130. ALDIZKARIA - 2006ko urriaren 30a

I. NAFARROAKO FORU KOMUNITATEA

1.1. XEDAPEN OROKORRAK

1.1.4. Ebazpenak

1011/2006 EBAZPENA, urriaren 10ekoa, Eskola eta Lanbide Irakaskuntzaren zuzendari nagusiak emana, Nafarroako Foru Komunitateko lurraldean dauden Lehen Hezkuntzako ikastetxe publikoetako, Haur eta Lehen Hezkuntzako ikastetxe publikoetako, Hezkuntza Bereziko ikastetxe publikoetako eta Helduen Oinarrizko Hezkuntzako ikastetxe publikoetako Eskola Kontseiluak hautatu, partez berritu eta eratzeko jarraibideak onesten dituena.

Eskola Antolamendu eta Berriztapenerako Zerbitzuko zuzendariak adostasun txostena eman du Lehen Hezkuntzako ikastetxe publikoetako, Haur eta Lehen Hezkuntzako ikastetxe publikoetako, Hezkuntza Bereziko ikastetxe publikoetako eta Pertsona Helduen Oinarrizko Hezkuntzako ikastetxe publikoetako Eskola Kontseiluak hautatu, partez berritu eta eratzeko, hezkuntza komunitateko sektore guztien parte hartzea bermatzeko asmoz.

Ebazpen honek xedea du ikastetxe horietako Eskola Kontseiluak hautatu, partez berritu eta eratzeko deialdia egitea, ondoko arau hauek kontuan harturik: Irakaskuntza ez-unibertsitarioen arloko eginkizun eta zerbitzuak Estatuko Administraziotik Nafarroako Foru Komunitatera eskualdatzea onetsi zuen abuztuaren 31ko 1070/1990 Errege Dekretua, Hezkuntzari buruzko maiatzaren 3ko 2/2006 Lege Organikoa, Nafarroako Foru Komunitatean dauden Haur Hezkuntzako eskola publikoen, Lehen Hezkuntzako ikastetxe publikoen eta Haur eta Lehen Hezkuntzako ikastetxe publikoen Erregelamendu Organikoa onetsi zuen otsailaren 10eko 24/1997 Foru Dekretua (II. tituluko II. kapitulua. A. "Eskola Kontseilua", lehenbiziko xedapen gehigarria eta lehenbiziko eta hirugarren xedapen iragankorrak) eta Helduen Oinarrizko Hezkuntza arautzen duen uztailaren 6ko 255/1999 Foru Dekretua.

Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluko d) idatz-zatiak ematen dizkidan ahalmenak erabiliz,

EBATZI DUT:

Lehena._Nafarroako Foru Komunitateko lurraldean dauden Lehen Hezkuntzako ikastetxe publikoetako, Haur eta Lehen Hezkuntzako ikastetxe publikoetako, Hezkuntza Bereziko ikastetxe publikoetako eta Helduen Oinarrizko Hezkuntzako ikastetxe publikoetako Eskola Kontseiluak hautatu, partez berritu eta eratzeko jarraibideak onestea, bai eta eranskinak ere. Hona hemen:

I._Aplikazio eremua.

1. Ebazpen hau ondoko hauetan aplikatuko da: Lehen Hezkuntzako ikastetxe publikoetan, Haur eta Lehen Hezkuntzako ikastetxe publikoetan, Hezkuntza Bereziko ikastetxe publikoetan, Helduen Oinarrizko Hezkuntzako ikastetxe publikoetan, Derrigorrezko Bigarren Hezkuntzako lehen zikloa behin-behinekoz eta aldi baterako ematen duten Lehen Hezkuntzako ikastetxe publikoetan eta Haur eta Lehen Hezkuntzako ikastetxe publikoetan, eta herrian Derrigorrezko Bigarren Hezkuntzako institutuekin batera funtzionatzen duten Lehen Hezkuntzako ikastetxe publikoetan eta Haur eta Lehen Hezkuntzako ikastetxe publikoetan, baldin eta:

_Euren Eskola Kontseiluak lehenbiziko aldiz hautatu behar badituzte.

_Euren Eskola Kontseiluak partez berritu behar badituzte, hau da, erdietako bat berritu behar badute hartan hautatutako kideak egoteko denbora bukatu delakoz.

