaren bidez hitzartutako nekazaritzako aseguruak, lerro hauetan:
_Aseguru konbinatua eta salbuespenezko kalteetarako: arbeletxekoa, gerezia, arana, sagarra, mertxika, udarea, kiwia, ardotarako mahatsa eta ardo kooperatiben kostu finkoak estaltzeko berme gehigarria, arroza, udaberriko zerealak, zerba, baratxuria, orburua, brokolia, tipula, azalorea, ziazerba, ilar berdea, baba berdea, leka, uhaza, patata, piperra, tomatea eta azenarioa.
_Etekinen asegurua: arbendolondoa, oliba eta elorri beltza Nafarroako Foru Komunitatean eta belarkien laborantza estentsiboak.
_Aseguru integrala: neguko zerealak lehorreko lurretan.
_Ustiategiko asegurua: fruitarbolak eta ardotarako mahatsa.
Inolako kasuetan ez da dirulaguntzarik emanen aipatu laboreen aseguru osagarrietarako.
b) Nekazaritzako Aseguru Konbinatuen 2007ko Planaren bidez hitzartutako abeltzaintzako aseguruak, lerro hauetan:
_Ustiategiko asegurua: haragitarako eta erruteko hegazti-azienda, behor-azienda, ardi-azienda eta ahuntz-azienda, ugalketarako eta aurrerakoen hazkuntzarako behi-azienda, gizentzeko behi-azienda eta zezenketetarako behi-azienda.
_Balorazio genetiko handiko behi-aziendaren asegurua.
_Larreak idortzeak eginiko kalteak estaltzeko asegurua.
_Behi-aziendaren entzefalopatia espongiformearen asegurua.
_Abeltegian hildako behi-azienda deuseztatzearen ondoriozko gastuen asegurua.
_Abeltegian hildako behi-azienda deuseztatzearen ondoriozko gastuen aseguru berriztagarria.
_Abeltegian hildako behi-azienda ez beste animaliak deuseztatzearen ondoriozko gastuen asegurua.
Bigarrena._Dirulaguntzaren zenbatekoa.
1. Nafarroako Gobernuko Nekazaritza, Abeltzaintza eta Elikadura Departamentuak aurreko arauko aseguruei eman beharreko dirulaguntzetarako hurrengo portzentaje hauek finkatu dira, Estatuak Nekazaritzako Aseguruen Estatuko entitatearen bidez (ENESA) horretarako ematen dituen dirulaguntzei dagokienez:
1.1._Nekazaritzako aseguruak.
a) %64.
_Udaberriko zerealak babesteko aseguru konbinatuan eta haiei eginiko salbuespenezko kalteetarako aseguruan.
b) %58
_Orburua, brokolia eta azalorea babesteko aseguru konbinatuan eta haiei eginiko salbuespenezko kalteetarako aseguruan.
c) %56
_Sagarra, mertxika, udarea, arana eta arbeletxekoa babesteko aseguru konbinatuan eta haiei eginiko salbuespenezko kalteetarako aseguruan.
d) %49
_Arbendolondoak, olibak eta elorri beltzak Nafarroako Foru Komunitatean dituzten etekinen asegurua.
_Fruitarbolen eta ardotarako mahatsaren ustiapeneko asegurua.
e) %48
_Gerezia, kiwia, arrazoa, zerba, baratuxia, tipula, ziazerba, ilar berdea, baba berdea, laka, uhaza, patata, biperra, tomatea eta azenarioa babesteko aseguru konbinatuan eta haiei eginiko salbuespenezko kalteetarako aseguruan.
f) %43
_Ardotarako mahatsa eta ardo kooperatiben kostu finkoak estaltzeko berme gehigarria babesteko aseguru konbinatuan eta haiei eginiko salbuespenezko kalteetarako aseguruan.
g) Belarkien lehorreko laborantza estentsiboen ustiategien etekinen aseguruetan eta neguko lehorreko zerealen aseguru integralean, ondoko dirulaguntza hauek emanen dira, ENESAk ematen dituenei buruz:
_%66 Erriberako udal mugape guztietan.
_%58 Erdialdeko Caparroso, Zarrakaztelu, Faltzes, Melida, Murillo el Cuende, Murillo el Fruto, Erriberri, Pitillas, Santakara eta Plano de Bardenasko udal mugapeetan eta Estellerriko Allo, Los Arcos, Arellano, Armañantzas, Arroitz, Bargota, Deikaztelu, El Busto, Mues, Santsol, Torres del Río eta Vianako udal mugapeetan.
_%32 Estellerriko eta Erdialdeko gainerako udal mugapeetan.
_%10 Nafarroa Hezeko Eskualdea-Mendialde Beherean eta Pirinioetako eskualdean.
h) Belarkien lehorreko laborantza estentsiboen ustiategien etekinen aseguruetan eta neguko lehorreko zerealen aseguru integralean, ondoko dirulaguntza hauek emanen dira, ENESAk ematen dituenei buruz:
_%58 Erriberako udal mugape guztietan.
