Iragarkia

152. ALDIZKARIA - 2004ko abenduaren 20a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

2012/2004 EBAZPENA, azaroaren 24koa, Giza Baliabideen Zerbitzuko zuzendariak emana, Bigarren Hezkuntzako irakasleen, Lanbide Heziketako irakasle teknikoen eta Arte eta Hizkuntza irakaskuntzen kidegoetako zenbait espezialitatetan izangai berriak sartzeko deialdiak onesten dituena, aldi baterako kontratuarekin irakasle lanpostuetan aritzeko, eta kidego horietako espezialitate eta hizkuntza bakoitzari dagozkion zerrendetan azaltzen diren izangaiak berrantolatzen dituena.

Hezkuntza eta Kultura kontseilariak urriaren 23an emandako 395/2001 Foru Aginduaren bidez onetsi zen zer arauren bidez kudeatu behar diren Hezkuntza eta Kultura Departamentuaren zerbitzuan aldi baterako kontratuarekin irakasle lanpostuetan aritzeko izangai zerrendak. Hezkuntza eta Kultura kontseilariak aldatu zuen foru agindu hori, urriaren 24ko 497/2002 Foru Aginduaren bidez eta Hezkuntza kontseilariak berriro, maiatzaren 25eko 130/2004 Foru Aginduaren bidez.

Aipaturiko foru aginduaren laugarren oinarriak xedatutakoaren arabera, ikasturteko lehen hiruhilekoan, Hezkuntza eta Kultura Departamentuak merezimendu lehiaketarako deia eginen du, espezialitate eta hizkuntza bakoitzari dagozkion zerrendetan dauden izangaiek beren merezimenduak eguneratzeko.

Era berean, bosgarren xedapenak aurreikusten du epe horretan (ikasturteko lehen hiruhilekoan) Hezkuntza eta Kultura Departamentuak merezimendu lehiaketarako deia eginen duela, aldi baterako kontratatzeko izangai berriak espezialitate eta hizkuntza bakoitzari dagozkion zerrendetan onartzeko, betiere aldi baterako kontratazio beharren arabera.

Azaldutakoaren arabera, eta Hezkuntza Departamentuaren menpeko ikastetxeetan dauden langile beharrak ikusita, bidezkoa da ondoko deialdiak onestea:

I._Bigarren Hezkuntzako irakasleen, lanbide heziketako irakasle teknikoen eta arte eta hizkuntza irakaskuntzen kidegoetako zenbait espezialitatetan izangai berriak sartzeko deialdia, aldi baterako kontratatzeko.

II._Espezialitate eta hizkuntzari dagozkion zerrendetan ageri diren izangaiak berriro antolatzekoa.

I._BIGARREN HEZKUNTZAKO IRAKASLEEN, LANBIDE HEZIKETAKO IRAKASLE TEKNIKOEN ETA ARTE ETA HIZKUNTZA IRAKASKUNTZEN KIDEGOETAKO ZENBAIT ESPEZIALITATETAN IZANGAI BERRIAK SARTZEKO DEIALDIA, ALDI BATERAKO KONTRATATZEKO

Lehena._Kidego, espezialitate eta hizkuntza hauei dagozkien zerrendetan onartuko dira izangai berriak:

BIGARREN HEZKUNTZAKO IRAKASLEAK

Gaztelaniaz

_FABRIKAZIO MEKANIKOAREN ANTOLAKETA ETA PROIEKTUAK

_ENERGIA SISTEMEN ANTOLAKETA ETA PROIEKTUAK

Euskaraz

_FRANTSESA

_GREKOA

_LATINA

_FABRIKAZIO MEKANIKOAREN ANTOLAKETA ETA PROIEKTUAK

_TEKNOLOGIA.

HIZKUNTZA ESKOLA OFIZIALETAKO IRAKASLEAK

_INGELESA

LANBIDE HEZIKETAKO IRAKASLE TEKNIKOAK

Gaztelaniaz

_INSTALAZIO ELEKTROTEKNIKOAK.

_MAKINEN MEKANIZAZIO ETA MANTENTZE LANAK

_ILE-APAINKETA

_JATETXEKO ZERBITZUAK

_SOLDADURA.

Euskaraz

_INSTALAZIO ELEKTROTEKNIKOAK

ARTE PLASTIKOETAKO ETA DISEINUKO IRAKASLEAK

Gaztelaniaz

_IKUS-ENTZUNEZKO BALIABIDEAK

MUSIKAKO ETA ARTE ESZENIKOETAKO IRAKASLEAK

_SOINU HANDIA

_HARPA

_KANTUA

_KLARINETEA

_KLABEA

_KONTRABAXUA

_KORUA

_GAUR EGUNGO DANTZA

_ESPAINIAKO DANTZA

_ESZENA LIRIKOA

_FAGOTA

_FLAMENKOA

_MOKO-TXIRULA

_ZEHARKAKO TXIRULA

_MUSIKA ONTZEKO OINARRIAK

_GITARRA

_MUSIKAREN HISTORIA

_JAZZEKO HASTAPENA

_HARMONIA (JAZZA)

_BAXU ELEKTRIKOA (JAZZA)

_BATERIA (JAZZA)

_KANTUA (JAZZA)

_TALDEA (JAZZA)

_KONTRABAXUA (JAZZA)

_GITARRA ELEKTRIKOA (JAZZA)

_PIANOA (JAZZA)

_SAXOFOIA (JAZZA)

_TRONBOIA (JAZZA)

_TRONPETA (JAZZA)

_MUSIKA HIZKUNTZA

_LAN MERKATUA ETA KUDEAKETA

_GAUR EGUNGO MUSIKA

_OBOEA

_ORGANOA

_ORKESTRA

_PERKUSIOA

_PIANOA

_SAXOFOIA

_ANTZINAKO MUSIKAREN LANGELA

_GORPUTZ TEKNIKA ETA MUGIMENDUA

_MUSIKARI APLIKATURIKO TEKNOLOGIA

_TRONBOIA

_TRONPA

_TRONPETA

_TUBA

_TXISTUA

_BIOLONTXELOA

_BIOLA

_BIOLINA

Bigarrena._Ez dira deialdi honetan onartuko espezialitate eta hizkuntzei dagozkien zerrendetan sartzea eskatzen duten izangaiak, jadanik sartuta badaude.

Hirugarrena._Zerrendetan sartu ahal izateko betebeharrak.

1._Guztiendako baldintzak:

a) Espainiako herritarra izatea edo Europar Batasuneko estaturen batekoa edo, Europar Batasunak izenpetu eta Espainiako estatuak berretsitako nazioarteko itunen arabera, langileen joan-etorri askea aplikatzekoa zaion estaturen batekoa. Espainiarren eta Europako Batasuneko kide diren beste estatuetako herritarren ezkontideek ere hartzen ahalko dute parte, edozein delarik haien hiritartasuna, eta, kasuan kasuko tratatuak hala xedatzen duenean, Europako Batasunak izenpetu eta Espainiak berretsiriko nazioarteko tratatuen arabera, langileen zirkulazio librea dagokiekeen estatuetako langileen ezkontideek ere bai, baldin eta zuzenbidearen arabera bereiziak ez badira. Halaber, baldintza beretan haien eta haien ezkontideen ondorengoek ere hartzen ahalko dute, 21 urtetik beheitikoak badira edo, zaharragoak izanez gero, haien bizkar bizi badira.

Espainiako hiritartasuna ez badute, izangaiek gaztelania maila zehazteko proba bat egin beharko dute, baldin eta ez badute atzerritarrendako Espainieraren Goi Mailako Diploma, (urrriaren 31ko 1137/2002 Errege Dekretuan ezarria), edo Hizkuntza Eskola Ofizialek emandako atzerritarrendako Espainieraren Gaitasun Agiria edo Filologia Hispanikoko edo Erromanikoko lizentziadun titulua, edo titulua eskuratzeko eskubideak ordaindu izanaren ziurtagiria.

b) Hemezortzi urte beteak izatea eta eskuarki erretiroa hartzeko ezarritako adina ez izatea.

c) Aukeratu nahi den kidego eta espezialitateari dagozkion eginkizunekin bat ez datorren gorputz edo gogo gaixotasun edo eragozpenik ez izatea.

d) Diziplinazko espediente bidez edozein Administrazio Publikotatik bereizia ez izana eta funtzio publikoan aritzeko ezgaitua ez egotea. e) Nazionalitate espainiarra ez duten izangaiek zinpeko aitorpena edo agindua aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko, bai eta espezialitate bakoitzerako ebazpen honen II. eranskinean eskatzen den titulua homologatua edo balio berekoa dela ere. f) Hezkuntza Departamentuaren zerbitzuan aldi baterako kontratuarekin irakasle lanpostuetan aritzeko izangaien zerrendatik, sartu nahi duen beretik, kanpo utzi ez izana, Hezkuntza eta Kultura kontseilariaren 2001eko urriaren 23ko 395/2001 Foru Aginduko hamahirugarren arauak agintzen duen ebaluazio prozeduraren ondorioz.

2._Titulazio baldintzak:

2.1. Guztiendako baldintzez gain, kontrata daitezkeen izangaiek ebazpen honen II. eranskinean kidego eta espezialitate bakoitzarentzat ezartzen diren berariazko titulazio baldintzak bete beharko dituzte. 2.2. Euskara titulua.

Euskarazko lanpostuetan aritzeko izangai zerrendetan sartzeko, edozein dela ere eskatu d(ir)en espezialitate(eta)ko kidegoa, EGA edo balio bereko titulua izan beharko du izangaiak. Hala ere, titulu hori izan ez eta lanpostu horietan aritu nahi dutenek proba bat gainditu beharko dute, behar adinako maila duten ala ez finkatzeko. Proba horren edukia eta ezaugarriak Hezkuntza Departamentuaren Euskara Zerbitzuak finkatuko ditu. Proba gainditzen duten izangaiak EGA edo balio bereko beste titulu baten jabe direnen zerrenda berean sartuko dira, baina haien ondoren.

Euskarazko jakite-maila neurtzeko probak baino lehen EGA edo antzeko titulua lortu duten izangaiek probaren egunean kreditatzen ahalko dute epaimahaiaren aurrean, proba hori ez egiteko. Hala ere, 2005/2006 ikasturtean EGA edo antzeko titulua eduki eta parte hartzeko eskabidearekin batera frogatu dutenen ondoren sartuko dira zerrendan. Izangaiak antolatzeko geroko deialdietan, EGAren edo antzeko tituluaren fotokopia konpultsatua aurkeztu beharko dute, espezialitate horietan titulu hori daukaten beste izangaiekin batera berriro antolatzeko.

2.3. Hizkuntzetako tituluak

Ingelesezko edo frantsesezko profil mistoko lanpostuak lortu nahi dituzten izangaiek Hizkuntza Eskola Ofizialeko goi zikloko titulua eduki beharko dute. Titulu hori ez daukatenei, hizkuntzen profil mistoko lanpostuak lortu nahi badituzte, proba bat gainditu beharko dute frogatzeko behar den jakite-maila dutela. Hezkuntza Departamentuko Araubide Bereziko Irakaskuntzaren Atalak zehaztuko ditu proba horren edukia eta ezaugarriak. 3._Aurreko idatz-zatietan aipatzen diren baldintza guztiak eskaerak aurkezteko epea bukatzen den egunean bete behar dira eta Administrazioak zerbitzu ematen hasteko deitzen duen unera arte izan, baita kontratatua zerbitzu ematen aritzen den denboran ere.

Laugarrena._Jakite-maila gainditzea, zenbait espezialitatetan.

1._Ondoren aipatzen diren espezialitateei dagozkien zerrendetako batean onartzea eskatzen duten izangaiek jakite proba bat gainditu beharko dute. Proba horren edukia eta ezaugarriak III. eranskinean zehazten dira.