2. Erdietako bakar bat ere berritu behar ez bada, zuzendariak ebazpen hau aplikatzen ahalko du, Eskola Kontseiluen bi erdietako sektore batean edo gehiagotan postu hutsak daudenean.

3. Ebazpen honek aipatzen dituen ikastetxeetako Eskola Kontseiluak hautatu eta partez berritzeko deialdia otsailaren 10eko 24/1997 Foru Dekretuaren II. tituluaren II. kapituluko A letran ("Eskola Kontseilua"), hirugarren xedapen iragankorrean eta, hala behar izanez gero, bigarren xedapen gehigarrian eta lehenbiziko xedapen iragankorrean horri buruz ezarritakoari lotuko zaio. Helduen Oinarrizko Hezkuntzako ikastetxe publikoei dagokienez, uztailaren 6ko 255/1999 Foru Dekretuaren 32. artikuluari jarraikiko die.

II._Hauteskunde prozesua prestatzea.

1. Ebazpen honek aipatzen dituen ikastetxeetako Eskola Kontseiluak hautatu eta partez berritzeko deialdia otsailaren 10eko 24/1997 Foru Dekretuaren II. tituluaren II. kapituluko A letran ("Eskola Kontseilua"), hirugarren xedapen iragankorrean eta, hala behar izanez gero, bigarren xedapen gehigarrian eta lehenbiziko xedapen iragankorrean horri buruz ezarritakoari lotuko zaio. Helduen Oinarrizko Hezkuntzako ikastetxe publikoei dagokienez, uztailaren 6ko 255/1999 Foru Dekretuaren 32. artikuluari jarraikiko die.

2. Ikastetxeetako zuzendariek hezkuntza komunitateko sektore bakoitzaren hauteskunde errolda eginen dute. Erroldak datu hauek bildu beharko ditu: bozkatzeko eskubidea duten pertsonen izena, abizenak eta NAN zk. Hori dela eta, kontuan izan behar da gurasoen ordezkaria hautatzeko eta hautatua izateko eskubidea ikastetxeko ikasleen aitak eta amak daukatela edo, halakorik izanez gero, legezko ordezkariak.

Halaber, Hauteskunde Batzordeko kide titular eta ordezkoak hautatzeko zozketak antolatuko dituzte, publikotasun eta berdintasun printzipioak bermatuz. Orobat, behar diren prestaketa lan guztiak eginen dituzte hauteskunde prozesuaren jarduketak errazteko.

III._Hauteskunde Batzordea.

1. Hauteskunde Batzordea, hauteskunde prozedurari ekiteko, ekitaldi publikoan eratuko da azaroaren 2tik aitzina. Hauteskunde Batzordeak ondoko kide hauek izanen ditu:

_Ikastetxeko zuzendaria, buru izanen dena.

_Unitate bat baino gehiagoko ikastetxeetan, irakasle bat.

_Ikaslearen aita, ama edo legezko ordezkari bat.

Azken biak zozketa bidez hautatuko dira hauteskunde errolda bakoitzean inskribaturik daudenen artetik. Ordezkoak modu berean hautatuko dira.

2. Helduen Oinarrizko Hezkuntzako ikastetxe publikoetan, gurasoen ordezkariaren partez, ikasleen ordezkari bat izanen da Hauteskunde Batzordean. Zozketa bidez hautatuko da hauteskunde errolda bakoitzean inskribaturik daudenen artetik, eta ordezkoa ere modu berean hautatuko da.

3. Hala ere, ebazpen honen I.2 puntuan azaltzen den kasuan, bete behar ez den sektorekoak diren batzordekideak parte hartzetik salbuesten ahalko ditu zuzendariak.

4. Hauteskunde Batzordearen eskumenak otsailaren 10eko 24/1997 Foru Dekretuaren 12. eta 13. artikuluetan eta ebazpen honetan adierazitakoak dira.

IV._Hauteskunde mahaiak.

1. Bozketa egunean irakasle eta gurasoentzako hauteskunde mahaiak eratuko dira, otsailaren 10eko 24/1997 Foru Dekretuaren 15. eta 16. artikuluetan aurreikusitakoaren arabera.

Hauteskunde Mahaiak bozketa gobernatu, hauteskundearen garbitasuna zaindu eta bozak kontatuko ditu.

