I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
93/2006 EBAZPENA, abuztuaren 30ekoa, Nafarroako Administrazio Publikoaren Institutuko zuzendari kudeatzaileak emana, Pilar García García, Administrazio Publikoko Arlo Juridikoko teknikaria, Nafarroako Administrazio Publikoaren Institutuko Nafarroako Administrazio Publikoen Azterlanen Ataleko buru izendatzen duena, bitarte baterako.
Nafarroako Foru Komunitateko Administrazioari buruzko abenduaren 3ko 15/2004 Foru Legeak 27.3 artikuluan ezartzen du atalburuak, bulegoburuak eta ataletik beherako unitateetako buruak Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko direla.
Nafarroako Administrazio Publikoen zerbitzuko Langileen Estatutuaren Testu Bategina onetsi zuen abuztuaren 30eko 251/1993 Legegintzako Foru Dekretuak, hirugarren xedapen gehigarriko bigarren atalean, ezartzen du Nafarroako Foru Komunitateko Administrazioko eta haren erakunde autonomoetako bulegoburutzak eta atalburutzak bitarte baterako bete daitezkeela, organo eskudunak egindako izendapenaren bidez; burutza horiek betetzen dituztenek nahitaez Foru Komunitateko Administrazioko funtzionarioak edo hari atxikirik dauden langileak izan beharko dute.
Halaber, Nafarroako Foru Komunitateko Administrazioari buruzko abenduaren 3ko 15/2004 Foru Legeko seigarren xedapen gehigarriak ezartzen duenez, kasuan kasuko unitate organikoa atxikirik dagoeneko departamentuko titularrak izendatuko ditu buruak bitarte baterako, funtzio publikoaren arloan eskudun den departamentuak adostasun txostena eman ondoren.
Nafarroako Administrazio Publikoaren Institutuaren estatutuak irailaren 12ko 112/2005 Foru Dekretuaren bidez onetsi ziren. Estatutu horiek zuzendari kudeatzaileari ematen diote eskumena erakunde autonomoari atxikiriko ataletako, bulegoetako eta atalez beheitiko bestelako unitateetako buruak izendatu eta kargugabetzeko, Funtzio Publikaoren zuzendari nagusiak adostasun txostena eman ondoren.
Funtzio Publikoaren Zuzendaritza Nagusiak adostasun txostena 2006ko abuztuaren 25ean emanik.
Nafarroako Foru Komunitateko Administrazioaren eta haren erakunde autonomoen organoetako langileen arloko eskurantzak zehazten dituen otsailaren 21eko 30/2005 Foru Dekretuko 8. artikuluak eta Nafarroako Administrazio Publikoaren Institutua izeneko erakunde autonomoko Estatutuetako 15. artikuluak (estatutu horiek irailaren 12ko 112/2005 Foru Dekretuaren bidez onetsi ziren) ematen dizkidaten eskurantzak erabiliz,
EBATZI DUT:
1. Pilar García García, Administrazio Publikoko Arlo Juridikoko teknikari eta Nafarroako Foru Komunitateko Administrazioko funtzionarioa, Nafarroako Administrazio Publikoaren Institutuko Nafarroako Administrazio Publikoen Azterlanen Ataleko buru izendatzea, bitarte baterako.
2. Ebazpen hau interesatuari jakinaraztea eta Lehendakaritza, Justizia eta Barne Departamentuko Idazkaritza Tekniko Nagusira, Langileriaren Gastuaren Kontrolaren eta Nominen Zerbitzura, Funtzio Publikoaren Antolamenduko Zerbitzura, Lehendakaritza, Justizia eta Barne Departamentuko Langileriaren Kudeaketako Zerbitzura eta Nafarroako Administrazioko Idazkaritza Nagusira igortzea, behar diren ondorioak izan ditzan.
3. Ebazpen hau Nafarroako ALDIZKARI OFIZIALean argitaratzea.
Iruñean, 2006ko abuztuaren 30ean._Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.
Iragarkiaren kodea: F0614510
