I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
142/2006 FORU AGINDUA, abuztuaren 31koa, Herri Lan, Garraio eta Komunikazio kontseilariak emana, "Donejakue Bideko A-12 autobiako Legardako zerbitzugunearen kanpoko azpiegiturak" izeneko proiektua jendaurrean egoteko epea bukatutzat eman eta behin betikoz onesten duena.
Herri Lan, Garraio eta Komunikazio kontseilariaren martxoaren 3ko 61/2006 Foru Aginduaren bidez, behin betiko onespen teknikoa eman zitzaion "Donejakue Bideko A-12 autobiako Legardako zerbitzugunearen kanpoko azpiegiturak" izeneko proiektuari. Halaber, proiektuak ukitutako ondasun eta eskubideen zerrendarekin batera, 30 egun baliodunez, jendaurrean jarri zen, eta 60. Nafarroako ALDIZKARI OFIZIALean argitaratu zen 2006ko maiatzaren 19an.
Bide eta Eraikuntza Zerbitzuak aditzera eman du alegazioaldian honako hauek aurkeztu direla:
1. alegazioa._Legardako Udala.
Eskatu du:
Kanpoko azpiegituren trazadura aldatzeko, honen eranskin gisa ageri den krokisaren arabera, gaur egungo trazadurak ukitzen dituen finka partikularretan kalterik ez sortzeko.
Erantzuna:
Alegazioa ez da onartu, behin betiko trazaduraren edozein aldaketak ukipenak sortuko bailituzke hirugarrenengan, proiektukoak bezalakoak.
2. alegazioa._Jesús Zúñiga Olaso jauna.
Eskatu du:
Bere lurzatiaren gaineko hari elektrikoak aldatzeko, haien euskarriek nekazaritzako lanak oztopa ez ditzaten.
Erantzuna:
Alegazioa onartu da. 2. poligonoko 457. lurzatiaren mutur batean dagoen euskarriaren ordez, deribazioko bat jarriko da haren ondoan. Gero, euskarri zaharra kendu, eta berria lurzatiaren ertzetik ahalik eta hurbilen kokatuko da.
Lurzatia ukitzen duen hurrengo euskarria (00.01 eusk.) 80 bat metro mugituko da 00.002 euskarrirantz, b azpilurzatiaren ertzean jartzearren.
00.02 euskarria proiektuan islatu bezala mantenduko da.
3. alegazioa._Alfonso Iriarte Eusa jauna.
Eskatu du:
Hari elektrikoen trazadura 13.2 KVra aldatzeko, Legardako 3. poligonoko 229. lurzatia ukitu ez dezan, bere jabetzakoa baita.
Erantzuna:
Alegazioa ez da onartu, behin betiko trazaduraren edozein aldaketak ukipenak sortuko bailituzke hirugarrenengan, proiektukoak bezalakoak.
4. alegazioa._Juan José Eraso Olaso jauna.
Eskatu du:
Legardako 2. poligonoko 392. lurzatia ukiten duten hoditerien trazadura (hornidura, telefonoa, saneamendua), herri-bide baterantz eramateko, lurzati hori berea baita.
Erantzuna:
Alegazioa ez da onartu. Izan ere, trazadura aukeratu da hondakin urak grabitate bidez isur daitezen. Hortaz, horrek bestelako trazadurarik galarazten duenez, ezin da aurkeztutako eskaeraren arabera aldatu.
Horrenbestez, Bide eta Eraikuntza Zerbitzuak jakinarazi eta proposatu duenarekin bat eta Herri Lan, Garraio eta Komunikazio Departamentuaren egitura organikoa ezartzen duen otsailaren 24ko 47/2005 Foru Dekretuko 2.2 artikuluaren bidez eskuratu ditudan eskurantzak erabiliz,
AGINDU DUT:
1. "Donejakue Bideko A-12 autobiako Legardako zerbitzugunearen kanpoko azpiegiturak" izeneko proiektua jendaurrean egoteko epea bukatutzat eman eta aurkeztutako alegazioei foru agindu honen azalpen zatian adierazi moduan erantzutea.
2. Behin betikoz onestea "Donejakue Bideko A-12 autobiako Legardako zerbitzugunearen kanpoko azpiegiturak" izeneko proiektua.
3. "Donejakue Bideko A-12 autobiako Legardako zerbitzugunearen kanpoko azpiegiturak" izeneko proiektuak ukitutako ondasun eta eskubideen titularrei dei egitea ager daitezen urriaren 4an Legardako udaletxean, okupatu aitzineko aktak egiteko eta, hala bada, baita ukituriko ondasun eta eskubideak behin betikoz okupatzekoak ere. Ekitaldi horretara norberak joan beharko du, edo bere izenean aritzeko behar bezala baimendutako pertsona batek; titularra dela frogatzen duten agiriak eraman beharko ditu (eskritura publikoa, jabetza erregistroko ziurtagiria, etab.) eta, egoki baderitzo, perituak edo/eta notarioa eraman ditzake, baina, betiere, norberak ordaindu beharko die.