2. Irakasleen hauteskunde mahaia ikastetxeko zuzendariak, mahaiburu lana eginen baitu, ikastetxean urte gehien daraman irakasleak eta urte gutxien daramanak osatuko dute. Azken horrek idazkari lana eginen du. Antzinatasun berdineko irakasle batzuk baldin badira, antzinatasun handienekoen artean irakasle zaharrena izanen da mahaikide eta antzinatasun txikienekoen artean gazteena.

3. Gurasoen hauteskunde mahaiko kideak ikastetxeko zuzendaria, mahaiburu ariko dena, eta lau guraso edo legezko ordezkari, zozketaz aukeratuak, izanen dira. Haietatik gazteenak idazkari lana eginen du. Hauteskunde Batzordeak ordezkoak, hauek ere zozketa bidez aukeratuak, izendatuko ditu.

4. Helduen Oinarrizko Hezkuntzako ikastetxe publikoetan ez da gurasoen sektoreko hauteskunde mahairik izanen. Baina ikasleen hauteskunde mahaia izanen da eta kide hauek izanen ditu: ikastetxeko zuzendaria, mahaiburu arituko dena, eta bi ikasle, zozketaz aukeratuak. Ikasle zaharrenak idazkari lana eginen du.

V._Hautatu beharreko ordezkariak eta hautagaien zerrendak.

1. Sektore bateko kide guztiek eskubidea dute hautesle eta hautagai izateko, otsailaren 10eko 24/1997 Foru Dekretuaren 14. artikuluak irakasleen sektorerako aipatzen dituen berezitasunak kontuan harturik.

2. Eskola Kontseiluaren osaketa, ikastetxe bakoitzak duen unitate kopuruaren araberakoa, Helduen Oinarrizko Hezkuntzako ikastetxe publikoak barne, otsailaren 10eko 24/1997 Foru Dekretuaren 9. artikuluan, bigarren xedapen gehigarrian eta lehenbiziko xedapen iragankorrean ezarria dago.

3. Eskola Kontseiluaren erdia bi urtetik behin berrituko da, lehenbizi erdia eta gero beste erdia. Agintaldiak eta hautatu beharreko ordezkarien kopuruak, deialdi honetan berritu behar den erdia zein den kontuan harturik, otsailaren 10eko 24/1997 Foru Dekretuaren 10. artikuluan, bigarren xedapen gehigarrian eta lehenbiziko eta hirugarren xedapen iragankorretan xedatzen dena izanen dute oinarri. Erdi bakoitzaren ordezkarien kopurua, sektore guztietarako, ebazpen honen eranskinetan ageri da.

4. Helduen Oinarrizko Hezkuntzako ikastetxe publikoetan, Haur eta Lehen Hezkuntzako ikastetxeetan gurasoei dagokien ordezkaritza ikasleei esleituko zaie, hauteskundeen bitartez.

5. Hautagaien zerrenda modu formalean aurkeztu behar da. Horretarako idazki bat igorri behar zaio Hauteskunde Batzordeari, hautagaiaren sinadura jarrita eta NANaren fotokopia atxikirik.

6. Hauteskunde Batzordeak hautagaien zerrendak onartzeko epea paratuko du eta kontuan hartuko du, betiere, hautagaien behin-behineko zerrenda argitaratzeko egunaren eta hauteskundeen egunaren artean zortzi egun naturaleko tartea egon behar dela gutxienez.

Onartu eta baztertzen diren hautagaien behin-behineko zerrendaren aurka erreklamazioa egiten ahalko da, argitara eman eta hurrengo egun baliodunean. Hauteskunde Batzordeak ondoko egun baliodunean ebatziko du erreklamazioa, eta erabaki horren aurka gora jotzeko errekurtsoa jartzen ahalko da, Eskola eta Lanbide Irakaskuntzaren zuzendari nagusiari zuzendua, hilabeteko epean; errekurtsoa jarrita ere, prozesua ez da etengo.

7. Sektore batean aurkeztutako hautagai kopurua berritu beharreko ordezkarien kopuruarekin alderatuz gero berbera edo txikiagoa bada, Hauteskunde Batzordeek besterik gabe aldarrikatuko ditu aurkeztu diren hautagaiak.

VI._Hauteskunde prozesua.

1. Eskola Kontseiluetako sektoreen ordezkarien hauteskundeak 2006ko azaroaren 21etik abenduaren 13ra bitarte, biak barne, eginen dira.

