155. ALDIZKARIA - 2007ko abenduaren 14a

I. NAFARROAKO FORU KOMUNITATEA

1.3. BESTELAKO XEDAPENAK

1.3.6. Beste batzuk

329/2007 EBAZPENA, azaroaren 6koa, Ikuskapenaren eta Zerbitzuen zuzendari nagusiak emana, Noain-Elortzibarko Udalaren "Julián Gayarre" Musika Eskolaren baimena aldatzen duena, espezialitate gehiago eskaintzeko.

Juan Francisco Balda Garraldak, Noain-Elortzibarko "Julián Gayarre" Musika Eskolaren Udal Patronatuko lehendakariak, baimena eskatu du "Tronpeta" musika-tresnaren espezialitatea irakatsi ahal izateko.

Ikusirik Zerbitzuak Ikuskatzeko eta Ikuskapen Teknikorako Zerbitzuak emandako adostasun txostena.

Nafarroako Foru Komunitateko Musika eta Dantza Eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuko 29. artikuluak ezarritakoa ikusirik (1993ko urtarrilaren 22ko Nafarroako ALDIZKARI OFIZIALa).

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz, eta Ikastetxeen, Ikasketetarako Laguntzen eta Azterlan Ekonomikoen Zerbitzuak proposaturik,

EBATZI DUT:

1. Baimena ematen zaio Noain-Elortzibarko Udalaren "Julián Gayarre" Musika Eskolari (ikastetxearen kodea: 31001262) tronpeta musika-tresnaren espezialitateko ikasketak emateko, 2007/2008 ikasturtetik aurrera.

2. Hemendik aurrera, eskolak 421/1992 Foru Dekretuaren 9. artikuluko 1. idatz-zatian aipatzen den oinarrizko eskaintzako ikasketak emateko baimena izanen du, espezialitate hauetan: akordeoia, kantua, klarinetea, zeharkako txirula, gitarra, perkusioa, pianoa, saxofoia, tronboia, tronpeta, txistua eta biolina.

3. Departamentu honen baimena beharko da eskolaren osaera aldatzeko, baldin eta 421/1992 Foru Dekretuko 29. artikuluak aipatua ukitzen badu aldaketak.

4. Foru dekretu horretako 31. artikuluan aipatutako kasuetan, Eskolaren baimena baliorik gabe uzten ahalko da.

5. Ohartarazten da ezen, 421/1992 Foru Dekretuko 20. artikuluarekin bat, Eskolaren titularra den entitateak ordainduko dituela ebazpen honen bidez baimendutako ikasketen gastuak.

6. Administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko du, Nafarroako Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan aurreikusitako moduan eta epeetan.

7. Ebazpen hau Nafarroako ALDIZKARI OFIZIALean argitaratuko da.

8. Ebazpen hau igortzea "Julián Gayarre" Musika Eskolaren Udal Patronatuko lehendakariari, Zerbitzuak Ikuskatzeko eta Ikuskapen Teknikorako Zerbitzuari, Ikastetxeen eta Ikasketetarako Laguntzen eta Azterlan Ekonomikoen Zerbitzuari, Ikastetxeen eta haien Finantzaketaren Atalari eta Arte-ikasketen Atalari, Informazioa Kudeatzeko Bulegoari, Ikastetxe Publikoak Finantzatzeko Bulegoari eta Ikastetxeak Baimendu eta Erregistratzeko Bulegoari.

Iruñean, 2007ko azaroaren 6an.-Ikuskapenaren eta Zerbitzuen zuzendari nagusia, Francisco Javier Esparza Sánchez.

Iragarkiaren kodea: F0717504