I. NAFARROAKO FORU KOMUNITATEA
Beste Xedapenak
376/2002 FORU AGINDUA, martxoaren 11koa, Ingurumen, Lurraldearen Antolamendu eta Etxebizitza kontseilariak emana, Funesko Arau Subsidiarioetako 2. eta 6. poligonoetako lurzoru urbanizaezineko lurzati batzuk aldatzeko espedientea, Udalak sustatua, ebazten duena.
Funesko Udalak idazpuruan zehaztutako espedientea aurkeztu du Ingurumen, Lurraldearen Antolamendu eta Etxebizitza Departamentuan, behin betikoz ebatz dadin.
Ikusirik ekarritako dokumentazioa eta Lurraldearen Antolamendu eta Hirigintza Zerbitzuak emandako adostasun txostena, bidezko 2. poligonoko 473., 483., 555., 1040., 1060., 1061., 1192., 1318. eta 1417.A eta 6. poligonoko 56., 57. eta 311. lurzatien aldaketa zehaztapen batzuekin behin betikoz onestea eta 1. gainerakoen onespena ezestea.
Horren ondorioz, Lurraldearen Antolamenduari eta Hirigintzari buruzko uztailaren 4ko 10/1994 Foru Legearen 116. artikuluan xedatutakoari jarraikiz,
AGINDU DUT:
1. Behin betikoz onestea Funesko Arau Subsidiarioak 2. poligonoko 473, 483, 555, 1040, 1060, 1061, 1192, 1318 eta 1417A eta 6. poligonoko 56, 57 eta 311 lurzatietan aldatzeko espedientea, ondoko zehaztapen hauekin:
A. Aldaketa lurzatien lurren kategoriari dagokio soilik. Bertako eraikin eta instalazioen jarduera eta egoera lurzoru urbanizaezineko legeztapen espediente baten bidez legeztatuko dira aparte.
B. Aldaketaren xedea lurraren nekazaritzarako edo larretarako balioa babestea ez denez, ondoko lur hauek generikoen kategorian sartuko dira: 2. poligonoan 473., 483., 1040., 1060., 1061., 1192., 1318. eta 1417.B lurzatiak, eta 555. lurzatiari dagokionez, eraikinek hartutako lurrak; horien barruan sartzen dira haien eta ondoan, iparraldean, ekialdean eta hegoaldean, eraikin horien eta lurzatiaren mugaren artean daudenak; 6. poligonoan, 56. eta 57. lurzatiak, hala nola, 311. lurzatian, eraikinek hartutako lurrak, bidean daudenak barne.
2. Ondoko lurrentzat proposaturiko kategoria ezestea: 6. poligonoko 299. lurzatia, egun dauden eraikinak nekazaritzako ustiapenaren zerbitzura daudela uste delako; 2. poligonoko 1417.A eta 1420. lurzatiak, nekazaritzako ustiapenerako erabiltzen baitira, inguruko lurzatiak bezalaxe; 1426. lurzatia, proposaturiko kategoria justifikatu ez delako; eta 2. poligonoko 555. eta 6. poligonoko 311. lurzatiak, generikoen kategorian ez daudenak eta inguruko ustiategien ezaugarri berberak dituztenak.
3. Foru Agindu honen kontra gora jotzeko errekurtsoa jar daitekeela adieraztea, Nafarroako Gobernuari zuzendua, jakinarazi edo, bestela, Nafarroako ALDIZKARI OFIZIALean argitaratu eta hilabeteko epean gehienez ere, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legeko 114. eta 115. artikuluei jarraikiz. Aldaketa espedientearen kontra, bestalde, administrazioarekiko auzi-errekurtsoa jarri ahalko da Nafarroako Auzitegi Nagusiko arlo bereko Sailari zuzendua, Foru Agindu hau jakinarazi edo Nafarroako ALDIZKARI OFIZIALean argitaratu eta biharamunetik hasita bi hilabeteko epean, Administrazioarekiko Auzien Jurisdikzioa arautzen duen uztailaren 13ko 29/1998 Legearen 10. artikuluan xedatutakoari jarraikiz.
4. Foru Agindu hau Funesko Udalari jakinaraztea eta Nafarroako ALDIZKARI OFIZIALean argitara ematea, behar diren ondorioak izan ditzan.
Iruñean, bi mila eta biko martxoaren hamaikan.-Ingurumen, Lurraldearen Antolamendu eta Etxebizitza kontseilaria, Jesús Javier Marcotegui Ros.
Iragarkiaren kodea: A0207134