Bozkatzeko orduak hautesleen parte hartze handienari begira paratuko dira.

2. Hauteskunde Batzordeak berariazko boto paper ereduak onartzen ahal ditu. Haietan hautagaien izenak agertuko dira, lehenbiziko abizenaren arabera alfabetikoki sailkatuak. Gurasoen edo ikasleen sektoreetan hautagaien zerrenda bat baino gehiago izanez gero, hautagai bakoitzaren izenaren azpian kide diren elkartearen edo erakundearen izena agertuko da. Hautagai bakoitzaren izenaren aurrean laukitxo bat jarriko da. Boto emaileak gurutze bat jarriko du laukitxoan edo laukitxoetan, kasuan kasu, boza zein hautagairentzat den adierazteko.

3. Irakasleen sektorearen ordezkariak otsailaren 10eko 24/1997 Foru Dekretuaren 15. artikuluak xedatzen duenari jarraikiz hautatuko dira.

Zuzendariak klaustro berezirako dei eginen du, irakasleen ordezkariak hautatzeko Hauteskunde Mahaia eratzeko. Bozketak boto zuzen, sekretu eta delegaezinaren bidez eginen dira. Irakasleek gehienez hiru izen jarriko dituzte beren boto paperean, bete beharreko postuak bost edo lau badira, bi izen hiru badira eta izen bakarra bi ordezkari edo bat aukeratu behar denean. Aurreneko bozketan behar adina irakasle hautatzen ez badira, ekitaldi berean bigarren bozketa eginen da kopuru horretara iristeko.

4. Gurasoen sektorearen ordezkariak otsailaren 10eko 24/1997 Foru Dekretuaren 16. artikuluak xedatzen duenari jarraikiz hautatuko dira. Bozketa prozesurako Hauteskunde Mahaia eratuko da. Bozketa boto zuzen, sekretu eta delegaezinaren bidez eginen da. Hautesle bakoitzak gehienez ere hiru izen idatziko ditu bere boto paperean, hautatu beharrak bost edo lau direnean, bi izen idatziko ditu hautatu beharrak hiru direnean eta izen bakarra, bat edo bi hautatu behar direnean. Hautesleak botoa ematerakoan Nortasun Agiri Nazionalaren bidez edo antzeko agiriaren bidez egiaztatu beharko du bere nortasuna.

Ikasleen gurasoek botoa posta bidez eman dezakete, frankeatutako gutun-azala erabiliz. Bi gutun-azal erabiliko dira: kanpokoan, Hauteskunde Batzordera igorriko baita, NANaren fotokopia eta bigarren gutun-azala sartuko dira. Bigarrenaren barnean boto papera sartuko da. Hautesleek behar den dokumentazioa eskatuko diote Hauteskunde Batzordeari eskubide hori erabili ahal izateko. Hauteskunde Batzordeak gorde eginen ditu posta bidez jasotako botoak eta bozketa ixteko ordua iritsi baino lehentxeago hauteskunde mahaiari emanen dizkio. Geroago iristen diren botoak ez dira kontatuko.

5. Administrazioko eta zerbitzuetako langileen sektorearen ordezkaria otsailaren 10eko 24/1997 Foru Dekretuaren 17. artikuluak xedatzen duenari jarraikiz hautatuko da. Bozketa boto zuzen, sekretu ta delegaezinaren bidez eginen da, irakasleen Hauteskunde Mahaian, beste hautestontzi batean. Hautesle bakoitzak hautagai bakarrari emanen dio botoa.

6. Derrigorrezko Bigarren Hezkuntzako lehen zikloa ematen duten Haur eta Lehen Hezkuntzako ikastetxe publikoetan eta martxoaren 13ko 150/1996 Foru Dekretuaren bidez sortu ziren Derrigorrezko Bigarren Hezkuntzako institutuen eskolagune berean dauden ikastetxeetan, Derrigorrezko Bigarren Hezkuntzako ikasle bat Eskola Kontseiluko kide izanen da, hala agintzen baitute, hurrenez hurren, otsailaren 10eko 24/1997 Foru Dekretuaren lehen xedapen iragankorrak eta bigarren xedapen gehigarriak.