Proba hauen kalifikazioa gai edo ez gai izanen da, eta gai kalifikazioa lortzea beharrezkoa izanen da dagokion zerrendan onartua izateko.

Proba gainditu beharreko espezialitateak ondorengoak dira:

.Bigarren Hezkuntzako irakasleak:

_Fabrikazio mekanikoaren antolaketa eta proiektuak.

_Energia sistemen antolaketa eta proiektuak.

_Teknologia.

.Lanbide Heziketako irakasle teknikoak:

_Espezialitate guztiak.

.Arte Plastikoetako eta Diseinuko irakasleak:

_Espezialitate guztiak.

.Musikako eta Arte Eszenikoetako irakasleak:

_Espezialitate guztiak.

2._Espezialitate eta hizkuntzari dagozkion zerrendetan sartzea eskatzen duten izangaiak oinarri honetan aurreikusten diren jakite probak egitetik salbuetsita egonen dira, baldin eta eskaera hori egiterakoan espezialitate berean baina beste hizkuntza bati dagokion zerrendan agertzen badira.

Giza Baliabideen Zerbitzuak ofizioz egiaztatuko du zirkustantzia hori.

3._Goi Mailako Musika irakasteko berariazko probak.

Musikako eta Arte Eszenikoetako espezialitateetan onartuak izateko eskatzen den proba gainditzen duten izangaiek egin ahal izanen dute/dituzte, gainera, Goi Mailako Musikako irakaskuntza emateko espezialitate bakoitzean ezarritako berariazko proba edo probak, ebazpen honen IV.A) eranskinean agertzen den taularen arabera.

Aipaturiko eranskinean agertzen diren Musikako eta Arte Eszenikoetako espezialitateetarako izangaiek bakar-bakarrik egin ahal izanen dituzte proba hauek.

Nolanahi ere, proba hauek egin ahal izateko, izangaiek ondoko tituluren bat izan beharko dute: doktorea, lizentziaduna, arkitektoa, ingeniaria edo Goi Mailako Musikako irakaslea.

Giza Baliabideen Zerbitzuak argitara emanen du Epaimahaien eraketa eta berariazko proba bakoitza non, noiz eta zein ordutan egingo den.

Berariazko proba hauen ezaugarriak ebazpen honetako IV.B) eranskinean zehaztuko dira, eta bere kalifikazioa gai edo ez gai izanen da. Berariazko proba hauek gainditzeak ahalbidetuko die Goi Mailako Musikako irakaskuntza ematea.

Proba horiek gainditzen dituzten izangaiak zerrendetan aipamen batekin agertuko dira, zeinen bidez jakinaraziko den gainditu duten/dituzten berariazko proba/k. Beraz, izangai guztientzat ezarritako lehentasun hurrenkerari jarraituz deituko zaie, baina gainditutako berariazko proba edo probak kontuan hartuz, betiere Goi Mailako Musikan zehaztuko diren zerbitzu beharren arabera.

Bosgarrena._Kontrata daitezkeen izangai berrien lehentasun hurrenkera.

Izangai berriak espezialitate eta hizkuntza bakoitzari dagozkion zerrendetan sartuko dira, merezimenduen baremoa aplikatuta lortutako puntuazioaren arabera dagokien hurrenkeran. Merezimenduen baremoa Hezkuntza eta Kultura kontseilariaren urriaren 23ko 395/2001 Foru Aginduak onartu zuen. Kontuan hartuko dira 2004ko abuztuaren 31 arte soilik osatutako merezimenduak.

Aipatutako merezimenduen baremoa ebazpen honen I. eranskinean argitaratzen da.

Seigarrena._Eskabideak eta dokumentazioa.

"Izangai berriak onartzeko" izenburua duen parte-hartze eskabidea aurkeztuko dute izangaiek, eta bertan eskatutako espezialitatea edo espezialitateak jarriko dituzte, baita hizkuntza (gaztelania edo euskara) ere.

A) Jakite-probarik gabeko espezialitateetan aurkezten diren izangaiek ondoko agiriak aurkeztu beharko dituzte, parte hartzeko eskabide orriarekin batera:

1. Nortasun Agiri Nazionalaren fotokopia edo nazionalitatea egiaztatzen duen agiria. Europako Batasuneko estatuetakoak ez diren izangaiek, berriz, deialdi honen hirugarren oinarriko 1. a) atalak aipatzen dituen suposamenduren batean daudelako frogagiria aurkeztu beharko dute.

2. Eskatzen den espezialitate bakoitzean beharrezkoa den titulazioaren fotokopia konpultsatua edo, bestela, titulua eskuratzeko eskubideak ordaindu izanaren ziurtagiria.

Titulua atzerrian eskuratu bada, horren fotokopia konpultsatua aurkeztuko da, eta horrekin batera homologatuta edo onetsia dagoela egiaztatzen duen agiria.

3. Nazionalitate espainiarra ez badute, aurkeztu beharko dute atzerritarrendako Espainieraren Goi Mailako Diplomaren fotokopia konpultsatua, edo Hizkuntza Eskola Ofizialek emandako atzerritarrendako Espainieraren Gaitasun Agiria edo Filologia Hispanikoko edo Erromanikoko lizentziadun titulua, edo titulua eskuratzeko eskubideak ordaindu izanaren ziurtagiria. Aipaturiko titulazioa aurkeztu ezean, eskabidean adierazi beharko dute gaztelania maila zehazteko proba egin nahi dutela.

Zinpeko aitorpena egitea edo hitza ematea beren jatorrizko estatuan funtzio publikoan aritzea eragozten dien inolako diziplina zehapen edo kondena penal baten mende ez daudela.

4. Halaber, euskaraz irakatsi beharreko espezialitate bati dagokion zerrendan sartzea eskatuz gero, izangaiek EGAren edo balio bereko titulu baten fotokopia konpultsatua aurkeztu beharko dute. Titulazio hori aurkeztu ezean, euskara proba egin nahi dutela adieraziko dute parte hartzeko eskabidean.

5. Frantses edo ingelesezko profil mistoko lanpostuak aukeratuz gero, izangaiek Hizkuntza Eskola Ofizialeko goi mailako tituluaren fotokopia konpultsatua aurkeztu beharko dute. Titulazio hori aurkeztu ezean, hizkuntzen jakite-maila neurtzeko proba egin nahi dutela adieraziko dute parte hartzeko eskabidean.

6. Ebazpen honen I. eranskineko baremoan agertzen diren merezimenduen egiaztagiriak. Soilik baloratuko dira 2004ko abuztuaren 31 arte osatutako merezimendu guztiak eta ez dira data horretatik aurrerakoak kontuan hartuko.

Merezimenduen baremoko "Irakasle esperientzia" izeneko I. atalaren balorazioari dagokionez, interesatuek parte hartzeko eskaeran eskatu ahal izanen diote Giza Baliabideen Zerbitzuari Nafarroako Gobernuko Hezkuntza Departamentuarentzat emandako zerbitzuak eransteko, parte hartzaile bakoitzaren espediente pertsonalean azaltzen diren agirien arabera. Eskaera hau egin ezean, interesatuek aurkeztutako zerbitzuak bakarrik hartuko dira kontuan.

Baremoko "Beste merezimendu batzuk: etengabeko prestakuntza" izeneko IV. atalari dagokiona horretarako izendatutako batzordeak edo batzordeek baloratzeari dagokionez, interesatuek merezimendu horien egiaztagiriak parte hartzeko eskabideari eransten zaizkion agirietatik bereiz aurkeztu beharko dituzte. Horretarako, eskabidean parte hartzeko eskabidearekin batera emanen den fitxa bat ere bete beharko da.

B) Deialdi honen laugarren oinarriaren arabera, jakite-proba egitea beharrezkoa duten espezialitateetan aurkezten diren izangaiek A) ataleko 1. idatz-zatiak aipatzen dituen agiriak bakarrik aurkeztu beharko dituzte.

Espezialitatean ezarritako probak gainditzen dituzten izangaiek, baita proba horiek egitetik salbuetsita daudenek ere, A) atalak aipatzen dituen gainerako agiriak aurkeztu beharko dituzte, Giza Baliabideen Zerbitzuak horretarako jarriko duen epearen barruan.

Zazpigarrena._Espezialitate jakin batzuetarako probak egiteko eta euskara probarako, atzerritarrendako gaztelania probarako eta profil mistoko lanpostuetarako hizkuntzen probetarako onartutako izangaien zerrendak.

Eskaerak aurkezteko epea bukatutakoan, Giza Baliabideen Zerbitzuak ondoko zerrendak jendaurrean jarriko ditu, Hezkuntza Departamentuko Argibide eta Agiri Bulegoan:

_Espezialitate jakin batzuei dagozkien zerrendetan sartzeko deialdi honen laugarren oinarrian eskatzen diren probak egiteko onartu diren izangai berrien zerrenda.

_Euskaraz irakasteko espezialitateen zerrendetan sartzeko euskara probak egiteko onartu diren izangai berrien zerrenda.

_Gaztelaniazko jakite proba egiteko onartutako izangai berrien zerrenda.

_Atzerriko hizkuntzen jakite proba egiteko onartutako izangai berrien zerrenda.

_Bazterturiko izangaien zerrenda, ez onartzeko zergatikoak adieraziz.

Zerrenda horien kontra interesatuek erreklamazioak aurkezten ahalko dituzte, Giza Baliabideen Zerbitzuari zuzendutako idazki baten bidez, Argibide eta Agiri Bulegoan jendaurrean jartzen diren egunetik hasita bost egun balioduneko epean.

Onartuen zerrendan agertzea ez da aski deialdi honetan eskatutako baldintzak betetzen direla onartzeko. Seigarren eta bederatzigarren oinarrien arabera izangaiek aurkeztu behar duten dokumentazioa aztertutakoan, baldintzaren bat betetzen ez dela ohartuz gero, interesatuek deialdian parte hartzeagatik dituzten eskubide guztiak galduko dituzte.

Zortzigarrena._Epaimahaiak.

1. Eskaerak aurkezteko epea bukatutakoan, jendaurrean jarriko dira epaimahaien eraketa eta probak egiteko tokia, eguna eta ordua.

Gisa berean, Epaimahai koordinatzaile bat izendatuko da, ondoko kideek osatuko dutena (beharrezkoa balitz ordezko kideak izendatu ahal izanen dira).

Mahaiburua: Jesús Bariain Arregui, Hezkuntza Departamentuko ikuskatzailea.

Mahaikide-idazkaria: Leonor Arellano Olloqui, Arte Irakaskuntzaren Bulegoko burua.

Mahaikidea: Iñaki Amezketa Pueyo, Arte Irakaskuntzaren Bulegoko aholkularia.

Mahaikidea: Ana Loitegui Zugasti, Giza Baliabideen Zerbitzuko Langileria Ataleko burua.

Mahaikidea: Javier Esquíroz Azpilicueta, Lanbide Heziketa Berriztatzeko Bulegoko burua.

2. Epaimahai koordinatzailea epaimahai kalifikatzaile gisa ere aritu ahalko da Hezkuntza Departamentuak erabakiko dituen espezialitateetan.

3. Epaimahai kalifikatzaileak ondoko eginkizunak izanen ditu:

_Epaimahaiak koordinatzea.

_Epaimahaiek erabili behar dituzten irizpideak zehaztu eta bateratzea.

_Deialdia aplikatzerakoan sortu daitezkeen zalantzak ebaztea, baita aurreikusi gabeko kasuetan nola jokatu behar den ere.

_Jakite probak behar bezala egin daitezen zaintzea.

_Hezkuntza Departamentuak horretarako esleitutako bestelako eginkizunak.

