I. NAFARROAKO FORU KOMUNITATEA
Herrilanak eta Zerbitzu Publikoak
55/2002 EBAZPENA, urtarrilaren 15ekoa, Industri zuzendari nagusiak emana, Iberdrola D.E.S.A.U. enpresari Tiebas-Muru Artederretan eta Biurrun-Olkotzen goi tentsioko instalazio elektrikoa jartzeko baimena eman, dagokion proiektua onetsi eta, zehazki, haren onura publikoa deklaratzen duena.
Ikusirik Iberdrola D.E.S.A.U. enpresak egin duen eskakizuna, ondotik aipatzen diren ezaugarri nagusiak dituen linea elektrikoaren instalazioa baimendu, proiektua onetsi eta, zehazki, bide zortasuna ezartzearren, haren onura publikoa deklaratzeko, eta ukitutako ondasun eta eskubideen presazko okupazioa deklara dadin:
a) Eskatzailea: Iberdrola D.E.S.A.U.
b) Instalazioa jartzeko tokia: Tiebas-Muru Artederreta eta Biurrun-Olkotz. p.c) Instalazioaren xedea: Harinas Guría, S.A. handitzearen ondoriozko linea elektrikoen barianteak jartzea.
d) Ezaugarri nagusiak: 66 kV-ko "Cordovilla-Tafalla I" aireko linearen bariantea, 00-58 euskarritik, 230 metrokoa, metalezkoa, LA-110, 00-59 euskarrian bukatzeko. Biko zirkuituko tartea, LA-175, 00-59 euskarriaren eta aurreko linearen eta "Cordovilla-Recajo" linearen 00-60 bis euskarriaren artean, metalezkoak. Zirkuitu bakuneko tartea, LA-110, 00-60 bis euskarritik, metalezkoa, 196 metrokoa, "Cordovilla-Recajo" linean, 00-67 euskarrian amaitzeko.
Deribazio bikoitza 00-60 euskarritik, 52 metrokoa, "Harinas Guría, S.A." S.T.R. berrian amaitzeko eta Biurrun S.T.R.en elikadura berritzea, Tiebas-Muru Artederretan eta Biurrun-Olkotzen.
e) Nongo materialak: nazionalak.
f) Aurrekontua: 10.152.052 pezeta (61.015,06 euro).
Kontuan harturik, horretarako irekitako espedientean behar ziren erregelamenduzko tramiteak bete direla.
Horiek horrela, Industria eta Teknologia, Merkataritza, Turismo eta Lan kontseilariaren urriaren 14ko 572/1999 Foru Aginduaren bidez (133. Nafarroako ALDIZKARI OFIZIALa, 99-10-25ekoa) esleitu zaizkidan ahalmenak erabiliz,
EBATZI DUT:
1. Aipatu instalazio elektrikoa jartzeko baimena ematea.
2. Zehazki, instalazio horren onura publikoa deklaratzea, Sektore Elektrikoari buruzko azaroaren 27ko 54/1997 Legearen 52., 53. eta 54. artikuluetan eta abenduaren 1eko 1955/2000 Errege Dekretuaren 148 eta 149.etan aipaturiko ondorioekin.
3. Instalazio hori egiteko aurkeztu proiektua onestea eta 12 hilabeteko epea ematea lanak egiteko. Proiektu hori Iruñean datatua da, 2001eko urtarrilean, Francisco Iráizoz Indaberea industri ingeniari teknikoak sinatua.
Ebazpen honen aurka, gora jotzeko errekurtsoa jartzen ahal da, Nafarroako Gobernuari zuzendua, hilabeteko epean, jakinarazi eta biharamunetik aitzina.
Ebazpen honen berri emanen zaie Iberdrola D.E.S.A.U.ri, Nafarroako Gobernuko Herrilan, Garraio eta Komunikazio Departamentuari, eta Tiebas-Muru Artederretako eta Biurrun-Olkozko Udalei, eta Nafarroako ALDIZKARI OFIZIALean argitaratuko da.
Iruñean, bi mila eta biko urtarrilaren hamabostean.-Industri zuzendari nagusia, Enrique Jiménez Goicoa.
Iragarkiaren kodea: A0200571