Ikasleen ordezkari hori dela eta, gurasoen sektoreko lehenbiziko erdian kide bat gutxiago berritu beharko da. Aipatutako ordezkari hori bi urtez behin berrituko da eta haren hautesleak Derrigorrezko Bigarren Hezkuntzan ikasten ari diren ikasleak soilik izanen dira, ikastetxeko hezkuntza proiektuan ezarritako prozedurari jarraikiz.

VII._Hutsuneak betetzea.

1. Ebazpen honen I.2 puntuan ezarritakoari jarraikiz, zuzendariak hauteskundeetarako dei egiten ahalko du sektoreetan diren hutsuneak betetzeko, erdi batean edo bietan, betiere hutsuneak ordezkoen zerrendaren bitartez betetzerik izan ez denean.

Hutsuneak esleitzerakoan, agintaldia beranduen bukatzekoa duen kide ordeztuaren hutsunea esleituko zaio boto gehien bildu dituen hautagaiari.

Hautatutako ordezkariek sektore bakoitzean ordeztutakoek bukatuko zuten egun berean bukatuko dute beren agintaldia.

2. Bi erdietako bat berritu behar duten ikastetxeek berritze prozesu hau bera erabiliko dute beste erdiaren sektoreetako hutsuneak betetzeko, hala egokitzen denean.

Hala gertatuz gero, sektore bakoitzean boto gehien eskuratu dituzten hautagaiak berritzen den erdiko postuei esleituko zaizkie eta hurrengoek beste erdiko hutsuneak beteko dituzte. Azken ordezkari hauek sektore bakoitzean ordeztutakoek bukatuko zuten egun berean bukatuko dute beren agintaldia.

VIII._Botoak kontatzea, aktak egitea eta hautetsiak aldarrikatzea.

1. Hauteskunde egintza bakoitzean, bozketa bukatu eta gero, mahaiak botoen kontaketa eginen du.

Baliogabetzeko irizpide orokorrez gainera (fondo eta formakoak), batzordeak ereduren bat onartzen badu boto paperetarako, beste eredu batean ematen direnek ez dute baliorik izanen.

Botoak ekitaldi publikoan kontatu ondotik, mahaikide guztiek sinatu beharreko akta eginen da, honako datuok bildu beharko dituena: aurkezturiko hautagai zerrenda eta bakoitzak lorturiko boto kopurua; Eskola Kontseiluko kide izateko aukeratuen zerrenda eta gerta daitezkeen postu hutsak betetzeko ordezkoen zerrenda, horietako bakoitzak lortu duen boto kopurua adierazita eta horren arabera ordenatuta. Hauteskunde mahai bakoitzak ikastetxeko Hauteskunde Batzordeari igorriko dio akta, hautetsien aldarrikapena egin dezan.

2. Bozketetan berdinketarik izanez gero, hauteskunde mahaiak eginen duen zozketaren bidez eginen da hautaketa. Hauteskunde Batzordeari igortzen zaion aktan horren berri emanen da.

3. Hauteskunde Batzordeak, mahaiek boto-kontaketa eta aktak egin ondotik, hautetsien aldarrikapena eginen du. Batzorde horren erabakien aurka gora jotzeko errekurtsoa jartzen ahalko da Eskola eta Lanbide Irakaskuntzaren zuzendari nagusiari zuzendua, hilabeteko epean, jakinarazi edo argitaratu eta biharamunetik hasita.

4. Ikastetxeko zuzendariak, Hauteskunde Batzordeko burua den aldetik, ebazpen honen eranskinean ageri den ereduaren araberako akten kopiak igorri beharko ditu Hezkuntza Departamentuko Ikasketak Antolatzeko Atalera, sektore guztietako bozketak amaitu eta berrogeita zortzi orduko epean.

IX._Izendatzeko kideak.

1. Otsailaren 10eko 24/1997 Foru Dekretuaren 9. artikuluak dioen moduan, Eskola Kontseiluko kide izanen dira ikastetxea dagoen herriko udaleko zinegotzi edo ordezkari bat, bai eta legez eratuta dagoen eta kide gehien duen gurasoen elkarteko aita edo ama ordezkari bat ere.

2. Hauteskunde Batzordeak ikastetxea kokatuta dagoen herriko udalari eskatuko dio Eskola Kontseiluko kide izateko zinegotzi edo ordezkari bat izenda dezala.