_%8 Erdialdeko Caparroso, Zarrakaztelu, Faltzes, Melida, Murillo el Cuende, Murillo el Fruto, Erriberri, Pitillas, Santakara eta Plano de Bardenasko udal mugapeetan eta Estellerriko Allo, Los Arcos, Arellano, Armañantzas, Arroitz, Bargota, Deikaztelu, El Busto, Mues, Santsol, Torres del Río eta Vianako udal mugapeetan.
_%28 Estellerriko eta Erdialdeko gainerako udal mugapeetan.
_%10 Nafarroa Hezeko Eskualdea-Mendialde Beherean eta Pirinioetako eskualdean.
1.2._Abeltzaintzako aseguruak.
a) %90
_Abeltegian hildako behi-azienda eta behi-azienda ez beste animaliak deuseztatzearen ondoriozko gastuen aseguruan.
_Abeltegian hildako behi-azienda deuseztatzearen ondoriozko gastuen aseguru berriztagarrian.
b) %50
_Behi-aziendaren entzefalopatia espongiformearen aseguruan.
c) %36
_Larreak idortzeak eginiko kalteak estaltzeko aseguruan.
d) %26
_Haragitarako eta erruteko hegazti-azienda, behor-azienda, ardi-azienda eta ahuntz-azienda, ugalketarako eta aurrerakoen hazkuntzarako behi-azienda, gizentzeko behi-azienda eta zezenketetarako behi-azienda ustiatzeko aseguruan.
_Balorazio genetiko handiko behi-aziendaren aseguruan.
Hirugarrena._Onuradunak.
Asegurudunak, foru agindu honetan ezartzen diren laguntzak jaso ahal izateko, nekazaritzako ustiategi baten titular izan beharko du eta ustiategia Nafarroako Nekazaritza Ustiategien Erregistroan inskribatuta eduki (uztailaren 2ko 150/2002 Legegintzako Foru Dekretuak arautzen du erregistroa).
Gainera, Dirulaguntzei buruzko azaroaren 9ko 11/2005 Foru Legean ezarririko betebehar guztiak bete beharko ditu:
Laugarrena._Eskatutako betebeharrak frogatzeko modua.
Asegurudunak edo haren izenean hitzartzen duenak kontratu poliza hitzartzea dirulaguntzaren eskaeratzat joko da, Nekazaritza, Arrantza eta Elikadura Ministerioak hitzartzeko epeetan egiten baldin bada eta zuzen bete bada edo, bidezko bada, Agrupación Española de Entidades Aseguradoras de los Seguros Agrarios Combinados, S.A (Agroseguro) delakoak zuzendu badu, bai kontratuen osagaiei dagokienez, aplikatzekoa den arautegian xedaturikoarekin bat, bai hitzarturiko polizari dagokion dirulaguntza zehazteko behar diren datu guztiei dagokienez ere.
Aseguru poliza kontratatzearekin batera, asegurudunak adieraziko du Dirulaguntzei buruzko azaroaren 9ko 11/2005 Foru Legeko 13. artikuluan eskatzen diren betebehar guztiak betetzen dituela.
Asegurudunek, nekazaritzako poliza kontratatzeagatik, baimena emanen diote Nekazaritza, Abeltzaintza eta Elikadura kontseilariari, beharrezkoa bada, argibideak beste departamentu edo administrazio batzuei uztea eskatu ahal izateko, informatika edo telematika bidez, foru agindu honetan eta 11/2005 Foru Legean eskatzen diren betebeharrak betetzen direla egiaztatzeko, zerga eginbeharrak betetzeari dagokionez, eta foru agindu honen bidez arauturiko dirulaguntzak eskuratzeko betebeharrak betetzen direla ziurtatzeko beste edozein argibide ere bai.
Bosgarrena._Eskabideak aurkezteko epea eta eskatutako baldintzak frogatzeko modua.
1. Nekazaritzako Finantzaketaren gaineko legezko xedapenen Testu Bategina onetsi zuen otsailaren 16ko 54/1998 Legegintzako Foru Dekretuan xedatutakoa betez, Nekazaritza, Abeltzaintza eta Elikadura Departamentuan agiri hauek aurkeztu beharko dira: hitzarturiko polizei buruzko argibideak eta horiekin batera haien zerrenda laburra, kontu hauek guztiak bilduko dituena: asegurudun bakoitzaren kasuan, aseguratutako unitateak, aseguratutako ekoizpenak, aseguratutako ekoizpenaren balioa, aseguruaren kostu osoa, hobariak eta deskontuak, ENESAren dirulaguntza eta nekazariak pagatzen duen aseguruaren kostua, edo, bestela, hitzartutako polizen zerrenda euskarri magnetikoan, non polizako kontzeptu guztiak adieraziko baitira, asegurudun bakoitzaren kasuan.
