III. NAFARROAKO TOKI ADMINISTRAZIOA
L A R R A G A
E D I K T U A
Larragako alkate udalburuak, azaroaren 28ko 2568/1986 Errege Dekretuaren 41.3 artikuluak ematen dizkion ahalmenak erabiliz, apirilaren 18ko 781/1986 Legegintzako Errege Dekretuaren 22. artikuluan ezarritako mugak kontuan hartuta, 2003ko ekainaren 19ko 105/03 Ebazpenean alkateorde izendatu ditu honako zinegotzi hauek: lehena, Jesús María Martínez Argaña jauna, eta bigarrena, Esther García Villanueva andrea.
Halaber, kontuan izanik Udal honetako alorrei dagozkien gaien kudeaketa arindu beharra dagoela, zehatzago, Hirigintza, Herrilan eta Ingurumen alorretan, Larragako alkate udalburuak, aipatu Errege Dekretuaren 43. artikuluak ematen dizkion ahalmenak erabiliz, 2003ko ekainaren 19ko 106/03 Ebazpenaren bidez, Hirigintza, Herrilan eta Ingurumen Alorreko delegazio orokorra eman dio Jesús María Martínez Argaña lehen alkateordeari, honako eskumen hauek erabil ditzan: barne-zuzendaritza eta Alorreko zerbitzuen kudeaketa; Alorraren jardun onerako egokitzat jotzen dituen erabakiak proposatzea Alkatetzari eta Osoko Bilkurari; hirugarrenei eragiten dieten arazoak ebaztea, administrazio egintzen bidez, Alorreko gaietan; eta delegazio berezia duten zinegotzien jarduera gainbegiratzea, behar denean, delegazio orokorraren bidez bere ardurapean duen Alorreko zeregin zehatzetarako.
Aditzera ematen da, azaroaren 28ko 2568/1986 Errege Dekretuaren 46.1 artikuluan xedatutakoa betez.
Larragan, bi mila eta hiruko ekainaren hogeita hamarrean. Alkate udalburua, Jesús M. Suescun Molinero.
Iragarkiaren kodea: A0308622