3. Herri eskola bateratuen kasuan, batasunak bere aplikazio eremuan hartzen dituen udalen artean akordiorik ez bada, biztanleen kopuruaren ordenari segituz _biztanle gehien duen herritik hasita_ izendatuko dituzte udalek ikasturte bakoitzerako ordezkariak. Gainerako udalen ordezkariak ere ager daitezke Eskola Kontseilura, hitza dutela baina botorik ez.

4. Halaber, ikastetxeko ikasleen guraso elkarterik garrantzitsuenari eskatuko zaio Eskola Kontseiluko kide izateko ordezkaria izenda dezala.

Elkarte horren ordezkaritzarako proposamenik ez bada edo ikastetxean horrelako elkarterik ez bada, hutsune hori beteko du gurasoen sektoreko ordezkoen zerrendan lehenengo dagoen ez-hautetsiak.

5. Kide gehien duen guraso elkarteak izendatutako ordezkaria, unitate bat edo biko ikastetxeetako gurasoen ordezkaria eta udaleko zinegotzi edo ordezkaria bi urtetik behin berrituko dira, edo, lehenago, haiek izendatu zituen organoak erabakitzen duenean.

X._Eskola Kontseiluaren eraketa.

1. Hautetsien aldarrikapena egin eta ondoko hamar egun naturaleko epean, zuzendariak Eskola Kontseilua eratzeko bilkurarako dei eginen du.

2. Eskola Kontseilua eraturik geldituko da ikastetxeko eskola komunitateko sektoreren batek _sektore horri egotzi dakizkiokeen arrazoiengatik_ ordezkariak hautatu gabe baldin baditu ere.

XI._Unitate kopurua handitzearen eragina.

1. Hauteskunde hauetan Eskola Kontseilua partez, hots, bi erdietako bat, berritu behar duten ikastetxeek unitate kopuruan aldaketa izan baldin badute eta, horren ondorioz, Eskola Kontseiluaren osaketan ere aldaketa egin behar baldin badute, kasu bakoitzean berritu behar den erdia moldatuko dute dagokion osaketa berriari egokitzeko, ikastetxeak duen ikasle kopuruaren arabera, otsailaren 10eko 25/1997 Foru Dekretuaren 10. artikuluak xedatzen duenari jarraikiz. Beste erdiari dagokion kide kopuruan ez da aldaketarik eginen.

XII._Prozesuaren bermea.

1. Ikastetxeetako Eskola Kontseiluak behar bezala eratu daitezen, behar diren neurriak hartuko dituzte Eskola Antolamendu eta Berriztapenerako Zerbitzuak, Zerbitzuak Ikuskatzeko eta Ikuskapen Teknikorako Zerbitzuak, ikastetxeetako zuzendariek eta hauteskunde batzordeek; orobat, bermatuko dute kasuan kasuko prozesuetan eskola komunitateko sektore guztiek parte hartzen dutela, horretarako erraztasunak emanez.

Bigarrena._Ebazpen honen eta eranskinen kontra gora jotzeko errekurtsoa jartzen ahal da, Hezkuntza kontseilariari zuzendua, hilabeteko epean, argitaratu eta biharamunetik aitzina.

Hirugarrena._Ebazpen hau eta eranskinak Eskola Antolamendu eta Berriztapenerako Zerbitzura, Zerbitzuak Ikuskatzeko eta Ikuskapen Teknikorako Zerbitzura eta Ikasketak Antolatzeko Atalera igortzea, behar diren ondorioak izan ditzaten.

Laugarrena._Erabaki honek eta eranskinak Nafarroako ALDIZKARI OFIZIALean argitaratu eta biharamunean hartuko dute indarra.

Iruñean, 2006ko urriaren 10ean._Eskola eta Lanbide Irakaskuntzaren zuzendari nagusia, Fermín Villanueva Ferreras.

I. ERANSKINA

Eskola Kontseiluetako kideak hautatu, partez berritu edo sektoreak osatzea, Lehen Hezkuntzako, Haur eta Lehen Hezkuntzako eta Hezkuntza Bereziko ikastetxeetan (2006/2007)

1._IKASTETXEAREN IDENTIFIKAZIO DATUAK

Izena Telefonoa

Herria Faxa

Helbide elektronikoa

Ikastetxea < = 2 unitate f Ikastetxea > 2 eta < 6 unitate f

Ikastetxea > = 6 eta < 9 unitate f Ikastetxea > = 9 unitate f

Eremua DBHIrekin batera erabiltzen du f DBH ematen du f

2._ESKOLA KONTSEILUA HAUTATZEKO MODUA

2._a) Unitate bat edo biko ikastetxea

* Sektoreak osatzea (aita/amaren hutsunea bete behar denean soilik bete)

f Gurasoen sektorea

(1) Bi urtetik behin berritzen da.

