I. NAFARROAKO FORU KOMUNITATEA
Xedapen Orokorrak. Ebazpenak
2766/2002 EBAZPENA, maiatzaren 17koa, Nafarroako Gizarte Ongizatearen Institutuko zuzendari kudeatzaileak emana, Gizarte Zerbitzu Oinarrizkoen titularrak diren Udal eta Mankomunitateek informatika materiala (ordenagailuak, inprimagailuak, modemak, software lizentziak eta sare-txartelak) erosteko dirulaguntzetarako deialdi publikoa onesten duena.
Nafarroako Gizarte Ongizatearen Institutuko zuzendari kudeatzaileak 2766/2002 Ebazpena eman du, maiatzaren 17an, dirulaguntzetarako deialdi publikoa onesten duena, Gizarte Zerbitzu Oinarrizkoen titularrak diren Udal eta Mankomunitateek informatika materiala eros dezaten. Hona oinarriak:
O I N A R R I A K
1. Helburua. Deialdi honen helburua da Nafarroako Gizarte Zerbitzu Oinarrizkoen titularrak diren toki entitateei aukera eskaintzea euren zerbitzuak informatizatzeko, herritarrei eman beharreko zerbitzuak eta Komunitateko Gobernuari Gizarte Zerbitzuen sistemaren planifikazio lanetan lagundu beharrak direla-eta esleitu zaizkien eginkizunak hobeki bete ahal izateko.
2. Xedea. Deialdi honen babesean, honako hauetarako jasoko da dirulaguntza: udalek eta mankomunitateek Oinarrizko gizarte Zerbitzuetarako erositako mahai gaineko ordenagailuak, eskuko ordenagailuak, inprimagailuak, modemak, software lizentziak eta ekipo informatikoak elkarri konektatzeko sare-txartelen instalazioa, baldin eta ekipoen eta gainerako osagaien ezaugarri teknikoek 1. eranskinean aipatutakoekin bat egiten badute.
2001. urtean erositakoak sartzen ahalko dira, dirulaguntzarik izan ez badute, baita 2002rako aurreikusitakoak ere.
Deialdi honen xedeko informatika ekipamenduaren eta softwarearen instalazio eta mantenimendua ez da inolaz ere Nafarroako Gizarte Ongizatearen Institutuaren eginbeharra izanen.
3.-Betebeharrak. Gizarte zerbitzu oinarrizko baten jabe diren udal edo mankomunitate guztiek hartzen ahal dute parte deialdi honetan, betiere hitzarmena sinatu badute Nafarroako Gizarte Ongizatearen Institutuarekin Gizarte Zerbitzuen erabiltzaileendako informazio sistema ezartzeko (SIUSS).
4.-Agiriak. Udaletako alkatetzak, mankomunitateetako lehendakaritzak edo gizarte zerbitzu oinarrizkoen arduradunak egindako eskabide orokorra edo igorritako posta elektronikoa, deialdiko dirulaguntzak jasotzeko eskatuz.
Erosi edo eskuratu gogo den materialaren ezaugarri teknikoak, I. eranskinean ezarritakoaren arabera.
-Interneten sar daitezkeela egiaztatzen duen agiria, posta elektronikoko helbide bat profesional eta lanpostu bakoitzeko, sare-txartela, ekipo informatikoak elkarri konektatzekoa.
-Udaleko edo mankomunitateko idazkariaren ziurtagiria, haietako Gizarte Zerbitzu Oinarrizkoak egun dituen informatika ekipoak aipatuz. Bertan, honako hau adierazi beharko da: deialdiaren xede ez diren ordenagailu, inprimagailu, modem eta software lizentzien kopurua, eta horiek guztiak noiz erosi ziren.
Nafarroako Gizarte Ongizatearen Institutuak espedientea hobekien ebazteko beharrezkotzat jotzen dituen agiri guztiak eskatzen ahalko ditu.
5. Ebazpena. Nafarroako Gizarte Ongizatearen Institutuko Zuzendaritzak hiru pertsona, Oinarrizko Laguntzaren Atalari eta Antolaketa eta Dokumentazio Atalari atxikiak, izendatuko ditu organo kolegiatu eskuduneko kide, ebazpenaren proposamena egin dezaten. Nafarroako Gizarte Ongizatearen Institutuko Zuzendaritzak, eskabideak aurkezteko epea bukatu eta biharamunetik hilabeteko epean, ebazpena eginen du, dirulaguntza eman edo ukatzeko. Ebazpen horien aurka errekurtso arrunta jartzen ahalko da, Nafarroako Gobernuari zuzendua, jakinarazi eta biharamunetik hilabeteko epean.
