I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
1340/2005 EBAZPENA, abenduaren 23koa, Eskola eta Lanbide Irakaskuntzaren zuzendari nagusiak emana, Martzillako Udalaren Musika Eskolaren baimena aldatzen duena, ikasketa gehiago eskaintzeko.
Carmen Isabel Garrido Toledo andreak, Martzillako Musika Eskolako Udal Patronatuko buruak, musika eskola horri musika-tresnen espezialitate berriak irakasteko baimena eman dakiola eskatu du.
Ikusirik Zerbitzuak Ikuskatzeko eta Ikuskapen Teknikorako Zerbitzuaren adostasun txostena, oboearen eta kantuaren espezialitateak baimentzeko.
Nafarroako Foru Komunitateko Musika eta Dantza Eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuko 29. artikuluak ezarritakoa kontuan hartuz (1993ko urtarrilaren 22ko Nafarroako ALDIZKARI OFIZIALa).
Nafarroako Foru Komunitateko Administrazioa arautzen duen abenduaren 3ko 15/2004 Foru Legearen 22.1. artikuluko d) idatz-zatiak ematen dizkidan ahalmenak erabiliz, eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Baimena ematen zaio Martzillako Udalaren Musika Eskolari (ikastetxearen kodea: 31008773) oboearen eta kantuaren espezialitateetako ikasketak emateko, 2005/2006 ikasturtetik aurrera.
2. Hemendik aurrera, eskolak, 421/1992 Foru Dekretuaren 9. artikuluko 1. idatz-zatian aipaturiko oinarrizko eskaintzako irakasgaiak emateko baimena izanen du, espezialitate hauetan: akordeoia, kantua, klarinetea, zehar flauta, gitarra, oboea, pianoa, saxofoia, tronboia eta tronpeta.
3. Departamentu honen baimena beharko da eskolaren osaera aldatzeko, baldin eta 421/1992 Foru Dekretuko 29. artikuluak aipatua ukitzen badu aldaketak.
4. Foru dekretu horretako 31. artikuluan aipatutako kasuetan, eskolaren baimena baliorik gabe uzten ahalko da.
5. Ohartarazten da ezen, 421/1992 Foru Dekretuko 20. artikuluarekin bat, Eskolaren titularra den entitateak ordainduko dituela ebazpen honen bidez baimendutako ikasketen gastuak.
6. Administrazioaren ebazpen honen kontra administrazio publiko interesatuak administrazioarekiko auzi-errekurtsoa jartzen ahalko du, Nafarroako Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan aurreikusitako moduan eta epeetan.
7. Ebazpen hau Nafarroako ALDIZKARI OFIZIALean argitaratzea.
8. Ebazpen hau igortzea Martzillako Musika Eskolako Patronatuaren buruari, Zerbitzuak Ikuskatzeko eta Ikuskapen Teknikorako Zerbitzuari, Ikastetxeen eta Ikasketetarako Laguntzen Zerbitzuari, Araubide Bereziko Irakaskuntzaren Atalari, Ikastetxeen eta haien Finantzaketaren Atalari, Informazioa Kudeatzeko Bulegoari, Ikastetxe Publikoak Finantzatzeko Bulegoari eta Ikastetxeak Baimendu eta Erregistratzeko Bulegoari.
Iruñean, 2005ko abenduaren 23an._Eskola eta Lanbide Irakaskuntzaren zuzendari nagusia, Fermín Villanueva Ferreras.
Iragarkiaren kodea: F0600020