2._b) Bi unitate baino gehiago eta sei baino gutxiago dituen ikastetxea

f * Kontseiluaren lehenbiziko hautaketa * Sektoreak osatzea (berritu behar ez den erdiko hutsuneak

bete behar direnean edo, hala egokituz gero,

* Kontseilua partez berritzea: bietakoak direnean soilik bete)

_DBH gabeko ikastetxea: f Irakasleen sektorea

f 1. erdia (irakasle 1 eta aita/ama 1) f Gurasoen sektorea

f 2. erdia (irakasle 1) f Ikasleen sektorea

_Ikastetxeak eremua DBHIrekin batera erabiltzen du edo DBH ematen du:

f 1. erdia (irakasle 1 eta DBHko ikasle 1 (Ž 2)

f 2. erdia (irakasle 1)

(2) DBHko 1. mailatik. Bi urtetik behin berrituko da.

2._c) Sei unitate edo gehiago eta bederatzi baino gutxiago dituen ikastetxea

f * Kontseiluaren lehenbiziko hautaketa * Sektoreak osatzea (berritu behar ez den erdiko hutsuneak

bete behar direnean edo, hala egokituz gero,

* Kontseilua partez berritzea: bietakoak direnean soilik bete)

_DBH gabeko ikastetxea: f Irakasleen sektorea

f 1. erdia (irakasle 1 eta aita/ama 1) f Gurasoen sektorea

f 2. erdia (2 irakasle eta aita/ama 1) f Ikasleen sektorea

_Ikastetxeak eremua DBHIrekin batera erabiltzen du edo DBH ematen du:

f 1. erdia (irakasle 1 eta DBHko ikasle 1 (Ž 2))

f 2. erdia (2 irakasle eta aita/ama 1)

(2) DBHko 1. mailatik. Bi urtetik behin berrituko da.

2._d) Bederatzi unitate edo gehiagoko ikastetxea

f * Kontseiluaren lehenbiziko hautaketa * Sektoreak osatzea (berritu behar ez den erdiko hutsuneak

bete behar direnean edo, hala egokituz gero,

* Kontseilua partez berritzea: bietakoak direnean soilik bete)

_DBH gabeko ikastetxea: f Irakasleen sektorea

f 1. erdia (2 irakasle eta 2 aita/ama) f Gurasoen sektorea

f 2. erdia (3 irakasle, 2 aita/ama eta AZL 1) f Ikasleen sektorea

f Administrazioko eta zerbitzuetako langileen sektorea

_Ikastetxeak eremua DBHIrekin batera erabiltzen du edo DBH ematen du:

f 1. erdia (2 irakasle, aita/ama 1 eta DBHko ikasle 1 (Ž 2))

f 2. erdia (3 irakasle, 2 aita/ama eta AZL 1)

(2) DBHko 1. mailatik. Bi urtetik behin berrituko da.

3._AURKEZTUTAKO HAUTAGAIEN ZERRENDA ETA LORTUTAKO BOTOEN KOPURUA (boto kopuruaren arabera ordenatua)

Irakasleak Gurasoak

MOTA (Ž 3)IZENA BOTOAK MOTA (Ž 3)IZENA BOTOAK

DBHko ikasleak (DBHko 1. mailatik aitzina) AZL

MOTA (Ž 3)IZENA BOTOAK MOTA (Ž 3)IZENA BOTOAK

(3) O.H.: Ordezkari hautatua berritu behar den erdirako.

S.H.: Sektoreak osatzeko hautagaia.

O.Z.: Ordezkoen zerrendarako hautagaia.

4._HAUTESKUNDEETAKO PARTE HARTZEA ETA ORDEZKARI HAUTATUAK

Irakasleak Gurasoak edo tutoreak DBHko ikaslea (Ž 4)AZL

Errolda osoa

Boto emaileak (Kopurua eta %)

1. erd. 2. erd. 1. erdia 2. erdia 1. erdia 2. erdia

Erdi bakoitzerako aurten hautatutako izangaien kopurua

(4) Bi urtetik behin berritzen da.

