50. ALDIZKARIA - 2005eko apirilaren 27a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

824/2005 EBAZPENA, apirilaren 4koa, Funtzio Publikoaren zuzendari nagusiak emana. Honen bidez aldatzen da Nafarroako Lan Osasunaren Institutuko Laneko Arriskuei Aurrea Hartzeko Atal Teknikoko burutza betetzeko merezimendu-lehiaketako epaimahaiaren osaera.

Funtzio Publikoaren zuzendari nagusiak abuztuaren 16an emandako 1878/2004 Ebazpenaren bidez merezimendu lehiaketaz 104 buru izendatzeko deialdia onetsi zen, Nafarroako Foru Komunitateko Administrazioaren eta haren erakunde autonomoetako atal, bulego eta unitate parekatuetarako. Aipatu deialdia 2004ko 113. Nafarroako ALDIZKARI OFIZIALean argitaratu zen, irailaren 20an.

Deialdi horri loturik eta eta ebazpen honi dagokionez, otsailaren 7ko 231/2005 Ebazpenaren bitartez, Nafarroako Lan Osasunaren Institutuko Laneko Arriskuei Aurrea Hartzeko Atal Teknikoko burutza betetzeko izangai onartuen eta baztertuen behin betiko zerrenda onetsi zen eta, deialdiaren 8. oinarrian ezarritako moduan, epaimahaiaren osaera zehaztu zen eta Nicolás Iribas Sánchez de Boado jauna, Nafarroako Lan Osasunaren Institutuko orduko zuzendari kudeatzailea, epaimahaiburu izendatu zuten.

Otsailaren 28ko 52/2005 Foru Dekretuak Nicolás Iribas Sánchez de Boado jauna, Institutu horretako zuzendari kudeatzailea, kargutik kendu du, berak hala eskaturik, eta otsailaren 28ko 54/2005 Foru Dekretuak José Ramón Ayestarán Ruiz-Bazán jauna izendatu du kargu horretarako. Gauzak horrela, bidezkoa da epaimahaiaren osaera aldatzea, deialdiaren oinarrietan ezarritakoa betetzeko asmoz.

Horrenbestez, eta Lehendakaritza, Justizia eta Barne kontseilariak abuztuaren 5eko 55/2003 Foru Aginduaren bidez emandako eskurantzak erabiliz,

EBATZI DUT:

1. Nafarroako Lan Osasunaren Institutuko Laneko Arriskuei Aurrea Hartzeko Atal Teknikoko burutza betetzeko merezimendu-lehiaketako epaimahaiaren osaera aldatzea. Honela geldituko da:

Mahaiburua: José Ramón Ayestarán Ruiz-Bazán jauna, Nafarroako Lan Osasunaren Institutuko zuzendari kudeatzailea.

Ordezkoa: Francisco Javier Sada Goñi jauna, Osasun zuzendari nagusia.

Mahaikidea: Sara Erce López andrea, Administrazio Erroko Langileen Batzordearen ordezkaria.

Ordezkoa: Pablo Aldaz Herce jauna, Nafarroako Osasun Publikoaren Zerbitzuko zuzendaria, Administrazioak izendatua Langileen Batzordeak epaimahaikide titularra besterik proposatu ez baitu.

Mahaikide-idazkaria: Francisco J. Eransus Izquierdo jauna, Laneko Segurtasun eta Higienerako eta Prestakuntzarako Zerbitzuko zuzendaria.

Ordezkoa: Angel Parra Osés jauna, Laneko Osasun eta Ikerketarako Zerbitzuko zuzendaria.

2. Ebazpen honen berri mahaikideei ematea eta Nafarroako ALDIZKARI OFIZIALean argitara dadila agintzea, behar diren ondorioak izan ditzan.

Iruñean, 2005eko apirilaren 4an._Funtzio Publikoaren zuzendari nagusia, Alberto Andérez González.

Iragarkiaren kodea: F0510521