I. NAFARROAKO FORU KOMUNITATEA
1.3. BESTELAKO XEDAPENAK
1.3.2. Kontratazio administratiboa
100/2004 EBAZPENA, otsailaren 19koa, Eskola eta Lanbide Irakaskuntzaren zuzendari nagusiarena, Pedro José Andueza Murguialday jaunari 2003-2004 ikasturterako esleitu zitzaion eskola garraiorako kontratua (08/04 espedientea, Lizarrako Barrutikoa) aldatzeko baimena ematen duena.
Ikastetxeen eta Ikasketetarako Laguntzen Zerbitzuaren txostena ikusirik, zeinean proposatzen baita 709/2003 Ebazpenaren bidez Pedro José Andueza Murguialday jaunari esleitu zitzaion eskola garraioaren zerbitzuaren prezioa aldatzea (08/04 espedientea).
Hezkuntza kontseilariak uztailaren 16ko 356/2003 Foru Aginduaren bidez eman dizkidan eskurantzez baliatuz, eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Pedro José Andueza Murguialday jaunari 2003-2004 ikasturterako esleitu zitzaion eskola garraiorako kontratua aldatzea (08/04 espedientea, Lizarrako Barrutikoa). Eguneko prezio berria, BEZa barne, 122,94 euro izanen da.
2. 08/04 kontratazio espedientea aldatzeak dakarren gastu gehikuntza egiteko baimena ematea. Urtarriletik ekainera bitarteko aldirako, guztira, 9.616,64 euro dira eta Departamentuaren Gastuen Aurrekontu indarduneko "Eskola garraioa" izeneko 410004 41150 2230 425200 kontusailaren kargura ordainduko da. Beraz, denbora-tarte bererako urriaren 16ko 709/2003 Ebazpenaren bidez onartu zen gastua, 7.103,20 euro, hemendik aurrera 16.719,84 euro izanen da.
3. Ebazpen honetan xedatutakoa Nafarroako ALDIZKARI OFIZIALean argitaratzea.
4. Ebazpen hau igortzea interesatuari, Herri Lan, Garraio eta Komunikazio Departamentuko Garraioaren Antolamendu eta Kudeaketarako Zerbitzuari, Ekonomi eta Ogasun Departamentuak Hezkuntzakoan duen kontu-hartzaile delegatuari, Zerbitzuak Ikuskatzeko eta Ikuskapen Teknikorako Zerbitzuari, Ikastetxeen eta Ikasketetarako Laguntzen Zerbitzuari, Ikasketetarako Laguntzen Atalari, Kudeaketa Ekonomikoaren Bulegoari eta Zerbitzu Osagarrien Bulegoari, behar diren ondorioak izan ditzaten.
Iruñean, 2004ko otsailaren 19an._Eskola eta Lanbide Irakaskuntzaren zuzendari nagusia, Fermín Villanueva Ferreras.
Iragarkiaren kodea: F0403174
