74. ALDIZKARIA - 2002ko ekainaren 19a

I. NAFARROAKO FORU KOMUNITATEA

Beste Xedapenak

68/2002 EBAZPENA, apirilaren 15ekoa, Unibertsitateetarako eta Hizkuntza Politikarako zuzendari nagusiak emana, Hezkuntza eta Kultura Departamentuaren eta Nafarroako Unibertsitatearen arteko Lankidetza Itunaren testua onesten duena. Itun horren xedea da Iruñean, 2002ko apirilaren 21, 22, 23, 24, 25 eta 26an, Infografiako "Malofiej 2002 - Diez Años" Nazioarteko Sariak antolatzea.

Unibertsitateko Irakaskuntza eta Ikerketa Zerbitzuak proposamena aurkeztu du Hezkuntza eta Kultura Departamentuaren eta Nafarroako Unibertsitatearen arteko Lankidetza Ituna onesteko. Itun horren xedea da Iruñean, 2002ko apirilaren 21, 22, 23, 24, 25 eta 26an, Infografiako "Malofiej 2002 - Diez Años" Nazioarteko Sariak antolatzea. Ekitaldi horren finantzaketan parte hartzeko, 17.147 euro bitarteko gastua baimentzea proposatu du, hots, kalkulatu den kostu osoaren % 20.

Hezkuntza eta Kultura kontseilariak ekainaren 29an eman 255/2000 Foru Aginduaren bidez esleitu dizkidan ahalmenak eta eskuordeturik ditudan eskurantzak erabiliz,

EBATZI DUT:

1. Hezkuntza eta Kultura Departamentuaren eta Nafarroako Unibertsitatearen arteko Lankidetza Itunaren testua onestea. Itun horren xedea da Iruñean, 2002ko apirilaren 21, 22, 23, 24, 25 eta 26an, Infografiako "Malofiej 2002 - Diez Años" Nazioarteko Sariak antolatzea.

2. Nazioarteko ekitaldi horren finantzaketan parte hartzeko, hala nola haren emaitzak zabaldu eta argitaratzeko, 17.147 euro bitarteko gastua baimentzea, hots, kalkulatu den kostu osoaren % 20.

3. Gastuen finantzaketa 2001etik 2002ra luzatutako aurrekontuko 441000-43100-41000-4810-422402 kontusailaren kargura eginen da ("Irabazi asmorik gabeko eta unibertsitate hedapeneko erakundeekin akordioak eta hitzarmenak egitea"). Gehienez ere 17.147 euro izanen dira.

4. Ebazpen hau eta Lankidetza Itunaren testua Nafarroako ALDIZKARI OFIZIALean argitaratzea.

5. Ebazpen hau eta Lankidetza Itunaren testua igortzea Nafarroako Unibertsitatera, Ekonomi eta Ogasun Departamentuak Hezkuntza eta Kulturakoan duen kontu-hartzaile delegatuari, Unibertsitateetarako eta Hizkuntza Politikarako Zuzendaritza Nagusira, Unibertsitateko Irakaskuntza eta Ikerketa Zerbitzura, Goi Mailako Ikasketen Atalera, Aurrekontu eta Kudeaketa Ekonomikoaren Atalera, Goi Mailako Ikasketen Bulegora, Administrazio Orokorreko Bulegora eta Kudeaketa Ekonomikoaren Bulegora, behar diren ondorioak izan ditzaten.

Iruñean, bi mila eta biko apirilaren hamabostean.-Unibertsitateetarako eta Hizkuntza Politikarako zuzendari nagusia, Pedro Pegenaute Garde.

HEZKUNTZA ETA KULTURA DEPARTAMENTUAREN ETA NAFARROAKO UNIBERTSITATEAREN ARTEKO LANKIDETZA ITUNA, IRUÑEAN, 2002KO APIRILAREN 21ETIK 26RA, INFOGRAFIAKO "MALOFIEJ 2002 - DIEZ AÑOS" NAZIOARTEKO SARIEN X. EDIZIOA ANTOLATZEKO

Iruñean, 2002ko apirilaren 15ean.

Bildurik:

Alde batetik, Pedro Pegenaute Garde jauna, Nafarroako Gobernuko Hezkuntza eta Kultura Departamentuko Unibertsitateetarako eta Hizkuntza Politikarako zuzendari nagusia.

Bestetik, Manuel Casado Velarde jauna, Nafarroako Unibertsitateko Irakasleen errektoreordea, Unibertsitatearen izenean eta bertako errektoreak delegaturik,

Azaldu dute:

1.-Nafarroako Gobernuko Hezkuntza eta Kultura Departamentuak eta, bereziki, Unibertsitateetarako eta Hizkuntza Politikarako Zuzendaritza Nagusiak interesa dutela Iruñean "Malofiej 2002 - Diez Años" ekitaldia egiteko, Nafarroako Unibertsitateko Komunikazio Fakultateak antolaturik. Ekitaldi horren barrenean hiru programa daude: 1) Infografiako Nazioarteko Lehiaketa (Infografiako Nazioarteko Sariak); 2) Profesionalentzako lantegi aurreratua (Show Don't Tell); eta 3) Espezialitateko Mundu mailako Kongresua (Infografiako Mundu Biltzarra). Iruñean eginen da, 2002ko apirilaren 21etik 26ra.

2.-Ekitaldi hori sartzen dela Unibertsitateetarako eta Hizkuntza Politikarako Zuzendaritza Nagusiak duen planteamenduan, alegia, unibertsitateko komunitatearentzat eta oro har, nafar guztientzat interesgarriak diren gaiak aztertu eta zabaltzeko Nafarroako unibertsitateekin eta irabazi asmorik gabeko bestelako entitateekin itunak ezartzeko duen horretan.

