78. ALDIZKARIA - 2002ko ekainaren 28a

I. NAFARROAKO FORU KOMUNITATEA

Herrilanak eta Zerbitzu Publikoak

105/2002 EBAZPENA, urtarrilaren 29koa, Industriako zuzendari nagusiak emana, Vianan goi tentsioko argindar instalazioa jartzeko baimena eman, dagokion proiektua onetsi eta, zehazki, haren onura publikoa adierazten duena.

Ikusirik Iberdrola D.E.S.A.U. enpresak egin duen eskakizuna, ondotik aipatzen diren ezaugarri nagusiak dituen argindar linearen instalazioa baimendu, proiektua onetsi eta, zehazki, bide zortasuna ezartzearren, haren onura publikoa adierazteko, eta ukitutako ondasun eta eskubideen presako okupazioa adieraz dadin:

a) Eskatzailea: Iberdrola D.E.S.A.U.

b) Instalazioa jartzeko tokia: Viana, SA-2 industrialdea.

c) Instalazioaren xedea: SA-2 industrialdearen argindar hornidura hobetzea.

d) Ezaugarri nagusiak: aireko linea, 13,2 KVkoa, Viana STRtik, 6.340 metro, metal eta hormigoizkoak; LA-116-2, zirkuitu bikoitzekoa, 1 eta 2. euskarrien artean; bestea, zirkuitu bakunekoa; "Recajo-Viana"ko 87. euskarriraino, Logroño-Mendabia errepideko 89,9 k.p.an, Vianako mugapean.

e) Nongo materialak: Espainiakoak.

f) Aurrekontua: 17.234.030 pezeta (103.578,61 euro).

Kontuan harturik, horretarako irekitako espedientean behar ziren erregelamenduzko izapidaketak egin direla.

Horiek horrela, Industria eta Teknologia, Merkataritza, Turismo eta Lan kontseilariak urriaren 14an eman eta 1999ko 133. Nafarroako ALDIZKARI OFIZIALean, urriaren 25ean, argitaratutako 572/1999 Foru Aginduaren bidez esleitu dizkidan ahalmenak erabiliz,

EBATZI DUT:

1. Aipatu argindar instalazioa jartzeko baimena ematea.

2. Zehazki, instalazio horren onura publikoa adieraztea, Argindar Sektoreari buruzko azaroaren 27ko 54/1997 Legearen 52., 53. eta 54. artikuluetan eta abenduaren 1eko 1955/2000 Errege Dekretuaren 148. eta 149.etan aipaturiko ondorioekin.

3. Instalazio hori egiteko aurkeztu proiektua onestea eta 12 hilabeteko epea ematea lanak egiteko. Proiektu hori Logroñon datatua da, 2001eko otsailean, Raúl Herráez Fernández industri ingeniari jaunak sinatua.

Ebazpen honen aurka, gora jotzeko helegitea jartzen ahal da, Nafarroako Gobernuari zuzendua, hilabeteko epean, jakinarazi eta biharamunetik aitzina.

Ebazpen honen berri emanen zaie Iberdrola D.E.S.A.U. enpresari, Nafarroako Gobernuko Herrilan, Garraio eta Komunikazio Departamentuari, TelefÍnica S.A. enpresari eta Vianako Udalari, eta Nafarroako ALDIZKARI OFIZIALean argitaratuko da.

Iruñean, bi mila eta biko urtarrilaren hogeita bederatzian.-Industriako zuzendari nagusia, Enrique JimÚnez Goicoa.

Iragarkiaren kodea: A0207127