6. Irizpideak. Irizpide hauek hartuko dira kontuan balorazioan:
a) Gizarte Zerbitzuen erabiltzaileendako informazio sistemaren erabilera, dagokion Gizarte Zerbitzu Oinarrizkoaren aldetik.
b) Toki entitateak Gizarte Zerbitzu Oinarrizkorako erositako ekipo informatikoak.
c) Gizarte Zerbitzu Oinarrizkoaren lantaldea osatzen duten profesionalen kopurua.
d) Oinarrizko Eskualdeko herri batean baino gehiagotan zuzeneko laguntza zerbitzu programatua ematea hitzorduen bidez, dirulaguntzarako eskaera guztietan, batez ere eskuko ordenagailuen eskabideen kasuan.
e) Nafarroako Gizarte Ongizatearen Institutuaren aurrekontuan dagoen dirua.
7.-Zenbatekoak. Ordenagailua erosteko kostuaren % 85eko laguntza emanen da gehienez ere, SIUSSekin zerikusia duen lanpostu bakoitzeko, zenbateko aurrekontua dagoen ikusita eta ordenagailu garestiena 1.405 eurokoa izanik, mahai gainekoa bada, eta 1.916 eurokoa, eskukoa bada.
Halaber, inprimagailuaren eta software lizentziaren % 85 gehienez ere, zenbateko aurrekontua dagoen ikusita eta inprimagailu garestiena 300 eurokoa izanik, eta software lizentzia 500 eurokoa. Ekipoak elkarri konektatzeko sare- txartelaren instalazioari ere laguntza emanen zaio, sare-txartel bakoitzeko balioaren % 85, gehienez ere, garestiena 30 eurokoa izanik mahai gaineko ordenagailua bada, eta 80 eurokoa eskukoa bada.
8.-Ordaintzeko modua. Esleitutako dirulaguntzak honela pagatuko dira:
a) Gastua aldez aurretik egin duten toki entitateei, Ebazpena ematen denean, baldin eta gastu hori deialdian ezarritako epean egin bada eta eskabidean behar bezala justifikatu bada.
b) Eskaeraren ondotik egiten dutenei, berriz, eskatutako materialak erosi izanaren egiaztagiriak eta erosketaren zenbatekoa aurkeztutakoan.
9.-Frogagiriak. Dirulaguntza ordaintzeko, honako hauek beharko dira bete:
-Dirulaguntza lortu duten elementu guztien ordainagiriak aurkeztuko dira, erositako materialaren ezaugarri teknikoak eta enpresa saltzailearen ziurtagiria, Y eranskinaren arabera.
-Gizarte Zerbitzu Oinarrizkorako sortutako helbide elektronikoa.
Dirulaguntza hauek bateraezinak dira bestelako dirulaguntzekin, haien jatorria edozein dela ere.
10.-Kontusaila. "Gizarte Zerbitzu Oinarrizkoetako ekipamendu txikiak" izeneko 924003 93300 7600 313402 kontusailaren bizkar izanen da gastua, 2002ra luzatu 2001eko aurrekontutik, 32.939,44 euro egiten baitu. Kopuru hori handitzen ahalko da, deialdia ebazteko unean aurrekonturik baldin bada.
11.-Eskabideak aurkezteko epea. Eskabideak eta agiriak aurkezteko epea 30 egun baliodunekoa izanen da, deialdi hau Nafarroako ALDIZKARI OFIZIALean argitaratu eta biharamunetik hasita.
Deialdi honen eta hau burutzeko egintzen aurka, gora jotzeko errekurtsoa jartzen ahal da, Nafarroako Gobernuari zuzendua, argitaratu eta biharamunetik hilabeteko epean, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen 114 eta 115. artikuluekin bat; Lege hori urtarrilaren 13ko 4/1999 Legearen bidez aldatu zen.
Deialdiak aurreikusten ez duen hartan, ekainaren 9ko 8/1997 Foru Legean xedatutakoari jarraituko zaio, Nafarroako Foru Komunitateko Administrazioaren eta haren erakunde autonomoen dirulaguntzak eman, kudeatu eta kontrolatzeko araubide orokorra erregulatzen baitu.
Iruñean, bi mila eta biko maiatzaren hamazazpian.-Zuzendari kudeatzailea, José María Jiménez Bolea.
I. ERANSKINA
-Mahai gaineko ekipoaren ezaugarri teknikoak
-Eskuko ekipoaren ezaugarri teknikoak
-Inprimagailuen ezaugarri teknikoak
-Software lizentziak:
a) Windows 98 sistema eragilea edo bertsio berriagoa
b) Office profesionala
c) Interneteko sarbidea eta posta elektronikoa
d) Sare-txartelak
Mahai gaineko ordenagailua
Ordenagailu pertsonala, ekipamendu honetaz hornitua:
1.-CPU:
-Prozesadorea: Pentium III, 1000 MHz-koa edo gehiagokoa.
-Arkitektura: PCI
-Sarrera/irteerako bus: PCI, ISA. Betiere, PCIra handitzeko aukerarekin.