4. Epaimahai Koordinatzaileak eta epaimahaiek euren lanerako proposatu ahalko dute aholkulari espezialistak eta laguntzaile teknikoak ekartzea, eta hala denean, Giza Baliabideen Zerbitzuko zuzendariak izendatuko ditu.

Bederatzigarrena._Nafarroako Enplegu Zerbitzuko zerrendetatik datozen izangaiak sartzea.

Nafarroako Enplegu Zerbitzuak prestatutako zerrendetan ageri direlako 2004/2005 ikasturtean lanpostu bat esleitu dieten izangaiak zerrendetan sartuko dira, zein bere espezialitate eta hizkuntzan, Hezkuntza eta Kultura kontseilariaren urriaren 23ko 395/2001 Foru Aginduko hamahirugarren arauko ebaluazio prozeduran txosten negatiborik izan ez badute bederen.

Aipatu izangai horiek deialdi honen arabera dagokien hurrenkeran jartzeko, interesatuek I. eranskineko baremoan bildutako merezimenduen egiaztagiriak aurkeztuko dituzte, betiere ondokoaren arabera:

a) 2004ko irailaren 1etik ebazpen hau argitaratzen den egunera bitarte kontratatu diren izangaiek aipatu dokumentazioa aurkeztu beharko dute, ebazpen hau Nafarroako ALDIZKARI OFIZIALean argitaratu eta biharamunetik hasita 14 egun naturaleko epean.

b) Ebazpen hau argitaratu ondotik lanposturen bat esleitzen dieten izangaiek merezimenduen egiaztagiriak aurkeztuko dituzte Giza Baliabideen Zerbitzuak horretarako ezartzen duen epean.

Nolanahi ere, soilik kontuan hartuko dira 2004ko abuztuaren 31 arte osatutako merezimenduak.

II._ESPEZIALITATE ETA HIZKUNTZA BAKOITZARI DAGOZKION ZERRENDETAKO IZANGAIAK BERRANTOLATZEKO DEIALDIA

Lehena._Aldi baterako kontratatzeko izangaien zerrendak, zein bere espezialitate eta hizkuntzakoak, berrantolatzeko, Hezkuntza eta Kultura kontseilariaren urriaren 23ko 395/2001 Foru Aginduan onetsitako baremoari jarraikiz, zerrenda horietako izangaiek aurkeztuko dituzte ebazpen honen I. eranskineko baremoan agertzen diren merezimenduen egiaztagiriak eta soilik baloratuko dira 2003ko irailaren 1etik 2004ko abuztuaren 31 arte osatutako merezimenduak.

2003ko irailaren 1a baino lehenago osatutako merezimendurik ez da inongo kasutan deialdi honetan konputatuko.

Bigarrena._EGA edo antzeko titulua aurkeztea.

Euskarazko lanpostuetan aldi baterako kontratuarekin aritzeko EGA edo balio bereko titulurik gabe ageri bada izangairen bat espezialitate eta hizkuntza bakoitzari dagozkion zerrendetan, baina zerrendetan sartuz geroztik titulu hori beretu badu, zilegi izanen du tituluaren fotokopia konpultsatua aurkeztea, eskabideak aurkezteko epe berean, eta horren arabera berrantolatuko dira titulazio hori duten kasuko espezialitateko gainerako izangaiekin.

Hirugarrena._Hizkuntzen profil mistoko lanpostuak.

Ingelesezko edo frantsesezko profil mistoko lanpostuak lortu nahi dituzten izangaiek Hizkuntza Eskola Ofizialeko goi mailako titulua eduki beharko dute. Titulu hori ez daukatenei, hizkuntzen profil mistoko lanpostuak lortu nahi badituzte, proba bat gainditu beharko dute frogatzeko behar den jakite-maila dutela. Hezkuntza Departamentuko Araubide Bereziko Irakaskuntzaren Atalak zehaztuko ditu proba horren edukia eta ezaugarriak.

Probak egiteko onarturiko izangaien zerrenda izangai berriak onartzeko deialdiko partaideen zerrendarekin batera argitaratuko da, onartzeko deialdiko seigarren oinarrian haiendako ezarririko prozedurari jarraituz.

Halaber, eskaerak aurkezteko epea bukatutakoan, jendaurrean jarriko dira epaimahaien eraketa eta probak egiteko tokia, eguna eta ordua, izangai berriak onartzeko deialdiko partaideekin batera.

Laugarrena._Musikako eta Arte Eszenikoetako irakasleak. Goi Mailako Musika ikasketetan irakasle.

1. Ebazpen honen IV.A) eranskinean aipatutako Musikako eta Arte Eszenikoetako espezialitateetako zerrendetan agertzen diren izangaiek egin ahal izanen dute/dituzte aipaturiko eranskinean espezialitate bakoitzeko ezarritako berariazko proba edo probak, eta hauek gainditzeak ahalbidetuko die izangaiei Goi Mailako Musika ikasketak ematea.

Horri begira, izangaiek proba horiek egin nahi dituztela adierazi beharko dute parte hartzeko eskabidean.

2. Berariazko proba hauen ezaugarriak ebazpen honetako IV.B) eranskinean zehaztuko dira, eta bere kalifikazioa gai edo ez gai izanen da.

3. Nolanahi ere, proba hauek egin ahal dituzten izangaiek ondoko tituluren bat izan beharko dute: doktorea, lizentziaduna, arkitektoa, ingeniaria edo Goi Mailako Musikako irakaslea.

4. Giza Baliabideen Zerbitzuak argitara emanen du epaimahaien eraketa eta berariazko proba bakoitza non, noiz eta zein ordutan egingo den.

5. Proba horiek gainditzen dituzten izangaiak aldi baterako kontratatzeko izangaien zerrendetan aipamen batekin agertuko dira, zeinen bidez jakinaraziko den gainditu duten/dituzten berariazko proba/k. Beraz, izangai guztientzat ezarritako lehentasun hurrenkerari jarraituz deituko zaie, baina gainditutako berariazko proba edo probak kontuan hartuz, betiere Musikako Goi Mailan zehaztuko diren zerbitzu beharren arabera.

Laugarrena._Eskaerak eta dokumentazioa.

1. Merezimenduak frogatzen dituzten agiriekin batera aurkeztu beharko dute interesatuek berriro antolatzeko eskabidea.

Merezimenduen baremoko "Irakasle esperientzia" izeneko I. atala baloratzeari dagokionez, Giza Baliabideen Zerbitzuak ofizioz erantsiko du zer zerbitzu egin duten interesatuek Nafarroako Gobernuko Hezkuntza Departamenturako, parte-hartzaile bakoitzaren espediente pertsonaleko dokumentazioaren arabera. Horregatik, Departamentu honen menpeko ez diren beste ikastetxe publiko edo pribatuetako esperientziaren dokumentazioa aurkeztu beharko dute interesatuek.

2. Baremoko "Beste merezimendu batzuk: etengabeko prestakuntza" izeneko IV. atalari dagokiona horretarako izendatutako batzordeak edo batzordeek baloratzeari dagokionez, interesatuek merezimendu horien egiaztagiriak parte hartzeko eskabideari eransten zaizkion agirietatik bereiz aurkeztu beharko dituzte. Horretarako, berrantolatzeko eskabidearekin batera emanen den fitxa bat ere bete beharko da.

3. Oinarri honen arabera, izangaiak ez daude behartuta parte hartzeko eskabiderik aurkeztera, baldin eta bakarrik merezimendutzat alegatzen badituzte baremoko I. ataleko zerbitzuak eta puntuazioa, Giza Baliabideen Zerbitzuak ofizioz aurkezten baititu. Era berean izangaiak ez daude behartuta parte hartzeko eskabiderik aurkeztera deialdi honetan merezimendu berririk ez badute alegatu behar.

III._ESPEZIALITATE ETA HIZKUNTZA BAKOITZARI DAGOZKION ZERRENDETAN IZANGAI BERRIAK ALDI BATERAKO KONTRATATZEKO DEIALDIAREN ETA ZERRENDA HAUETAKO IZANGAIAK BERRANTOLATZEKO DEIALDIAREN ARAU KOMUNAK

Lehena._Eskabideak aurkezteko epea.

Deialdi guztietarako eskabideak aurkezteko epea ebazpen hau Nafarroako ALDIZKARI OFIZIALean argitaratu eta biharamunetik 2005eko utarrilaren 15a bitarte izanen da, biak barne.

Eskabideak Hezkuntza Departamentuko Argibide eta Agiri Bulegoan eta http://www.pnte.cfnavarra.es interneteko helbidean eskuratu ahal izanen dira.

Bigarrena._Aurkezteko tokia.

Zilegi izanen da parte hartzeko eskabideak eta dokumentazioa Hezkuntza Departamentuaren Erregistro Bulegoan aurkeztea edo, bestela, Administrazio Publikoen Araubide Juridikoari eta Guztiendako Administrazio Prozedurari buruzko Legeko 38. artikuluak aipatzen dituen tokietako edozeinetan. Eskabidea posta bulego batean aurkezten dutenek, gutun-azal irekian egin beharko dute, posta funtzionarioak, gutuna ziurtatu baino lehen, zigilua eta data jar diezazkion eskabideari.

Izangai berriek zilegi izanen dute parte hartzeko eskaeran gehienez hiru harreman-telefono jartzea, Departamentuak erraz aurkitu eta deitu ahal izateko; zilegi izanen da telefono zenbaki horiek nahi duten guztietan aldatzea, hartarako Hezkuntza Departamentuko Giza Baliabideen Zerbitzura eskaera bat bidalita.

Hirugarrena._Interesatuek erantsitako dokumentazioaren konpultsak eta hizkuntza.

Aurkezten diren agiri guztietan izangaiaren izen-deiturak agertuko dira. Agiriak originalen fotokopien bidez aurkeztea zilegi den kasuetan, fotokopiek nahitaez hauetako batek konpultsaturik beharko dute: Hezkuntza Departamentuaren menpeko ikastetxeetako zuzendariek, Hezkuntza eta Kultura kontseilariaren maiatzaren 18ko 182/2001 Foru Aginduaren arabera (Nafarroako ALDIZKARI OFIZIALa, 79.a, ekainaren 29koa), Hezkuntza eta Kultura Ministerioak, Nafarroako Gobernuko Hezkuntza Departamentuak edo beste Hezkuntza Administrazio bateko organo eskudunek, edo 30/1992 legearen 38. artikuluaren 4. atalak (4/1999 Legearen bidez berridatzia) aipatzen dituen organoek.

Gaztelaniara itzuli beharko dira atzerriko hizkuntza batean idatzitako agiriak eta beste Autonomia Erkidego bateko hizkuntza ofizial propioan idatzitakoak. Hauek zinpeko itzultzaileek egindako itzulpenak izan beharko dute.

Laugarrena._Giza Baliabideen Zerbitzuari atxikitako langileek esanen dute merezimenduen baremoko I eta II. atalen arabera zenbat puntu dagozkien izangaiei. Halaber, Hezkuntza Departamentuko Hezkuntzaren Plangintzarako Zerbitzuaren proposamenari jarraikiz, Zerbitzu horrek izendatu organoak edo organoek baloratuko ditu(zte) baremoko IV. atalaren arabera aurkeztu dituzten merezimenduak.

Bosgarrena._Berdinketak hausteko irizpideak.

Izangaien zerrenda batean berdinketarik izaten bada, ebazpen honen I. eranskineko baremoko ataletan ateratako puntuaziorik handiena hartuko da aintzat, bertan ageri diren hurrenkeran bata bestearen ondotik. Berdinketak halere irauten badu, azpiataletan ateratako puntuazioa hartuko da aintzat, baremoan ageri diren hurrenkeran hartuta haiek ere. Atalen kasuan, aintzat hartzen den puntuazioa ez da inoiz izanen atal bakoitzari baremoak ematen dion puntuaziorik handiena baino gehiagokoa. Baremoko azpiataletako puntuazioa kontuan hartu behar izaten bada, haietako bakoitzean izandako puntuazio osotarakoa hartuko da aintzat.

