I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
780/2005 EBAZPENA, uztailaren 6koa, Toki Administrazioko zuzendari nagusiak emana, Ollokiko Kontzejua iraungitzeko espedientea jendaurrean jarri eta Esteribarko Udalari eta Ollokiko Kontzejuari entzutea ematea xedatzen duena.
Esteribarko Udalak Nafarroako Gobernuari eskatu dio Ollokiko Kontzejua toki entitate gisa iraungitzeko espedientearen tramitazioa, Nafarroako Toki Administrazioari buruzko uztailaren 2ko 6/1990 Foru Legearen 44.1. artikuluko 1. idatz-zatiko a) letran ezarritakoaren arabera. Horrekin batera, kontzejua iraungitzeko eskaera idazkia aurkeztu du, Kontzeju horretako 16 herritarrek sinatua, hots, legez eskatzen den gehiengoak sinatua, eta, orobat, Udalak horren gainean 2005eko ekainaren 6an hartutako erabakiaren ziurtagiria.
Espedientea izapidaturik, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 84. eta 86. artikuluetan xedatutakoaren arabera, bidezko da Esteribarko Udalari eta Ollokiko Kontzejuari entzunaldia ematea eta Kontzejuaren iraungipen espedientea jendaurrean paratzea hilabete batez.
Horrenbestez, Toki Administrazioko Departamentuaren egitura organikoa ezartzen duen otsailaren 24ko 41/2005 Foru Dekretuaren bidez eskuratu ditudan eskurantzak erabiliz,
EBATZI DUT:
1. Ollokiko Kontzejuaren iraungipen espedientean Esteribarko Udalari eta Kontzejuari berari hilabete batez entzutea ematea eta espedientea epe berean jendaurrean paratzea, Nafarroako ALDIZKARI OFIZIALean argitaratuz, edozein pertsona fisiko edo juridikok bidezko iruditzen zaizkion alegazioak egin ahal ditzan.
2. Ebazpen hau Esteribarko Udalari eta Ollokiko Kontzejuari jakinaraztea, behar diren ondorioak sor ditzan.
3. Ebazpen honen berri Estatuko Administrazio Orokorrari ematea, horrela toki entitateen Erregistroan oharra sar dadin, otsailaren 10eko 382/1986 Errege Dekretuaren 11. artikuluarekin bat; eta orobat Nafarroako Toki Entitateen Erregistroan, 288/1990 Foru Dekretuko 5. artikuluarekin bat.
Iruñean, 2005eko uztailaren 6an._Toki Administrazioko zuzendari nagusia, Angel Serrano Azcona.
Iragarkiaren kodea: F0515778