3.-Kontuan harturik ekitaldia nazioartekoa izanen dela eta Nafarroako Unibertsitateko Komunikazio Fakultatean ikusizko kazetaritzaren programa garrantzitsu bat garatzen ari direla (zalantzarik gabe Espainian garrantzia handiena duena eta munduko garrantzitsuenetakoa), eta ekitaldi hori egiteko gastu handiak izanen direla, Hezkuntza eta Kultura Departamentuak konpromisoa hartzen du horren finantzaketan laguntzeko, gehienez 17.147 eurorekin.

Erabaki dute:

1. Nafarroako Gobernuak laguntza emanen du "Malofiej 2002 - Diez años" Nazioarteko Sarien ekitaldirako. Nafarroako Unibertsitateko Komunikazio Fakultateak antolatuko du ekitaldia. Ohorezko Batzordeko buru Nafarroako Gobernuko lehendakari Miguel Sanz Sesma jauna izanen da.

2. "Malofiej 2002 - Diez años" ekitaldian ordezkari hauek bilduko dira:

-Ohorezko Batzordea: Miguel Sanz Sesma jauna, Nafarroako Gobernuko lehendakaria; Yolanda Barcina Angulo andrea, Iruñeko alkatea; José María Bastero de Eleizalde jauna, Nafarroako Unibertsitateko errektorea.

-Batzorde akademikoa: Pedro Pegenaute Garde jauna, Nafarroako Gobernuko Unibertsitateetarako eta Hizkuntza Politikarako zuzendari nagusia; Manuel Casado Velarde jauna, Nafarroako Unibertsitateko Irakasleen errektoreordea.

-Batzorde antolatzailea: José Remigio Múgica Navarro jauna, Nafarroako Gobernuko Unibertsitateko Irakaskuntza eta Ikerketa Zerbitzuko zuzendaria, mahaikde; Javier Errea Múgica jauna, SNDko Kapitulu Espainiarreko burua eta Edizio eta Proiektuetako irakasle elkartua Nafarroako Unibertsitatean, Batzorde Antolatzaileko buru; Alfonso Sánchez Tabernero jauna, Nafarroako Unibertsitateko Komunikazio Fakultateko dekanoa, mahaikide; Miguel Urabayen Cascante jauna, Nafarroako Unibertsitateko Ikusizko Komunikazioko irakasle emeritua, mahaikide; Pablo Ramírez Bañares jauna, Infografiako burua, Recoletos Taldekoa, mahaikide; Antoni Piqué Fernández jauna, Kazetaritza Proiektuen Departamentuko zuzendariordea Nafarroako Unibertsitatean, mahaikide.

3. Nafarroako Unibertsiteak, Komunikazio Fakultatearen bitartez, konpromisoa hartzen du 2002ko apirilaren 21, 22, 23, 24, 25 eta 26an Iruñean eginen diren jardueren Programa garatzeko. Emaitzak eta azkeneko ondorioak bildu eta Nafarroako Gobernuko Unibertsitateetarako eta Hizkuntza Politikarako Zuzendaritza Nagusira kopia bat igorriko du.

4. Nafarroako Unibertsitateak hartutako konpromisoen truke, Nafarroako Gobernuak dirulaguntza bat emanen du ekitaldi hori finantzatzeko, gehienez ere 17.147 eurokoa, hots, kalkulatutako kostu osoaren % 20. Bidezko frogagiriak aurkeztu ondoren, Unibertsitateetarako eta Hizkuntza Politikarako Zuzendaritza Nagusiak dagokion diru transferentzia eginen du, 2001etik 2002ra luzatutako aurrekontuko 441000-43100-41000-4810-422402 kontusailaren kargura eginen da ("Irabazi asmorik gabeko eta unibertsitate hedapeneko erakundeekin akordioak eta hitzarmenak egitea").

5.-Itun honetan xedatutakoa bete dadin, jarraipen batzorde bat osatuko da, ondoko kide hauekin:

Nafarroako Gobernuko kideak:

-Pedro Pegenaute Garde jauna, Unibertsitateetarako eta Hizkuntza Politikarako zuzendari nagusia.

-José Remigio Múgica Navarro jauna, Unibertsitateko Irakaskuntza eta Ikerketa Zerbitzuko zuzendaria.

Nafarroako Unibertsitateko kideak:

-Manuel Casado Velarde jauna, Irakasleen errektoreordea.

6. Itun honek izaera administratiboa du eta, hortaz, itundutakoa interpretatu eta aplikatzerakoan ager daitezkeen desadostasun guztiak Unibertsitateetarako eta Hizkuntza Politikarako Zuzendaritza Nagusiak ebatziko ditu; haren ebazpenen aurka administrazioarekiko auzi-errekurtsoa jarri ahalko da, Nafarroako Auzitegi Nagusiko Administrazioarekiko Auzien Sailari zuzendua, gora jotzeko errekurtsoa, Nafarroako Gobernuari zuzendua, jarri ondoren.

7. Itun honek sinatu eta biharamunean hartuko du indarra.

Eta adostasuna adierazteko, Lankidetza Itun hau sinatu dute aurretik adierazitako egun eta tokian.

Nafarroako Gobernuaren aldetik, Pedro Pegenaute Garde jauna. Unibertsitateetarako eta Hizkuntza Politikarako zuzendari nagusia.

Nafarroako Unibertsitatearen aldetik, Manuel Casado Velarde jauna. Irakasleen errektoreordea.

Iragarkiaren kodea: a0204524