Hala behartzen bada, eta berdinketa hausteko azken irizpidetzat, ikasketen espedienteko batez besteko nota hartuko da eta lehen deituraren hurrenkera alfabetikoa eta hala behartzen bada bigarrenarena (kontuan harturik zozketa bat eginen dela Giza Baliabideen Zerbitzuan finkatzeko zer letratatik hasiko den kontatzen).

Seigarrena._Behin-behineko zerrendak.

Behin izangaiak ordenaturik, Hezkuntza eta Kultura kontseilariaren urriaren 23ko 395/2001 Foru Aginduak ezarri dituen leheneste irizpideen arabera, Giza Baliabideen Zerbitzuak jendaurrera aterako ditu Argibide eta Agiri Bulegoan Hezkuntza Departamentuaren zerbitzuan aldi baterako kontratuarekin irakasle lanpostuetan aritu nahi duten izangaien behin-behineko zerrendak, baita baztertuen zerrendak ere, baztertzearen arrazoia azalduz.

Giza Baliabideen Zerbitzuak ofizioz erantsi dituen zerbitzuak ere aterako dira jendaurrera, merezimenduen baremoko I. atala baloratzeari dagokionez.

Zerrenda horien kontra interesatuek zilegi izanen dute erreklamazio idazkiak aurkeztea argitaratu eta biharamunetik hasita hamar egun naturaleko epean.

Zazpigarrena._Behin betiko zerrendak.

Halako erreklamaziorik izaten bada, erreklamazioa aztertu eta Argibide eta Agiri Bulegoan aterako dira jendaurrera Hezkuntza Departamentuaren zerbitzuan aldi baterako kontratuarekin irakasle lanpostuetan aritzeko izangaien behin betiko zerrendak.

Zortzigarrena._Behin eratu direlarik ebazpen honetan ezarritako irizpideen arabera aldi baterako kontratuarekin aritzeko izangaien zerrendak, izangaiei deitzeko sistema, inor zerrendetatik kentzeko irizpideak eta kontratazio horrekin lotutako beste zenbait alderdi finkatzeko, Hezkuntza eta Kultura kontseilariaren urriaren 23ko 395/2001 Foru Aginduak xedatzen duena hartuko da aintzat. Hezkuntza eta Kultura kontseilariak, urriaren 24ko 497/2002 Foru Aginduaren bidez, aldatu egin zuen.

Bederatzigarrena._Ebazpen honen kontra interesatuek gora jotzeko errekurtsoa jartzen ahal dute, Nafarroako Gobernuari zuzendua, Nafarroako ALDIZKARI OFIZIALean argitara eman eta biharamunetik hilabeteko epean.

Iruñean, 2004ko azaroaren 24an._Giza Baliabideen Zerbitzuko zuzendaria, José María Gracia Galilea.

I. ERANSKINA

Merezimenduen baremoa

I._Irakasle lanetan izaniko esperientzia: 12 puntu gehienez.

_Irakasle esperientzia ikastetxe publikoetan:

1) Hartu nahi den lanpostuaren hezkuntza maila eta espezialitate bereko irakasle esperientzia: urteko 1,2 puntu; hilabete osoko 0,10 puntu.

2) Hartu nahi den lanpostuarena ez bezalako hezkuntza maila edo espezialitate bateko irakasle esperientzia: urteko 0,78 puntu; hilabete osoko 0,065 puntu.

Ziurtagiri froga-emaileak:

zerbitzuen ziurtagiria, Hezkuntza Departamentuak, Zuzendaritza Probintzialak edo Hezkuntza Administrazio eskudunak emana. Kasu guztietan adierazi behar da zein espezialitatetan izan duen izendapena, baita zerbitzuak hasi eta bukatu zireneko data zehatzak ere. Ziurtagiri hauetan ez bada adierazten zerbitzuak ikastetxe publikoetan eman direnik, aipatu zerbitzuak bestelako ikastetxeetan eman izan balira bezala hartuko dira kontuan, I.3 edo I.4 ataletan, dagokionaren arabera. Ez dira kontuan hartuko jabetza hartzeko eta zerbitzuak bertan behera uzteko orriak.

_Irakasle esperientzia bestelako ikastetxeetan:

3) Hartu nahi den lanpostuaren hezkuntza maila eta espezialitate bereko irakasle esperientzia: urteko 0,60 puntu; hilabete osoko 0,05 puntu.

4) Hartu nahi den lanpostuarena ez bezalako hezkuntza maila edo espezialitate bateko irakasle esperientzia: urteko 0,39 puntu; hilabete osoko 0,0325 puntu.

Ziurtagiri froga-emaileak:

ikastetxearen ziurtagiria, Zerbitzuak Ikuskatzeko eta Ikuskapen Teknikorako Zerbitzuaren oniritziarekin, bertan hezkuntza maila, espezialitatea eta zerbitzuen benetako iraupena ageri direla, hasi eta bukatu zireneko data zehatzak adieraziz.

I. atalerako oharrak:

1. Atal honetan gehienez hamar urte hartuko dira kontuan, urte bakoitza ataletako bakar batean baloratuta.

2. Ez dira kontuan izanen interesatuek sinatutako kontratuen zerbitzuak, fotokopia bidez bakarrik egiaztatuta badaude, ezta ikastetxe pribatuek luzatutako egiaztagiriak ere, ez bada Zerbitzuak Ikuskatzeko eta Ikuskapen Teknikorako Zerbitzuaren Ontzat Emana agertzen, nahiz eta Gizarte Segurantzako kotizazio egiaztagiriak erantsi.

3. Ez da zerbitzuen egiaztagiririk kontuan izanen, horien hasiera eta amaiera data zehatzik ez bada agertzen, nahiz eta bertan ageri zerbitzuen iraupena ikasturte batekoa izan dela.

4. Kasuan kasuko ziurtagirian zer espezialitate eta maila agertu, zerbitzuak horietan eginak direla ulertuko da. Espezialitate edo maila bat baino gehiago agertzen badira, espezialitate edo maila bakar batean baloratuko dira zerbitzuak, eta ziurtagirian lehenbiziko ageri den hartan kontatuko dira, non eta interesatuak ez duen idatziz eskatzen ziurtagirian dagoen beste espezialitate edo maila bati dagozkion zerbitzuak baloratzea nahi duela. Espezialitatea frogatzen ez bada, ulertuko da zerbitzuak hartu nahi dena ez bezalako espezialitate batean eman direla.

5. Berariazko Lanbide Heziketako espezialitate berriei dagokienez (Bigarren Hezkuntzako Irakasleen eta Lanbide Heziketako Irakasle Teknikoen Kidegoetakoak, eta Musikako eta Arte Eszenikoetako Irakasleen Kidegokoak, baita Arte Plastikoetako eta Diseinuko tailer maisuen eta irakasleen Kidegoetakoak ere), espezialitate berekotzat konputatuko dira kidego horietako espezialitate zaharretan egindako zerbitzuak, urriaren 6ko 1635/1995, apirilaren 30eko 777/1998, ekainaren 2ko 989/2000 eta abenduaren 5eko 1284/2002 Errege Dekretuetan ezarritako egokitzapenen arabera.

6. Atzerrian egindako zerbitzuak herrialde bakoitzeko Hezkuntza Ministerioak luzatutako ziurtagirien bidez egiaztatuko dira, eta bertan zerbitzualdia, hasiera eta amaiera data zehatzak barne, ageriko da, baita ikastetxe mota ere: publiko edo pribatua. Emandako irakasgaia ez bada frogatzen, edo berau aukeratutako espezialitatearekin ez badator bat, ulertuko da zerbitzuak hartu nahi dena ez bezalako espezialitate batean eman direla. Ziurtagiri horiek gaztelaniara itzulita ekarri beharko dira. Itzulpen hauek zinpeko itzultzaileek eginak izan beharko dute.

7. Unibertsitateko irakaslana ikastetxearen ziurtagirien bidez egiaztatuko da, eta bertan zerbitzualdiaren hasiera eta amaiera data zehatzak egiaztatuko dira, baita zerbitzu horiek irakasle gisa prestatu direla ere, baita ikastetxea publiko edo pribatua den ere.

8. Ikastetxe publikotzat honako hauek hartuko dira: Estatuko sare publikoan sartutako ikastetxe eta programak edo hezkuntzako eskuduntza guztiak dituzten autonomia erkidegoetakoak, eta Nafarroako Gobernuaren mendeko ikastetxe publikoekin bat egindako ikastetxeak.

9. Atal honen ondorioetarako, puntuazioak ezin izanen dira metatu zerbitzuak ikastetxe bat baino gehiagotan aldi berean egin direnean.

II._Prestakuntza akademikoa. 2 puntu gehienez.

1._Ezinbesteko baldintzatzat alegatu den tituluaren espediente akademikoa:

Espediente akademikoaren batez besteko nota honela baloratuko da:

_6 puntutik 6,99raino: 0,50 puntu.

_7 puntutik 8,49ra bitarte: 0,625 puntu.

_8,50 puntutik 10era bitarte: 0,75 puntu.

Zenbateko zehatza agertzen ez den kasuetan batez bestekoa ondoko baliokidetzen arabera egingo da:

_Nahikoa: 5 puntu.

_Ongi: 6 puntu.

_Oso ongi: 7 puntu.

_Bikain: 9 puntu.

_Ohorezko matrikula: 10 puntu.

Ziurtagiri froga-emaileak:

Ziurtagiri akademiko pertsonala (jatorrizkoa edo fotokopia konpultsatua). Horretan agertuko dira baldintza modura alegatutako titulua lortzeko irakasgai eta ikasturte guztietako puntuazioak.

Ez da kontuan hartuko ziurtagiri akademikoan agertzen den batez besteko nota, irakasgaien puntuazioak zenbaki bidez adierazita ez daudenean. Horrelakoetan arestian aipatu baliokidetasunen arabera lortuko da.

Batez bestekoa puntuazio guztien batuketaren emaitza irakasgai kopuruaz zatituta aterako da. Ondorio hauetarako, praktiken notak irakasgai baten balioa izanen du. Espedientean irakasgai konbalidatuak edo gai kalifikazioa izan dutenak azaltzen badira, ez dute inolako baliorik izanen, baldin eta lehiakideak ez badu aurkezten konbalidatutako irakasgaiaren edo gai kalifikazioa izan duenaren zenbaki balioa azaltzen duen egiaztagiria.

2._Doktoretza:

2.1. Doktore titulua: 0,50 puntu.

Ziurtagiri froga-emaileak:

Tituluaren fotokopia konpultsatua edo titulazio hori eskuratzeko eskubideak ordaindu izanaren ziurtagiria.

3._Ezinbesteko baldintza ez diren beste titulazio batzuk:

3.1.

Diploma, ingeniaritza tekniko edo arkitektura teknikoko titulu bakoitzeko edo legez baliokide diren tituluak eta lizentzia, arkitektura edo ingeniaritza bateko lehen zikloari dagozkion ikasketak: 0,375 puntu bakoitzeko.

3.2.

Lizentzia, ingeniaritza edo arkitekturako bigarren zikloari dagozkion ikasketak edo legez balio berekotzat emandako tituluak: 0,375 puntu bakoitzeko.

Ziurtagiri froga-emaileak:

Ezinbesteko baldintza den tituluaren fotokopia konpultsatua, bai eta merezimendu gisa alegatzen diren guztiena ere, edo, bestela, titulua eskuratzeko eskubideak ordaindu izanaren ziurtagiria.