2. Aurreko idatz-zatian aipatzen diren agiriak aurkezteko epea gehienez ere hogeita hamar egunekoa izanen da, poliza hitzartzen denetik hasita.
Seigarrena._Dirulaguntza emateko modua, lehentasunak eta irizpide objektiboak.
Dirulaguntzak banakako ebaluazioaren bidez emanen dira.
Zazpigarrena._Ebaluazio organoa.
Nekazaritza Zerbitzuak ebaluatuko ditu eskabideak.
Zortzigarrena._Deialdia antolatu, instruitu eta bukatutzat ematea.
1. Eskabidea harturik, egiaztatuko da hirugarren eta laugarren arauetan ezarririko betebeharrak betetzen dituela eta bosgarren arauan aipatzen diren agiriak aurkeztu direla. Bosgarren arauan eskaturiko agiri guztiak aurkeztu ezik, interesatuari eskatuko zaio gehienez ere hogeita hamar eguneko epean zuzen ditzala. Aditzera emanen zaio, horrela egin ezik, ulertuko dela bere eskabidea bertan behera utzi duela eta espedientea artxibatzeko ebazpena emanen da. Ebazpen hori jakinaraziko zaio.
2. Eskabidea ebaluatu ondoren, Nekazaritza Zerbitzuak ebazpena proposatuko du.
3. Nekazaritza eta Abeltzaintza zuzendari nagusiak edo, laguntza 100.000 eurotik gorakoa bada, Nekazaritza, Abeltzaintza eta Elikadura kontseilariak ebazpena emanen du dirulaguntzei buruz, arrazoiak barne.
4. Prozeduraren gainean ebazteko epea 6 hilabetekoa izanen da. Epea espresuki ebazpenik gabe bukatzen bada, eskabidea ezetsitzat joko da.
Bederatzigarrena._Onuradunaren betebeharrak.
Onuradunek Dirulaguntzei buruzko azaroaren 9ko 11/2005 Foru Legeko 9. artikuluan ezarritako beharkizunak bete beharko dituzte.
Hamargarrena._Dirulaguntzaren helburua lortu dela eta harturiko dirua erabili dela frogatzeko epea eta modua.
Dirulaguntzaren xedeak bete direla eskabidearen batera frogatuko da. Orduantxe aurkeztuko dira hitzarturiko poliza eta horren ordainagiria.
Hamaikagarrena._Pagatzeko modua eta epeak.
Nafarroako Foru Komunitateko Administrazioak Agrosegurori pagatuko dizkio laguntzak. Horretarako, entitate horrek aldian-aldian behar diren likidazioak aurkeztuko ditu. Haien zenbatekoak hartzaileek edo asegurudunek aurkezturiko zenbatekoekin alderatuko dira.
Hamabigarrena._Interes publikoak bermatzeko neurriak.
Ez da berme berezirik ezarri.
Hamahirugarrena._Laguntzen bateragarritasuna.
Dirulaguntza hau Estatuko Administrazio Nagusiak helburu bererako ematen duenakin bateratzen ahal da eta horren osagarri da.
Hamalaugarrena._Onuradunaren betebeharrak publizitate arloan.
Ez dira finkatu.
Hamabosgarrena._Hornitzaileak kontratatzeko eraginkortasuna eta ekonomia frogatzeko modua.
Hornitzaileak kontratatzeko eraginkortasuna eta ekonomia frogatu beharrik ez dago, gastua dirulaguntza kobratu baino lehen egitekoa baita.
Hamaseigarrena._Kontzesioaren aldaketa, ezarririko baldintzak ez betetzeagatik.
Laguntza emateko ebazpena kasu hauetan aldatuko da: asegurua osorik edo hein batean bertan behera uzten denean, dirulaguntzaren zati bat kenduko da, onuradunak itzuli beharko duena.
Hamazazpigarrena._Ezarritako baldintzak ez betetzearen ondorioak.
Foru agindu honetan eskatutako betebeharrak eta hartutako konpromisoak bete ezean, dirulaguntza itzuli egin beharko da, eta litekeena da zehapenak ezartzea.
Diru-itzulketa, arau-hauste eta zehapenen arloan, Dirulaguntzei buruzko azaroaren 9ko 11/2005 Foru Legearen 35., 42. eta 43. artikuluetan xedatutakoari jarraikiko zaio.
Hemezortzigarrena._Deialdiaren aurkako errekurtso administratiboak.
Deialdi honen eta arauen kontra gora jotzeko errekurtsoa jar daiteke, Nafarroako Gobernuari zuzendua, argitaratu eta biharamunetik hasita hilabeteko epean.
Hemeretzigarrena._Emandako dirulaguntzen argitalpena.
Deialdi honetako laguntzak hartzen dituztenen zerrenda Nekazaritza, Abeltzaintza eta Elikadura Departamentuko iragarki oholean argitaratuko da, Iruñeko Tutera kaleko 20an.
Iragarkiaren kodea: F0702673
