I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
4516/2005 EBAZPENA, urriaren 26koa, Nafarroako Enplegu Zerbitzuko zuzendari kudeatzaileak emana, María Mercedes Martínez Iribarren andrea Nafarroako Enplegu Zerbitzuko Elbarriak Lan-mundura Sartzeko Bulegoko buru izendatzen duena bitarte baterako.
Nafarroako Foru Komunitateko Administrazioari buruzko abenduaren 3ko 15/2004 Foru Legeak 27.3 artikuluan ezartzen du atalburuak, bulegoburuak eta ataletik beherako unitateetako buruak Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko direla.
Horiek horrela, Nafarroako Foru Komunitateko Administrazioaren eta haren erakunde autonomoen organoetako langileen arloko eskurantzak zehazten dituen otsailaren 21eko 30/2005 Foru Dekretuaren 8. artikuluan eta apirilaren 29ko 148/1998 Foru Dekretuaren bidez onetsitako Nafarroako Enplegu Zerbitzuaren estatutuen 10. artikuluan ezarritakoarekin bat,
EBATZI DUT:
1. María Mercedes Martínez Iribarren andrea Nafarroako Enplegu Zerbitzuko Elbarriak Lan-mundura Sartzeko Bulegoko buru izendatzea bitarte baterako. Izendapenak 2005eko azaroaren 2tik aurrera izanen ditu ondorioak.
2. Ebazpen hau interesatuari jakinaraztea eta Nafarroako Enplegu Zerbitzuko Enplegua Sustatzeko Zerbitzuari eta Funtzio Publikoaren Zuzendaritza Nagusiari bidaltzea. Halaber, Nafarroako ALDIZKARI OFIZIALean argitara dadila agintzea.
Iruñean, 2005eko urriaren 26an._Nafarroako Enplegu Zerbitzuko zuzendari kudeatzailea, María Isabel García Malo.
Iragarkiaren kodea: F0521207