Lehen zikloko titulazioak puntuatuko badira, ezinbestekoa da diplomadun tituluaren fotokopia aurkeztea, edo bestela lizentzia, ingeniaritza edo arkitektura bateko lehenbiziko hiru kurtsoko irakasgaiak egin eta gainditu direla azalduko duen ziurtagiri akademiko petsonala. Egokitzapen kurtsoa gainditzea ez da hartuko lehen zikloko titulaziotzat.

Lizentziadun, ingeniari edo arkitekto tituluaren fotokopia aurkezten bada, aintzat hartuko dena bigarren zikloko titulazioari dagokion puntuazioa izanen da soilik, salbu 3.1. atalaren arabera baloratzeko aurreko idatz-zatian aintzat hartzen diren egiaztagiri akademikoak eransten badira.

4._Araubide Bereziko Irakaskuntzaren titulazioak:

Atal honetan baloratuko dira Hizkuntza Eskola Ofizialek, Musikako Kontserbatorio Profesionalek eta Goi Mailakoek eta Hezkuntza Administrazioek araubide bereziko ikasketendako ematen dituzten titulazioak, ezinbesteko baldintzatzat alegatu direnez bestelakoak. Honela:

4.1.

Erdi mailako Musika eta Dantza: 0,125 puntu.

4.2. Hizkuntzen irakaskuntza:

4.2.1. Goi mailako zikloa: 0,125 puntu.

4.2.2. Erdi mailako zikloa: 0,125 puntu.

4.2.3. EGA titulua edo balio berekoa: 0,25 puntu.

Ziurtagiri froga-emaileak:

Merezimendutzat alegatutako tituluaren fotokopia konpultsatua.

Euskarazko lanpostuetarako lehiatzen bada, ez da euskarazko titulu bakar bat ere baloratuko. Gaztelaniazko lanpostuetarako lehiatzen bada eta baliokideak diren euskarazko titulu bat baino gehiago aurkezten badira, titulu horietako bat bakarra baloratuko da.

Hizkuntza Eskola Ofizialeko gaitasun agiriak bi zikloak hartzen ditu bere baitan.

Hizkuntza bereko titulu bat baino gehiago aurkezten badira eta baliokideak badira, haietako bat bakarra hartuko da kontuan.

III._Kidegoetan sartzeko hautapen prozeduretako ariketak gainditzea. 4 puntu gehienez.

Nafarroako Foru Komunitateko Administrazioak kidegoetan sartzeko egin zuen azken hautapen prozesuan, lanpostua lortu gabe, gainditu zuen ariketa bakoitzeko (2004ko urtarrilaren 1etik aurrera, kasuko espezialitate, kidego eta hizkuntz eredurako): 2 puntu. Prozesuko ariketa guztiak gainditu bazituen, 4 puntu lortuko ditu.

IV._Beste merezimendu batzuk. 2 puntu gehienez.

Atal honengatik soilik baloratuko da 1990eko irailaren 1etik aurrera osatutako etengabeko prestakuntza hau:

a) Hezkuntza administrazioek, unibertsitateek edo irabazi asmorik gabeko erakundeek, baldin eta azken hauek Hezkuntza administrazioekin lankidetza hitzarmenak edo Etengabeko Prestakuntzarako hitzarmenak sinaturik badituzte, dei egindako ikastaro, mintegi, lantalde eta ikastetxeetako prestakuntza proiektuek, bukatu direnek, zerikusia badute hautaturiko espezialitatearekin edo eskolako antolaketarekin, hezkuntzari aplikatutako teknologia berriekin, hezkuntzako psikopedagogia eta psikologiarekin edo didaktikarekin oro har: 0,05 puntu ikastaroko hamar orduko edo kredituko.

Ondorio hauetarako, ikastaro guztien orduak batuko dira, eta ez dira puntuatuko hamarretik beherakoak diren gainerako orduak.

b) Aurreko a) atalean aipatzen diren prestakuntza ikastaro edo jardueretan zuzendari, koordinatzaile, txostengile, irakasle edo tutore moduan parte hartzeagatik: 0,01 puntu prestakuntza jarduera orduko.

Aipatu a) eta b) atalengatik gehienez ere 2 puntu lor daitezke.

Ziurtagiri froga-emaileak:

Horien ziurtagiria, zenbat ordu edo zenbat kreditu egin diren eta prestakuntza jarduera zein datetan egin den espresuki azalduko duena.

Irabazi asmorik gabeko erakundeek antolatutako prestakuntza jarduerak badira, ziurtagiriari berari erantsiko zaio edota eranskin batean aurkeztuko da Administrazioarekin duen lankidetza hitzarmena edo Etengabeko Prestakuntzarako hitzarmena, edo halakorik bada, dagokion onespena edo homologazioa.

IV. atalaren oharrak:

1. Ikastorduen edo kredituen kopurua agertzen ez duten ziurtagiriei kreditu bateko balorazioa emanen zaie.

2. IV. atal honetan ez dira sekula ere baloratuko titulu akademiko (doktoretza barne), "master" edo gradutatuondoko beste titulazio bateko curriculuma osatzen duten ikastaro edo irakasgaiak. Behin ikastaroak amaituta eta dagozkien tituluak eskuratuta, titulu horiek, egoki bada, baremoko II. edo IV. atalaren arabera baloratuko dira.

3. Ez dira baloratuko espediente akademikoan ageri diren Unibertsitateek antolatzen dituzten ikastaroak, salbu kasuan kasuko unibertsitateak ziurtatzen badu bere espediente barruan ez dagoela.

4. Prestakuntza jarduerak onartzeko kontuan hartuko den data ziurtagiriak ematen direnekoa izanen da.

Merezimenduen baremo osoarendako oharrak:

1. Soilik barematuko dira 2004ko abuztuaren 31rako burutu diren merezimenduak, izangaiek eskabideak aurkezteko epea bukatzen den egunerako aurkezten badituzte.

2. Gaztelaniara itzuli beharko dira atzerriko hizkuntzan edo beste autonomia erkidego bateko hizkuntzan idatzitako agiriak. Itzulpen hauek zinpeko itzultzaileek eginak izan beharko dute.

II. ERANSKINA

Titulazio baldintzak

Oharra: beheko titulazioak irailaren 30eko 1954/1994 Errege Dekretuan zerrendatutakoak dira. Horretan esaten da tituluak nola homologatu behar diren azaroaren 27ko 1497/1987 Errege Dekretuak sortu zuen Unibertsitateko Titulu Ofizialen Katalogoko tituluekin. Arau horri jarraikiz, kontuan hartuko dira, halaber, ondokoekin homologatutako titulazioak.

A) BIGARREN HEZKUNTZAKO IRAKASLEEN KIDEGOA

Frantsesa.

_Frantses Filologiako lizentziaduna.

_Frantsesezko Itzulpengintza eta Interpretaritzako lizentziaduna.

_Hizkuntzalaritza/Filologia/Itzulpengintzako lizentziaduna eta Hizkuntza Eskola Ofizial bateko Frantsesezko Gaitasun Agiria edo DALF.

Grekoa.

_Filologia Klasikoko lizentziaduna.

Latina.

_Filologia Klasikoko lizentziaduna.

Fabrikazio mekanikoaren antolaketa eta proiektuak.

_Ingeniaria. Aeronautikakoa; Industrietako Automatika eta Elektronikakoa; Industrietakoa; Meategietakoa; Industrien Antolamendukoa; Materialetakoa; Itsaso eta Ozeanoetakoa.

_Lizentziaduna: Ontzigintzako Makinetan.

_Industrietako ingeniari teknikoa, espezialitate guztiak.

_Meategietako ingeniari teknikoa, espezialitate guztiak.

_Industrien Diseinuko ingeniari teknikoa.

_Aeronautikako ingeniari teknikoa, aireontzien espezialitatea, aeroespazioko ekipo eta materialen espezialitatea.

_Ontzietako ingeniari teknikoa, itsas-egituren espezialitatea.

_Nekazaritzako ingeniari teknikoa, nekazaritza eta abeltzaintzako ustiategien espezialitatea, Nekazaritzako eta Elikadurako industrien espezialitatea eta Landa eraikuntzen eta mekanizazioaren espezialitatea.

_Herri lanetako ingeniari teknikoa, eraikuntza zibilen espezialitatea.

_Ontzietako makinetako diplomaduna.

Energia sistemen antolaketa eta proiektuak

_Arkitektoa.

_Ingeniaria. Industrietakoa; Aeronautikakoa; Industrietako Automatika eta Elektronikakoa; Meategietakoa; Industrien Antolamendukoa; Materialetakoa; Itsaso eta Ozeanoetakoa.

_Lizentziaduna: Ontzigintzako Makinetan.

_Industrietako ingeniari teknikoa, espezialitate guztiak.

_Aeronautikako ingeniari teknikoa, espezialitate guztiak.

Herri lanetako ingeniari teknikoa, espezialitate guztiak.

_Telekomunikazioetako ingeniari teknikoa, espezialitate guztiak.

_Ontzietako ingeniari teknikoa, espezialitate guztiak.

_Meategietako ingeniari teknikoa, espezialitate guztiak.

_Ontzietako makinetako diplomaduna.

Teknologia.

_Ingeniaria.

_Arkitektoa.

_Fisikako, Marina Zibileko, Ontzigintzako Makinetako, Nautika eta Itsas Garraioetako, Ontzietako Erradioelektronikako lizentziaduna.

_Ingeniari teknikoa.

_Arkitekto teknikoa.

_Marina Zibileko diplomaduna.

B) HIZKUNTZA ESKOLA OFIZIALETAKO IRAKASLEEN KIDEGOA

Ingelesa.

_Ingeles Filologiako lizentziaduna.

_Hizkuntzalaritza/Filologia/Itzulpengintzako lizentziaduna eta Hizkuntza Eskola Ofizial bateko Ingelesezko Gaitasun Agiria

C) LANBIDE HEZIKETAKO IRAKASLE TEKNIKOEN KIDEGOA

Instalazio Elektroteknikoak

_Fisikako lizentziaduna.

_Ingeniaria. Telekomunikazioan, Elektronikan, Industrietako Automatika eta Elektronikan, Industrietan.

_Diplomaduna. Ontzietako Erradioelektronikan.

_Aeronautikako ingeniari teknikoa, Aeronabigazioko espezialitatea.

_Sistemen Informatikako ingeniari teknikoa.

_Industrietako Ingeniari Teknikoa, Elektrizitateko espezialitatea.

_Industrietako ingeniari teknikoa, Industrietako Elektronikako espezialitatea.

_Telekomunikazioetako ingeniari teknikoa, espezialitate guztiak.

_Elektrizitate-Elektronikako lanbide adarreko lanbide heziketako espezialitate bateko goi maileko teknikaria.

_Elektrizitate-Elektronikako lanbide adarreko lanbide heziketako espezialitate bateko teknikari espezialista.

Makinen mekanizazio eta mantentze lanak.

_Ingeniaria. Industrietako Automatika eta Elektronikan, Industrietan, Materialetan, Itsaso eta Ozeanoetan.

_Ontzigintzako Makinetako lizentziaduna.

_Ontzietako makinetako diplomaduna.

_Industrietako ingeniari teknikoa, Mekanikaren espezialitatea.

_Industrien Diseinuko ingeniari teknikoa.

_Ontzietako ingeniari teknikoa, itsas-egituren espezialitatea.

_Meategietako ingeniari teknikoa, Mineralgintza eta Metalgintza espezialitateak.

_Nekazaritzako ingeniari teknikoa, Landa eraikuntzen eta mekanizazioaren espezialitatea.

_Mekanizazioaren bidezko Produkzioko goi mailako teknikaria.

_Goi Mailako Teknikaria, Fabrikazio Mekanikoaren arloko lanbide heziketako espezialitate batean.

