I. NAFARROAKO FORU KOMUNITATEA
Agintariak eta Langileak
EBAZPENA, 2003ko irailaren 8koa, Funtzio Publikoaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko gizarte hezitzaile izateko 21 lanpostu barne igoerako txanda murriztuan eta oposizio bidez betetzeko deialdian onartu eta baztertu diren izangaien behin betiko zerrenda onetsi eta deialdiko 6.1. atala aldatzen duena.
Funtzio Publikoaren zuzendari nagusiak, 2003ko urtarrilaren 27ko Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko gizarte hezitzaile izateko 21 lanpostu barne igoerako txanda murriztuan eta oposizio bidez betetzeko deialdia onetsi zuen. Deialdi hori 2003ko otsailaren 26ko Nafarroako ALDIZKARI OFIZIALean argitaratu zen, 25. zenbakian.
2003ko apirilaren 14an eman eta urte horretako 65. Nafarroako ALDIZKARI OFIZIALean, maiatzaren 23an, argitaratutako Ebazpenaren bidez, deialdian onartu eta baztertutako izangaien behin-behineko zerrenda onetsi zen.
Erreklamazioak aurkezteko epea amaitu delarik, bidezkoa da onartu eta baztertu diren izangaien behin betiko zerrenda onestea eta Fermín Jesús Oyaga Martínez jaunak aurkeztutako erreklamazioa ez onartzea, izan ere, deialdiko 2.1.d) atalean eskatutako baldintza ez du betetzen.
Bidezko da, halaber, deialdiko 6.1. atala aldatzea eta Langileen Batzordeak Epaimahaian aritzeko izendatu dituen ordezkariak nor diren agertzea.
Horrenbestez, eta Lehendakaritza, Justizia eta Barne kontseilariak abuztuaren 5eko 55/2003 Foru Aginduaren bidez emandako eskurantzak erabiliz,
EBATZI DUT:
1. Nafarroako Foru Komunitateko Administrazioaren eta haren erakunde autonomoen zerbitzuko gizarte hezitzaile izateko 21 lanpostu barneko igoera txanda murriztuan eta oposizio bidez betetzeko deialdian onartu eta baztertu diren izangaien behin betiko zerrenda, eranskinean ageri dena, onestea.
2. Deialdiko 6.1. atala aldatzea, izan ere, oposizioa 2003ko urrian hasiko da. Ikastaroa non eta noiz hasiko den jakinaraziko zaie interesatu guztiei.
Nafarroako Foru Komunitateko Langileen Batzordeak epaimahaian izanen dituen ordezkariak hauexek izanen dira: María Asunción Obregozo Rubio andrea, mahaikide titularra, eta Bakartxo Razkin Bozal, ordezkoa.
4. Ebazpen honen berri ematea mahaikideei eta Nafarroako ALDIZKARI OFIZIALean argitara dadila agintzea, behar diren ondorioak izan ditzan.
Iruñean, bi mila eta hiruko irailaren zortzian._Funtzio Publikoaren zuzendari nagusia, Alberto Andérez González.
E R A N S K I N A
Onartuen eta baztertuen behin betiko zerrenda
Onartuak:
ABAD GUTIERREZ, AVELINA
AGUAS ARANGUREN, MARIA JOSE
ARBELOA LERGA, MARIA JUDITH GEMM
ARRICABERRI VERGARA, MIKEL
AYERRA GURPEGUI, CARMELO
BARBERENA ARSUAGA, JOSE MIGUEL
CAMPISTEGUI MIQUELEIZ, MERCEDES
CEDAZO ZOZAYA, JESUS
CIORDIA BERRUETA, ALFREDO
FERNANDEZ ALVAREZ, FERNANDO
GOGORCENA AOIZ, JESUS TOMAS
GOMEZ FERNANDEZ, F. JAVIER
IZQUIETA ETULAIN, JUAN MIGUEL
MARTIN CARMONA, ANA MARIA
MONTILLA LARRIQUETA, ADELA
OLAVERRI ARANGUREN, RICARDO
YOLDI BENGOA, ANA
ZABALZA DONAZAR, ISABEL
Baztertuak:
2.1.d) atalean eskatutako baldintza betetzen dutela ez frogatzeagatik.
OYAGA MARTINEZ, FERMIN JESUS
Iragarkiaren kodea: A0308933