Aurreko lerroaldean xedatutakoa deusetan ukatu gabe, foru agindu honek Administrazio Publikoendako administrazio bidea amaitzen du. Dena den, Administrazioek foru agindu honen kontra administrazioarekiko auzi-errekurtsoa jartzen ahalko dute Nafarroako Auzitegi Nagusiko arlo bereko Salari zuzendua, jakinarazi edo Nafarroako ALDIZKARI OFIZIALean argitaratu eta biharamunetik bi hilabeteko epean. Aukeran, administrazioarekiko auzi-errekurtsoa aurkeztu baino lehen errekerimendua egin dezakete, Nafarroako Gobernuari igorria, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
4. Foru agindu hau Nafarroako ALDIZKARI OFIZIALean eta Nafarroako Foru Komunitatean gehien zabaltzen diren egunkarietako bitan argitaratzea.
5. Foru agindu hau jakinaraztea Bide eta Eraikuntza Zerbitzua, Desjabetzapen Atalera, alegatzaileei eta Legardako Udalari.
Iruñean, 2006ko abuztuaren 31n._Herri Lan, Garraio eta Komunikazio kontseilaria, Alvaro Miranda Simavilla.
1. ERANSKINA
"Donejakue Bideko A-12 autobiako Legardako zerbitzugunearen kanpoko azpiegiturak" izeneko proiektua
Ukitutako ondasun eta eskubideen banakako zerrenda zehaztua
LEGARDAKO ZERBITZUGUNEKO GASOLINDEGIAREN DERIBAZIORAKO 13,2 KV.SC AIREKO LINEAK UKITUTAKO LURZATIAK
LEGARDAKO UDAL MUGAPEA
457 Olaso Ayestarán, Margarita 1.148 4,20 287 4 2 457 Alorra
Santa Cecilia, 3 - Legarda
462 Barasoáin Echarte, María Paz 80 20 4 2 462 Larreak
Gaztelugibel, 1 - 1.A - Iruña
464 Urtasun Barasoáin, María Inmaculada 84 21 4 2 464 Larreak
Santa Agueda, 2 - Legarda
465 Aniz Rezusta, Saturnino 80 20 4 2 465 Larreak
Santa Cecilia, 7 - Legarda
466 Iriarte Eusa, Alfonso 176 44 4 2 466 Larreak
Kale Nagusia, 27 - Legarda
468 Biurrun Lezáun, José Luis 172 43 4 2 468 Alorra
Iratxeko monasterioa, 26 - 5.E - Iruña
469 Barasoáin Echarte, María Paz 212 1,56 53 4 2 469 Frutarbolak
470 Biurrun Lezáun, José Luis 144 36 4 2 470 Frutarbolak
397 Larumbe Ansoáin, Francisco 88 22 4 2 397 Baratzeak
Zizur Artea zehark., 43 - Zizur Nagusia
230 Ansoáin Bacaicoa, María Luisa 40 10 4 3 230 Alorra
Antso Azkarraren etorb., 23 - 1.C - Iruña
229 Iriarte Eusa, Alfonso 128 32 4 3 229 Alorra
228 Beruete Azparren, Jesusa 140 35 4 3 228 Alorra
Kale Nagusia, 21 - Legarda
227 Ayuntamiento de Legarda 128 1,32 32 4 3 227 Alorra
Kale Nagusia, zk.g. - Legarda
226 Legardako Udala 140 35 4 3 226 Alorra
225 Villanueva Labiano, Albina
Kale Nagusia, 1 - Legarda
Villanueva Labiano, Alfredo 84 21 4 3 225 Alorra
Severino Fernández, 52 - Tafalla
393 Bacaicoa Sanz, senideak 120 1,32 30 4 2 393 Alorra
Kale Nagusia, 1 - Legarda
391 Barasoáin Recarte, Eusebio 360 90 4 2 391 Alorra
Santa Agueda, 15 - Legarda
199 Nafarroako Gobernua 40 1,35 10 4 2 199 Alorra
UR BELTZEN SANEAMENDUKO KOLEKTOREAK, HORNIDURAKO HODIAK ETA TELEFONO KANALIZAZIOAK UKITUTAKO LURZATIAK
LEGARDAKO UDAL MUGAPEA
392 Eraso Olaso, Juan José 1.700 25 6 392
Karlos III.aren etorb., 37 - 2.a - Iruña 15 5
50 5
55 10
45 15 Alorra
390 Aizpún Goicoechea, Francisco 1.464 122 12 2 390 Alorra
Kale Nagusia, zk. - Legarda
199 Nafarroako Gobernua 550 55 10 199 Elkorra
Iragarkiaren kodea: F0614424