_Metalgintzako lanbide adarreko lanbide heziketako espezialitate bateko teknikari espezialista.

_Goi Mailako Teknikaria, Mantentze Lanen eta Produkziorako Zerbitzuen arloko lanbide heziketako espezialitate batean.

Ile-apainketa.

_Lizentziaduna: Biologian, Biokimikan, Farmazian, Medikuntzan, Kimikan.

_Diplomaduna. Fisioterapian, Erizaintzan, Podologian.

_Goi Mailako Teknikaria, Irudi Pertsonalaren arloko lanbide heziketako espezialitate batean.

_Ile-apainketa eta Estetikako lanbide adarreko lanbide heziketako espezialitate bateko teknikari espezialista.

Ostalaritzako zerbitzuak.

_Elikagaien Zientzia eta Teknologiako lizentziaduna.

_Turismoko diplomaduna.

_Jatetxeetako goi mailako teknikaria.

_Ostalaritzako teknikari espezialista.

_Goi Mailako Teknikaria, Ostalaritza eta Turismo arloko lanbide heziketako espezialitate batean.

_Teknikari Espezialista, Ostalaritza eta Turismo arloko lanbide heziketako espezialitate batean.

Soldadura.

_Ingeniaria. Industrietakoa, Ontzigintzakoa eta Ozeanoetakoa.

_Ontzietako makinetako diplomaduna.

_Industrietako ingeniari teknikoa, Mekanikako espezialitatea.

_Aeronautikako ingeniari teknikoa, aeroespazioko ekipo eta materialen espezialitatea.

_Industrien Diseinuko ingeniari teknikoa.

_Ontzietako ingeniari teknikoa, itsas-egituren espezialitatea.

_Herri lanetako ingeniari teknikoa, eraikuntza zibilen espezialitatea.

_Nekazaritzako ingeniari teknikoa, Landa eraikuntzen eta mekanizazioaren espezialitatea.

_Eraikuntza Metalikoetako goi mailako teknikaria.

_Teknikari espezialista: Metalezko Eraikuntzan, Soldaduran, Fabrikazio Soldatuan, Egiturazko Xaflaren bidezko Galdaragintzan.

_Goi Mailako Teknikaria, Fabrikazio Mekanikoaren arloko lanbide heziketako espezialitate batean.

_Metalgintzako lanbide adarreko lanbide heziketako espezialitate bateko teknikari espezialista.

D) MUSIKAKO ETA ARTE ESZENIKOETAKO IRAKASLEEN KIDEGOA

.Espainiako Dantza, Gaur Egungo Dantza eta Flamenkoa

_Dantzako goi mailako titulua.

_Agiria, Hezkuntza Sistemaren Antolamendu Orokorraren urriaren 3ko 1/1990 Lege Organikoa ezarri aurreko Dantza ikasketa ofizialak oso-osorik gainditu direla egiaztatzen duena, Musikako kontserbatorioek, Dantzako kontserbatorioek, eta Arte Dramatiko eta Dantzako eskolek emana.

_Erakunde eskudunek emandako kredentziala, zeinetan esaten baita aurreko ataleko ikasketak gainditu direla.

_Doktorea, lizentziaduna, ingeniaria, arkitektoa.

.Baxu elektrikoa (jazza), Bateria (jazza), Kantua (Jazza), Kontrabaxua (jazza), Gitarra elektrikoa (jazza), Pianoa (jazza), Saxofoia (jazza), Tronpeta (jazza), Tronboia (Jazza), Taldea (jazza), Harmonia (jazza), Musikari aplikaturiko Teknologia, Gorputz teknika eta mugimendua, Gaur Egungo Musika, Eszena Lirika, Lan Merkatua eta Kudeaketa.

_Goi mailako musikako teknikaria

_Doktorea, lizentziaduna, ingeniaria, arkitektoa.

.Gainontzeko espezialitateak:

_Oinarrizko mailan eta erdi mailan irakasteko:

-Goi mailako musikako teknikaria.

-Doktorea, lizentziaduna, ingeniaria, arkitektoa.

-Irakasteko baliokidea den titulua: irailaren 10eko 2618/1966

Dekretuaren arabera emandako Irakasle titulua.

_Goi mailan irakasteko:

-Goi mailako musikako teknikaria

-Doktorea, lizentziaduna, ingeniaria, arkitektoa.

E) ARTE PLASTIKOETAKO ETA DISEINUKO IRAKASLEEN KIDEGOA

Arte Plastikoetako eta Diseinuko irakasleen Kidegoaren espezialitateetarako nahitaezko titulazioak:

_Arte Ederretako lizentziaduna

_Doktorea, lizentziaduna, ingeniaria, arkitektoa.

III. ERANSKINA

Zenbait kidegotako espezialitate batzuetarako proben ezaugarriak eta edukia

A) Bigarren Hezkuntzako irakasleen, Lanbide Heziketako irakasle teknikoen, Arte Plastikoetako eta Diseinuko irakasleen Kidegoak.

Proba test modukoa, erantzun anitzekin, izanen da. Nafarroan eskainitako heziketa zikloetan irakasten diren espezialitateen moduluetako edukiak aintzat hartuko ditu. Horretarako, deialdi honetako V. eta VI. eranskinetan xedaturikoa hartuko da kontuan.

Proba gehienez ere hiru ordukoa izanen da.

B) Musikako eta Arte Eszenikoetako Irakasleen Kidegoa.

_Musika ontzeko oinarriak

1.1. ariketa: Obra txiki bat ontzea epaimahaiak emanen duen gaiarekin eta ezaugarri orokorrekin.

1.2. ariketa: Piano ariketa:

a) Epaimahaiak emandako partitura baten bat-bateko irakurketa eta haren transposizioa egitea.

b) Aurretik ezarritako egitura harmoniko baten gainean inprobisatzea.

2. ariketa: Harmoniako laugarren mailako klase bat ematea. Gaia epaimahaiak proposatuko du. Sarrera labur bat egin beharko da, eman nahi den klase horren alderdi pedagogiko garrantzitsuenak zein diren esateko. Epaimahai aztertzaileak espezialitatearen gaineko galderak egin eta azalpenak eska ditzake. Proba gehienez ere 20 minutukoa izanen da.

_Musikaren Historia

1. ariketa: epaimahaiak proposatutako gai bat garatzea idatziz, irakasgaiaren edukiekin zerikusia izanen duena. Eduki horiek Erdi Mailako Curriculumean deskribatuta daude (otsailaren 13ko 34/1995 Foru Dekretua, ekainaren 9ko Nafarroako ALDIZKARI OFIZIALko 73. zk.).

2. ariketa: erdi mailako seigarren kurtsoko Musikaren Historiako klase bat ematea. Gaia izangaiak libreki aukeratuko du irakasgaiaren programazioko gaien artean. Sarrera labur bat egin beharko da, eman nahi den klase horren alderdi pedagogiko garrantzitsuenak zein diren esateko. Epaimahai aztertzaileak espezialitatearen gaineko galderak egin eta azalpenak eska ditzake. Proba gehienez ere 20 minutukoa izanen da.

_Korua

1. ariketa: lau ahots mistotako korurako partitura bat hurrengoari egokitzea:

lau ahots zuri erdi mailako bigarren kurtsoaren mailarako.

2. ariketa: klase bat ematea, aurreko ariketa egokituz. Sarrera labur bat egin beharko da, eman nahi den klase horren alderdi pedagogiko garrantzitsuenak zein diren esateko. Epaimahai aztertzaileak espezialitatearen gaineko galderak egin eta azalpenak eska ditzake. Proba gehienez ere 20 minutukoa izanen da.

_Musika Hizkuntza

1. ariketa: epaimahaiak proposatutako bi musika-zati solfeatzea.

2. ariketa: erdi mailako ikasleei klase praktiko bat ematea. Sarrera labur bat egin beharko da, eman nahi den klase horren alderdi pedagogiko garrantzitsuenak zein diren esateko. Epaimahai aztertzaileak espezialitatearen gaineko galderak egin eta azalpenak eska ditzake. Proba gehienez ere 20 minutukoa izanen da.

_Orkestra

1. ariketa: Pianoko partitura bat hurrengoari egokitzea:

Erdi mailako laugarren kurtsoko klase batean baditugu zazpi biolin, bi biolontxelo eta kontrabaxu bat.

2. ariketa: ariketan izangaiek prestatu duten materialarekin klase bat ematea. Sarrera labur bat egin beharko da, eman nahi den klase horren alderdi pedagogiko garrantzitsuenak zein diren esateko. Epaimahai aztertzaileak espezialitatearen gaineko galderak egin eta azalpenak eska ditzake. Proba gehienez ere 20 minutukoa izanen da.

_Soinu Handia, Harpa, Kantua, Klarinetea, Klabea, Kontrabaxua, Fagota, Moko Txirula, Zeharkako Txirula, Gitarra, Oboea, Organoa, Perkusioa, Pianoa, Saxofoia, Tronboia, Tronpa, Tronpeta, Tuba, Biola, Biolina, Biolontxeloa eta Txistua

1. ariketa: musika-tresna baten bildumako bi obra jotzea, nahi direnak eta estilo kontrastatukoak. Hautagai bakoitzak, hala nahi badu, laguntzailea eraman dezake. Epaimahai aztertzaileak egoki dakusanean lanak geldiaraz ditzake.

2. ariketa: erdi mailako ikasle bati klase bat ematea. Edukia, batek nahi duena. Sarrera labur bat egin beharko da, eman nahi den klase horren alderdi pedagogiko garrantzitsuenak zein diren esateko. Epaimahai aztertzaileak espezialitateari dagozkion galderak egin eta azalpenak eska ditzake.

Proba gehienez ere 20 minutukoa izanen da.

_Espainiako Dantza, Gaur Egungo Dantza eta Flamenkoa

Eskola ordu bat eman beharko da, Dantzako Erdi Mailako hirugarren zikloko bigarren kurtsoaren mailaren parekoa.

Ondoren, izangaiak epaimahaiarekin elkarrizketa izanen du.

_Baxu elektrikoa (jazza), bateria (jazza), kantua (jazza), kontrabaxua (jazza), gitarra elektrikoa (jazza), pianoa (jazza), saxofoia (jazza), tronboia (jazza) eta tronpeta (jazza)

1. ariketa: nahi den pieza bat edo gehiago interpretatzea (gehienez ere 15 minutu).

2. ariketa: epaimahaiak proposatutako gai baten gaineko klase bat (gehienez ere 15 minutu) ematea. Sarrera labur bat egin beharko da, eman nahi den klase horren alderdi pedagogiko garrantzitsuenak zein diren esateko. Epaimahai aztertzaileak espezialitatearen gaineko galderak egin eta azalpenak eska ditzake.

3. ariketa: bere irakasgaiaren programazio didaktikoko proposamen bat aurkeztu eta defendatzea (gehienez ere 15 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Harmonia (jazza)

1.1 ariketa: epaimaiak zehaztutako gaiari eta ezaugarriei jarraikiz obra labur bat ontzea.

1.2 ariketa: epaimahaiak emandako egitura baten gainean instrumentu harmonikoarekin inprobisatzea.

2. ariketa: Epaimahaiak proposatutako gai baten gaineko klase bat (gehienez ere 15 minutu) ematea. Sarrera labur bat egin beharko da, eman nahi den klase horren alderdi pedagogiko garrantzitsuenak zein diren esateko. Epaimahai aztertzaileak espezialitatearen gaineko galderak egin eta azalpenak eska ditzake.