-Bus lokala: PCI
-N1 aurrememoria: 32 kb
-N2 aurrememoria: 512 kb
-Plaka eusleko memoria: (RAM) 128 Mb gutxienez, 384 Mb-ra handitzen ahal dena, zokalo libre batekin gutxienez.
-Bideoa: bus lokala PCI SVGA, 32 bit-ekoa, 2 mb-ko DRAM, gutxienez.
-Badia kopurua: 2 gutxienez, oinarrizkotik aparte. Eskainitako makinak dituen badia kopurua zehaztuko da, baita okupatuta eskaintzen direnak ere.
-Slot kopurua: 3 gutxienez. Oinarrizkotik aparte eta horietako bi PCI.
-Serieko ate kopurua: abiadura handikoa, UART 16550 araua, 2 gutxienez.
-Paraleloko ate kopurua ECP-EPP euskarriduna, bat bederen. Sagurako irteera, tekladurako irteera.
Eskainitako makinak dituen ataka guztiak zehaztuko dira.
2.-Monitorea: koloretakoa, SVGA motakoa. 15 hazbetekoa, gutxienez, multifrekuentzia, 800x600-eko bereizmena, 72 Hz-ko freskatzea. Kolore kopurua, 256.
3.-Biltegi unitateak.
-Kontrolatzailea: bus PCI, IDE disko finko handitua.
-Disko gogorraren edukiera: 4 Gb gutxienez. Disko gogorrean sartzeko batez besteko denbora, 14 m baino gutxiago.
-Barreneko disketera: 1,44 Mb-ko edukiera, gutxienez; dentsitate gutxikoak irakurtzeko modukoa.
24x-ko CD-ROM irakurgailua edo DVD irakurgailua (aukeran).
4.-Periferikoak: sagua, gaztelaniazko tekladua, osatua.
5.-Konfigurazioa: dorreko edo mahai gainekoa.
6.-Softwarea: Windows 98 edo hobea. Office 97 Profesionala edo hobea eta Panda birus kontrakoa.
7.-Sare-Txartela: mahai gainekoa eta eskukoa.
8.-Erabiltzeko lizentzia: Windows 98 edo hobea, Panda Antivirus, eta Office 97 erabiltzeko lizentzia.
9.-Egokitzaileak: kontuan hartu sare lokala edo jar daitekeela.
Oharrak: gainera, ona da inprimagailua eta kanpoko edo barneko modema (33,6 Kb-koa, gutxienez) izatea posta elektronikoa erabiltzeko, interneten sartzeko.
Eskuko ordenagailua
1.-CPU:
-Prozesadorea: Pentium II, 500 MHz-koa edo gehiagokoa.
-Arkitektura: Isa
-Plaka eusleko memoria: (RAM) 128 Mb gutxienez, 256 Mb-ra handitzen ahal dena, gutxienez.
-Bideoa: SVGA, 32 bit-ekoa, 1 mb-eko DRAM, gutxienez.
-PCMCIA slot kopurua: II. motako 2, III. motako bat bihur daitezkeenak.
-Serieko ate kopurua: abiadura handiko RS-232 bat, gutxienez, 9 pin-ekoa.
-Paraleloko ate kopurua: gutxienez bat, bi norabideko centronic motakoa.
-Irteera, kanpoko saguarentzat eta kanpoko tekladuarentzat.
2.-Monitorea: TFT pantaila koloretakoa; 12,1 hazbeteko diagonala, gutxienez; 640x480-ko VGA bereizmena, gutxienez.
3.-Bateria: gutxienez 2 orduko iraupena duena windows-ekin lan egiteko, energia aurrezteko errutinak aktibatu gabe. Energia kontserbatzeko errutinak izan behar ditu sistemak eta, lanean dagoela, kargatzeko aukera.
4.-Biltegi unitateak.
-Barreneko disketera: 1,44 Mb-koa.
-Barreneko disko gogorraren unitatea: 3 Gb-koa, gutxienez.
-CED-ROMaren barne irakurgailua, 24x abiadurakoa (aukeran).
-Badia kopurua: bi libre, gutxienez.
-Slot kopurua: 2 libre, gutxienez.
5.-PCMCIA: komunikazio analogikoa (sare telefonikora konektatu behar izanez gero).
6.-Software aurrekargatua: Windows 98 edo hobea, konfigurazioko utilitateak, PCMCIAko kudeaketa eta bateria kontrola.
7.-Erabiltzeko lizentzia: Windows 98 edo hobea, Panda Antivirus, eta Office 97 erabiltzeko lizentzia izanen du.
Inprimagailua
Tinta-zorrotadako inprimagailua edo laserduna.
Modema
Barreneko edo kanpoko modema; 33,6 kb-ko transferentzi abiadura, gutxienez.
Iragarkiaren kodea: A0205881