5._ESKOLA KONTSEILUAREN OSAERA BERRIA

5._a) Eskola Kontseiluko kide ez-hautatuak

Lehendakaria

Ikasketaburua

Idazkaria (Ž 5):

Kide gehieneko gurasoen elkartearen ordezkaria (Ž 6 - 7):

Udaleko zinegotzi edo ordezkaria (Ž 6):

(5) >2 eta <6 unitateko ikastetxeetan irakasle batek eginen du idazkari lana. Unitate bat edo biko ikastetxeetan zuzendariak eginen du idazkari lana. Gainerako kasuetan ikastetxeko idazkaria arituko da Eskola Kontseiluko idazkari, hitza izanen du

(6) Bi urtetik behin berritzen da.

(7) Izendapenik izan ezean, gurasoen ordezkoen zerrendan dagoen lehenbiziko hautagaiak beteko du hutsunea.

5._b) Eskola Kontseiluko kide hautatuak

Lehenbiziko erdia

II. ERANSKINA

* Sektoreak osatzea (berritu behar ez den erdiko hutsuneak bete behar direnean edo, hala egokituz gero, bietakoak direnean soilik bete)

f Irakasleen sektorea

f Ikasleen sektorea

2._b) Sei unitate edo gehiago eta bederatzi baino gutxiago dituen ikastetxea

* Sektoreak osatzea (berritu behar ez den erdiko hutsuneak bete behar direnean edo, hala egokituz gero, bietakoak direnean soilik bete)

f Irakasleen sektorea

f Ikasleen sektorea

2._c) Bederatzi unitate edo gehiagoko ikastetxea

* Sektoreak osatzea (berritu behar ez den erdiko hutsuneak bete behar direnean edo, hala egokituz gero, bietakoak direnean soilik bete)

f Irakasleen sektorea

f Ikasleen sektorea

f Administrazioko eta zerbitzuetako langileen sektorea

3._AURKEZTUTAKO HAUTAGAIEN ZERRENDA ETA LORTUTAKO BOTOEN KOPURUA (boto kopuruaren arabera ordenatua)

Irakasleak Ikasleak

MOTA (Ž 1)IZENA BOTOAK MOTA (Ž 1)IZENA BOTOAK

Administrazioko eta zerbitzuetako langileak

MOTA (Ž 1)IZENA BOTOAK

(1) O.H.: Ordezkari hautatua berritu behar den erdirako.

S.H.: Sektoreak osatzeko hautagaia.

O.Z.: Ordezkoen zerrendarako hautagaia.

4._HAUTESKUNDEETAKO PARTE HARTZEA ETA ORDEZKARI HAUTATUAK

Irakasleak Ikasleak AZL

Errolda osoa

Boto emaileak (Kopurua eta %)

1. erdia 2. erdia 1. erdia 2. erdia 2. erdia

Erdi bakoitzerako aurten hautatutako izangaien kopurua

5._ESKOLA KONTSEILUAREN OSAERA BERRIA

5._a) Eskola Kontseiluko kide ez-hautatuak

Lehendakaria

Ikasketaburua

Idazkaria (Ž 2)

Udaleko zinegotzi edo ordezkaria (Ž 3)

(2) >2 eta <6 unitateko ikastetxeetan irakasle batek eginen du idazkari lana. Gainerako kasuetan ikastetxeko idazkaria arituko da Eskola Kontseiluko idazkari, hitza izanen duela baina botorik ez.

(3) Bi urtetik behin berritzen da.

5._b) Eskola kontseiluko kide hautatuak

Lehenbiziko erdia

I r a k a s l e a k I k a s l e a k

Bigarren erdia

I r a k a s l e a k I k a s l e a k Administrazioko eta zerbitzuetako langileak

6._EGUNGO ORDEZKOEN ZERRENDA (boto kopuruaren arabera ordenatua)

I r a k a s l e a k I k a s l e a k Administrazioko eta zerbitzuetako langileak

Hautagaiak Botoak Hautagaiak Botoak Hautagaiak Botoak

7._HAUTESKUNDE MAHAIAK

I r a k a s l e a k I k a s l e a k

Kideen sinadura Kideen sinadura

Eguna Eguna

......................................................(e)n, .............(e)ko .............................aren .............(e)an.

IKASTETXEKO ZUZENDARIA,

Iragarkiaren kodea: F0616498