3. ariketa: arloko irakasgai bakoitzaren (Harmonia -Jazza-eta Musika Ontzea -Jazza-) programazio didaktikoko proposamen bat aurkeztu eta defendatzea (gehienez ere 15 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Taldea (jazza)

1. ariketa: epaimahaiak emandako konposizio estandar baten gaineko klase bat (gehienez ere 15 minutu) ikastalde bati ematea. Sarrera labur bat egin beharko da, eman nahi den klase horren alderdi pedagogiko garrantzitsuenak zein diren esateko. Epaimahai aztertzaileak espezialitatearen gaineko galderak egin eta azalpenak eska ditzake.

2. ariketa: bere irakasgaiaren programazio didaktikoko proposamen bat aurkeztu eta defendatzea (gehienez ere 15 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Musikari aplikaturiko teknologia

1. ariketa: epaimahaiak proposatutako gai bat, irakasgaiarekin zerikusia duena, idatziz garatzea. (ikus abuztuaren 27ko 423/2002 Foru Aginduan argitaratutako curriculumeko deskriptorea, urriaren 11ko Nafarroako ALDIZKARI OFIZIALa).

3. ariketa: bere irakasgaiaren programazio didaktikoko proposamen bat aurkeztu eta defendatzea (gehienez ere 15 minutu), Nafarroako curriculumari jarraikiz (abuztuaren 27ko 423/2002 Foru Agindua). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Jazzeko hastapena

1. ariketa: Jazzeko bi obra jotzea, nahi direnak eta estilo kontrastatukoak. Hautagai bakoitzak, hala nahi badu, laguntzaileak eraman ditzake. Epaimahai aztertzaileak egoki dakusanean lanak geldiaraz ditzake.

2. ariketa: erdi mailako ikasle edo ikastalde bati Jazzeko Hastapeneko klase bat ematea. Edukia, batek nahi duena. Sarrera labur bat egin beharko da, eman nahi den klase horren alderdi pedagogiko garrantzitsuenak zein diren esateko. Epaimahai aztertzaileak espezialitateari dagozkion galderak egin eta azalpenak eska ditzake. Proba gehienez ere 20 minutukoa izanen da.

_Antzinako Musikaren Langela

1. ariketa: kasuan kasuko errepertorioko bi obra jotzea, nahi direnak eta estilo kontrastatukoak. Hautagai bakoitzak, hala nahi badu, laguntzaileak eraman ditzake. Epaimahai aztertzaileak egoki dakusanean lanak geldiaraz ditzake.

_Gorputz Teknika eta Mugimendua

1. ariketa: epaimahaiak proposatutako bi gai idatziz garatzea, bata Gorputz Teknikaren irakasgaiarekin zerikusia izanen duena, eta bestea Mugimenduarekin. Eduki horiek Curriculumean deskribatuta daude (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa).

2. ariketa: epaimahaiak proposatutako gai baten gaineko klase bat ematea (15 minutu, gehienez). Sarrera labur bat egin beharko da, eman nahi den klase horren alderdi pedagogiko garrantzitsuenak zein diren esateko. Epaimahai aztertzaileak espezialitatearen gaineko galderak egin eta azalpenak eska ditzake.

3. ariketa: arloko irakasgai bakoitzaren (Gorputz Teknika eta Mugimendua) programazio didaktikoko proposamen bat aurkeztu eta defendatzea (gehienez ere 30 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Gaur Egungo Musika

1. ariketa: izangaiak libreki aukeratutako pieza bat edo batzuk, estilo horretakoak, interpretatzea. (15 minutu, gehienez).

3. ariketa: bere irakasgaiaren programazio didaktiko baten proposamen bat aurkeztu eta defendatzea (gehienez ere 15 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Eszena Lirikoa

1. ariketa: epaimahaiak proposatutako gai bat, irakasgaiarekin zerikusia duena, idatziz garatzea (ikus abuztuaren 27ko 423/2002 Foru Aginduan argitaratutako curriculumeko deskriptoreak, urriaren 11ko Nafarroako ALDIZKARI OFIZIALa).

_Lan Merkatua eta Kudeaketa

IV. ERANSKINA

IV._A) Ondoko taulan zerrendatzen diren Musikako eta Arte Eszenikoetako Irakasleen espezialitateetako izangaiek bakarrik egin ahal izanen dituzte espezialitate bakoitzeko berariazko probak.

Soinu Handia Soinu Handia

Musika Ontzeko Oinarriak _Harmonia eta Melodia lagundua

_Musika ontzea eta tresna musikak

_Bat-batekotasuna, musika-tresnen tonu aldaketa eta akonpainamendua

Harpa Harpa

Kantua Kantua

Klarinetea Klarinetea

Klabea Klabea

Kontrabaxua Kontrabaxua

Korua Koruen eta ahots taldeen zuzendaritza

Orkestra Orkestraren zuzendaritza eta musika tresnen taldea

Fagota Fagota

Moko-txirula Moko-txirula

Zeharkako txirula Zeharkako txirula

Musikaren historia _Folklore musikala

_Musikologia

Gitarra Gitarra

Oboea Oboea

Organoa Organoa

Perkusioa Perkusioa

Musika hizkuntza Musikaren pedagogia

Pianoa Pianoa

Saxofoia Saxofoia

Tronboia Tronboia

Tronpa Tronpa

Tronpeta Tronpeta

Tuba Tuba

Txistua Txistua

Biola Biola

Biolina Biolina

Biolontxeloa Biolontxeloa

IV._B) Goi mailako musika irakasteko berariazko proben ezaugarriak:

_Musika ontzea eta musika tresnak

Arloko irakasgai bakoitzaren (musika ontzea, Kontrapuntua, Instrumentazioa eta Orkestrazioa eta Musika garaikidea) programazio didaktikoko proposamen bat aurkeztu eta defendatzea (gehienez ere 45 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Harmonia eta melodia lagundua

Arloko irakasgai bakoitzaren (Analisia, Harmonia, musika ontze aplikatua eta Organologia eta akustika) programazio didaktikoko proposamen bat aurkeztu eta defendatzea (gehienez ere 45 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Bat-batekotasuna, Musika tresnen tonualdaketa eta Akonpainamendua

Arloko irakasgai bakoitzaren (Kontinuoa, Inprobisazioa, Inprobisazioa eta Akonpainamendua eta Piano osagarria) programazio didaktikoko proposamen bat aurkeztu eta defendatzea (gehienez ere 45 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Folklore musikala

Arloko irakasgai bakoitzaren (Etnomusikologia, Etnomusikologiaren oinarriak, Ikerketaren metodologia, Ahozko tradizioko musika, Notazioa eta Transkripzioa) programazio didaktikoko proposamen bat aurkeztu eta defendatzea (gehienez ere 45 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Musikologia

Arloko irakasgai bakoitzaren (Kantu gregorianoa, Errenazimenduko eta Barrokoko iturri historikoak, Musikaren historia (Musikologia) eta Jazz musikaren historia) programazio didaktikoko proposamen bat aurkeztu eta defendatzea (gehienez ere 45 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Koruen eta ahots taldeen zuzendaritza

Arloko irakasgai bakoitzaren (Korua eta Zuzendaritza aplikatua) programazio didaktikoko proposamen bat aurkeztu eta defendatzea (gehienez ere 30 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Musikaren pedagogia

Arloko irakasgai bakoitzaren (Espezialitatearen didaktika _Kantua eta espezialitate instrumentalak_, Espezialitatearen didaktika _Musika ontzea eta musikologia_, Musikaren didaktika, Talde instrumentalaren didaktika, Psikopedagogia eta Irakasleen praktikak) programazio didaktikoko proposamen bat aurkeztu eta defendatzea (gehienez ere 45 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Orkestrako eta musika-tresnen taldeko zuzendaritza

Arloko irakasgai bakoitzaren (Kontzertazioa, Taldea, Zuzendaritza aplikatua eta Orkestra) programazio didaktikoko proposamen bat aurkeztu eta defendatzea (gehienez ere 45 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Soinu handia, Harpa, Klarinetea, Klabea, Kontrabaxua, Fagota, Moko txirula, Zeharkako txirula, Gitarra, Oboea, Organoa, Perkusioa, Pianoa, Saxofoia, Tronboia, Tronpa, Tronpeta, Tuba, Biola, Biolina, Biolontxeloa eta Txistua

Irakasgaiaren programazio didaktikoko proposamen bat aurkeztu eta defendatzea (gehienez ere 20 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

_Kantua

Arloko irakasgai bakoitzaren (Kantua, Ahots Hezkuntza eta Fonetika eta Hizkuntzak kantuari aplikatuta) programazio didaktikoko proposamen bat aurkeztu eta defendatzea (gehienez ere 35 minutu), Nafarroako curriculumari jarraikiz (abuztuaren 27ko 423/2002 Foru Agindua, urriaren 11ko Nafarroako ALDIZKARI OFIZIALa). Proposamen horren hiru ale aurkeztu beharko dira "Pablo Sarasate" Nafarroako Goi Mailako Musika Kontserbatorioko Idazkaritzan, proba hau egin baino bost egun baliodun lehenago gutxienez.

(Oharra: eranskin honetan zehazten diren proba horiek gainditzen dituzten izangaiak aldi baterako kontratatzeko izangaien zerrendetan aipamen batekin agertuko dira, zeinen bidez jakinaraziko den gainditu duten/dituzten berariazko proba/k. Beraz, izangai guztientzat ezarritako lehentasun hurrenkerari jarraituz deituko zaie, baina gainditutako berariako proba edo probak kontuan hartuz, betiere Goi Mailako Musikan zehaztuko diren zerbitzu beharren arabera).

V. ERANSKINA

Espezialitateei dagozkien irakasgaiak:

A) Bigarren Hezkuntzako Irakasleen Kidegoa:

112 FABRIKAZIO MEKANIKOAREN ANTOLAKETA ETA PROIEKTUAK

ADARRA FABRIKAZIO MEKANIKOA

Erdi maila

10M2 Mekanizazioa:

_Mekanizazioko prozedurak

_Produktu mekanizatuaren ezaugarriak kontrolatzea

_Fabrikazio mekanikoko industrietako segurtasuna

10M3 Soldadura eta galdaragintza

_Garapen geometrikoak metalezko eraikuntzetan

_Kalitatea metalezko eraikuntzetan

_Segurtasuna metalezko eraikuntzen arloko industrietan

Goi maila

10S1 Metalezko eraikuntzak.

_Eraikuntzazko irtenbideak metalezko eraikuntzetan

_Metalezko eraikuntzetako proiektuak garatzea

_Metalezko eraikuntzetako prozesuak definitzea

_Metal-eraikuntzen kalitatearen kudeaketa

_Soldadurarako materialak eta metalurgia

_Metal-eraikuntzen industrietako segurtasun planak

10S2 Proiektu mekanikoen garapena.

_Produktu mekanikoen garapena

_Trokelak, moldeak eta tresneriak

_Fabrikazioaren automatizazioa

_Diseinuaren kalitate-kudeaketa

_Fabrikazio mekanikoko proiektuak

_Fabrikazio mekanikoan erabiltzen diren materialak

10S4 Mekanizazio bidezko produkzioa

_Mekanizatze, konformatze eta muntatze prozesuen definizioa

_Fabrikazio mekanikoaren arloko produkzioaren programazioa

_Fabrikazio mekanikoaren kalitate kontrola

_Fabrikazio mekanikoan erabiltzen diren materialak.

_Fabrikazio mekanikoaren industrietako segurtasun planak

_Proiektu integratua

ADARRA MANTENTZE LANAK ETA PRODUKZIORAKO ZERBITZUAK

Erdi maila

17M1 Makineria eta linea-eroanbideen instalazio eta mantentze elektromekanikoa

_Linea automatizatuen eroapena eta mantentzea.

_Muntatzearen eta prozesuaren kalitatea

_Automatismo elektrikoak, pneumatikoak eta hidraulikoak.

_Segurtasuna ekipoak eta instalazioak jarri eta mantentzerakoan

Goi maila

17S2 Industrietako ekipoen mantentzea.

_Mantentzearen prozesuak eta kudeaketa

_Produkzio sistema automatikoak jarri eta mantentzea.

_Industrietako ekipoa aldatzeko proiektuak.

_Ekipo eta instalazioen mantentzearen eta muntatzearen kalitatea

_Ekipo eta instalazioak mantendu eta muntatzeko segurtasun planak

_Makinen elementuak

17S4 Lanbide arriskuen prebentzioa

_Segurtasun-baldintzen ondorio diren arriskuak

_Informazioaren eta komunikazioaren teknologiak enpresan

_Arriskuen prebentzioa industrietako sektorean

_Arriskuen prebentzioa eraikuntza sektorean

_Arriskuen prebentzioa nekazaritza eta basogintza sektorean

113 ENERGIA SISTEMEN ANTOLAKETA ETA PROIEKTUAK

ADARRA ELEKTRIZITATEA-ELEKTRONIKA

Erdi maila

09M1 Ekipo eta instalazio elektroteknikoak

_Elektroteknia.

ADARRA MANTENTZE LANAK ETA PRODUKZIORAKO ZERBITZUAK

Erdi maila

17M1 Makineria eta linea-eroanbideen instalazio eta mantentze elektromekanikoa

_Muntatzearen eta prozesuaren kalitatea

17M3 Hotz, girotze eta bero instalazioak jarri eta mantentzea

_Hozteko makinak eta ekipoak

_Segurtasuna ekipoak eta instalazioak jarri eta mantentzerakoan

_Ikastetxeak diseinaturiko modulua.

Goi maila

17S3 Eraikineko eta prozesuko instalazioen mantentzea eta muntatzea.

_Instalazioak mantendu eta muntatzeko prozesuak eta kudeaketa

_Bero eta fluido instalazioak eraldatzeko proiektuak

_Eguzki-energiako instalazioak.

_Bero eta fluido instalazioetarako ekipoak

_Irudikapen grafikoa instalazioetan

_Ekipo eta instalazioak mantendu eta muntatzeko segurtasun planak

17S4 Lanbide arriskuen prebentzioa

_Segurtasun-baldintzen ondorio diren arriskuak

_Informazioaren eta komunikazioaren teknologiak enpresan

_Arriskuen prebentzioa industrietako sektorean

_Arriskuen prebentzioa eraikuntza sektorean

_Arriskuen prebentzioa nekazaritza eta basogintza sektorean

019 TEKNOLOGIA

DERRIGORREZKO BIGARREN HEZKUNTZA

Teknologia arloa

BATXILERGOA

Teknologia industriala I eta II

CURRICULUMA FORU DEKRETUA N.A.O.

DBHko Teknologia 61/2002 FD 2002/04/24

Batxilergoko Teknologia Industriala I eta II 62/2002 FD 2002/04/24

B) Lanbide Heziketako Irakasle Teknikoen Kidegoa

206 INSTALAZIO ELEKTROTEKNIKOAK

ADARRA ELEKTRIZITATEA-ELEKTRONIKA

Erdi maila

09M1 Ekipo eta instalazio elektroteknikoak

_Etxebizitza eta eraikinetako instalazio bereziak

_Etxebizitza eta eraikinetako instalazio automatizatuak

_Makina elektrikoen mantentzea

_Barrualdeko instalazio elektrikoak

_Automatismoak eta koadro elektrikoak

09M2 Kontsumoko ekipo elektronikoak

_Oinarrizko instalazioak

Goi maila

09S2 Instalazio elektroteknikoak:

_Eraikinetako instalazio berezietako teknikak eta prozesuak

_Eraikinetako instalazio automatizatuetako teknikak eta prozesuak

_Informatika teknikoa.

_Eraikinetako instalazio elektroteknikoen garapena

09S3 Erregulazio eta kontrol automatikoen sistemak

_Kontrol sekuentzialerako sistemak

_Potentzia-sistema elektroteknikoak

_Sistema sekuentzialen garapena

ADARRA MANTENTZE LANAK ETA PRODUKZIORAKO ZERBITZUAK

Erdi maila

17M1 Makineria eta linea-eroanbideen instalazio eta mantentze elektromekanikoa

_Muntatze eta mantentze elektrikoa

Goi maila

17S2 Industrietako ekipoen mantentzea.

_Sistema elektrikoak eta elektronikoak jarri eta mantentzea

211 MAKINEN MEKANIZAZIO ETA MANTENTZEA

ADARRA FABRIKAZIO MEKANIKOA

Erdi maila

10M2 Mekanizazioa:

_Fabrikazio mekanikoko makinak prestatu eta programatzea.

_Fabrikazio mekanikorako sistema lagungarriak.

_Txirbila erauzizko fabrikazioa

_Abrasio, konformatze eta prozedura berezien bidezko fabrikazioa

10M3 Soldadura eta galdaragintza

_Mekanizazioa metalezko eraikuntzetan.

Goi maila

10S2 Proiektu mekanikoen garapena.

_Fabrikazio mekanikorako proiektuak

10S4 Mekanizazio bidezko produkzioa.

_Fabrikazio mekanikorako kontrol numerikoko makinen programazioa

_Fabrikazio mekanikorako sistema automatikoen programazioa

_Mekanizatze, konformatze eta muntatze prozesuak burutzea

_Proiektu integratua

ADARRA IBILGAILU AUTOPROPULTSATUEN MANTENTZEA

Erdi maila

16M2 Ibilgailuen elektromekanika

_Ibilgailuak mantentzeko mekanizazio teknikak

ADARRA MANTENTZE LANAK ETA PRODUKZIORAKO ZERBITZUAK

Erdi maila

17M1 Makineria eta linea-eroanbideen instalazio eta mantentze elektromekanikoa

_Muntatze eta mantentze mekanikoa.

_Mantentzerako eta muntatzerako mekanizazio teknikak

Goi maila

17S2 Industrietako ekipoen mantentzea.

_Sistema mekanikoa jarri eta mantentzea

_Sistema hidraulikoa eta pneumatikoa jarri eta mantentzea

_Mantentzerako eta muntatzerako fabrikazio teknikak

218 ILE-APAINKETA

ADARRA IRUDI PERTSONALA

Erdi maila

12M2 Estetika pertsonala

_Azkazalen eskultura eta esku eta oinen estetika

12M3 Ile-apainketa:

_Zuzendaritza tekniko-artistikoa

_Higienea, desinfekzioa eta esterilizazioa ile-apainketaren arloan.

_Ilearen kolorea aldatzea.

_Ile-mozketa eta teknika osagarriak.

_Ilearen itxura aldatzea.

_Ilea orraztea, azken ikutuak ematea eta biltzea.

_Manikura eta pedikurako oinarrizko teknikak

226 JATETXEKO ZERBITZUAK

ADARRA OSTALARITZA ETA TURISMOA

Erdi maila

11M1 Sukaldea.

_Zerbitzatzeko eta bezeroaren aurrean janari-edariak prestatzeko oinarrizko teknikak

11M3 Jatetxe eta tabernako zerbitzuak

_Edariak

_Sukaldaritzako oinarrizko teknikak

_Bezeroaren zerbitzurako eta laguntzarako teknikak

Goi maila

11S5 Jatetxea:

_Zerbitzu-prozesuak

_Proiektu integratua

228 SOLDADURA

ADARRA FABRIKAZIO MEKANIKOA

Erdi maila

10M3 Soldadura eta galdaragintza

_Mekanizazioa metalezko eraikuntzetan.

_Taxuketa eta moldaketa metalezko eraikuntzetan.

_Soldadura egurats naturalean.

_Soldadura egurats babestuan.

_Metalezko eraikuntzen muntatzea.

Goi maila

10S1 Metalezko eraikuntzak.

_Metalezko eraikuntzetako prozesuak burutzea

C) Arte Plastikoetako eta Diseinuko Irakasleen Kidegoa

421 IKUS ENTZUNEZKO BALIABIDEAK

Goi maila

39S1 Argazkigintza artistikoa

39S13 Ikus-entzunezko baliabideak

39S16 Ikastetxeak diseinaturiko modulua.

39S18 Proiektu integratua.

39S2 Grafika publizitarioa

39S27 Informatikako baliabideak.

39S29 Ikastetxeak diseinaturiko modulua.

39S2B Proiektu integratua.

VI. ERANSKINA

Nafarroan irakasten diren heziketa zikloak, kasuan kasuko arauak aipatuz

Arte Irakaskuntza:

DISEINU GRAFIKOA

39S1 Argazkigintza artistikoa 1456/1995 ED 1995/10/06 59/1997 FD 1997/04/23

39S2 Grafika publizitarioa 1456/1995 ED 1995/10/06 58/1997 FD 1997/04/23

Berariazko Lanbide Heziketa:

ELEKTRIZITATEA-ELEKTRONIKA

09M1 Ekipo eta instalazio elektronikoak 623/1995 ED 1995/08/17 228/1996 FD 1996/12/02

09M2 Kontsumorako ekipo elektronikoak 624/1995 ED 1995/08/18 274/1996 FD 1996/12/11

09S2 Instalazio elektroteknikoak 621/1995 ED 1995/08/10 151/1997 FD 1997/07/21

09S3 Erregulazio sistemak eta kontrol automatikoak 619/1995 ED 1995/08/08 260/1996 FD 1996/12/23

FABRIKAZIO MEKANIKOA

10M2 Mekanizazioa 2419/1994 ED 1995/02/09 224/1996 FD 1996/10/02

10M3 Soldadura eta galdaragintza 1657/1994 ED 1994/09/27 261/1996 FD 1996/12/04

10S1 Metalezko eraikuntzak 1656/1994 ED 1994/09/27 114/1998 FD 1998/08/24

10S2 Proiektu mekanikoen garapena 2416/1994 ED 1995/02/08 346/1998 FD 1999/03/05

10S4 Mekanizazio bidezko produkzioa 2417/1994 ED 1995/02/08 276/1996 FD 1996/12/11

OSTALARITZA ETA TURISMOA

11M1 Sukaldaritza 2219/1993 ED 1994/03/11 227/1996 FD 1996/12/27

11M3 Jatetxeko eta tabernako zerbitzuak 2221/1993 ED 1994/03/10 273/1996 FD 1997/06/13

11S5 Jatetxea 2218/1993 ED 1994/03/09 359/1997 FD 1998/02/25

IRUDI PERTSONALA

12M2 Estetika pertsonala 630/1995 ED 1995/09/22 277/1996 FD 1997/06/13

12M3 Ile-apainketa 629/1995 ED 1995/09/21 259/1996 FD 1996/12/04

MANTENTZEA ETA PRODUKZIORAKO ZERBITZUAK

17M1 Makinen eta eroangarrien instalazioa eta mantentze elektromekanikoa 2045/1995 ED 1996/02/13 54/1997 FD 1997/04/18

17M3 Hozte, girotze eta berotze instalazioen muntatze eta mantentzea 2046/1995 ED 1996/02/12 53/1997 FD 1997/04/18

17S2 Industrietako ekipoen mantentzea 2043/1995 ED 1996/02/20 55/1997 FD 1997/04/18

17S3 Eraikineko eta prozesuko instalazioen mantentzea eta muntatzea 2044/1995 ED 1996/02/21 30/2003 FD 2003/05/09

17S4 Lanbide arriskuen prebentzioa 1161/2001 ED 2001/11/21 203/2002 FD 2002/12/13

Iragarkiaren kodea: F0418263

Sarbidea

Loturiko estekak

Nafarroako Aldizkari Ofiziala

Paseo Pablo Sarasate, 38, 2.º izda.

31001 - Iruña

848 42 12 50

bon@navarra.es